|
|
|
 Re: شرف الاهليه (صوت فريد ) (Re: Elkhawad)
|
صديقي الجديد
الخواض
تحيه لزيزه كده
بالكاري
والروتي
ياخي مهمة الصوت دي ما راجيكم
بيها وياريت تسعفو الموقف عموما
انا مجتهد وطبعا بحول في الشريط لي
سي دي وبعد داك حا ادخل في مشكلة
تنزيل الصوت هنا
ولو ما عندك غنى لي شرف خليك قريب
لانو ممكن اجيك بالنفاج ولا امد ليك
الماعون بالحيطه
مودتي
| |
 
|
|
|
|
|
|
|
|
Re: شرف الاهليه (صوت فريد ) (Re: عصام أحمد)
|
الزول الجميل
عصام احمد
تحياتي العواطر
ومرورك جميل ومعطر لهذه المساحه
طبعا ما زلت في عراك انزال الصوت
وياريت لو تساعدونا
الماده موجوده معي وفي محاوله جاده
لانزالها
مودتي
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
احمد العربي
سلام وود
نعم شرف صوت فريد ومن اكثر الاصوات التي تطرب لها عندما يغني للحقيبة
سمعته ايام كنا بالجامعة الاهلية وبعدها وطربت له كثيرا
وكلما يأتي اسمه اتذكر مقولة الصحفي حسين خوجلي في واحده من مقالاته
عندما سمع بأنه هنالك فنان يدعى شرف الاهلية حيث قال
(يقولون بأن هنالك فنان يدعى شرف الاهلية وهل للأهلية شرف؟؟؟)
قال هذا لان له بالجامعه الاهليه ذكريات مريره
قال هذا بعد جريته الشهيرة بالجامعة ونسيانه لفردة حذاءه
وسمي الشارع الذى جرى فيه بشارع حسين خوجلى نسبة لجريته المشهورة فيه
عذرا ان كنت اسهبت في حديث بغير مناسبه بينه وموضوع هذا البوست (شرف الاهليه (صوت فريد ))
ولكنني كلما كان الحديث عن شرف الاهلية اتذكر هذه المقولة لحسين خوجلى
والتى ارى بأنه بها لم ينصف شرف في صوته ولم ينصف الاهلية الجامعة في شرفها
والذى كان بتحرير ارضها من الديكتاتورية واعمال الديمقراطية باتحاداتها الشرعية
عذرا مره اخرى
يلا ادونا حاجه لشرف سرييييييييييييييييييييييييييييييع
مودتي واحترامي
| |
|
|
|
|
|
|
|
|
 Re: شرف الاهليه (صوت فريد ) (Re: احمد العربي)
|
والله شرف اخ وصديق ورقيق وراقى جدا
والايام دى عريس كمان
ويوم الخميس والجمعه كانت حنته فى 24القرشى وطبعا كرم حاتمى
وحفلات للصباح
والاسبوع القادم اكتمال المراسم بالخرطوم
والف مبروك وربنا يتم على خير
| |
|
|
|
|
|
|
|
|
|
Re: شرف الاهليه (صوت فريد ) (Re: انعام عبد الحفيظ)
|
يا سلااااام يا أحمد ..
يا أخي شرف مبدع بحق وحقيقة
ويستاهل كل المجهود منك فعلا و يستاهل كمان الانتظار مننا
والملف غير مكتمل ألحقنا بسرعة بالباقي
وما بنسي ليلة كنا تايهين في سمر أنا وإنت والنيل والقمر
عصام
| |
|
|
|
|
|
|
|
|
|
Re: شرف الاهليه (صوت فريد ) (Re: عصام أحمد)
|
الزول الجميل عصام احمد
قايتو اهي المحاولات نجحت
لكن والله جنس تلفونات ومعافره
وطبعا عرفنا انو شرف اليومين ديل عريس
بنقول ليهو مبروك
وربنا يتم ليهو بي خير
لكن شفت الجنا ده غناى كيف
مودتي وخليك معانا
محبه شديده
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
شرف الدين فرح
ولد وترعرع في قرية المتصلة
يقال انها كانت تسمي (المنقطعة)
لطالما عانت في الخريف شح الاتصال.
رغم انه شرف لايؤيد هذه المعلومة ..
