|
|
 Re: سؤال للمرأة (هل تثقين بدموع الرجل) (Re: AMNA BAGRAB)
|
امنة سلامات
اسمحى لى ارفع التكليف.. و واكون اول المتداخلين.. و.. اناقشك
حقيقة سؤالك ....او..... اسئلتك مهمة...
واكيد فى كتار مننا شاف تجارب لى رجال ببكوا قدامهم
انا وحدة من الناس ضعيفة جدا قدام بكاء راجل ..
بحس انو فى كارثة فعلا ....اذا شفت لى راجل ببكى....
لانو انا فى اعتقادى انو الراجل ما ببكى بسهولة
ودى حاجة خلقها فيه ربنا سبحانه وتعالى...
انو بى طبعوا-الرجل- ما عاطفى
ودة ما بينفى وجود الراجل صاحب الدموع التماسيحية
لكن دة برضو ما بيأكد انو الراجل ما بكاى ..لا بالعكس
فى رجال كتيرين جدا حنينين جدا وبيبكوا لى اسباب بسيطة
والراجل ممكن يبكى بدون دموع او بيبلعها........
ودى ميزة فى الرجل انو بيقدر يبلع دموعو ويسيطر عليها...
لكن ما اظن انو يكون فى راجل ممكن يختفى ورا دموعو عشان عطف امرأة ساى...
الا يكون فعلا حاسى انو هو ح يفقدها.... وبيحاول يرجعها ليهو...
وفى الحالة دى ما اظن اسمو منافق....
دة بيكون زول بيحب... وبيعبر عن حبو دة.... بالدموع دى....
وهنا دى ممكن تكون دى دموع ندم...عن شئ هو عملو
او اى شئ تانى....
اما الراجل اللى بيكذب فى عواطفو ويحاول يتمها دموع...
دة اساسا اسمحى لى اسميهو ليك ما راجل
لانو الرجولة دى عبارة عن صفات.....
لو ما اتوجدت خلاص عليهو العوض....
ولو عايزة تعرفيهو ممكن تكتشفيهو فى اكتر من موقف
لانو اذا خدعك انتى بى دموع ........ممكن يخدع غيرك بى ضحكة.....
وكلو على حسب نقطة ضعفو......
والنوع دة بيتهيأ لى ظاهر....وللا شنو!!!
لانو الزى دة ما عندو مواقف فى حياتو....
واغلبية النوعية دى عندها صفات منها ...
حلاوة اللسان...
اى حلو لسان ابعدى منو بعيييييييييييد
|
|
 
|
|
|
|
|
| العنوان |
الكاتب |
Date |
| سؤال للمرأة (هل تثقين بدموع الرجل) | AMNA BAGRAB | 05-30-06, 04:10 PM |
| Re: سؤال للمرأة (هل تثقين بدموع الرجل) | عاطف محمد أحمد زكريا | 05-30-06, 05:00 PM |
| Re: سؤال للمرأة (هل تثقين بدموع الرجل) | بارعة | 05-30-06, 05:21 PM |
| Re: سؤال للمرأة (هل تثقين بدموع الرجل) | بارعة | 05-30-06, 05:27 PM |
| Re: سؤال للمرأة (هل تثقين بدموع الرجل) | نادية عثمان | 05-30-06, 06:16 PM |
| Re: سؤال للمرأة (هل تثقين بدموع الرجل) | nashaat elemam | 05-31-06, 05:29 AM |
| Re: سؤال للمرأة (هل تثقين بدموع الرجل) | AMNA BAGRAB | 05-31-06, 09:56 AM |
| Re: سؤال للمرأة (هل تثقين بدموع الرجل) | AMNA BAGRAB | 05-31-06, 11:30 AM |
| Re: سؤال للمرأة (هل تثقين بدموع الرجل) | Rasha Hatim | 06-01-06, 02:46 AM |
| Re: سؤال للمرأة (هل تثقين بدموع الرجل) | AMNA BAGRAB | 06-01-06, 12:24 PM |
| Re: سؤال للمرأة (هل تثقين بدموع الرجل) | عصمت العالم | 06-01-06, 05:40 PM |
|
| |
بارعة
فيس بوك
تويتر
انستقرام
يوتيوب
بنتيريست