|
الله يلعنك يا الهندي!!!!!!!!!!!!!!
|
اكثر من 15 عام وانا في المغرب بلد ما تقدر تقول فيهو اي وصف المهم...بلد جميل وبس
قررت الرحيل الي الخليج لزوم ( تحوشية قروش وكدا) ويا ريتني ما جيت!!!
المهم اول يوم وتاني يوم والاحلام كبرت وبنيت عمارة وكم دفار ( طبعا العرس عملناهو في المغرب عشان كدا ما كان ضمن الاحلام) وست النفر سودانية،
بعد اسبوع قالوا عشان الاوراق والاقامة لازم اعمل كشف طبي ...يا الله الرجفة حصلت ( ليه والله ما عارف)
المهم اتوكلت على الله ومشيت انا والمدام ، احدي هنا الامور عادية جدا...
طبعا مشينا مع المندوب وشالو دمنا وطبزونا حقن وصورة اشعة..احدى هنا والامور عادية برضو
ندخل في موضوع الهندي ، الهندي صاحبي شغال سواق في الشركة وطبعا لقيت ليك كلام الهنود هنا حاجة صعبة خلاص
والله كنت مفتكر مافي كلام اصعب من حق المغاربة ديل لكن الهنود حيروني عديل كدا...
المهم .. بعد كم يوم اتصلت بالهندي عشان نمشي نجيب الكشف الطبي ( وطبعا كان عندي ليلة طويلة جدا مع طه القرشي)..
الهندي الله يلعنو قال لي انا ما يروح انت يجي سيدا المكتب اخوكم سمع كلمة سيدا وطه القرشي اشتغل وكل الاحلام ضاعت .. انا الجابني الخليج شنو
وكم وكم ... طبعا كلمة سيدا في المغرب يعني (الايدز..حماني الله وحماكم والمغاربة بيتكلمو فرنسي اكثر من العربي) شفتو الهندي دا وقع قلبي كيف....المهم ما نطول عليكم جيت المكتب
مهموم وعيني طالعة وعاوز ابكي واكورك ....وو.و. وو . بعد تجربة مريرة وفهمت الحاصل وكلام الهنود العامل زي قلع الضرس دا
ارتحت وطبعا الكشف طلع و تمام الحمد لله.
عليكم الله موش لي حق اقول ليهو الله يلعنك!!!
تخريمة
نفس الهندي دا كانت جاتو ( بواسير) وعاوز يشرح لي مرضه ما فهمت منو اي حاجة تتصورو في النهاية قال لي شنو
كاكا يجي كبير!!! قلت ليهو انشاء الله تطير وقفت قلبي الله يسامحك
|
|
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
العزيز ناصر لك التحايا والود .. كان صديقي محمد صديق محمد أحمد بتاع تربية الزقازيق ، يحدثني عنك وعن الأخ طارق كثيراً .. لم تسعدني الظروف بلقائكم .. لك تحياتي مجدداً حتى نلتقي .. ولا تحاول الخليج أيها الحبيب لأن الكاكا هنا ستتمدد باتساع هذا الخليج البليد .. أخوك فرحات
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
الحنين ناصر
والله الهنود ديل ناس حلويين يازول
مرة هندي تعوَد يسمع كفيلو يقول لمن يزوره (نوَرت المكان)
يازول يوم الكفيل تأخر شوية عن الحضور للمكتب فما كان من الهندي الا ان قام بواجب الضيافة
ولزومه، وعاوز يتخفَف شوية لكن ما استطاع يستحضر ما يقوله كفيلو
تعرف قال ليهو شنو
إنت لمبة كبير
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
الحبيب ناصر تحياتي الهنود طبعاً يا ناصر فارضين ثقافتهم تماماً في الامارات بالذات يعني حتى المفردات المتداولة في الامارات وبين كل الناس (عرب وعجم) هي المفردات الهندية .. لانهم مسيطرين على السوق عموماً بكل أنشطته .. عشان كده سيطروا على الثقافة برضو بكل لغاتها.. لكن هنا في السعودية هم طبقة درجة (رابعة) وما عندهم نفوذ كما هناك لكن بحاولو يتكلمو اللغة العربية السائدة وبرضو بعملوا فيها العجب وممكن يطلعوك شايل بلاوي الدنيا كلها مع (السيدا) ..