درس المتوسط والثانوي بمدارس 24 القرشي
بالجزيرة.
كنت قد زاملته في المرحلتين باعتبارنا من ناس
الولاية الشمالية الذين نزحوا الي المشروع بحثا عن عمل افضل
كان شرف واقرانه يعتبرون كل شخص من الشمالية بانه
(ضنقلاوي حلاب تيس).
تربي في اسرة يغلب عليها طابع التدين الصوفي
لكنه يمزج في معارفه بين التقدمية والتصوف
او اتبع تقدمية متصوفة.
كان قد انتبه الي موهبته مبكرا , اذ كان يحي الحفلات
المدرسية بصوت جميل لفت الاتنباه من قبل اقرانه لعزوبة صوته.
سافر الي الفاشر للدراسة الجامعية , لكنه قابل مصاعب من
قبل ادارة الجامعة مما اضطره لمواصلة تعليمه بجامعة
ام درمان الاهلية التي تخرج فيها.
شرف صديق جميل , ودود ومسالم
يحب الالتزام ..
اشكرك يا احمد عربي علي هذه اللفتة الجميلة
واتمني لشرف المزيد من الابداع
| |
|
|
|
|
|
|
|
|
|
Re: شرف الاهليه (صوت فريد ) (Re: على عجب)
|
الزول الجميل
العارف باسرارالقانون والمحاماة
الانساني حقا علي العجب
المحبه كامله لك على هذا المرور
الملئ بالمعلومات المهمه في هذه المساحه
ليتعرف المتواجدون على شرف عن كثب
لك التحيات العطرات
والموده المستمره
محبتي
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
صديق السنوات الحلوة والمرة شرف الدين
عشنا سويا في داخلية تهراقا ثم بيت العزابة (1) بالديم
والعزابة (2) بالديم باشدار ..
تغنى لي كثيرا ... وأقتادني لمدارات الجمال السحيقة عبر احتفال الكواكب بالقمر .. صوتا نديا وفكرا آلق وذوقا رفيعا .. صوفي متدثر في ثياب الرفاق ورفيقا رقيقا تتوه خطواته أحيانا في ميدان خلف الميرديان وما ثم أن يعود ليشكو لإله الفن من فعلته مي بمحبوبها ويسأل السلام من روح بدنه فيأبى إلا أن ينظر فلق الصباح في ضاحيته .. هو طيب القلب .. يذوب إذا ما تغنى برائعة "في جمالك" ..
أصدر البومين غلب عليهم طابع الحقيبة .. لكن ما يميز شرف كما يقول صديقنا جدا فتح الرحمن خلف الله رد الله غربته هو أن شرف يمسرح الغناء فتراه على مسرح الأعراس يغدو ويروح ليداعب هذا ويراقص ذاك سيما الحاجات ورواد الحقيبة من فئة الخمسينات فما فوق .. كثيرا ما يخرت العرسان فتراهم يحملونه بدلا من العريس أو ربما الى جانبه كما حدث معي فهو يضفي لونا اخراجيا قشيبا لأعراسنا ويجبر الحضور على الانسجام وتشكيل حضور قسري على مدار ساعات الحفل وإن طال وتجاوز وقت الحيكومة ... لكني لا زلت أمني نفسي أن أستمع لأعماله الخاصة لكي يخرج شرف من حيز التكرار لسماوات الإبداع وبراحات الجديد ..
الحبيب صاحب البوست .. لك ولصديقي الود وللعريس التهاني وخالص المنى
| |
|
|
|
|
|
|
|
|
 Re: شرف الاهليه (صوت فريد ) (Re: Samer Osman)
|
خالص التحايا استاذ عربى
ولضيوفكم الكرام كمان..
وشكر لنثرك بعض الجمال هنا ما انت كلك فن..
والتحايا لشرف ايضا..
وخلينى اعرجك كمان فالبوست فيهو مأرب كثيره..
سامر ازيك ياخ اخبارك وصحتك مشتاق ليك ياخ...
راجع ايميلك..
التحايا النواضر
| |
|
|
|
|
|
|
|
|
|
Re: شرف الاهليه (صوت فريد ) (Re: معتز تروتسكى)
|
تقول لى اسمه شرف الاهلية؟؟
ده شرف حاجات كتيرة تانية ..
