الحاصل شنو يا شوارع الخرطوم الغلط من منو من سائق العربة او منك كل ما اقرا حاجة اجد خبر نعي اليم انتقل الي جوار ربه اثر حادث حركة اليم اول ما افكر فيهو شارع مدني يقاطعني المذيع لا حادث حركة داخل مدينة الخرطوم قالوا شنو الناس بقت تهبر هبر بالعربات خصوصا بعد ما البلد اتملت بالعربات الاتوماتيكية اوكي يا روح امك ود اسماعيل الازهري دكتور محمد راجل فاهم وواعي اوي رحمه الله يعني كان بيسوق بتهور دا كان بيسوق من عمره خمسة سنين انا شخصيا كنت بروح فيها عام الفين وثلاثة بعد ما انتهت مناسبة عرس واحد من عندنا في بانت طلب منا اشخاص اعزاء قوي توصيلهم الي اركويت وكانت السيارة تيكو كانت الساعة حوالي الواحدة ليلا يعني الحركة عسل وفي جنوب مستشفي الخرطوم حيث كانت العربة تتجه نحو الشرق اي الي شارع المطار ظهرت فجاة سيارة متعطلة في وسط الطريق وبالطبع عربات ماشة وتانية جاية كانت موتة محققة محققة محققة ولكن يبدو لسع في باقي روح اخذت السيارة بكاملها في اتجاه المستشفي اي علي شمال الشارع وخرجت السيارة وانحرفت من الشارع والا كنت دخلت توش في العربية المتعطلة قدامي يعني لولا كانت الساعة واحدة صباحا والناس كلها اتلمت لكان رحت فيها او راح فيها كوم من البشر اترحم علي الاخ الفقيد عبدالمنعم موسي غفر الله وادخله فسيح الجنان
08-14-2006, 11:33 AM
Dr.Saeed Zakarya Saeed Dr.Saeed Zakarya Saeed
تاريخ التسجيل: 12-09-2005
مجموع المشاركات: 1706
فى حادث حركة مروع إرتحل إلى رحمة مولاه الدكتور الشيخ الولى محمد مقبول
فى حادث حركة مروع بالخرطوم بعد أن جاءها مقيماإرتحل إلى رحمة مولاه الدكتور الشيخ الولى محمد مقبول القاضى وأستاذ القانون بالسودان وعمان والأردن فهو فقد للوطن وفقد لأهله وذويه بالسروراب غربا وشرقا وآل الشيخ قريب الله والساده السمانيه...فالعزاء لهم أجمعين وربنا يتغمضه بشآبيب رحمته ويبعثه فردوسه الأعلى صديقا شهيد ويلهم آله وذويه الصبر والسلوان فادعوا له يغفر لكم الله.............................
منصور (عدل بواسطة munswor almophtah on 10-08-2006, 05:40 م)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Dr.Saeed Zakarya Saeed
فيس بوك
تويتر
انستقرام
يوتيوب
بنتيريست