|
|
|
 Re: الر(ص)ــــــــــــــــام خــالد كـــودى (Re: Yassir Tayfour)
|
معقول وصلت به الحالة الي هذه الدرجة من الحقد و الافلاس
.... ولايهمك يا اخيياسر طيفور فان مولانا السيد محمد عثمان لا احد مهما بلغ به المبلغ ان يستطيع تعريته ... فان الامر مجرد حقد دفين ولا اكثر ...
ولنعتبرها مدرسة جديدة ونمط حديث من اساليب وفنون الحقد والعنصرية العفنة ... ودانفنشي له تجارب عديدة في تشويه تاريخ رموزنا الوطنية ...
,,,,,,,,,,,,,,,,,,,
ياليتك اوردت الخبر في المداخة الاولي ....
| |
 
|
|
|
|
|
|
|
 Re: الر(ص)ــــــــــــــــام خــالد كـــودى (Re: Adrob abubakr)
|
Quote: مالك وجعك!!!!!!!!!!!!!!!
إنت ما تجيب الصور أول عشان النس تكون ناقشة الحاصل شنو! |
ببقى ليك حار بعدين..
-----------------
| Quote: الر(ص)ــــــــــــــــام خــالد كـــودى |
لسه مستين تجينا ياخ طالبنك زياره..
------------------------
انااخوك ياطيفور. .
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: نيازي مصطفى)
|
الاخ نيازى مصطفى
Quote: فهل الفن جنون وقبح وتعدي ؟
اعمال شيطانية ليس الا ،
نسال الله السلامة وسلاماعلى اهل الجهل والعقد النفسية المزمنة. |
العقد النفسية المزمنة علاجها الوحيد ان يتطور علم الخلايا الجزعية ويزرعو لى كودى خلايا -غير معقدة- أى سريعة الزوبان ههه ههه تنشلو من وحستو دى
كم جميل مرورك من هنا يا نيازى
تحياتى
______
يا تروتسكى علم الاجنة وصل وين دايرين خلايا (غير معقدة) نلحق بيها كودى ده لانو حالتو اتأخرت خالص؟؟
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: معتز تروتسكى)
|
تروتسكى
أدروب كما قال الاديب عثمان: يكتب بخنجره
وتارة -بفنجانه-
واُخرى -بخلاله-
اتركه يردد ما حفظ من كُليمات كببغاء، اغتناه بشاشا، ثم اهداه لكودى
اما ذلك الكودى الذى بدأ بحزب الناصريين ظاناً انه عربى، حتى صحاه بشاشا من غفلته
ما اظنو ح يجيك هنا الا بى اسم تانى، ورودا مردا نومتها اتكشفت
خليك قريب
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: معتز تروتسكى)
|
شفرة خالد كودي وشفرة دافنشي: ما بين الموناليزا ورودا مردا
في زيارتي لمتحف اللوفر قبل سنوات قادتني قدماي إلى حيث لمحت جمعا كبيرا من البشر في بهو معتم يتأملون وقد خيم عليهم صمت رهيب، فدفعني الفضول لأرى إلى ماذا يحدقون فوجدت نفسي وجها لوجه أمام لوحة ليوناردو دافينشي الشهيرة: الموناليزا.
يجب أن أعترف أنني رغم اعجابي بالدقة الفوتوغرافية للوحة فإن صاحبتها فشلت في أن تحرك أي وتر في داخلي ولم أتفاعل معها أبدا مثل تفاعلي مع لوحات فان غوخ أو تولوز لوتريك أو زرافة سلفادور دالي المشتعلة وغير ذلك من اللوحات العظيمة لفنانين مثل جوجان ورينوار انتهاء ببيكاسو . لذلك لم أتعجب حين عرفت أن الموناليزا ولدت نظريات كثيرة منها النظرية التي تقول بأنها شخصية غير حقيقية وأننا إذا حلقنا لحية سلفادور دالي الضخمة ووضعنا عليه قليلا من الماكياج الأنثوي فسنجد أمامنا الموناليزا التي ليست سوى الجانب الأنثوي من شخصية ليوناردو دافينشي نفسه وقد وجد الخبراء تطابقا تاما بين بعض ملامح وجه دافينشي ومايقابلها في وجه الموناليزا . قبل هذا الاكتشاف كان فرويد قد وضع دراسة حلل فيها السلوك الجنسي لليوناردو دافينشي وجعل منه كتلة من العقد النفسية.
لكن مالم يعرفه فرويد حينها هو أن ليوناردو دافينشي كان الأستاذ الأعظم لجماعة برير دو سيون وأنه ربما كان أيضا الأستاذ الأعظم لجماعة النورانيين (الإلوميناتي) وهو الجانب الذي أشار إليه دان براون في روايتيه الشهيرتين شفرة دافينشي وملائكة وشياطين. كلتا هاتين الجماعتين تستمدان بعض فكرهما الباطني من المنظومة الصوفية العبرانية الرائجة التي تعرف بالقبالة التي تميل بعض مدارسها لفكرة الانثوية المقدسة Sacred feminine بحيث تجعل من شكينه Shekinnah وجودا أنثويا مقدسا مقابلا للتفسير الذكوري لمفهوم يهوه (وهي السكينة المشار إليها في القرآن والتي يخطئ بعض المفسرين في تفسيرها لعدم اطلاعهم على النصوص التوراتية المتعلقة بشكينه)، وحاليا فإن فكر العصر الجديد الروحي يميل للمطابقة بين شكينة وعشتار السومرية وكوكب الزهرة مازجا بين الوثنية والتوحيد. وكل إنسان ذكرا كان أم أنثى هو مزيج من الذكورة والأنوثة بدليل وجود الثديين والهرمونات الأنثوية في جسد الرجل ووجود الهرمون الذكري لدى الأنثى.
إذا أخذنا بصحة الفرضية التي تقول بأن الموناليزا ليست سوى ليوناردو دافينشي نفسه فإننا نصل لمربط فرس هذا البحث وهو العلاقة بين رودا مردا والموناليزا.
تجدد مؤخرا الجدل في البورد حول ما إذا كانت رودا مردا هي خالد كودي نفسه أم لا. أنا شخصيا لا أدري ما إذا كانت كذلك أم لا في غياب الأدلة الشرعية forensic القاطعة وهي الحالة التي أدت لعاصفة من التكهنات في البورد. فإذا سلمنا بأن رودا مردا هي شخصية افتراضية virtual تمثل عملية احياء animation كرتونية مدهشة من فنان بارع للجانب الأنثوي المقدس من شخصيته فإننا نجد القواسم المشتركة التالية بين ليوناردو دافينشي وبين خالد كودي:
1ـ ليوناردو دافنشي رسام رغم أن جانبه الهندسي والتقني أعظم بكثير من جانبه الفني في رأيي!
2ـ خالد كودي رسام أيضا رغم اختلاف المدرسة الفنية التي ينتمي إليها عن مدرسة عصر النهضة الكلاسيكية التي تتمثل في دافينشي، فمدرسة خالد كودي الجديدة هي مدرسة الدادية التاريخية، فإذا كان الداديون قد سخروا من الرموز الفنية والجمالية في لوحاتهم معبرين عن حالة العبث في عالم ما بعد الحرب، مثل إقدام أحدهم على رسم الموناليزا بعد أن أضاف إليها شاربا، فخالد كودي تناول في داديته رموزا تاريخية ودينية مقدسة مثل إقدامه على رسم المهدي عاريا.
