|
Re: الحظوظ إنْ عاكستْ ... زى الشرا في القندول (Re: ابو جهينة)
|
ابو جهينة الظريف
سلامات
Quote: يا جنا شيكاتك في البلد طايرة ... تصول .. و تجول و رصيدك يا حريف .. يجيبلك إن كتَّرْ .. تلات عيشات .. و حَبَّة فول ..
|
لكن جنابو ده فضحك فضيحة السواد و الرماد غايتو أحسن ليك تركب البوكسى ساااااااكت
الفولانى
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: ابو جهينة)
|
Quote: الدنيا إن مشتْ .. بي خيط العنكبوت تِنْقاد ... و إن أبَتْ .. تقطِّع سلاسل الحداد ..
|
وانا من اكثر المؤمنين به ..
ظريييفة .. أوي .. قصيدتك دي .
تاريك ماساهل ياخال ..
كل مرة الواحد يعرف فيك جانب(ابداعي _مجوبك) ..
يديـــــــــك العافية ..
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: samo)
|
قريبي العزيز سمو
مودتي المقيمة
Quote: كل مرة الواحد يعرف فيك جانب(ابداعي _مجوبك) .. |
و ما الدنيا إلا جوباك مجوبك حد الجوبكة .. فأمشي مع تيارها .. و أفرد لها أشرعتك .. ستجد طعماً مختلفاً لكل أوجه الحياة.
أرقد عافية
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: ابو جهينة)
|
الأخ الأديب الأريب أبو جهينة ..
تحياتي أفندم ..
النظم حلو بالجد ما هو مجوبك ..
استمتعت شديد والله ..
وبحب أكرر معاك الحكم المنسوبة للشيخ فرخ ود تكتوك حلال المشبوك ..
إن جادت عليك بي خيط العنكبوت تنقاد ** وإن عاجت عليك تقطع سلسل الحداد
إن جادت عليك تجيك من جبال ياسو ** وإن عاجت عليك تدفق الفي الدواك عاسو
تشكرات ..
واصل ..
جاد
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: JAD)
|
أخي العزيز جدا جاد
تحياتي و سلامي شكرا على المرور
Quote: إن جادت عليك بي خيط العنكبوت تنقاد ** وإن عاجت عليك تقطع سلسل الحداد
إن جادت عليك تجيك من جبال ياسو ** وإن عاجت عليك تدفق الفي الدواك عاسو |
حكمة بليغة .. ألا رحم الله شيخنا ود تكتكوك.
أرقد عافية
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: ابو جهينة)
|
المبدع حد الزهج أبا جهينة ، وإرتباط الزهج بالإبداع هو لغة نعيشها ونعايشها الآن في السودان فقد قال الولد لجكسايته والله بلوزتك دي تافه خالص فشكرته وهي تبتسم حتى بانت سعاد - عفوا – نواجزها وردت عليه لكين ما تقول لي بنطلونك ده ما عفن شديد فأنتفخ وأنتشي صاحبنا وشكرها وهو يرسم إبتسامة الرضا على شفتيه . نرجع للمثل مرة وأتذكر حكايتي معاك تقول بنت المناخير السيد (بت المنى خير السيد) أن أصل المثل كالتالي: إن جادت عليك بي خيط العنكبوت تنقاد وإن عكست تغلب السلسل القواد والكلمة الأخيرة من عجز البيت لا علاقة لها بالقيادة الرشيدة أو غيرها. وراجعين يا أبا جهينة إن شاء الله بعد أن ننتهي من ضرب الجير بكره كأس العالم يا فرده وهي مناسبة تستحق الإهتمام خاصة وأن المسافة بين العيد والعيد بقت بعيده خلاص
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: almulaomar)
|
عزيزي الأديب الأريب الملا عمر الوقور
تحياتي و مودتي المقيمة
