الفنان البيجاوي محمد البدري دبايوا..و القومة ليك، فلنوثق له هنا .. امتداد لبوست الصديق مرتضى جعفر .. نواصل التوثيق لاعمال درة الشرق الأستاذ ( محمد البدري ) من خلال البومه الذي صدر مؤخرا ..( دور أريت ) .. أتمنى من اخوتنا البجا بالمنبر إضاءات اكثر عن هذه الأعمال من خلال ترجمة المعاني لبعض الكلمات والتي عرفت القليل منها من الأستاذ ( إبراهيم اداب ) .. ومن خلال اتصال هاتفي بيني والاستاذ محمد البدري وعد أن يمدنا بالعديد من الأعمال بلونيات مختلفة .. اتمنى أن يستمر التوثيق لهذا ( الساحر ) .. محمد البدري واطمع في مشاركة جميع الأخوة ..
من البوست السابق: التحية لكل المتداخلين .. وبوجه خاص .. صديقي هاشم نوريت الأخوات ..تراجي مصطفى ، وآمنة مختار حيث لم يسعفني الوقت في الردود على المداخلات في حينها.. تحية خاصة جدا للعزيز مرتضى جعفر .. لفتحه هذه النافذة والعزيز جدا ابوذر المطر شريكي في عشق الاستاذ محمد البدري ..
05-21-2006, 05:21 AM
tmbis
tmbis
تاريخ التسجيل: 10-19-2002
مجموع المشاركات: 24862
شكراً ليك يا تمبس يا جميل محمد البدري من أكثر الأصوات البجاوية إطراباً وحضوراً في الساحة وهو يستحق عناء التوثيق .... وله الحان طروبة وصوت قوي يحلق بك في متون الطرب حتى ولو لم تعرف معاني كلماته ......... شكراً ليك وكالعادة ماخد الأوسكار في الطرب والجمال
05-22-2006, 01:16 PM
tmbis
tmbis
تاريخ التسجيل: 10-19-2002
مجموع المشاركات: 24862
العزيز جدا صديق رحمة.. دائما اللحظات الجميلة تظل محفورة في الوجدان .. تنتعش مع طول المدة .. أول ما استمعت لمحمد البدري في العام 96 .. في لحظات عصيبة جدا .. انتشلني صوت محمد البدري من دوامــة.. تابعت مصدر الصوت باهتمام ـ استقر في مسجل ( ناشيونال ) بسماعة واحدة وأربعة حجارة .. وشيخ هــرم.. يتجاوز السبعين بمراحل .. يلتحف السماء ، ويتوسد عنقريب هبابي يبعد بعض سنتمترات عن الأرض .. وبعض ادوات القهوة أظنه خطط للأمر بترتيبات مسبقة .. واكتمل مزاجــه.. رجعت الديار .. وشايل معاي الصــوت .. بنفس العزوبة ، وبديت اسأل عن وين ممكن اللقى لي شريط كاسيت .. وبالرغم من توفر ( الكهرباء ) ووسائل الاستماع الحديثة ـ غابت اي معلومات أو اي وسيلة يمكن أن احصل بيها عن اي تسجيل لمحمد البدري لاحظ قمة التناقض ..؟! .. لا تنفصل عزوبة صوت محمد البدري عن معاني كلماته الجميلة .. كنت دائما في استماعي ومشاهدة محمد البدري .. اتابع ما يوصله لي من وصف حركي .. بالايدي .. ومرات كثيرة احسد نفسي عن عدم معرفتي .. ولو للقليل عن المفردات البجاوية .. ومازلت.. بعد شرح بعض الاغنيات والمفردات من بعض الاصدقاء .. ادركت بان خلف هذا الحضور الصوتي .. مفردات ومعاني لاتقل عن جماله .. الصديق البوردابي الغائب ( دافي ) .. من مدمني الاستماع لمحمد البدري .. قبل أيام .. كنا بنتكلم عن محمد البدري قال لي : ياخي سمعت محمد البدري بيغني ( سلافة الفن ) ؟ ( .. ) حسدتو علي سمعو ليهــا ومازلت قيد الانتظار .. .. شكرا لي اوسكارك ( الكشكرة ) دهـ .. وحاول شوف لينا اي حاجة لي محمد البدري
05-22-2006, 01:29 PM
معتز تروتسكى