3ـ لا أدري لماذا يطلق أبو النيز على خالد كودي لقب دافينشي ربما كان أبو النيز قد توصل لنفس هذه الاستنتاجات.
4ـ أورد أحد الإخوة في بوست آخر مسألة التشابه بين الكلمة الانجليزية Code والتي هي موجودة في عنوان رواية شفرة دافينشي وبين كلمة كودي الموجودة في اسم فناننا الثائر، والتي استنتج منها ذلك الأخ أن اسم خالد كودي هو اسم حركي وليس اسما حقيقيا. في هذه الحالة تكون رودا مردا هي الأصل وهي الحقيقية ويكون خالد كودي هو ذكورتها المقدسة !
إذا كان العبقريان دافينشي وكودي قد توصلا لنفس الإكسير الذي جعل من بطل رواية دكتور جيكل ومستر هايد ينقسم إلى شخصيتين تمثل إحداهما الخير المحض في حين تمثل الأخرى الشر المحض مع فارق أن إكسير الفنانين العبقريين يؤدي وظيفة فسيولوجية مختلفة هي جعل الإنسان ينشطر إلى نصف أنثوي محض ونصف ذكوري محض، فإننا نجد أن نصف دافينشي الأنثوي ظل ينظر نظرة هادئة غامضة لآلاف المعجبين عبر القرون مثيرا فيهم التساؤل، في حين أن نصف كودي الأنثوي المزعوم انفجر في ثورة أنثوية عارمة. وإذا كان بطل رواية دكتور جيكل ومستر هايد قد حاق به سوء المصير من جراء صراعه النفسي فإن فنانينا نجحا في الحفاظ على توازنهما النفسي بعد اطلاقهما لأنصافهما الأنثوية!
وإذا كان كودي برع في رسومه الدادية التاريخية العارية ترى كيف ستكون صورته هو العارية؟ هل سيكون لها ثديي رودا مردا وبعضا من أجزائها الفسيولوجية الأخرى؟
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: محمد عثمان الحاج)
|
الاخ الرائع
محمد عثمان الحاج
شكرا لهذا البُعد والتحليل -كودى زاتو يكون اتحير-
لو فى زول ح يشهر كودى، ح تبقى انت لوول
ده تشريح و-تشليخ-، معاً
| Quote: 4ـ أورد أحد الإخوة في بوست آخر مسألة التشابه بين الكلمة الانجليزية Code والتي هي موجودة في عنوان رواية شفرة دافينشي وبين كلمة كودي الموجودة في اسم فناننا الثائر، والتي استنتج منها ذلك الأخ أن اسم خالد كودي هو اسم حركي وليس اسما حقيقيا. في هذه الحالة تكون رودا مردا هي الأصل وهي الحقيقية ويكون خالد كودي هو ذكورتها المقدسة ! |
| Quote: إذا كان العبقريان دافينشي وكودي قد توصلا لنفس الإكسير الذي جعل من بطل رواية دكتور جيكل ومستر هايد ينقسم إلى شخصيتين تمثل إحداهما الخير المحض في حين تمثل الأخرى الشر المحض مع فارق أن إكسير الفنانين العبقريين يؤدي وظيفة فسيولوجية مختلفة هي جعل الإنسان ينشطر إلى نصف أنثوي محض ونصف ذكوري محض، فإننا نجد أن نصف دافينشي الأنثوي ظل ينظر نظرة هادئة غامضة لآلاف المعجبين عبر القرون مثيرا فيهم التساؤل، في حين أن نصف كودي الأنثوي المزعوم انفجر في ثورة أنثوية عارمة. وإذا كان بطل رواية دكتور جيكل ومستر هايد قد حاق به سوء المصير من جراء صراعه النفسي فإن فنانينا نجحا في الحفاظ على توازنهما النفسي بعد اطلاقهما لأنصافهما الأنثوية! |
| Quote: وإذا كان كودي برع في رسومه الدادية التاريخية العارية ترى كيف ستكون صورته هو العارية؟ هل سيكون لها ثديي رودا مردا وبعضا من أجزائها الفسيولوجية الأخرى؟ |
نلقى رسام-هابط- وين عشان يرسم لينا كودى او رودا؟؟؟
حمادة بت زاتو ما أظنو يرضى يرسم ولا يغنى كلام زى رسم كوررى ده!
لكن انا بضمن ليك -الكرش- تكون واحدة، لكن الباقى ده ما بقدر عليهو- بحجل -
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: Khalid Kodi)
|
| Quote: خلف السلم عمر البشير. |
يا كودى، انت الدم -البقرى- ده جايبو من وين؟؟؟
ما بيخجل كمان جايى يوضح
والسلم ده الكان طالع فيهو منو؟؟؟
غير الرسام
وغير رودا
وغير هناية
_______
عليك الله يا كودى لما كنت بترسم فى -كرش- البشير الوراء السلم القلته عليهادى، ما -شفيت*- من -كرشك- !!!
شفيت = غشيت او نقلت
أصلها -كرش- البيرة مرخرخة زى افكارك يا كودى
_______
الله يشفيك يا كودى
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: ناذر محمد الخليفة)
|
ابو النيز يا لذيذ
انت عارف البوست بتاعك ده كان قبل ما بكرى يعمل الخور وكورى كان مأدب خالص، اسى لو عملت ليهو قصيدة تانية، يجى -يخرمج- ليك فيها عشان تمشى الخور، انت عارف، مكتبتك بتكون عامله ليهو حَسْكنة
فى البوبينا زاتو
-------------
لكن انت سبب البلاوى دى كلها يا ناذر، انت الشهرتا لينا الكورى ده
______
دايرين لينا قصيدة اوتوماتيكسفيرية بى قِرْ عادى لى رودا مردا، لو أمكن
| |
|
|
|
|
|
|
|
|
 Re: الر(ص)ــــــــــــــــام خــالد كـــودى (Re: Yassir Tayfour)
|
ياسر طيفور يا طائفي
شوف عليك الله الإمام المهدي ((((سيدي)))زماااااان رسموهو بالفن الحديث!!
الفنان خالد كودي يصوَر الإمام المهدي بشكل مسىء وخارج!!!!
طبعاً إنتو لأنكم متخلفين و طائفيين و ما بتفهمو
ماح تفهمو العبقريات و منتجاتها
وبعدين إنتا متجدع في كندا و ما حاسي بأهل بلدك لذلك يجب رسم الميرغني ((((سيدك)))الذي لا يحس بوجعة بني وطنه عارياً
كان واجبك يا طيفور أن تركل الهجرة و ترجع السودان فوراً و تيمم شطر أهلك
مش تنظر و إنتا في البر ضارباك الطراوة، فالبيان يا عزيزي بالعمل
مش الميرغني (((سيدك))) رسموهو كدي عشان لافي برة و ما رجع السودان يصنقر في و اطاة الله مع أهل الوجعة؟؟؟؟!!!!
