|
Re: استقاله من سودانيز اون لاين (Re: هشام كمال)
|
الأخ العزيز هشام كمال
لا تغادر هذا المكان للتصدي معنا لأمثال كاتب التعليق أعلاه و هم كثر. الإستقالة هي الإنهزام بعينو و هو قمة ما يتمناه أمثال هؤلاء
هشام ألتقينا في منزلنا ببري اللاماب بمعية جلال الجميل و نفر كريم من ساورا. لا تغادر فأنت أولى بالبقاء هنا من هؤلاء المعوزيين الذين ليس لديهم شئ يقولونه أو يقدمونه لنا.
مرتضى جعفر
| |
|
|
|
|
|
|
Re: استقاله من سودانيز اون لاين (Re: garjah)
|
العزيز هشام تحية طيبة ان يكون لك موقف تجاة ما كتبة العضوء المذكور اعلاة هذا من حقك ولكن ان تتركك المنبر بسبب ذلك هذا هو الخطاء وهذا المنبر بة كل الوان الطيف وايصا يوجد الكثير من يقرا لك ويستمع اليك ولانك فنان بتعرف كيف تقيم الجمال جيدا وهذا المنبر يربطنا بة المستوى الجمالى فية ويربطنا بة مستوى العلاقات الجيدة التى اكتسبناها منذ ولوجنا الية كن معنا فنحن نحتاجك ضد التشوة نحتاجك حتى يرتفع المستوى الجمالى فى هذا المنبر ,,, و كن بخير
| |
|
|
|
|
|
|
Re: استقاله من سودانيز اون لاين (Re: هشام كمال)
|
ويعنى اى زول يقول حاجة تبقى خلاص صاح ؟؟؟؟
لازم تحدد اهدافك الجايي عشانها يا هشام وتصمد تجاها
كلنا جديدين ،،، لكن ما مدلعيين زيك كدا ،،، يعنى
انا هسه لو قلت ليك السودان دا ذاتو ادبخانة تقوم تحردو لى ؟؟؟
اصلو انا من الله خلقنى ما شفت لى ود مدلع ذى دا !!!
وبالمنطق دا ذاتو يعنى انت هسه ح تاخد بى لستة قرجة دى ؟؟
شفت الناس بقو يتعاملو معاك كيف ؟؟؟ يقولو ليك الكلام وانت تعمل بى ..
طيب انت اشتركت لى شنو؟؟ عشان تقول شنو ؟؟ لو ما بتقدر تدافع عن كلاماتك
وترد على الناس البتتكلم فارغ ببقى انا بحييك على قرارك الصائب
| |
|
|
|
|
|
|
Re: استقاله من سودانيز اون لاين (Re: هشام كمال)
|
. أخي وقريبي الفنان هشام ســـــــــــــــلام .. المنتدى ده زي ما مكتوب في شعارو ( وطن )..... والوطن بتلقى فيهو ( الصالح ) و ( الطالح ).. ياخي انت في الحلة القاعد فيها بس ممكن تلقي ليك واحد او اتنين ينغصوا ليك حياتك لو بقيت تحتك بيهم فما بالك بمنتدى يضم في عضويته اكتر من أربعة آلاف عضو.. احسن حاجة تعملها انك تتحاشى هؤلاء الذين ( يوترون ) الأعصاب .. وحتلقى مئات الناس الرائعين .. يا ريت تتبع السياسة دي .. وخليك هنا خليك ..بلاش تفارق زي ما قالت وردة تحياتي .. .
| |
|
|
|
|
|
|
Re: استقاله من سودانيز اون لاين (Re: hatim ibrahim)
|
الرائع الأستاذ هشام
أنا عاوز أقول ليك إني مــريت بنفس تجربتك وفي أول 10 يوم في المنبر
وقلت تاني ده طرفي من المنابر ..لكن تعرف إني في اللحظة ديك
كنت بعاين للجانب المظلم وبس في المنبر.. ونسيت (كمية الناس الحلوة) و(الآراء) و(المعرفة القيمة) والعلاقات الحا أكتسبها بوجودي بجانبهم الناس النسيت وجودهم واللي هم بيخوضوا حرب ضد مــا تراه أنت فعلا قبيح .