معتز تروتسكى
تاريخ التسجيل: 01-14-2004
مجموع المشاركات: 9839
Quote: شكراً ليك يا تمبس يا جميل محمد البدري من أكثر الأصوات البجاوية إطراباً وحضوراً في الساحة وهو يستحق عناء التوثيق .... وله الحان طروبة وصوت قوي يحلق بك في متون الطرب حتى ولو لم تعرف معاني كلماته ......... شكراً ليك وكالعادة ماخد الأوسكار في الطرب والجمال
05-24-2006, 02:52 AM
tmbis
tmbis
تاريخ التسجيل: 10-19-2002
مجموع المشاركات: 24862
يــــا مطر .. أول حاجة وبدون أي تفاصيل .. صاحبك شتات استولى على شريط الكاسيت بوضع ( اليد ) .. برغم تعبي وشقاي في الحصول على الشريط بعد توصيات .. أن يستمع شتات لمحمد البدري ويعلق بين كل اغنية وأخرى ، وكل مقطع وآخر دي بتحتاج وقفه لا أقول أن شتات ما بيعجبو العجب .. لكن عندما يعلق شتات على قيمة جمالية في اعتقادي الخاص بعتبره مسالة منتهية وما بتحتاج لي نقاش عندي.. على العموم أنا فقدت الشريط الكاسيت .. واحتسبتو في سبيل توصيل القيم الجمالية تهون اي حاجة .. عزاي أنو سارعت واحتفظت بالعمل في C.D وهو من ضمن الاشياء التي لابد وأن تكون بطرفك بالاضافة لي Yanni .. خامة الصوت دي يا مطر بالذات (التينور) .. ليها سحر عجيب جدا وزي ما اتفقنا قبل كدا أنو صوت محمد البدري خلاف أنك تسمعو ممكن .. تشوفو بالعين المجردة ( الصوت ).. وبالاضافة لي إنو بيهزك .. ويحرك فيك اشياء كتيرة ربما تكون ( جـــامدة ) برضو بيجبرك أنك تخلق مقارنة بينو وبين أي صوت تسمعو وإذا ما مسخ ليك باقي الاصوات بيخليك دائما تنحاز لي اللونية دي من الاصوات أو ملامح الشبه الممكن تلاقيها في اي صوت تاني .. لاحظ: محمد البدري محمد عمر الهادي حامد ( ود الجبل ) عادل مسلم عمار السنوسني .. .. اتصلت بعديك مرات عديدة بي محمد البدري .. وببلغك تحياته بشدهـ .. الفترة الفاتت كان غير متواجد .. وفي تصوير عمل فيديو كليب وده سبب أنك ما قابلتو..
Quote: الناس الماسكين الحاجات هناك فى البلد مفروض ينتبهو للشى ده الكلام ده لو كان فى فرنسا أو المانيا او إيطاليا، خليك من أميريكا ديك والله كان عملو ليهو معهد خاص عشان يدرسوهو و يدرّسوهو خليك من ديل كلهم، والله لو فى مصر القريبة دى كان شفت العمايل
.. والله يا مطر ما خليت حاجة تتقال .. وقبل فترة كنت متابع بشكل دوري برنامج ( جراهام عبد القادر ) وهو البرنامج الوحيد البقدم فيهو لونيات مختلفة من اغاني التراث وبيحلله بشكل جيد .. كنت متوقع في كل حلقة أنو يطرح تجربة محمد البدري بشكل اوسع في عدة حلقات .. لكن اصابني الاحباط زيك أنو لحدي الآن محمد البدري خارج إطـــار القنوات الإعلامية في حين أنو البعض ما بستحق وبالرغم من كدا معكرين بيهم مزاجنا.. في بوست مرتضى السابق قدمت بعض الاعمال من لقاء تلفزيوني ..( فقير جدا ) قدمو التلفزيون السوداني وبالرغم من ثقافة محمد البدري العالية وامتلاكه لكل اسباب الحوار .. وإلمامه بالكثير من منطلق اهتمامه بالاغنية البيجاوية ..إلا إنو اللقاء كان تحصيل حاصل وباهت جدا.. اتمنى أنو تنفرد مساحات أوسع نعرف فيها الكثير عن محمد البدري .. وأن لا يهمل كما أهمل من قبله آدم شاش .. وإدريس الامير ..