الله يجازيهو سواقكم بالغ معاك .. لكن كبّر ليك الفرحة بي نتيجة الفحص
مودتي .. وتسلم من كل بلاء
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
الاخ ناصر جبريل
الهنود ديل زي روتانا سينما ، معاهم الواحد مش بيقدر يغمض عينيه.. الهندي ممكن يبقا أي حاجة ، يعني في لحظات ممكن يكون سباك ، نجار ، صيدلي ، دكتور ، وزير .. أي حاجة واي تخصص متوفر عنده بوفرة عشان تفهمهم وتتعايش معاهم الواحد بيكون محتاج لاطنان بال طويل التيلة ، ويشقلب فهمه عشان يفهم كلامهم المشقلب ، والعجب لما يهزوا راسهم المليان بزيت املا زي عشرين مرة ويقولوا : انا في يخبر كلو بروبر ما في مشكل شعب بيغيظ بصراحة ، لكن ما في حل غير التعامل معاهم لانهم اربابات في الخليج اكتر من ناس البلد ذاتهم
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
Quote: الهنود طبعاً يا ناصر فارضين ثقافتهم تماماً في الامارا |
الغالي امير الله يكون في عون ناس الامارات، بس انا موجود في الكويت ( تصحيح معلومة وكدا
Quote: الله يجازيهو سواقكم بالغ معاك .. لكن كبّر ليك الفرحة بي نتيجة الفحص |
والله الدخله فيني لي اسع ابت تطلع
وشكرا على مرورك الجميل
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
الأخ /ناصر جبريل
التحبه لك
في السودان عندما يفترض البعض الغباء
في الآخرين يعّّّّّيره بأنه هندي (انت هندي ؟)
بالرغم من مجود جاليه معتبره وبحكم العشره
تجدهم متوقدي الذكاء وناجحين في كثير من الأعمال
لكن السؤال لم التعيير؟
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
.
Quote: ( تحوشية قروش وكدا) |
و
للدرجـــــــــة دي القــــروش ما لذيذة ؟؟ ونحن المساكين بنعافر من سنة حفرو البحر بس عشان نضوق طعمها .. كويس الما طلع معانا حاجة..
مسجل اختفاء ( مريب ) من ساحة الماسينجر ..خلّي ( الهندي ) ده يديني ( سبعة ) أرقام ..على عدد أيام الأسبوع.. وبعدين الهنود ديل انا بحبهم من أيام ناس هيمامالين وممتازة .. ما تقربهم يا زول
تحياتي للشباب .. السمندل ..كيمو .. .
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: hatim ibrahim)
|
حكى لي صديق سعودي قال إنو أثناء interview لبعض العمالة الهندية وجه سؤال للهندي وقال ليهو
كنت شغال شنو في السعودية زمان؟
الهندي ما عارف يقول شنو (في الحقيقة كان شغال ملقَح نخيل) مفردة ملقَح دي طارت من راسو
قال ليهو حاجة كده
أخ خ خ خ خ خ طارت مني
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
Quote: [بس عليك الله اشرح لي دي
|
الاخ ناصر جبريل
اي هندي شيء اساسي عنده وفرمالة ثابتة انه يكون بيعرف في اي شيء وبيفهم في تصليح اي شيء حتى لو ما مهنته ، ولازم طبعا هزة الراس للتاكيد على الفهم ، مثلا يجي هندي يصلح ليك تلاجة ولا كمبيوتر بيعمل فيها خالص فاهم تماما ، وبعد ما يخلص لازم يستعمل جملة كلو بروبر ما في مشكل بمعنى كلو تمام وكويس ويطلع من هنا لتكتشف انه لا تمام ولا يحزنون وعليك البحث عن زول تاني يصلح فكرتهم ادعاء معرفة اي شيء واستخدام الفرمالة اعلاه ولك الشكر
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
Quote: في السودان عندما يفترض البعض الغباء
في الآخرين يعّّّّّيره بأنه هندي (انت هندي ؟)
بالرغم من مجود جاليه معتبره وبحكم العشره
تجدهم متوقدي الذكاء وناجحين في كثير من الأعمال
لكن السؤال لم التعيير؟ |
الاخ محمد حسين ادم
انا لا اقلل من قيمة الهنود او اشك في نسبة ذكاء ( الهندي) بالعكس
شعب طيب ودود وكلنا بشر، بس بيني بينك الخلعة دي هينة
والان وانا في الخليج كونت صداقات كثيرة جدا مع الهنود
عطر الانسانية عندهم فواح جدا .............
