|
الانقاذ تلد منبرا !!!!!!!!
|
رزقت الانقاذ بمولود جديد اطلقت عليه اسم منبر السودان وهذا ليس المولود الاول الذى ترزق به الانقاذ سفاحا وتنكر انتمائه لها ولكنه يشبهها وسيكون كامل الولاء لها وقد رزقت من قبل ايضا بمنبر السلام وانكرته بعد ميلاده ولكل من يتشكك فى ان منبر السودان ود الانقاذ لاحظوا مايفلت من المنر ومن عثمان ميرغنى بالذات فقد ذكر فى مقاله فى 7 يونيو ( سنغير الواقع بانفسنا لابالامم المتحده ) وفى مقاله يوم 8 قال اننا لايمكن ان نكون غيابا ومصائرنا يحددها الاجانب ...وهذا مربط الفرس فمنبر السلام للصراع مع دارفور والجنوب ومنبر السودان للصراع مع الامم المتحده وامريكا ..وعثمان ميرغنى وعروه تاريخهم معروف فهم ابناء الجبهه الاسلاميه منذ العالى ودعمهم للانقاذ ومساندتهم لها غير خافى فهو تاريخ قريب وعثمان ميرغنى يدافع حتى عن الديكتاتور عبود قاتل على حامد ورفاقه وبائع حلفا ومياه النيل فكيف يؤتمن امثال هؤلاء على قضيه وهو لم يدين ممارسات الانقاذ فى القتل والتعذيب والافقار وكل قضيته من مع الانقاذ انه يهاجم وزارة العدل اذا قبض اخيه ويهاجم التلفزيون اذا لم يتح له الظهور وهو مزهو بنفسه لدرجة الفتون ودائم الحديث عن على عثمان الذى اتصل به وفرتكان المسئول الكبير الذى اثنى على مقاله !!! وقد اوكل اليه الجماعه تكوين اللجنه لمنبر السلام وهو يقول ان الفكره اصبحت ملك الجميع اذا فالينسحب ويترك الناس يتبنون الفكره ولكنه اكيد سيضع نفسه فى منصب رفيع ولنل عوده
|
|
|
|
|
|
|
|
الانقاذ تلد منبرا (Re: السنجك)
|
ياخوانا هل ننسى التاريخ القريب فمن ساهم فى قتل الديمقراطيه انها صحيفة السودانى والتى سددت طعنات حاده للديمقراطيه وهل هؤلاء جديرين للدفاع عن الديمقراطيه واستعادتها؟؟؟؟؟؟ ياخوانا ايه اللعب على الدقون دا؟؟ فالترابى هو المعارض الاول والبديل للانقاذ !!! وهناك صحفيين ديمقراطيين ومناضلين من اجل الديمقراطيه هم ناس عثمان ميرغنى وعروه وهناك سياسيين مكافحين يهاجمون الانقاذ وتجرى معهم السودانى اللقاءات امثال قطبى المهدى والطيب مصطفى ...ويلا دقى يامزيكه وبديل الانقاذ جاهز وهو الانقاذ ذاتها !!!!
| |
|
|
|
|
|
|
Re: الانقاذ تلد منبرا لماذا لا تربيه الحزاب لتعيد تاديبه !!!!!!!! (Re: السنجك)
|
اوكي المنبر مبتسر وعثمان سجمان لكن ايه اللي ممكن الناس تعمله عشان تعبر عن حاجاتها ممكن نفهم اننا نتجاوز عثمان ونبني منبر السودان برانا لكن ماممكن ننسى فكرة جسم مصادم بعد ان وصلنا لنتيجة ان المعارضة السودانية هي اقوي دعامة للحكومة المهم اكبر ضمان للمنبر ان الناس اللي كانت دايسة على الجمرة تجي وتتولى ادارة المنبر بدل ما نخلي عثمان ميرغني براه يسوق ويوصل خريطته (اذافترضنا ان عثمان كوز ملتزم بخط المؤتمر الوطني)يعني ما زعلان من الحكومة اكثر حاجة ضيعت حقوقنا في بلدنا دي اننا بنخلي كل الافكار الكويسة للكيزان ونطلع بعيد ونقعد نتباكى علي حرماننا من المشاركة واكبر مثال حكومة الوحدة الوطنيةاللي حاكمة حاليا دي ليه ما نجي ونخترق المنبر ونخليه يمشي زي ما داير السودان مش زي ما دايرين الكيزان خلونا نفكر بشوية عقل
| |
|
|
|
|
|
|
Re: الانقاذ تلد منبرا (Re: السنجك)
|
ياخوانا تابعوا قصة المنبر ود الانقاذ حيتم قبض عثمان ميرغنى او استدعاؤه للامن للتحقيق واطلاق سراحه لتسخين القصه واضافة بعض المحدقات وحيطلع شيخ عثمان جزاه الله خيرا بطل وزعيم اوحد للمنبر تهليل تكبير
| |
|
|
|
|
|
|
|