آسف كوني تأخرت عليكم في الجية و أشكرك يا تمبس على الإشارة إلى البوست بتعانا الراح الإرشيف
الشريط هو زاتو بالمناسبة من حيث الأغاني و العنوان و الصورة المصاحبة. التحية للفنان الكبير محمد البدري الذي ننتظر منه المزيد من الإبداع.
البوست و الأغاني الفيو أسمح يا تمبس أن أهديهما إلى الصديق أشرف كمال بأدنبرة أسكتلندا، و يا أشرف لا يزال البحث جاريا فقط كن في الإنتظار و تمتع بهذا البوست الراقي.
لماذا لا يمنح الأخ محمد البدري عضوية هذا المنبر أو أن يجري مع المنتدى حوارا؟؟
مرتضى جعفر
05-24-2006, 04:18 AM
خدر
خدر
تاريخ التسجيل: 02-07-2005
مجموع المشاركات: 13188
خــدر .. اعترف بسرعة جدا . كيف وأين وفي ياتو مكان سمعت الاغنية دي ؟؟ انا فرفرتي دي كلها . حدود سمعي ما اتجاوزت ليها عشرة اغنيات .. دافي قال لي سلافة الفن .. وأنت ضاع صبري طيب ياخي ماف طريقة تسمعه لي أخوك بي اي شكل كان يا ترسلني مكان اللقى فيهو الاغنية دي .. ينوبك ثواب والله ياخـــدر.. أخوك مقروووض شديد والله
05-24-2006, 12:14 PM
tmbis
tmbis
تاريخ التسجيل: 10-19-2002
مجموع المشاركات: 24862
العزيز مرتضى جعفر سلامات ياابوالشباب .. وما عندك مشكلة البوست مفتوح ليك .. وأنت ليك الفضل الكبير فيهو وأنا جبت البوست الفات علشان نواصل ما انقطع وعشمانين لسه في زياداتك .. ومنتظرين برضو من البجينا من برهـ.. طبعا تأكدت من نفس الكاسيت أنو دور أريت وتحصلت عليهو في محل واحد فقط من مجموعة محلات .. ويظهر أنو في ندرة ربما ما يكون نزل هنــا ف يالاسواق بشكل حصري .. بهدي البوست معاك للأخ اشرف على أمل أنو اقدر اساهم معاك في تجميع مادة مناسبة ليهو تعينو في برنامجو .. وبحاول برضو بقدر الامكان اي عمل اتحصل عليهو ادرجو في البوست دهـ وما زلت ف يانتظارك اضافاتك القيمة يا مرتضى واضافات اشرف من على البعد ..
Quote: لماذا لا يمنح الأخ محمد البدري عضوية هذا المنبر أو أن يجري مع المنتدى حوارا؟؟
بالرغم من اقتناعي بمشغوليات الاستاذ محمد البدري الحياتيه التي لمستها من خلال مواصلتي معه إلا أنو بتمنى انو يكون لينا الشرف ونقدر نلقاهو بيناتنا هنا..
منتظرك يا مرتضى..
05-24-2006, 06:38 AM
tmbis
tmbis
تاريخ التسجيل: 10-19-2002
مجموع المشاركات: 24862
الأخ العزيز اسامة سعيد.. كل التحايا.. وشكرا لوقوفك معانا في التوثيق للاستاذ المميز جدا محمد البدري .. وانا معاك قيد الانتظار سلافة الفن والعديد من اللونيات المختلفة في أداء محمد البدري وبتمنى أنو كل من يمتلك اي عمل لمحمد البدري أنو يحاول يتواصل معاي أو يمدني بيهو .. حتى نقدم اكبر كمية من الاعمال .. الف شكر يا اسامة .. ومعاك ننتظر..