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
Quote: للدرجـــــــــة دي القــــروش ما لذيذة ؟؟ |
حاتم يا مدهش
والله القروش لذيذة بس في الخليج هنا ( معسكر عمل ) يعني الزهج بيكون معاك 24 ساعة
عكس المغرب في حياة ( الايام دي السخانة تكرهك حياتك) بعدين في الخليج بتفكر في السودان ومغترب وكدا
عكس المغرب راضين بالواقع والسنين بتعدى او خلاص كنا برمجنا حياتنا على كدا استقرار ابدي زي ما بيقول نزار الشريف خالدين فيها...
Quote: مسجل اختفاء ( مريب ) من ساحة الماسينجر ..خلّي ( الهندي ) ده يديني ( سبعة ) أرقام ..على عدد أيام الأسبوع.. وبعدين الهنود ديل انا بحبهم من أيام ناس هيمامالين وممتازة .. ما تقربهم يا زول
|
والله يا حاتم اخوي لو جبت ليك ( سبعة) ارقام من هندي بضمن ليك ( .......) طبعا الهنود ضاربين رقم قياسي في السحوبات ( حظ عجيب)
سلام لكل ناس المغرب ( اتوحشناكم بالزاف يا صاحبي)
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
تعرف ياناصر الهنود ديل غزوا العالم ، حين غادرت الولايات المتحدة رجوت الله أن يجنبنى لقياهم ، حين توقفت الطائرة بمطار هيثرو كان سائق البص هندى " سردار " بعمامته الزرقاء والدائرة الصغيرة فى جبهته أعلى الأنف " تذكرنى بوالدتى حين تريد وسم أوانيها حتى لاتختلط بأوانى نسوة المدينة ، فتوسمها بمنكير أو حجر كان يطلق عليه حجر امدرمان "، وحين وصلت مطار البحرين وأنا واقف أمام ضابط الجوازات قدم فوج من الهنود وهاك يامدافرة يامعافرة " ذكرونى بالمعافرة حين عكس الكورنر فى الدافورى " - انتهرهم ضابط الجوازات باللغة الهندية التى تعد إجادتها أحد عوامل النجاح والبقاء بالبحرين . من فوائد هذا البوست أنه عرفنا على فرحات عباس أو فرحات السمين كما كان يحلو لمحمد صديق مناداته وأعتقد أنه درس بالجزائر ؟؟ وهو راجل مليان شعر وأدب .
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
الأخ ناصر جبريل ..
لا تيأس يا زول ..
عش على الأمل ..
فالأمل وقود الحياة ..
قال سيدنا علي رضي الله عنه وأرضاه: أنا رجل أعيش على الأمل فما تحقق منه بفضل الله وما لم يتحقق أكون قد عشت عليه زماناً ..
بعدين لو كنت في الرياض بالله أظهر في أقرب لمبة بودرات عشان نتدارس هذا الأمر ..
للوصول لاستراحة الحفل تأخد طريق القصيم سيدا
تحياتي،،
جاد
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
الاخ جاد
Quote: الأخ ناصر جبريل ..
لا تيأس يا زول ..
عش على الأمل ..
فالأمل وقود الحياة . |
والله دي اصعب من كلمة ( سيدا) بتاعت الهندي
لاني ما عارف المقصود تحديدا اليأس من ايه يا راجل
Quote: قال سيدنا علي رضي الله عنه وأرضاه: أنا رجل أعيش على الأمل فما تحقق منه بفضل الله وما لم يتحقق أكون قد عشت عليه زماناً ..