شرف "الطابع" المميز
شرف الصوت المنطلق وما خايف..
شرف الثقة بالاداء
وشرف الصوت الجميل
وشرف "العصر الذهيى"..للاغنيات السمحة ..
شكرا يا احمد العربى على الرفرنس..
وقدما يا شرف
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
صديقي حامل لواء الجمال
أحمد العربي
سلام كتييييير قدر روعتك
متابعة البوست دا من يوم نزل وكل يوم أجي أتواق راجية زول ينزل لينا أغنيات شرف
تصدق يا عربي شريط أنة المجروح دا أنا اشتريته 6 مرات والآن لا أملك منه نسخة!!!!!
ياريت الناس النزلوا الأغاني يتموا جميلهم وينزلوا لينا لنكات الحفظ
سلام يا صاحبي
| |
|
|
|
|
|
|
|
|
|
Re: شرف الاهليه (صوت فريد ) (Re: ندى نور)
|
ندى نور
نور في نور
مرورك تفرح به حتي الزهور
يرد الروح لي ناس مشيها فتر
يغرد ليهو بالالحان كروم وسرور
ندى مكانك بتلات الورد
واوراقنا الخضراء
فبللي هذا الجفاف
لك الود كله
وخيط مشع
تواصل المستمر
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
صديقي أحمد
ألف مبرووووووووووووووووك لشرف وبيت مال وعيال
وأنا الآن أستمع الي (السلام يا روح البدن)..وحقيقة لقد نما جزءا مبتورا في داخلي كنت قد نسيته
الا وهو إحساس الغناء الفطري في الحقيبة ..وناس الحقيبة عشته مع هذه الأغنية.
وألف مبروووووووووووووووووك لي عريسنا شرف....
وانا الآن أس
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
ممنونين ليك يا احمد
وشكرا علي شرف (شرف الاهلية) والصوت الجميل والاغاني الشجية
وعشان تكتمل ذكريات ناس الاهلية اقدم رجاء بانزال اغنية (مي) ولكم ان تكملوا المشهد من الذاكرة علي مسرح النشاط
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
سينزل
المبدع شرف ضيف على القاهره لمدة شهر
وشهر عسل كمان
ومن المتوقع ان يكون بسلطنة عمان ودولة
الامارات في شهر اغسطس القادم
امنياتنا ليك
بشهر جميل
خلص التحايا لك والعروسه
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
العزيز أحمد
شـرف صوت جميل جدآ وأتمنا أن نسمع كمية من الأغانى
ويا ابو حميد لو بتعرف شرف ده وصاحبك شديد كدا
متخوش لى أخوك واسطه العرس مجرسنى
والمصاريف كتيرة عليك الله كلمو
لوووووول
مع خالص الود
أحمد
| |
|
|
|
|
|
|
|
|
|
Re: شرف الاهليه (صوت فريد ) (Re: احمد معتصم الطيب)
|
احمد الطيب
الرجل الطيب
المعرس ليها شنو؟
مرورك مفرح وجميل واكيد شرف بيكون اتطلع عليهو
وتعرف من صفات شرف انو اخو اخوان
يعني لو قرا كلامك ده انت ما بتحتاج لي واسطه
لكن كدي قل لي العرس بتين ووين؟
مودتي واحترامي
| |
|
|
|
|
|
|
|
|
|
Re: شرف الاهليه (صوت فريد ) (Re: احمد العربي)
|
عروب
Quote: وانت الزمن داك
كنت برليم قدرات ...... |
طبعا لما القا ليكم مداخلة مع بعض (عروب و بروبر ) اكيد بيكون فيها كشف ورق و عربي يزوغ منو ... 
الصوت خرافي يا عربي .. تحياتي و شكرا علي ال CD.
| |
|
|
|
|
|
|
| |
احمد العربي
انعام عبد الحفيظ
ود العجمى
Sobajo
Samer Osman
معتز تروتسكى
Tumadir
Ishraga Haimoura
فرح
Ahmed Abdallah
احمد معتصم الطيب
عمر عبد الخالق سعيد
فيصل نوبي
فيس بوك
تويتر
انستقرام
يوتيوب
بنتيريست