متخلفة و طائفية و ما بتفهم:لنا مهدي
الله ليك يا بلد بيهينو رموزك أولادك تحت مبررات كدة و كيت و كدة و كيت و كدة
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: lana mahdi)
|
الرايعة بت عمى د.مهدى
والله يا لنا "عُشاق" السودان الجديد ديل حيرونا
قايلين السودان الجديد كفر وقلة أدب
ما عارفين انو السودان الجديد بداية دولة القانون
والحرية الماسكين فيها قايلين ما عندها حدود، لجهلهم لايعرفون ان حريتهم لها حدود وحدودها
حريات الآخرين
(لك كل الحرية شريطة ان لا تنتقص من حرية الآخرين)
عالم جهلة يا لنا
خالد كودى انسان منحط
ورسوماته الساقطة للمهدى أولغيره لا تقلل من قدرهم، ولكن تسقط بكودى حيث مكانه الطبيعى
| |
|
|
|
|
|
|
|
|
 Re: الر(ص)ــــــــــــــــام خــالد كـــودى (Re: lana mahdi)
|
الاخ الكريم
ياسر,,
هنالك شقان فى هذا الامر,
الاول,
احقية خالد كودى كفنان فى رسم ما يود رسمة, و حرية التعبير ايضا مكفولة الية,,و هذا امر لا اظن ان يختلف علية اثنان. ايضا, السيد محمد عثمان الميرغنى هو شخصية عامة, و غير منزهة عن النقد, و من حق الجميع ايضا التعبير عما يروة فى شخصة و سياساتة,, و هذا ايضا امر, لا اعتقد, ان الكثيرون يختلفون فية.
يأتى الشق الثانى, و الاهم,,
ما هو النقد الذى قدمة خالد كودى للسيد محمد عثمان الميرغنى برسمة مثل هذا الرسم؟؟ و ما هو الانتقاد الذى اراد ان يوجهة الية؟ فى رأى المتواضع, و حق الموافقة او الرفض, ايضا مكفول للجميع, ان تعرية شخصية يجب ان تكون بتعرية افكارهم, و سياساتهم التى نختلف عنها. بعين ناقدة, قد ارى صورة السيد محمد عثمان عارية, و لا اعرف النقد الموجة الية, ان رأيت على سبيل المثال, صورة للأحداث فى دارفور, و السيد محمد عثمان يوليها ظهرة, لعرفت الرسالة التى يود الرسام ان ينقلها, و السياسة التى يود ان يعريها,,
و بغض النظر عن شخصية المرسوم, سواء كان السيد محمد عثمان, او محمد عبدالحفيظ ابن الجيران,, فالعرى لا تقبلة النفس اليشرية بصفة عامة,, لماذا ندخل الحمام و نغلق الباب خلفنا؟ لماذا نستحم, و لا نسمح لاحد ان يدخل وراءنا؟؟ لماذا قال الله فى سورة النورآية 58
(يَا أَيُّهَا الَّذِينَ آمَنُوا لِيَسْتَأْذِنكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنكُمْ ثَلَاثَ مَرَّاتٍ مِن قَبْلِ صَلَاةِ الْفَجْرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِن بَعْدِ صَلَاةِ الْعِشَاء ثَلَاثُ عَوْرَاتٍ لَّكُمْ لَيْسَ عَلَيْكُمْ وَلَا عَلَيْهِمْ جُنَاحٌ بَعْدَهُنَّ طَوَّافُونَ عَلَيْكُم بَعْضُكُمْ عَلَى بَعْضٍ كَذَلِكَ يُبَيِّنُ اللَّهُ لَكُمُ الْآيَاتِ وَاللَّهُ عَلِيمٌ حَكِيمٌ)
من آداب الاسلام ان يراعى الاخ عورة اخاة الانسان, يستأذن الابن قبل ان يدخل على اباة, فما بالنا و حرمات تنتهك على نطاق العالم اجمع.
خلاصة المداخلة,,
ان من حق الفنان ان ينتقد, و السيد محمد عثمان شخصية عامة تحتمل ان تتداول باعجاب و بانتقاد, بل و من واجبنا عليها ان ننتقد سياساتها. لكن النقد لكى يصبح نقدا, لا بد ان يكون بناءا, و العرى اما الناس هو ضد الفطرة الانسانية, و هو انتهاك لخصوصيات اولى ان تحترم, بغض النظر عن شخصية المرسوم,, سواء كان شخصية عامة ام لا, و سواء اختلفنا معها ام لا.
كل التحايا
و الامانى, بغد افضل
غادة
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: غادة عبدالعزيز خالد)
|
العزيزة بت عبد العزيز
تحياتى بلا حدود
شكرا لهذا الفهم العميق
يا ليت كودى يفهم
يا ليت هذا الدافنشى يتادب
| Quote: احقية خالد كودى كفنان فى رسم ما يود رسمة, و حرية التعبير ايضا مكفولة الية,,و هذا امر لا اظن ان يختلف علية اثنان. ايضا, السيد محمد عثمان الميرغنى هو شخصية عامة, و غير منزهة عن النقد, و من حق الجميع ايضا التعبير عما يروة فى شخصة و سياساتة,, و هذا ايضا امر, لا اعتقد, ان الكثيرون يختلفون فية. |
| Quote: ان تعرية شخصية يجب ان تكون بتعرية افكارهم, و سياساتهم التى نختلف عنها |
| Quote: من آداب الاسلام ان يراعى الاخ عورة اخاة الانسان, يستأذن الابن قبل ان يدخل على اباة, فما بالنا و حرمات تنتهك على نطاق العالم اجمع. |
| Quote: و بغض النظر عن شخصية المرسوم, سواء كان السيد محمد عثمان, او محمد عبدالحفيظ ابن الجيران,, فالعرى لا تقبلة النفس اليشرية بصفة عامة,, لماذا ندخل الحمام و نغلق الباب خلفنا؟ لماذا نستحم, و لا نسمح لاحد ان يدخل وراءنا؟؟ لماذا قال الله فى سورة النورآية |
| Quote: ان من حق الفنان ان ينتقد, و السيد محمد عثمان شخصية عامة تحتمل ان تتداول باعجاب و بانتقاد, بل و من واجبنا عليها ان ننتقد سياساتها. لكن النقد لكى يصبح نقدا, لا بد ان يكون بناءا, و العرى اما الناس هو ضد الفطرة الانسانية, و هو انتهاك لخصوصيات اولى ان تحترم, بغض النظر عن شخصية المرسوم,, سواء كان شخصية عامة ام لا, و سواء اختلفنا معها ام لا. |
تسلمى يا غادة
قطعت ليهم كلامك حتة حتة، لانو -ديل بيفهمو بى السطر، because their brain capacity is as little as a cockroach
| |
|
|
|
|
|
|
|
|
 يسلم كيبوردك يا غادة (Re: Yassir Tayfour)
|
Quote: هنالك شقان فى هذا الامر,
الاول,
احقية خالد كودى كفنان فى رسم ما يود رسمة, و حرية التعبير ايضا مكفولة الية,,و هذا امر لا اظن ان يختلف علية اثنان. ايضا, السيد محمد عثمان الميرغنى هو شخصية عامة, و غير منزهة عن النقد, و من حق الجميع ايضا التعبير عما يروة فى شخصة و سياساتة,, و هذا ايضا امر, لا اعتقد, ان الكثيرون يختلفون فية.