بعدين لو كنت في الرياض بالله أظهر في أقرب لمبة بودرات عشان نتدارس هذا الأمر ..
للوصول لاستراحة الحفل تأخد طريق القصيم سيد |
تاني أمل...
نتدارس في ياتو موضوع لو قصد الهندي اوكي بس
لو قصدك الكشف الطبي مالك عاوز تخلعني اكثر من الهندي
ما قلنا الحمد لله النتيجة بتاعت الكشف طلعت والحمد لله عملنا الاقامة يعني الف حمد وشكر لله وربنا يحفظك ويحفظنا وجميع المسلمين قول آمين
وقربنا نتم سنة يعني بعد كم شهر كدا بقفل سنة في الخليج...انا مافي السعوديةلكن ممكن برضو اصلك اذا حبيت
لك مودتي وشكري
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
الأخ الرائع/ ناصر جبريل أو كومبلوكس تحية طيبة قول للهندي ناجي قاليك إنشاء الله تطير وتقع في البئر أمش سيدا بعدين أعمل واحد تلفون نفرات ياخي انا كل ما الم قروش القاها راحت بتمشي وين الله اعلم لوكان القروش بتتلمه ليه كنت عملت حي كامل وانت تقول ليه معسكر وإلى الملتقى
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
Quote: وقربنا نتم سنة يعني بعد كم شهر كدا بقفل سنة في الخليج...انا مافي السعوديةلكن ممكن برضو اصلك اذا حبيت |
وين يعني في عقلة الصقور أم في جلاجل
عاوزين نعرف لو قريب نعزمك للرحلة القادمة ..
ولك مثلها وأكثر ..
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
العزيز ناجي اتوحشناك
والله يا ناجي الواحد حاسدكم عديل كدا على المغرب والله اسع عندنا سخانة تعمل انفلونزا طيور وشلل اطفال عديل كدا!
القروش ما بتجمع بس فكر في الرجعة للسودان واديني معاك لكزة كدا
شكرا على المرور وتحياتي لكل افراد الجالية بالمغرب وخصوصا بيت حسان
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
Quote: تكون خايف من طعنة الابرة ياربى!! الظاهر عليك قاعد تلعب حفيان فى دورى المعرب العنيف دا !الزمن دا الناس قاعد تتدبل الشرابات!! |
الرائع جني
انحنا ناس دافوري ساي!!! وبيني وبينك دوري المغرب عنيف!!! وصلت يا رائع
شكرا على مرورك ولك محبتي
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
الاخ othman mohmmadien
زي ما قلت ناس المغرب ديل كلهم في اوربا بس في الفترة ديك الواحد كان مستقر وكنت بفكر في الرجعة للسودان
والى هذه اللحظة والله بفكر في الرجعة للسودان بس المسألة عاوزة قرار شجاع وشوية لكزة كدا
الهادي .... سلم عليهو كثير بالتأكد اعرفه وبما انك تعرف الهادي اكيد بتعرف ناس المغرب
تحياتي للجميع وشكرا على مرورك
ولك كل الاحترام
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
العزيز ناصر حمدالله غلى السلامه الجاتلك في الهندي سامحتك احمد الله المرة الجاية اعمل حسابك شديد لوجاتك الشغلة عند واحد <بدون> يمكن يطلعك انت ماوجود اصلا.. عندي معاك هدرة بزاف .. بس خليني اصلح الكمبيوتر المضروب في بيتي اسبوع كدة ونشاتي اخوك عمر عبدالسلام
| |
|
|
|
|
|
|
Re: الله يلعنك يا الهندي!!!!!!!!!!!!!! (Re: ناصر جبريل)
|
العزيز ناصر مجدداً لك التحية .. والتحية موصولة للأخ / أبوبكر حامد ولكل ريحة من أبناء الزقازيق الحلوين ، رجعت للبروفايل علي أجد إيميل للأخ ابوبكر دون جدوى على العموم سأتصيدأحد بوسطاته .. سأنقل تحياتكم جميعاً للعسكري العجوز جورج ( على فكرة كنت بكلموا اليوم على التلفون ) تحياتي ...فرحات
| |
|
|
|
|
|
|
|