|
نبارك للباشمهندس بدري محمد بدري
|
الخطوبة ...
مع انو قلبو اخضر و لسه في ريعان شبابه ، لكن نسوي شنو ، اصر الّا يخش القفص الفضي . اخدتا اثنا او في قبولك كمان و الله يا حبيبنا .
( كان بدري عليك ) ...
عموما الف الف مبروك الخطوبة يا بدري و عقبال للقفص الذهبي ان شاء الله .
|
|
|
|
|
|
|
|
Re: نبارك للباشمهندس بدري محمد بدري (Re: حمد فتح الرحمن)
|
قلت يا اخواني منو الباشمهندس بدري محمد بدري ده... اتاريه "بدري عليك" زي ما بناديه نادر... بركه يا يمه عجبنا ليك يا بدري... بس وريني العروس منو عشان أحذّرها منّك... امانة يا بدري تسلم على الحاجة... وتبارك ليها بدلي...
حمد.. عقبال تتأهل لدور لنصف النهائي... واكتب ليك التهنئة بإيدي...
اسمعوا.. استشرتوا عمكم تنقو ولا شغالين براكم انتو الاتنين؟
بنت الحسين
| |
|
|
|
|
|
|
Re: نبارك للباشمهندس بدري محمد بدري (Re: حمد فتح الرحمن)
|
حمد سرن اقمندو انت متأكد من كلامك دا بالجد ولدنا بدري قرر يطلق العزوبية مين سعيدة الحظ دي يا بدري يا عريس مسكاقمي عايزين حفلة بيوسف خيري نرقص ويرقص عمدان الشارع معانا تهانينا والف الف مبروك والله يعمر بيتكم ويسعدكم
| |
|
|
|
|
|
|
Re: نبارك للباشمهندس بدري محمد بدري (Re: حمد فتح الرحمن)
|
يا جماعة والله أنا لي زمن ما دخلت هنا لاكين لما شفت الشمار غلبني..
غايتوو لو طلع بدري محمد بدري الفي بالي ،،،، قبل كل شيئ بقول ليهوو ألف ألف مبروووك وربنا يتمم على خير...
ويا بدري شنوو الحاصل نفس الجماعة الزمان ولا تسجيلات جديدة
غايتوو لو جليت الجماعة بتاعين البانثر اديني خبر انا بخش في مكانك طوالي وجااااهز ولو عايز خلوو كمان جاهزين
شريف،،،،
| |
|
|
|
|
|
|
Re: نبارك للباشمهندس بدري محمد بدري (Re: حمد فتح الرحمن)
|
مساء ذاك اليوم تلقيت رسالة من بدري .. تقول الرسالة .. يا معتصم أنا خطبت عقبالك يا حبيب .. لا أقدر أوصفلك ساعتها كم كانت فرحتي وسعادتي يا حمد بهذا الخبر .. سارعت بالإتصال عليه رد في الطرف الثاني والفرحة لا تسعه وأنا كذلك .. قلت ليه مبروك يا بدري .. ربنا يتم ليك على خير ويسعدك ويهنيك يا صديقي .. قال لي .. وإنت كمان ربنا يسعدك بي بنت الحلال .. ربنا يجعل أيامكم كلها أفراح .. عقبالك يا حمد وكل الأحباب ..
| |
|
|
|
|
|
|
Re: نبارك للباشمهندس بدري محمد بدري (Re: معتصم دفع الله)
|
معتصم كيفك عقبال عندك ان شاء الله عارف من شوية بتكلم مع بدري عشان اشوف طيارتو حتصل الساعة كم ؟
اها يا بدري حتكون هنا الساعة كم ؟ و الله يا حمد اجلت السفر شوية ياخ خير ان شاء الله الحاصل شنو ؟ و الله عندي شغلات لسه ما خلصتها ياخ و عندي زحمة برنامج و حالة صعبة و الله قوتا ليهو ظروفك مقدرة يا بدري بس الله يكون في عون امك و ابوك الهنا ديل و قوتا ليهو اسه بعد بكرة حنسمعك تقول لينا و الله البلد ماشة لي قدام و الواحد لو لقي شغلة في السودان ما بطال و الكلام الميت البنسمعو كل ما الواحد يجي خاطب جديد
| |
|
|
|
|
|
|
Re: نبارك للباشمهندس بدري محمد بدري (Re: حمد فتح الرحمن)
|
والله لكن لقب باش مهندس بقى هامل سااااااااااااااااااااي.. والغريبة بيصرفوهو ساااااااااااااااااااااااااااااااي.. والله لو بدري باشمهندس معناها حميدة ده استاذ مساعد عديييييييييل .. مبروك لي بدري (بدون القاب) ومرحباً بي جيل الثمانينات في خطواتهم نحو الزواج .. والظاهر يا بدري تغيير ارقام الموبايل جابت حقها .. كما إنو البدلة البتجي بيها الرياض عملت شغل كويس.. الحالة الكرفتة حمرا !!!! يا زول مبروك وعقبال اي حاجة ..
| |
|
|
|
|
|
|
Re: نبارك للباشمهندس بدري محمد بدري (Re: عمر الفاروق)
|
عمر الفاروق
Quote: والله لكن لقب باش مهندس بقى هامل سااااااااااااااااااااي.. والغريبة بيصرفوهو ساااااااااااااااااااااااااااااااي.. |
ياخي انتا اصو ما عندك اشاالله خير من قولة تيت
Quote: والله لو بدري باشمهندس معناها حميدة ده استاذ مساعد عديييييييييل .. |
و الله حميدة دا استاذ مساعد في باصات المحس ما اقبل بيهو يا زول ابننا بدري دا مهندس و مدير شركة كمان و الله جد
| |
|
|
|
|
|
|
Re: نبارك للباشمهندس بدري محمد بدري (Re: حمد فتح الرحمن)
|
و انا اقول .. مالكم ما ( اتخمخمتوا و اتلملمتوا ) .. وجيتو ( الســـــــــــــماية ) .. تراها عندكم ( خطوبة ) .. طيب .. ( مبروك ) يا بدري .. ومبروك ( لجيل الثمانينات ) .. وهو يمارس ( زمانه ) .. وعقبال ( الكومر ) و ( التريلة ) و ( بص ابو رجيلة ) .. !!
والله يا حمد .. فاتك جنس ( ضلع ) في السماية ..
| |
|
|
|
|
|
|
|