يأتى الشق الثانى, و الاهم,,
ما هو النقد الذى قدمة خالد كودى للسيد محمد عثمان الميرغنى برسمة مثل هذا الرسم؟؟ و ما هو الانتقاد الذى اراد ان يوجهة الية؟ فى رأى المتواضع, و حق الموافقة او الرفض, ايضا مكفول للجميع, ان تعرية شخصية يجب ان تكون بتعرية افكارهم, و سياساتهم التى نختلف عنها. بعين ناقدة, قد ارى صورة السيد محمد عثمان عارية, و لا اعرف النقد الموجة الية, ان رأيت على سبيل المثال, صورة للأحداث فى دارفور, و السيد محمد عثمان يوليها ظهرة, لعرفت الرسالة التى يود الرسام ان ينقلها, و السياسة التى يود ان يعريها,,
و بغض النظر عن شخصية المرسوم, سواء كان السيد محمد عثمان, او محمد عبدالحفيظ ابن الجيران,, فالعرى لا تقبلة النفس اليشرية بصفة عامة,, لماذا ندخل الحمام و نغلق الباب خلفنا؟ لماذا نستحم, و لا نسمح لاحد ان يدخل وراءنا؟؟ لماذا قال الله فى سورة النورآية 58
(يَا أَيُّهَا الَّذِينَ آمَنُوا لِيَسْتَأْذِنكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنكُمْ ثَلَاثَ مَرَّاتٍ مِن قَبْلِ صَلَاةِ الْفَجْرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِن بَعْدِ صَلَاةِ الْعِشَاء ثَلَاثُ عَوْرَاتٍ لَّكُمْ لَيْسَ عَلَيْكُمْ وَلَا عَلَيْهِمْ جُنَاحٌ بَعْدَهُنَّ طَوَّافُونَ عَلَيْكُم بَعْضُكُمْ عَلَى بَعْضٍ كَذَلِكَ يُبَيِّنُ اللَّهُ لَكُمُ الْآيَاتِ وَاللَّهُ عَلِيمٌ حَكِيمٌ)
من آداب الاسلام ان يراعى الاخ عورة اخاة الانسان, يستأذن الابن قبل ان يدخل على اباة, فما بالنا و حرمات تنتهك على نطاق العالم اجمع.
خلاصة المداخلة,,
ان من حق الفنان ان ينتقد, و السيد محمد عثمان شخصية عامة تحتمل ان تتداول باعجاب و بانتقاد, بل و من واجبنا عليها ان ننتقد سياساتها. لكن النقد لكى يصبح نقدا, لا بد ان يكون بناءا, و العرى اما الناس هو ضد الفطرة الانسانية, و هو انتهاك لخصوصيات اولى ان تحترم, بغض النظر عن شخصية المرسوم,, سواء كان شخصية عامة ام لا, و سواء اختلفنا معها ام لا.
كل التحايا
و الامانى, بغد افضل
غادة |
| |
|
|
|
|
|
|
|
|
 Re: يسلم كيبوردك يا غادة (Re: lana mahdi)
|
ياسر
كيفــــــــــك؟
..
ياخي خــالد دافنشي دهـ عايش ازمة حقيقية مع نفسو .. وما لاقي ليهو طريقة عشان يطلع منها
مهزوز .. مهزوز .. من زمـــــــــــــــااااان جـــدا...
بي صراحــة:
ما متوقع منو غير الحاجات البيعمل فيها دي .. الدور والباقي كلو على الناس البتجي تطبل ليهو هنــا وخالقين منو آلــــه..
.
.
اتوقع انو الزول دهـ من هنــا لي شهر ( امشير ) القدامنــا دهـ يقلب يبقى ( كــوز )
غايتو يا بقى كوز .. يا ( جنــا)
| |
|
|
|
|
|
|
|
|
|
Re: يسلم كيبوردك يا غادة (Re: tmbis)
|
الرائع علاء ود منصور
Quote: ياسر
كيفــــــــــك؟
..
ياخي خــالد دافنشي دهـ عايش ازمة حقيقية مع نفسو .. وما لاقي ليهو طريقة عشان يطلع منها
مهزوز .. مهزوز .. من زمـــــــــــــــااااان جـــدا...
بي صراحــة:
ما متوقع منو غير الحاجات البيعمل فيها دي .. الدور والباقي كلو على الناس البتجي تطبل ليهو هنــا وخالقين منو آلــــه..
.
.
اتوقع انو الزول دهـ من هنــا لي شهر ( امشير ) القدامنــا دهـ يقلب يبقى ( كــوز )
غايتو يا بقى كوز .. يا ( جنــا) |
والله يا تمبس ما قلت الا الحق لو ما مهزوز يبدا بى ناصرى واسى الزول ده مركز على مشكلة دارفور عشان عارف الغرب متعاطف معاها، يرسم ليهو كم لوحة -مشخلعة كدى- ويبيعا لى الخواجات الطيبين ديل
كودى فاهم اللعبة كويس مستثمر -فرشتو- كويس جدا
الطبالة بتاعنو ديل ما فاهمين حاجة، بس بحبو التعرى والصور الخليعة، افرغو السودان الجديد من محتواه
والله يا تمبس بذكرونى بالحشر البجى بعد المطر داك يتلما فوق الشمعدانة تختليهم صينية وتملاها موية، تجى تلقاهم مبطحين
_____
أرقد عافية يا ود منصور
| |
|
|
|
|
|
|
|
|
 اورانوس (Re: Yassir Tayfour)
|
غايتو ما عارف يا ياسر ..
لكن ( سودان ( منظمة كودي ومجموعتو ) الجديد دهـ ) .. البيروج ليهو بي مفاهيم زي دي
إلا يبنيهو في ( أورانوس .. يا المشترى )..
.
.
لما كنا في وادي سيدنا في الثانوي كان في شافع صغيروني في حيطة سينما الوطنية امدرمان كان بيجي شايل ليهو ( فحمه وقطعة طوبه حمراء ) كان بيرسم الفلم كلو في الحيطة دي .. مليون نفر كانو بيجو بيتفرجو في الشافع البيرسم بالطريقة دي .. ونحن الكانو عاملين لينا استاذ فنون وستة حصص في الأسبوع .. كان ( كتفونــا ) كلنا ما كنا قادرين نستوعب المسالة دي
حسع ( دافنشي ) دا بقدر يمشي يبيع لوحاتو دي قدام قاعة الصداقة في السودان القديم دهـ ؟؟
والا دي نفسيات وجاي يفكها فينا بس ؟؟
| |
|
|
|
|
|
|
|
|
|
Re: اورانوس (Re: tmbis)
|
Quote: ضمن أحد جاليريهات الفنان خالد كودى وضعت هذه اللوحة المرسومة بريشته،هذه اللوحة تضمنها بوست قبل ان يجري تعديله وحذف اللوحة منه
اللوحة تصور الامام المهدى متكئاً متخماً ونصف عار!! و خلفية اللوحة نسوة عاريات!!