Quote: العزيز جدا صديق رحمة.. دائما اللحظات الجميلة تظل محفورة في الوجدان .. تنتعش مع طول المدة .. أول ما استمعت لمحمد البدري في العام 96 .. في لحظات عصيبة جدا .. انتشلني صوت محمد البدري من دوامــة.. تابعت مصدر الصوت باهتمام ـ استقر في مسجل ( ناشيونال ) بسماعة واحدة وأربعة حجارة .. وشيخ هــرم.. يتجاوز السبعين بمراحل .. يلتحف السماء ، ويتوسد عنقريب هبابي يبعد بعض سنتمترات عن الأرض .. وبعض ادوات القهوة أظنه خطط للأمر بترتيبات مسبقة .. واكتمل مزاجــه.. رجعت الديار .. وشايل معاي الصــوت .. بنفس العزوبة ، وبديت اسأل عن وين ممكن اللقى لي شريط كاسيت .. وبالرغم من توفر ( الكهرباء ) ووسائل الاستماع الحديثة ـ غابت اي معلومات أو اي وسيلة يمكن أن احصل بيها عن اي تسجيل لمحمد البدري لاحظ قمة التناقض ..؟! .. لا تنفصل عزوبة صوت محمد البدري عن معاني كلماته الجميلة .. كنت دائما في استماعي ومشاهدة محمد البدري .. اتابع ما يوصله لي من وصف حركي .. بالايدي .. ومرات كثيرة احسد نفسي عن عدم معرفتي .. ولو للقليل عن المفردات البجاوية .. ومازلت.. بعد شرح بعض الاغنيات والمفردات من بعض الاصدقاء .. ادركت بان خلف هذا الحضور الصوتي .. مفردات ومعاني لاتقل عن جماله .. الصديق البوردابي الغائب ( دافي ) .. من مدمني الاستماع لمحمد البدري .. قبل أيام .. كنا بنتكلم عن محمد البدري قال لي : ياخي سمعت محمد البدري بيغني ( سلافة الفن ) ؟ ( .. ) حسدتو علي سمعو ليهــا ومازلت قيد الانتظار .. .. شكرا لي اوسكارك ( الكشكرة ) دهـ .. وحاول شوف لينا اي حاجة لي محمد البدري
تمبس طبعاً عندي لمحمد البدري شريط فيديو به بعض الأغاني والرقصات البجاوية الجميلة حا أخلي الشريط شرك ليك ... عشان لمن تجي عمرة ماتكب الزوغة مننا ... لو عاوزو تعال شيلو
بعدين أوسكاري دا ما كشكرة والا أي حاجة أنت عاوز معاهو شهادة والا شنو ؟ خلاص بخلي أساسي يعتمدك في قائمته أوسكاره ....
05-24-2006, 07:41 AM
BAKASH
BAKASH
تاريخ التسجيل: 05-06-2002
مجموع المشاركات: 867
Quote: انا حاولت اترجم الاغنية لكن طبعأ الرطانه تفقد معناه الحقيقى عند الترجمه
مش الرطابنة بس أو اللهجات .. حتى الشعر نفسو إذا اترجم بيفقد معناهو وطعمو.. الشئ الغريب كلما حاولت اجتهد مع أي واحد من أخوانــا البجة في أنو يشرح لي واحدة واحدة الكلمات والمفردات دي .. بلقى رأيو مطابق تمام لي رأيك .. لاحظت للمسالة دي برضو عند أخوانا المحس .. برضو بيحملو نفس وجهة النظر دي في أنو احسن ليهم يحسوها بالطريقة المكتوبة بيها..
Quote: يصف عيون حبيبته وهى تغطى على أنارة اللؤلؤ الطبيعى
Quote: الفلجه التى فى اسنانها وتفرق الاسنان بفلجات صغيره
Quote: وايضا عن جمالها الطبيعى المكمل
Quote: شبه شفتها بالكحل الطبيعى
Quote: يعنى خشمها ماجايط ..يعنى متساوية الشفتين
.. والله يا باكاش الكلام دهـ بليغ جــدا .. وانا ما عارف لكن مع صوت محمد البدري دهـ مفترض أنت أول واحد تكون ( جنيت ) .. اعلمو لينا دروس خصوصية ابتدائية حتى لو جنينا معاكم ما عندنــا مانع .. كنت طلبت من أخونــا هاشم نوريت يترجم لينا شوية شوية .. وشايفو كشحني في ( هادوميت كيليت ايلات ).. وقال لي دي عامله زي ( عضت على العناب بالبردي ) ومن يومه وتاني ما شفتو .. ياريت لو تواصل معانا ياباكاش . ومزيد من الاضاءات.
