|
سؤال للمرأة (هل تثقين بدموع الرجل)
|
سؤال يستوجب الطرح هل ثتقين بدموع الرجل؟
متى يبكي الرجل ؟ وهل يمكن ان يبكي من اجل امراة؟
هل يستغل الرجل دموعه ليكسب عطف المراة ؟ هل يمكن ان يختفي الرجل المنافق وراء دموعه؟
وكيف لنا ان نكتشف خداع الرجل من صدقه حينما يبكي امامنا ؟ اخواتي فلنتشارك تجاربنا في هدا الموضوع حتى تعم الفائدة. انتظر ارائكن لكم التحايا
|
|
|
|
|
|
|
|
Re: سؤال للمرأة (هل تثقين بدموع الرجل) (Re: AMNA BAGRAB)
|
امنة سلامات
اسمحى لى ارفع التكليف.. و واكون اول المتداخلين.. و.. اناقشك
حقيقة سؤالك ....او..... اسئلتك مهمة... واكيد فى كتار مننا شاف تجارب لى رجال ببكوا قدامهم
انا وحدة من الناس ضعيفة جدا قدام بكاء راجل ..
بحس انو فى كارثة فعلا ....اذا شفت لى راجل ببكى....
لانو انا فى اعتقادى انو الراجل ما ببكى بسهولة
ودى حاجة خلقها فيه ربنا سبحانه وتعالى...
انو بى طبعوا-الرجل- ما عاطفى
ودة ما بينفى وجود الراجل صاحب الدموع التماسيحية
لكن دة برضو ما بيأكد انو الراجل ما بكاى ..لا بالعكس
فى رجال كتيرين جدا حنينين جدا وبيبكوا لى اسباب بسيطة
والراجل ممكن يبكى بدون دموع او بيبلعها........
ودى ميزة فى الرجل انو بيقدر يبلع دموعو ويسيطر عليها...
لكن ما اظن انو يكون فى راجل ممكن يختفى ورا دموعو عشان عطف امرأة ساى...
الا يكون فعلا حاسى انو هو ح يفقدها.... وبيحاول يرجعها ليهو...
وفى الحالة دى ما اظن اسمو منافق....
دة بيكون زول بيحب... وبيعبر عن حبو دة.... بالدموع دى....
وهنا دى ممكن تكون دى دموع ندم...عن شئ هو عملو
او اى شئ تانى....
اما الراجل اللى بيكذب فى عواطفو ويحاول يتمها دموع...
دة اساسا اسمحى لى اسميهو ليك ما راجل
لانو الرجولة دى عبارة عن صفات.....
لو ما اتوجدت خلاص عليهو العوض....
ولو عايزة تعرفيهو ممكن تكتشفيهو فى اكتر من موقف
لانو اذا خدعك انتى بى دموع ........ممكن يخدع غيرك بى ضحكة.....
وكلو على حسب نقطة ضعفو......
والنوع دة بيتهيأ لى ظاهر....وللا شنو!!!
لانو الزى دة ما عندو مواقف فى حياتو....
واغلبية النوعية دى عندها صفات منها ...
حلاوة اللسان...
اى حلو لسان ابعدى منو بعيييييييييييد
| |
|
|
|
|
|
|
Re: سؤال للمرأة (هل تثقين بدموع الرجل) (Re: نادية عثمان)
|
امنة.. وندوية سلامات.. ما اظن الراجل ببكي بي الساهل.. ليس من باب المكابرة لكن حقيقة احتمال في التركيبة بتاعتنا كرجال شرقيين الواحد بتربى من صغير على انو البكاء »عيب« وبنشوف الاطفال الواحد لو وقع او لمس ليهو حاجه »عوقتو« وبكى بنلقى الاهل بمسكوا البت ويتبتبوا عليها، ويحنسوها.. لكن الولد بنهروه ويقولوا ليهو »ماتبكي.. انت بت«.. زي كانوا ربنا خلق البكاء ده للبنات بس.. يلا الحاجه دي بتكبر مع الواحد وبتبقى ثقافة نفسية بستمدها من تراكمات كتيرة في مراحل حياتو.. عشان كده ما اظن الراجل ببكي بالساهل.. وبالتالي.. لو شفتو راجل »ببكي« طوالي حقو تثقي فيهو وفي دموعو
بس تختوا في بالكم انو تتاكدوا اولاً من انو هو فعلاً »راجل«؟
| |
|
|
|
|
|
|
Re: سؤال للمرأة (هل تثقين بدموع الرجل) (Re: nashaat elemam)
|
الأخت العزيزة بارعة مرحبا بك وأنا اتفق معك تماما فيما وصلتي اليهو وأردت نقاشا حرا وذو فائدة أما رأيي الشخصي فأنا لا اعتقد ان دموع الرجل تنزل بسهولة لان الرجل الشرقي عموما والسوداني تحديدا يري ان من الضعف ان يبكي امام امراة فهو يريد ان يقوم بدور الحامي لها فكيف يريها ضعفه الرجل لايبكي الا اذا كان عاشقا وامام الحب تسقط اشياء كثيرة وتسلمين علي المشاركة الجميلة
| |
|
|
|
|
|
|
Re: سؤال للمرأة (هل تثقين بدموع الرجل) (Re: AMNA BAGRAB)
|
امنة ازيك
وبعد السلام اقول ليك انو انا غايتو لو في راجل بكى لي, صادقا كان ام كاذبا, فقد اسرني
ياختي اخوانا الرجال ديل دموعهم غالية, يعني ما زينا في الهينة والقاسية دموعنا مطر.
فلو بكي ليك معناها بموت فيك, ولو كان كذاب عاوز يستدر عطفك فبرضو معناها انك مهمة بالنسبة ليه
يعني في الحالتين انا ضايع!!!!!
| |
|
|
|
|
|
|
|