الحقيقة ان اللوحة صادمة و عارية من الجمال فى رايي ليس لاسباب ايديولوجية انما لاسباب وطنية و عدالية.
فالامام المهدى لو كان يقضي وقته متكئاً كما صوره كودى لما حرر الخرطوم و من بعدها امدرمان و لما حرر السودان فى ثورة يعترف لها الاباعد قبل الاقارب بالعظمة و النبل..
ولو كان المهدى نصف عار كما صوره كودى لما"ستر"بلده، ولما اعتبر صانع السودان الحديث،ولما صنف ضمن احد اعظم قواد العالم لصناعته لثورة محلية اسلامية الالتزام و التطلع خلصت البلاد من الاستعمار..ولو كان متخماً متدلي"الكرش"كما صوره لما كان مناصراً للمظلومين و الضعفاء و المستضعفين الذين خلصهم من جور الاتراك وجمع الجباية التى قيل عنها"عشرة فى تربة ولا ريال فى طلبة"..وما من صوفي متخك لانه يقضى وقته فى الجهد و الجهاد و العبادة ،لقد وصف الشيخ محمد شريف نور الدائم -وكان المهدى احد المنفلتين من عبائته لذلك غضب عليه- قال عندما اراد ان يهجوه
كم صام كم صلي كم قام كم تلى
من الله ما زالت مدامعه تجري
وكم بوضوء الليل كبَر للضحى
وكم ختم القرآن فى سنة الوتر
لو كنت امسكت برموزنا السياسية من الالف الى الياء فاعملت بسكين ريشتك فى تصاويرهم إعمالا لما كان الغضب ،ولو نقدت الامام المهدى فكريا لما كان الغضب ..و لكن الاستهزاء بالامام المهدي؟؟هذه ليست منطقة للعب..
بئس الفن الذى يظلم رموزنا و بئس الفن الذى يصورهم بعين التمنى لا عين الواقع و بئس السياسة التى تحرف الفطرة و تجعل ضرورات السياسة مقدمة على الالتزام الوطنى.
والله لقد فجعت فيك |
من أقوال لنا مهدي التي أعجبتني
والى الأخ أدروب
لو فاكر المهدي عليه السلام حق حزب الأمة تبقا غلطان
المهدي حق السودان كلوا
ول انت فاهم الرموز ديل بيمثلوا أحزاب تبقا غلطان ..
الثورة المهدية ثورة اسلامية والمهدي زعيم اسلامي .. وعلشان كدة تعرض لما تعرض اليه..
وكذلك السيد محمد عثمان الميرغني .. لانه زعيم طائفة الختمية وهي طائفة اسلامية ولذلك تعرض لما تعرض اليه..
وأمشي قول كلامك دا في الشرق علشان يتولى أهلك الرد عليك ...
يمكن أن نختلف في الرأي السياسي والفكرة ولكن لن نهين رمزاً من رموزنا الوطنية والدينية ..
ولن نسمح للذين يريدون أن يهزموا تاريخنا بجرة ريشة أن يفعلوها..
| |
|
|
|
|
|
|
|
|
|
Re: اورانوس (Re: القلب النابض)
|
أتعجب لماذا نظرمعظمنا لهذه اللوحة بمفهوم العري والتعري؟
هل هو المسيطر الأول علي إسلوب تفكيرنا؟
مجرد سؤال..!
| |
|
|
|
|
|
|
|
|
|
Re: اورانوس (Re: عصام أحمد)
|
يا عصــام أحمــد
| Quote: أتعجب لماذا نظرمعظمنا لهذه اللوحة بمفهوم العري والتعري؟ |
لانو نفس نظرتك ونظرة ( دافنشي ) الميتافيزيغية دي في غيركم برضو عندو شوفو ما ميتافيزيغي .. وليهو حق برضو شوفو يكون ( تجريدي ) بسيط جدا .. كان برضو لبس الرسمة دي .. ( سربادوق ) ح يشوفو لابس ( سربادوق ) واحتمال شايل معاهو عكاز بكل تجريدية .. شوفك وشوف غيرك ما واحد ..
يعني تشوف أنت ويدوم خيرك .. وبرضو تشوف أنت ويشوف غيرك.
| Quote: هل هو المسيطر الأول علي إسلوب تفكيرنا؟ |
مش برضو احتمال وارد؟؟
مجرد رد لي سؤالك
| |
|
|
|
|
|
|
|
|
|
Re: اورانوس (Re: tmbis)
|
Quote: غايتو ما عارف يا ياسر ..
لكن ( سودان ( منظمة كودي ومجموعتو ) الجديد دهـ ) .. البيروج ليهو بي مفاهيم زي دي
إلا يبنيهو في ( أورانوس .. يا المشترى ).. |
يا علاء يا خوى
كودى رامى بعيد، بعيد خالص، والرسومات الجاية ح تكون -ازرط- (يا قول حسن موسى) من الرسوم الدنماركية، اها، يجو المتهوريين يهدرو دمو، يقوم الغرب يتبنى لينا سلمان كودى ولا خالد رشدى ده
ويدخلنا فى -أضان - قرد
تقيف معاهو، تكون راقد على صفحتك -الواجعاك-
تقيف ضدو، يجيك جيش بشاشا وثورة -الحامش-
ناس ترفض
ناس تأيد
وفى ناس ح يكونو ضاربين طناش،
لما يشوفو نتيجة الشوط الاول شنو،
وعليه سوف يرفضوا او يايدوا
undecided
كودى بحب الشهرة
حتى لو كانت بى اسم تانى
والبيحصل ده كلو يصب فى معين كودى
او ماعون رودا
ما الحساب مشترك
زى الcommon law
بالرغم من انو رودا مردا على حسب
ملفات ال Home Land Security
ما موجودة، وأظنها غير آثم illegal alias
لكن كودى مُصر انها موجودة
ال-كضب-، أخير منو التعرى
التعرى الناس قالوا حرية
حرية حدها السماء
آى الحرية حدها ممكن اليكون السماء،
لكن مافى كوب الارض
فى كوكب تانى، ممكن
شريطة ان يكون كودى براهو
ولا رودا ما تكون معاهو
يصنع ملكه او يرسمه ما فرقت كتير
ويضع قوانينه اولا يضعها
موش كوكبو!!!
ان شاء الله يمشى عريان
أما الكضب، ما ح تلقى ليك زول عاقل بالغ
أو حتى فى طور -البيضة- قبال ما يبقى -يرقة-
ممكن يبرر ليك -الكضب-
وكودى كضاب محترف
تعلم الكذب وصدقه وبشر به
حتى كُتب بسودانيز بكرى كذاباً
أونلايناً وأوفلايناً
فات قرود الكيزان -البتكبر-
رودا مردا دخلت عليهو بى
الساحق والماحق
والبلا المتلاحق
ورسمته عارى خلقة وأخلاق
| |
|
|
|
|
|
|
|
|
|
Re: اورانوس (Re: Yassir Tayfour)
|
الاخ ياسر طيفور
سلام
ورغم اقامتك في الغرب وتمتعك بالديمقراطيه الغربيه
الا انك في هذا الموضوع,انحزت بعاطفة غريبه
تجاه زعيمك السياسي.