05-24-2006, 01:22 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: خلاص بخلي أساسي يعتمدك في قائمته أوسكاره ....
يا صديق .. طالما اعتمدت لي اساسي في لجنة المصنفات .. اخير لي اوسكارك الكشكرة وحاف كدا من غير شهادة قول لي ليــه؟؟ .. قلت لي ليــه: لانو اساسي ثقافتو الفنية ضعيفه جــدا دهـ إذا ما كانت منتهية خالص .. وأنت ياهو طلعت راجل بركه وعندك اشرطة فيديو .. اهــا صاحبك دهـ كان اجتهد معانا شوية ممكن يمشي يفتش لينا شريط شريطين لي محمد البدري .. .وهو عارف بيلقاهم وين .. ويجي يجتهد وينزل لينا المسالة دي هنــا ويخلينا من شغل نقل الاغاني المعلبة من موقع انور كنج.. ..
Quote: لمحمد البدري شريط فيديو به بعض الأغاني والرقصات البجاوية الجميلة حا أخلي الشريط شرك ليك ...
طيب يا صديق .. شركك دهـ مبدئيا ممكن نقع ليك فيهو دايخين .. لكن إذا كان دهـ نفس الشريط العندي من فترة واللي هو بتاع رابطة أبناء البجاء بالجامعات وفيهو سهرة مسجلة من التلفزيون السوداني قبل سنين .. تبقى أنت الوقعت ومافي حد سمى عليك .. اعترف بسرعة ياصديق ، وخلينا من ممارسة الارهاب والترويع دهـ .. ورسل الشريط دهـ مع اي زول جاي يا الرياض دي تاني تجي داخــله عن طريق مدريد
05-24-2006, 01:10 PM
tmbis
tmbis
تاريخ التسجيل: 10-19-2002
مجموع المشاركات: 24862
الأخت العزيزة انتصار محمد صالح سلامات .. شكرا ايضا لي حضورك هنــا .. وما زلت اطمع في الكثير من اضافاتك واضافات العديد من الزملاء من حكم الانتماء الجغرافي على كل تحياتك تصل لمحمد البدري ..
مع كل كامل احترامي لك..
05-24-2006, 09:19 AM
شتات
شتات
تاريخ التسجيل: 05-03-2003
مجموع المشاركات: 1166
وفي الضفاف التمبسية .. ها دي قعدة .. .. بس جيب واحد شاي وخلي الأضواء تركواز يا منقة .. فما أجمل أن تستأسد وتسرق لحظة من ضواري الزمن .. وقد أضحى الفرح راحلاً بإصرار ودوائر الوعد تتضاءل في جفنٍ يهرب بجفاء .. عشان كدة خلينا نخت كوم الهم ونغني مع الهبباي .. هذا المهرجان يا تمبا يذكرني باحتفالية كنا قد أقمناه ذات صفاء في حواشي المثالي أبوجهينة .. عندما كانت الديناصورات تحكم العالم كان ذلك قبل حلول الصيف على هوادج ورواحل حملتنا برفقٍ ودلال .. ثم انتحى الوجود إلى شفقٍ ومرثية بثوب برتقالي .. غبنا وأنت حاضر ومسافر دوماً علي موجة ونغمة وألوان من حنان .. الآن وأنت في هذا الفاصل .. محمد بدري ودور اريت (قلت لي دور اريت دي معناها شنو؟ طبعاً المخ صفًّاية زي قليب مؤجر لأجل غير مسمي وبقى نسّاي) .. تعرف يا تمبا الشريط في العربية والله بقيت ادروب بس .. اترنم أنا والعربية الاتنين بس ناقصين هاشم نوريت .. حقيقي كنت أتمنى أن أعرف المعاني لأنو الراجل دا بيغني بعمق وانسجام وصدق متناهي ولا شك أن هناك معنىً جميلاً .. الموسيقى رائعة منسجمة مع الآداء .. والنبرة تتهادى بمناجاة شفافة تستدر عطف القماري وشوارد الريل .. والرميات دافية حنينة زي حداء السفن وأنغامها في أعالي البحار بس ذكرتني أبواللمين لما يقول: سـت البنات يا أغلى من عينيّ ممـشوقة القـوام يا الخاتية من الليّة شعرك دفة الليل الما تبلو تريا وثغرك فجّة البرق اللي السحابة ام ديّة وفوق دا كلو محمد بدري يذكرني بالشرق الحبيب "شرق الله البارد" .. أروما .. طوكر .. أركويت .. ستيت .. القاش .. كسلا .. التاكا .. توتيل .. بورتسودان .. سواكن .. حلوت .. الرقبة .. الشاطي الطيني