أضف لذلك أنني كنت سأخرج مهزوما من أشخاص ينبغي أن أساهم مع غيري في تصويبهم إذا كنت أنا علي صواب ..هذه الأقوال قيلت لي وآمنت بها تماما
ونفس هذه الأسماء التي تترجاك بعدم الذهاب هي التي ترجتني بالأمس..وإستجبت لها بدافع أنني
يا دوبك جديد وما بعرف حاجة
لكن تأكد أنه أول الطريق..
وطويل جدا ..فتحمل
مش إنت القلت (أدونا رأيكم)! في أول بوست ليك؟
رأينا تقعد معانا وما تمشي
وطول بالك وصلح المعووج مع الناس دي.
| |
|
|
|
|
|
|
Re: استقاله من سودانيز اون لاين (Re: عصام أحمد)
|
Quote: كنت بعاين للجانب المظلم وبس في المنبر.. ونسيت (كمية الناس الحلوة) و(الآراء) و(المعرفة القيمة) والعلاقات الحا أكتسبها بوجودي بجانبهم الناس النسيت وجودهم واللي هم بيخوضوا حرب ضد مــا تراه أنت فعلا قبيح .
أضف لذلك أنني كنت سأخرج مهزوما من أشخاص ينبغي أن أساهم مع غيري في تصويبهم إذا كنت أنا علي صواب ..هذه الأقوال قيلت لي وآمنت بها تماما |
الاخ عصام وكل الا خوه المتداخلين كثيرا ما تدفعك اشياء للتصرف بشكل خالى من الحكمه ولكن السعيد هو الذى يجد من يسلط له الضوء فى الطريق و اعتقد انى قد وجدت كثيرين اناروا لى مساحات العتمه .الاخت دينا المسأله ما دلع وحياتك لكن المسأله خوف على آخر صاموله مربوطه انها تتفك شكرا لكم جميعا .[/B]
| |
|
|
|
|
|
|
Re: استقاله من سودانيز اون لاين (Re: هشام كمال)
|
Quote: ويعنى اى زول يقول حاجة تبقى خلاص صاح ؟؟؟؟
لازم تحدد اهدافك الجايي عشانها يا هشام وتصمد تجاها
كلنا جديدين ،،، لكن ما مدلعيين زيك كدا ،،، يعنى
انا هسه لو قلت ليك السودان دا ذاتو ادبخانة تقوم تحردو لى ؟؟؟
اصلو انا من الله خلقنى ما شفت لى ود مدلع ذى دا !!!
وبالمنطق دا ذاتو يعنى انت هسه ح تاخد بى لستة قرجة دى ؟؟
شفت الناس بقو يتعاملو معاك كيف ؟؟؟ يقولو ليك الكلام وانت تعمل بى ..
طيب انت اشتركت لى شنو؟؟ عشان تقول شنو ؟؟ لو ما بتقدر تدافع عن كلاماتك
وترد على الناس البتتكلم فارغ ببقى انا بحييك على قرارك الصائب |
اخ منك انت ..جدعه خالص وسودانيه من زمن بعيد ..معزره للدخول left , بس عجبني الحديث
| |
|
|
|
|
|
|
Re: استقاله من سودانيز اون لاين (Re: هشام كمال)
|
يا شاب
البيحصل هنا دا عادى جدا و لانو كلو هنا بيعبر عن نفسه وماهيته
وناس علم النفس قالوا الشخصية الحقيقية للفرد تظهر فى حالتى الفرح والغضب وقرض على الاخيرة دي ..
عشان كده جميع انماط وانواع الشخصيات بتلقاها فى البورد..
وخلى بالك طويل , سلبة , عشان تتحمل الردود والتعليقات والكتابات البنتكتب فى البورد
ونصيحة اخوية
تقبل الذات على ماهيه علية وتقبل الاخرين على ماهم عليه, ومن ثم نبدأ بالتغيير
(مبدأ من مباديء علم النفس العام)
واصل ابدء اراءك بكل صراحة , ولا تنزعج من احد
| |
|
|
|
|
|
|
Re: استقاله من سودانيز اون لاين (Re: هشام كمال)
|
يا هشام طالع كلام دينا خالد كويس فهو القول الفصل
ثم منو القال ليك الأدبخانة ما مريحة الا يسمونها بيت الراحة ونسميها المستراح
أكرب صلبك ياولد وأبقى لهزيمة { العوج البيدور ويلف } لتخريب المنبر وصرفه عن دوره النضالي والتنويري
| |
|
|
|
|
|
|
|