الحظوظ إنْ عاكستْ ... زى الشرا في القندول

Quote: غايتو أحسن ليك تركب البوكسى ساااااااكت

صاحبك كان داير يفرتق بدون ما يسدد شيكاتو ..

أرقد عافية

Quote: كل مرة الواحد يعرف فيك جانب(ابداعي _مجوبك) ..

Quote: إن جادت عليك بي خيط العنكبوت تنقاد ** وإن عاجت عليك تقطع سلسل الحداد إن جادت عليك تجيك من جبال ياسو ** وإن عاجت عليك تدفق الفي الدواك عاسو

Quote: وإرتباط الزهج بالإبداع هو لغة نعيشها ونعايشها الآن في السودان فقد قال الولد لجكسايته والله بلوزتك دي تافه خالص فشكرته وهي تبتسم حتى بانت سعاد - عفوا – نواجزها وردت عليه لكين ما تقول لي بنطلونك ده ما عفن شديد فأنتفخ وأنتشي صاحبنا وشكرها وهو يرسم إبتسامة الرضا على شفتيه .

Quote: تقول بنت المناخير السيد (بت المنى خير السيد) أن أصل المثل كالتالي: إن جادت عليك بي خيط العنكبوت تنقاد وإن عكست تغلب السلسل القواد والكلمة الأخيرة من عجز البيت لا علاقة لها بالقيادة الرشيدة أو غيرها.

برضو

Quote: وراجعين يا أبا جهينة إن شاء الله بعد أن ننتهي من ضرب الجير بكره كأس العالم يا فرده وهي مناسبة تستحق الإهتمام خاصة وأن المسافة بين العيد والعيد بقت بعيده خلاص

تخيل يا عزيزي .. أنا يمكن أعتبر نفسي من الناس ال همهم رايق .. فأنا لا أحب كرة القدم على الإطلاق .. و هل تصدق أنني لا أتابع كرة القدم لا كاس العالم و لا كاس أفريقيا و لا يحزنون.
أهم رياضة عندي هي سباق الخيل .. و ألعاب القوى بأنواعها.

أرقد عافية و شكرا على المرور و في إنتظارك ..

Quote: غربة تاااانى الكلام كدة لاكن ما بينفع

Quote: كرتعت لي كم جغمة يا أباجهينة وقلت اسلم عليك.

غايتو تعال بالشي كرتعت منو دة .. عشان نكرطع معاك ..
شكرا للمداخلة.
أرقد عافية

Quote: وزمان بقولوا الدنيا كتير من الاجتهاد وشوية حظ ‏ وحاليا بقولوا كتير من الحظ مع شوية اجتهاد ‏ ‏*** ‏

الواحد يمدد كرعيهو و يتوسد حظو.

Quote: بالخاطر لعائشة ( عشة الفلاتية ) في مقام الحظ البعاكس :‏ جفت العين والمنام بدري ‏ الحبائب بي لو تدري .....‏ ما راعوا أخلاصي وجليل قدري ‏ وعني مالم صدوا وأتوا روا ‏ حظي عاكس ولا هم جاروا ‏

أحب الإستماع لهذه الأغنية جداً.
شكرا كثيرا.
أرقد عافية