واقول السياسي لمعرفتي انك اتحادي ولا اعرفك ختمي.
وتعرف تماما ان معظم اهل السودان(من جيلي وجيلك) انحدروا من اسر ذات
خلفيه انصاريه او ختميه
اذن احترامنا لهذه الرموز موجود رغم عدم انخراطنا في احزابها الا اننا نحترمها
وهذا لا يمنع نقدنا للممارساتها.....
اما ان ارى ما رأيت من استنفار لطائفة الختميه وبسماعدة الانصار
الذي عرفت (واليوم فقط ثأرهم مع خالد كودي)
لتحجيم حريات المتناولين لسياسات الساده بهذه الطريقه انها لفاجعه....
هل ممكن افهم ماهو الفرق بينكم وبين الايرانين وهم يهدرون دم سلمان رشدي؟؟؟؟
او اهل بنغلاديش وهم يهدرون دم تسليما نسرين؟؟؟؟؟
كيف سمحتم للغضب ان يخرجكم من طوركم؟؟؟؟؟
وهل تعلم ان اهدار دم سلمان رشدي رفع قيمة مبيعات كتابه لاضعاف مضاعفه....
اذن انتم ببوستاتكم هذه ترفعون اسهم خالد كودي
وصدقني لو تركتوا الامر لما تجاوز بوست مثله مثل اي بوست...
ولا تنسى هذا الموقع وغيره لازال يخاطب الصفوه ولا يجد طريقه للعامه فلما الثوره....
والحريه التي يجب ان تكفل لخالد كودي ,مكفوله لكم ايضا ان تردوا عليه كما تشاؤون
وهانتم قد فعلتم,فلماذا الغضب واهدار الدم و المطالبه بالقصاص..وغيره من البدع.
اعجبتني مداخلة غاده عبد العزيز ,ولكني اختلف معاها في رفض التعري ليس من
باب انه مقبول او مرفوض ولكني احيلك لمداخله آخرى للاخ (شاه دورشيد)وهو من اهل-الحامش برضو.
حيث ذكر ان بلادنا وهي حقيقه من البلاد التي بها اكبر نسبة تعري منذ القدم
والكثير من اهلنا عرفوا الملابس حديثا....
اذن اي عريا هذا هو المستنكر,اليس بعيون اهل الوسط
وهذا يعيدنا للمربع الاول وهو سيادة ثقافة الوسط
اما معظم سكان الاطراف وهم غالبيه فهم يلبسون من الثياب ما قل....
الشيئ الاهم:
المرغني ليس عاريا في الصوره
فكون صدره عاري ليس معناه انه عاري فهو يلبس سرواله في نظري
وكان عميانه قولوا لي!!!!!
فلماذا اقمتم القيامه ولم تكتفون بعد؟؟؟؟؟
كما قالت لنا مهدي خلافنا كمعارضه يصب في مصلحة الكيزان
لذلك تجدهم في مثل هذه البوستات منتشرين ومبسوطين.
خالد كودي ليس فردا ..بل هو تيار كامل له انصاره و المؤمنين به
فلا داعي لتبخيس الناي حقها.....
| Quote: تقيف ضدو، يجيك جيش بشاشا وثورة -الحامش |
وهذا استهتار لا اقبله منك بمن هو يقف معك في خندق واحد...
اهل الهامش لا يجب ان تستهزء بهم ولا بنضالهم يا ياسر,وتسميهم (حامش)
نصحتني من قبل عند اختلافي مع نورتاور
وانا ارد بضاعتك اليك الآن لست انت من يغرق في مثل هذه التفاصيل....
ولاحظ اصحاب المواقف المتخازله الذين انضموا مهللين ومكبرين لك في هذا البوست.
وتذكر اخي ان الغضب من الشيطان.
تراجي.
| |
|
|
|
|
|
|
|
|
|
Re: اورانوس (Re: Tragie Mustafa)
|
| Quote: ولاحظ اصحاب المواقف المتخازله الذين انضموا مهللين ومكبرين لك في هذا البوست. |
.. وأنت من ( مــامتخازلة ) ناس ويــن ؟؟
| |
|
|
|
|
|
|
|
|
|
الحبيبة (Re: Tragie Mustafa)
|
Quote: اما ان ارى ما رأيت من استنفار لطائفة الختميه وبسماعدة الانصار
الذي عرفت (واليوم فقط ثأرهم مع خالد كودي)
لتحجيم حريات المتناولين لسياسات الساده بهذه الطريقه انها لفاجعه.... |
الحبيبة تراجي
الأفجع أن تعتقدي أن الأنصار خشو لأجل ثأر ما مع كودي
برغم أنه لا يوجد من زازى في البوستات دي بالكثاقة دي من الأنصار غيري من امس
القصة مش ثار ضد كودي
لأن كودي أصلاً عبنا عليه أسلوبه ولوحاته الصادمة
ولكنه ليس بكوز ولا عدو
لكننا ضد العقلية التي يتعامل بها
والشراسة و الغلو اللتان يتناول بهما مخالفيه في الرأي
هم محط نقدنا
هناك فرق بين أن أنتقد سياسي
وبين أن أُجرّح سياسي
المسألة ليست تحجيم حريات
ولكنها محاولة لترشيد الحريات في وجهه الامثل
لو تناول شخص تراجي كشخصية عامة تناولاً شخصياً هنا يجب أن تُدق صافرات الإنذار
ولكن من حق أي شخص انتقاد أداء تراجي ما شاء له النقد
وقع ليكي يا حبيبة؟
ولا زلت أصر أن الإنقاذيين هم المستفيدين الأوائل من تشرذمنا هنا
وياريت الناس يلاقو برنامج حد أدنى يلم شعثهم هنا
تقديري
لنا
| |
|
|
|
|
|
|
|
|
|
Re: الحبيبة (Re: lana mahdi)
|
لنا الحبيبه
سلام
انا بس غبته من المنبر من الساعه 1 ظهرا
ورجعت الساعه 11 ليلا لقيت القيامه قايمه
وحاجات من الارشيف جايه وفيلم هندي عديل كده .
وبعيدن دخلت لقيت لك بوست لنورين انقشطته فيه توووووووووووووووش
وانا ماعارفه الحاصل
بعدها بديت افهم...
غايتو زي ما قتلي للاسف طاقات مهدره في الفارغه
نحن نتشاكل و الكيزان ملكوا البلد
Quote: المسألة ليست تحجيم حريات
ولكنها محاولة لترشيد الحريات في وجهه الامثل
|
اتفق معك تماما
Quote: ولا زلت أصر أن الإنقاذيين هم المستفيدين الأوائل من تشرذمنا هنا
وياريت الناس يلاقو برنامج حد أدنى يلم شعثهم هنا
|
ياريت
اسمعي فلاحتك فينا فاتحه لينا بوست للم شمل نساء وانسات المنبر :
ما تقدري تلمي عشره من رجال المنبر ديل على فكره واحده كان تقدري...اتحداك تنجحي.
