الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه

مرحبا Guest
اخر زيارك لك: 05-21-2024, 11:41 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الثاني للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
07-07-2006, 07:01 PM

Abu Eltayeb

تاريخ التسجيل: 06-01-2003
مجموع المشاركات: 2200

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه


    بقلم: مامون أحمد إبراهيم


    هذه المره.. المفقود رجل مكافح من الكادحين الشرفاء. الذين

    عركتهم الحياه وناضلوا نضالاً مُريراً حتى سقطوا مرفوعى الرأس...

    إلى خالى العزيز فحل حسن وقيع الله )..... ذلك البديرى الدهمشى

    ورحلة الكفاح الطويله وهو فى أصلاب أهله من أقصى الشمال إلى بلده

    القطينه.. فى أواسط السودان.. ثم قصة ترحالهم من القطينه...إلى

    أبقوته.. ثم الكوه.. ثم أمدرمان منذ الثلاثينيات. درس الخلوه

    بألقطينه.. حافظ للقرآن عن ظهر قلب. كان الأول على رُصفائه فى

    فى المرحله الأوليه.. التى لم تكتمل بسبب النزوح إلى أمدرمان

    والإنخراط فى مجالات الحرف اليدويه( بقرار من الأهل) ودخوله إلى

    عالم( النجاره )... نبغ الخال فحل وتفوق وأبدع فى هذا المجال

    وكان من مؤسسى( مصانع عيسى أحمد خليل ).... أفخر مصانع الأساس

    والموبيليا فى ذاك الزمان.. الخال فحل أنامل من ذهب تستطيع أن

    تنجر من الخشب الفاخر .. فى فتره وجيزه غرفة نوم أو غرفة جلوس

    تحير الطليان( ذاتم ) حيره !...... إختلف الزمان وتدهور الحال

    و( الكبر حصل ).. ولم يستسلم الخال..... فأسس منجره الخاص فى

    البيت.. ولكن الوضع العام كان قد تفاقم وإزداد سؤً... وتكاثرت

    المصاعب والمشاوير من البيت للسوق.. للمغلق.. للمناجر.. سيراً

    على الأقدام..( ومره كارو.. ومره باص.. ومره يا عم ).. ثم كان

    ما كان.. فسقط الفحل... ولكنه مرفوع الرأس.. ألا رحم الله الخال

    الوسيم الجميل الحنون الرائع المكافح فحل حسن وقيع الله ..

    رثاء لى ناس أحياء
    -------------------

    الفحل الفارس إترجل

    من صهوة جيد الزمن الأغبر

    لملم كدحو وزرعو الأخضر

    وطيب أيامو الزاهى الأزهر

    طوى صفحاتو وشال نفحاتو

    وسافر بى إشراقو الأكبر

    ***********

    من حنيه وطيبة معشر

    وأريحيه وروعة مظهر

    وبى عظمة إطلالو الأندر

    من صهوة أياموإترجل

    ************
    ياأيامو السمحه وأكتر

    أبكى هموم الويل الأخطر

    وأزرفى دمع الحزن الأغزر

    وأشرحى كيف الشوق بتفجر

    يسقى عوالم الدنيا وتسكر

    بتعزينا ترجّع فينا

    صباهو الأطهر

    عسى تسقينا وعسى تروينا

    نقاهو الأعطر

    **********

    يا بخت الناس القدامو

    السابوالمطويه وقامو

    ناس الحب والحظ الأوفر

    ديل الخلو الحجر إتأثر

    ودم العشق الغالى إتقطر

    **********

    أبوى محمود ذوالقلب الأنور

    وأمى سكينه ونورا الأبهر

    وأحمد أبوى الما بتعكر

    وأمى حليمه الما بتتشكر

    وروحاالعاليه ونفسا الأعطر

    وزينب خالتى وعودا الأسمر

    ***********

    وأذكر هجره ومكه الأكبر

    وناس الطيب وحسن الأنضر

    وعبدالله القمر الإدور

    وبيت الجد مامون الأمهر

    وناس عثمان وبيتو الأعمر

    وجدى أمين الفكر الأغزر

    ***************

    ناس الحب والحظ الأوفر

    ديل الخلو الحجر إتأثر

    ودم العشق الغالى إتقطر

    ------------------
    ------------------
    وإلى كل الأُمهات الخالدات هذه القصيده :

    ست البلد.. يُمه
    --------------------

    إتحزمنا وإتلزمنا.. بالعمه

    حليل ست البلد .. يمه

    حليل الخاله .. والعمه

    *******
    حليل الفى الفجر .. لمه

    حليل الفى العصر .. جمه

    حليل اللجهال .. ضمه

    حليل يمه..