والرملي والصخري .. و"شواطئ أخرى أحلى وأجمل" .. لي ذكريات جميلة في هذه الربوع (طبعاً صاحبنا أبوذر المطر يا تمبس عندو في القضارف صفحات مكتوبة بي رزاز المطر خلي يحكي عنها ما تنفعو بركة الفقرا والصالحين) .. أيام رائعة قضيتها في تلك الديار في رحلة جامعية في أحد شتاءات التسعينات .. يااااااااااااااااااااااااااااه .. كنا نقيم في استراحة الجامعة في سواكن على ربوة تطل على البحر .. كنا ثلة .. والزمن كان اسمراني .. ذلك زمان لم يغب عن سمائه القمـر حتى الآن .. والعمر’ مشجونٌ ومأزومٌ ومسجونُ !! . .. ونشكرك يا جميل على حسن الضيافة .. وقول لي قمر في البال .. أنت السماء بدت واستعصمت .. يا بدراً نراه .. ولا يرانا .. ودمتم .
(عدل بواسطة شتات on 05-24-2006, 09:48 AM) (عدل بواسطة شتات on 05-24-2006, 09:54 AM)
05-24-2006, 01:21 PM
القلب النابض
القلب النابض
تاريخ التسجيل: 06-22-2002
مجموع المشاركات: 8418
شتــات ..بوذا يــــا.. ما اجمل ما عاد بي رابطك الديناصوري إلى عوالــم بعيدة.. بعيدة تتراي لي الآن وكــأن بعدها عني يحسب بعدد السنين الضوئية .. ولوغريثمات الشوق .. أنظر كيف اصبحنــا نقتات على موائد الذكرى . ولا نكترث ولا نحفل بالاشياء.. .. هل هذا بفعل الحنين الذي ضخاهـ محمد البدري بصوتــه الطروب أم هي مساحات الشجن التي حرضتها ذكرى الأمكنة ؟؟ على كل يا صديقي .. ابلغت عنك خازن الجنان .. ابوذر المطر عن مــاارتكبته من فعـل وهو سيحملك الكثير من العناء .. عناء أن تستمع لمحمد البدري في أرض شوق جدباء إلا من ذكراهــا وثم طيف عابر احســه.. كلما امتدت يداك لتدير آلة التقنية لتنفحنا بصوتــه.. ثــم.. طالع ما كتبه باكـــاش هل تقوى على هذا الصنيع ؟ أم ستظل كما عهدتــك عاضض على شوقهـاومتوسد الطيف ؟؟
.. لا تعبث بالاشياء ياصديقي .. دعنــا نرى هذا القمر دوريــن.. ونتحسسه على انغام هذا العذب .. محمد البدري فهو اصدق ما نرى في صوته .. ابتسامتهاالخجلى
05-25-2006, 06:19 PM
BAKASH
BAKASH
تاريخ التسجيل: 05-06-2002
مجموع المشاركات: 867
الاخ تمبس دبايوا بخصوص الترجمة هنالك واقعة حدثت لاحد ابناء البجا عندما زار دكتور ليعرض اليه حالته ولانه لا يعرف التحدث باللغة العربية طلب مترجم وقال المريض للمترجم ( حمى قنوف ابرى) حمى بفتح الحاء وكسر الميم والياء وقنوف بضم القاف والنون والواو ابرى بسكون الحمزة والباء وكسر الراء والياء وكلمة حمى تعنى مر المذاق وكملة قنوف تعنى الانف وابرى تعنى عندى. هنا قام المترجم بترجمة حرفيه وقال للدكتور بانه يشكو من ان انفه مر( والتعبير معناه بانه يشكو من فقدان للشهية) وطبعا استغرب الدكتور من مرض المريض وقال للمترجم اخبره بان ياتى عندما يكون انفه حلوا وهنا نقل المترجم رد الدكتور للمريض وقال له بالبداويت(نفر كنوفييب تكتيهوب ما انديهوك) وايضا (نفر قنوف) هى تعبير بجاوى يعنى بان شهية الشخص مفتوحة كما نقول فى العامية. اذا الترجمة قد تفقد معناه اذا كانت حرفية ولكن لك انسان رؤيته وفهمه للنص وما الاختلاف الا تعبير على ان المفسرين يقفون فى زوايا مختلفه. قيل ايضا ان طالبا غاب عن المدرسة لمدة يومين وعندما جاء سال المعلم اين كنت؟ فاجاب اخوى رمى بيت. لانه ترجم البداويت حرفيا حيث رمى تقابل (اقد)بكسر الهمزة والقاف وسكون الدال وهى تعنى فى البداويت تزوج وايضا تحمل معنى رمى فاخذ المعنى المباشر للكلمة ليخرج النص عن معناه المراد.