تقديري ,الله يهدي الناس دي.
تراجي.
| |
|
|
|
|
|
|
|
|
|
Re: اورانوس (Re: Tragie Mustafa)
|
العزيز ياسر
المسألة ليست مسألة المهمشين أو مشكلة غرب السودان. وليست مسألة انتقاد تكفله الديمقراطية لأن جميع البشر المتحضرين يعرفون أين تنتهي حرياتهم وأين تبدأ حريات الآخرين. لكن عندما تجتمع في النفس المريضة حب الشهرة والثراء السريع إضافة إلى الكثير جدا من النرجسية وجنون العظمة الذي يجعل دون كيشوت مندهشا فإننا نجد أنفسنا أمام ظاهرة ليست جديدة، رغم أن المجتمعات المتقدمة لا تلقي بالا لأمثال هؤلاء وسرعان ما يطويهم النسيان ـ لكننا تعودنا على ردود الأفعال التي تزيد الحالة تفاقما.أين سلمان رشدي الآن وغيره ممن اقتفوا أثره لقد طواهم النسيان جميعا. لاشك أن كودي يحلم باليوم الذي تنافس فيه أسعار لوحاته أسعار لوحات فان جوخ. بكم مليون دولار ستباع لوحة المهدي عاريا؟ ربما يتم وضعها ذات يوم في اللوفر أو ربما يقتنيها متحف الغنائم البريطاني! جرعة أخرى من النرجسية!
| |
|
|
|
|
|
|
|
|
|
Re: اورانوس (Re: محمد عثمان الحاج)
|
عليك صلاة الله يا أكرم الورى
ويا خير مبعوث وخير مبجلا
كتمنا لأسرار الإله صيانة
عن الجاهل الزنديق في كل محفلا
فكم حاسد عادى لشدة جهله
فباء بخسران وعاد مهرولا
وقبل أكفافا وثنى بركبة
ومرغ أخدادا بترب وقبلا
وارتعدت منه الفرائص خيفة
وأخرس في حوباتنا وتخبلا
ونادى بألطاف مطأطئ رأسه
سماحا سماحا كاظمين لما قلا
وكم عالم والى لسرعة فهمه
وشاهد أنوارا تهيل وتخجلا
وقال إمام الوقت عثمان شيخنا
فما مثله والله حديثا وأولا
صحيح صحيح ما أقول وإنما
يعاين هذا صادق الحب في الملا
وإن يك زنديقا سيلقى بلية
عن الواحد الديان لا تتحولا
يكون بلا عقل يحدث نفسه
ويرقص للصبيان ثم يهرولا
يطوف على الأسواق من غير وزرة
يصفق بالأكفاف طورا ويعقلا
وتنبحه الأكلاب من كل جانب
ويقبل أحيانا ويدبر في الملأ
وسربل سربال الهوان بفعله
وأخلع أثوابا له وتخبلا
وأترك كلام الجاهلين ولذ بنا
وأذكرننا في كل قصر ومحفلا
تمسك بنا في الحين تشرب مدامة
تأدب لنا فالباب يفتح أدخلا
وأمدحننا عند الملوك لأنهم
عبيد لنا لاشك من حضرة العلا
فكل جميع الخلق تحت ركابنا
نولي ونعزل ما نشاء ونفعلا
وشرفنا الرحمن في الأرض كلها
لنا العز والتمييز في كل منزلا
وألف صلاة الله تغشى صفيه
والآل وأصحابا وحزبا ومن تلا
السيد جعفر الصادق بن السيد محمد عثمان الميرغني الختم
| |
|
|
|
|
|
|
|
|
|
Re: اورانوس (Re: محمد عثمان الحاج)
|
الأخ محمـد عثمان الحاج
Quote: المسألة ليست مسألة المهمشين أو مشكلة غرب السودان.
وليست مسألة انتقاد تكفله الديمقراطية
لأن جميع البشر المتحضرين يعرفون أين تنتهي حرياتهم وأين تبدأ حريات الآخرين.
لكن عندما تجتمع في النفس المريضة حب الشهرة والثراء السريع إضافة إلى الكثير جدا من النرجسية وجنون العظمة الذي يجعل دون كيشوت مندهشا فإننا نجد أنفسنا أمام ظاهرة ليست جديدة،
. لاشك أن كودي يحلم باليوم الذي تنافس فيه أسعار لوحاته أسعار لوحات فان جوخ.
بكم مليون دولار ستباع لوحة المهدي عاريا؟ ربما يتم وضعها ذات يوم في اللوفر أو ربما يقتنيها متحف الغنائم البريطاني!
جرعة أخرى من النرجسية! |
شكرا على الأفكار النقية
أحمـد الشايقي
| |
|
|
|
|
|
|
|
|
 Re: اورانوس (Re: محمد عثمان الحاج)
|
Quote: والشراسة و الغلو اللتان يتناول بهما مخالفيه في الرأي
هم محط نقدنا
هناك فرق بين أن أنتقد سياسي
وبين أن أُجرّح سياسي
المسألة ليست تحجيم حريات
ولكنها محاولة لترشيد الحريات في وجهه الامثل |
.. يا لنـــا أول حاجة صباح الخير
كنت ماشي اظبط لي ( قهــوة ) .. واقوم اطلع الالوان والفرشة بتاعتي وأبدا أرسم .. والله كلنا فنانين .. بس الغربة بت لذينا
لكن بالجد كيفتني كلمتك بتاعت ( الغلــو ) دي .. قلت اكيد مشتقة من غلاء المعيشة يا غلاء الأسعار والحاجات الزي دي ( الله يقطع سنين التسوق ) ...فقمت خليت القهوة والحاجات دي..
المهم يا لنــا...خليني اعقب ليك على مدخلتك دي بالرغم من انها بتجيب ليك الهواء من كونك حزب أمه وانا ( كوز ) حسع يقولوا تمبس الكوز عامل تطبيع مع لنــا الانصارية ولعمري هذا لغــو
..
بالنسبة لي لغــو خالد كودي البستعملو والكتيبة المن وراهو.. والله انا بعتقد انــو اصلو مافي مشكلة .. يجي يلغو في اللغاووووين .. حواء دي ما ولدت واحد بس وماتت .
العايز يتفرمط هنــا بي اسطوانة اكس بي بروفشنال .. والله الفرماطة في
العايز يحترم نفسو .. والله الناس المحترمين في
العايز يحاور بي ادب ويختلف بي أدب .. المؤدبين في
العايز يقل ادبو ويطول لسانو .. في قليلين الأدب وطوال اللسان
المسالة فاتت حدهــا من زمان جدا وفي انفلات امني في البورد ( بكري ) موسعه شوية والمسالة بقت ما حريات .. بقت سلوكيات .. اي واحد مجنون يا مهبوش .. عايز يجي يتجنن هنا وعايز الناس تسكت ليهو .. ويطلع في راس الناس ..