Quote: وإرتباط الزهج بالإبداع هو لغة نعيشها ونعايشها الآن في السودان فقد قال الولد لجكسايته والله بلوزتك دي تافه خالص فشكرته وهي تبتسم حتى بانت سعاد - عفوا – نواجزها وردت عليه لكين ما تقول لي بنطلونك ده ما عفن شديد فأنتفخ وأنتشي صاحبنا وشكرها وهو يرسم إبتسامة الرضا على شفتيه . |
Quote: تقول بنت المناخير السيد (بت المنى خير السيد) أن أصل المثل كالتالي: إن جادت عليك بي خيط العنكبوت تنقاد وإن عكست تغلب السلسل القواد والكلمة الأخيرة من عجز البيت لا علاقة لها بالقيادة الرشيدة أو غيرها. |
برضو
Quote: وراجعين يا أبا جهينة إن شاء الله بعد أن ننتهي من ضرب الجير بكره كأس العالم يا فرده وهي مناسبة تستحق الإهتمام خاصة وأن المسافة بين العيد والعيد بقت بعيده خلاص |
تخيل يا عزيزي .. أنا يمكن أعتبر نفسي من الناس ال همهم رايق .. فأنا لا أحب كرة القدم على الإطلاق .. و هل تصدق أنني لا أتابع كرة القدم لا كاس العالم و لا كاس أفريقيا و لا يحزنون. أهم رياضة عندي هي سباق الخيل .. و ألعاب القوى بأنواعها.
أرقد عافية و شكرا على المرور و في إنتظارك ..
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: ابو جهينة)
|
أستاذنا / أبو جهينة
يسعد مساك بكل خير ,,,,,,,,,,,,,,,
======================== تسجيل حضور ومتابعة
وزمان بقولوا الدنيا كتير من الاجتهاد وشوية حظ وحاليا بقولوا كتير من الحظ مع شوية اجتهاد
***
بالخاطر لعائشة ( عشة الفلاتية ) في مقام الحظ البعاكس :
جفت العين والمنام بدري الحبائب بي لو تدري ..... ما راعوا أخلاصي وجليل قدري
وعني مالم صدوا وأتوا روا حظي عاكس ولا هم جاروا
*********
مرور للتحية ورفع البوست
وأكيد فائق التحية والتقدير ,,,,,,,,,
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: غادة عبدالعزيز خالد)
|
الأخت الفاضلة غادة عبدالعزيز
تحياتي و تقديري
شكرا على المرور.
Quote: غربة تاااانى الكلام كدة لاكن ما بينفع |
ناس جوة عاوزين يغتربوا. و ناس الغربة عاوزين يرجعوا. غايتو حالة تحنن العدو يا غادة. لكن زولنا جنب المطار ساكت ما بيحب يمشي. و كمان ما بيحب يسمع سيرة البنوك أو الشيكات.
أرقدي عافية
| |
|
|
|
|
|
|
Re: الحظوظ إنْ عاكستْ ... زى الشرا في القندول (Re: عبد الناصر الخطيب)
|
أخي العزيز عبدالناصر الخطيب
تحايا عطرة و مودة مقيمة
سعدت كثيراً بولوجك دنيا هذا عاثر الحظ صديقي الذي يقبع منذئذ في السودان منتظراً ضربة حظ .. فربما..
Quote: وزمان بقولوا الدنيا كتير من الاجتهاد وشوية حظ وحاليا بقولوا كتير من الحظ مع شوية اجتهاد
*** |
و الله يا عبدالناصر .. لو الحظ موجود .. حتى قليل الإجتهاد مالو لزوم.
الواحد يمدد كرعيهو و يتوسد حظو.
Quote: بالخاطر لعائشة ( عشة الفلاتية ) في مقام الحظ البعاكس :
جفت العين والمنام بدري الحبائب بي لو تدري ..... ما راعوا أخلاصي وجليل قدري
وعني مالم صدوا وأتوا روا حظي عاكس ولا هم جاروا |
أحب الإستماع لهذه الأغنية جداً. شكرا كثيرا. أرقد عافية
| |
|
|
|
|
|
|
|