    حليل الخاله .. والعمه

    ********

    حليل الفي المحن .. أُمه

    حليل الفي الحزن .. قمه

    حليل الفي الفرح .. نمه

    حليل العاليه في .. الهمه

    حليل يمه..

    حليل الخاله .. والعمه

    ********

    هي البتحلّف ..الضيفان

    و هي البتخسِم .. الذمه

    حليل يمه..

    ********

    هي البتقيف مع ..المرضان

    و هي البتروح .. الحمه

    حليل يمه..

    ********

    هي البتشيل شقا ..التعبان

    و هي البتبدد .. الغُمه

    حليل يمه..

    حليل الخاله .. والعمه

    ********

    حليل شمس الصباح .. اللاح

    حليل ضل الضحا .. الوضاح

    حليل قمر العشا .. اللماح

    حليل لقمه وحليل .. كسره

    وحليلو ملاح ..

    حليل يمه ..

    حليل الخاله .. والعمه

    ********

    حليل صوتاً رخيم .. غنّاي

    حليل قلباً حنين .. تاتاي

    حليل القعده جنب .. الشاي

    حليل قولة جناي .. وحشاي

    حليل يمه..

    حليل الخاله .. والعمه

    ********

    هي البتهبهب .. الكانون

    و هي البتقدّم .. الماعون

    و هي البتبتب .. الجنون

    و هي البطبطب .. المحزون

    حليل يمه ..

    حليل الخاله .. والعمه

    ********

    حليله الفي التعب.. شٌحنه

    حليله الفي الصعاب.. نحنا

    و لو ما عيونا ..كان تُهنا

    هي البتهدي ..هي البترضي

    هي البتواسي ..هي البتقاسي

    هي البتخفف المحنه

    حليل يمه ..

    حليل الخاله .. والعمه

    ********


    أمنيات غير مستحيله
    ....................

    أريتنى لو أنا كنت غابه

    بتحمل أقوات....الغلابه..

    أوكنت فوق الصيف سحابه

    بتمسح أحزان.... الكآبه..

    أو كنت حاجه.... بتشدو

    جوه غنا ....الربابه

    تخلص الناس ....من عذابه..

    أريتنى لوأنا.. كنت نسمه

    بتسرى فوق .. قمم الرحابه

    وتشيل من .. الايام صعابا..

    أو كنت ...........بسمه

    ترجع الروح .......لى شبابا..

    أو كنت ...نغمه على وتر

    ما أصلو زول..فى الدنياجابا..

    أوفكره ... رائعه

    على صدور ...ماانسده بابا..

    أريتنى ... لو أنا كنت

    يمه ... وكنت يابا..

    للمرابطين فى متاهات الخرابه

    وللنفوس التايهه فى زمن الحرابه..

    أريتنى لوأحرف مضيئه على الكتابه

    بتكسر أقلام............الرتابه..

    وترجع أوقاتناالعظيمه من اغترابا..

    وتبقى واحات.............. للبشر

    تبقى للوادى.............. النهر

    تبقى للعطشان............. مطر

    تبقى للضهبان............. شجر

    تبقى للمشتاق............. سفر

    تبقى للبستان............. ثمر

    تبقى للاغصان.............. زهر

    وتبقى للاطفال..حكاوى مع السحر..

    تبقى.................. الشمش

    تبقى.................. القمر

    تبقى..................الشروق

    تبقى...................الفجر

    تبقى الظلال........عز الضهر..

    تبقى المدارس....... والحقول

    تبقى المزارع....... والنخيل

    تبقى الرواح ....تبقى المقيل..

    تبقى الهنا .... وتبقى الغنا

    وتبقى المنى.... الما مستحيل

    ..............

    مامون أحمد ابراهيم




    (عدل بواسطة Abu Eltayeb on 07-07-2006, 07:15 PM)
                  

العنوان الكاتب Date
الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Abu Eltayeb07-07-06, 07:01 PM
  Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Elmosley07-08-06, 05:17 AM
    Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Abu Eltayeb07-08-06, 01:57 PM
      Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه عبدالغني كرم الله بشير07-09-06, 02:43 AM
        Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Mutwali Malik07-09-06, 07:38 AM
          Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Abu Eltayeb07-09-06, 06:18 PM
            Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Abu Eltayeb07-10-06, 10:54 AM
              Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Omar Bob07-10-06, 11:12 AM
                Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Abu Eltayeb07-11-06, 09:53 AM
                  Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Abu Eltayeb07-12-06, 04:59 AM
              Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Elmosley07-12-06, 06:13 AM
  Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه معتصم الطاهر07-12-06, 06:07 AM
    Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Abu Eltayeb07-13-06, 07:13 AM
      Re: الموصلي .. أبوعركي البخيت .. لو نغني لهؤلاء البسطاء .. مرثيتان .. و أغنيه للغلابه Abu Eltayeb07-15-06, 06:28 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de