والوهم الفاكريين انهم بيمثلو معارضة بي طريقتهم دي .. حقو يمشو يشوفو ليهم موضوع تاني
بلاي يا لنــا عليك الله انسي حكاية انو الصراعات دي بتخدم الحكومة والمثاليات دي
الكيمان اتفرزت زمان ... الناس دي كل زول عايز يلحق لوحاتو السوق
| |
|
|
|
|
|
|
|
|
|
Re: اورانوس (Re: محمد عثمان الحاج)
|
الشقيق
محمد عثمان الحاج
| Quote: المسألة ليست مسألة المهمشين أو مشكلة غرب السودان. وليست مسألة انتقاد تكفله الديمقراطية لأن جميع البشر المتحضرين يعرفون أين تنتهي حرياتهم وأين تبدأ حريات الآخرين. لكن عندما تجتمع في النفس المريضة حب الشهرة والثراء السريع إضافة إلى الكثير جدا من النرجسية وجنون العظمة الذي يجعل دون كيشوت مندهشا فإننا نجد أنفسنا أمام ظاهرة ليست جديدة، رغم أن المجتمعات المتقدمة لا تلقي بالا لأمثال هؤلاء وسرعان ما يطويهم النسيان ـ لكننا تعودنا على ردود الأفعال التي تزيد الحالة تفاقما.أين سلمان رشدي الآن وغيره ممن اقتفوا أثره لقد طواهم النسيان جميعا. لاشك أن كودي يحلم باليوم الذي تنافس فيه أسعار لوحاته أسعار لوحات فان جوخ. بكم مليون دولار ستباع لوحة المهدي عاريا؟ ربما يتم وضعها ذات يوم في اللوفر أو ربما يقتنيها متحف الغنائم البريطاني! جرعة أخرى من النرجسية! |
تحياتنا الوافرات
| |
|
|
|
|
|
|
|
|
|
Re: اورانوس (Re: Tragie Mustafa)
|
الاخت تراجى مصطفى
تحياتى
Quote: ورغم اقامتك في الغرب وتمتعك بالديمقراطيه الغربيه
الا انك في هذا الموضوع,انحزت بعاطفة غريبه
تجاه زعيمك السياسي. |
الاقامة فى الغرب يا تراجى علمتنى معنى الحرية وحدودها، وهى يا تراجى أن امارس حريتى التى لا تتعدى ولا تمس حريات الآخرين يا تراجى والانحياز لم يكن لأن السيد محمح عثمان زعيمى ولكن لأنه أنسان فى المقام الاول له نفس ما لى ولك من الحريات
Quote: اما ان ارى ما رأيت من استنفار لطائفة الختميه وبسماعدة الانصار
الذي عرفت (واليوم فقط ثأرهم مع خالد كودي) |
بالمناسبة انا ما ختمى عشان تفتكرى انو انا جاى مندفع من ناحية الولاء، والناس دى الشجبت هذا السلوك الكودى الانتهاذى قليل منهم انصار وختمية، لايجمعهم العداء لكودى بالرغم من انه شاطر جدا فى استقطاب الاعداء... ولكن الحق هو من اتى بهم يا تراجى
| Quote: هل ممكن افهم ماهو الفرق بينكم وبين الايرانين وهم يهدرون دم سلمان رشدي؟؟؟؟ |
دى الحاجة الدايرها المتهافت خالد رشدى/سلمان كودى زاتها ...عييــــــــك
Quote: اعجبتني مداخلة غاده عبد العزيز ,ولكني اختلف معاها في رفض التعري ليس من
باب انه مقبول او مرفوض ولكني احيلك لمداخله آخرى للاخ (شاه دورشيد)وهو من اهل-الحامش برضو.
حيث ذكر ان بلادنا وهي حقيقه من البلاد التي بها اكبر نسبة تعري منذ القدم
والكثير من اهلنا عرفوا الملابس حديثا....
اذن اي عريا هذا هو المستنكر,اليس بعيون اهل الوسط
وهذا يعيدنا للمربع الاول وهو سيادة ثقافة الوسط
اما معظم سكان الاطراف وهم غالبيه فهم يلبسون من الثياب ما قل....
|
مداخلة الاخت غادة عبد العزيز مداخلة منطقية وعلمية خلية من الاغراض والمبررات ويا ريت كان وقفتى عندها بدل التبرير الذى يشل المصداقية.
وشتان يا تراجى ما بين الهامش و-الحامش-
الحامشية هم امثال ادروب وكودى المتحمشين بلا فهم
Quote: الشيئ الاهم:
المرغني ليس عاريا في الصوره
فكون صدره عاري ليس معناه انه عاري فهو يلبس سرواله في نظري
وكان عميانه قولوا لي!!!!!
فلماذا اقمتم القيامه ولم تكتفون بعد؟؟؟؟؟ |
طيب، طيب، وقفة هنا يا تراجى
انت واحدة من قيادات العمل الدارفورى فى المبر ده يا تراجى
(لو) رسموك زى ما قلتى ما عريانة خالص -بالبكينى-، رايك ح يكون شنو؟
وهل يعد تشهير ولا لا؟؟؟
وهنا حريتك الفردية انتهكت ولا لا؟؟؟
انت ما عميانة يا تراجى وسلامتك من العمى لكن بتحاولى تبررى لاستاذك كودى اسقاطاته
Quote: خالد كودي ليس فردا ..بل هو تيار كامل له انصاره و المؤمنين به
فلا داعي لتبخيس الناي حقها..... |
كودى ورودا فرداً كانو او جماعة هو تيار -خايب- تيار يفرغ القضايا الحقيقة من مضامينها ويتمسك فى شعلرات جوفاء
افرغو السودان الجديد وثورة الهامش من مضونهما واستعدو الكل علىهما
بئس التيار
بئس الانصار
وبئس كودى
وبئس
وبئس
| |
|
|
|
|
|
|
|
|
|
Re: الر(ص)ــــــــــــــــام خــالد كـــودى (Re: يوسف الولى)
|
Quote: راىء من ليس له اى درايه فى الفن التشكيلى
يمكن يا اخوانا مولاكم دا ان بيعمل سونا او بيغير هوا فى ال beach
خلو خيالكم واسع شويه
اكرر دا راىء من ليس له درايه فى الفن التشكلى او حتى مولالكم دا زاتو |
يوسف الولى
ما محتاجة لفهم فن تشكيلى لا فن خطوط
كل الامر يتعلق ب
الحرية وحدودها
انا وانت مثلا
حرياتنا قد تختلف وتتعارض مع بعضهما البعض وقد لا
ولكن اذا تعارضتا(حرياتنا)،
اذا علينا ان نراعى حرية بعضنا بعضا
وفى الحتة دى ممكن يخش المنطق
فلا بد من إيجاد قاسم مشترك لحرياتنا
| |
|
|
|
|
|
|
| |
Yassir Tayfour
تولوس
معتز تروتسكى
نيازي مصطفى
.
Hisham Amin
Biraima M Adam
Khalid Kodi
ناذر محمد الخليفة
lana mahdi
رأفت ميلاد
غادة عبدالعزيز خالد
tmbis
القلب النابض
Tragie Mustafa
أحمد الشايقي
يوسف الولى
A.Razek Althalib
فيس بوك
تويتر
انستقرام
يوتيوب
بنتيريست