05-28-2006, 06:04 PM
tmbis
tmbis
تاريخ التسجيل: 10-19-2002
مجموع المشاركات: 24862
دبايـــوا يا حبيبنا هاشم نوريت من مــا نزلت البوست دهـ كنت ( بتلفت ) ومنتظرك .. حسب وعدك القديم وكنت منتظر حضورك للاضافات .. وتثقيفنا بالترجمة..
Quote: اذا الترجمة قد تفقد معناه اذا كانت حرفية ولكن لك انسان رؤيته وفهمه للنص وما الاختلاف الا تعبير على ان المفسرين يقفون فى زوايا مختلفه
بالضبط ياهاشم تفقد المعني إذا اترجمت بحرفيته .. ورؤية المتلقى دائما وتمكنه من مفردات اللغة المترجم إليها هي البتوصل الفكرة الاساسية للنص المترجم .. وبي كدا النص بيحتمل اكتر من طريقة للترجمة على شرط أن يعطي النص المطلوب.. لكن على ما اعتقد أن مهما كانت براعة المترجم لا اعتقد انها تعطي الصورة الكاملة.. .. واصل معانا ياهاشم .. واهــو من الامثلة بتاعتك دي .. طلعنا لينا بي كم حاجة واعتبر نفسك بتدي في درس خصوصي .. لانو بي صراحة انا فاتح لي ( ملف ) وكاتب عليهو خاص هاشم نوريت ..بتمنى انك تعبيهو لينا.. وطبعا باكاش برضو مستمر معانا.. ومرحب بالجميع
05-27-2006, 12:55 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: اتمنى من الاخوة في المنبر توثيق هذا الصوت الرائع وأن تتحفنا ايها الرائع تمبس بالمزيد
أنا كان علي ما عندي مشكلة اي حاجة بلقاها لي ود البدري بنزله هنا وعندي أعمال قديمة ح اعيد ترتيبه بشكل كويس .. وح انزله والباقي على الأخوان بتمنى انهم يواصلو معانا.. شكرا ياعثمان ومنتظرين معاك
05-27-2006, 11:35 AM
tmbis
tmbis
تاريخ التسجيل: 10-19-2002
مجموع المشاركات: 24862
والله حاجة زي كدا بعدين هاشم ياخ طلع ( ياباني ) بس مرات مرات قاعـــد ( بيتنون ) علينا.. وعدني في اكتر من مكان أنو يعمل لينا اضاءات عن البداويت .. وذكرت ليهو قبل فترة عن حصولي علي كتيب أو إصداره عن البداويت لكن تبقى المشكلة في أنو النطبق بتاع مخارج الحروف بكون صعب شوية.. وحسع يعني كان عايز اعمل زي طريقتك دي واسمع الملف دهـ كل مرة واطلع لي بي حاجة يعني لازم افتح الكتاب دهـ واللقط لي كم كلمة كدا وافتش .. يعني زي هادويمت دي ممكن اللقاهــا ليك في صفحة كم يا باكاش غايتو ح اعتمد عليك في الترجمة وفي الدروس الخصوصية.. وما تقوم تطلع ( تايواني تجميع ماليزيا )
05-27-2006, 12:23 PM
elhilayla
elhilayla
تاريخ التسجيل: 02-05-2002
مجموع المشاركات: 5552
أخونـــا ود الحليلة.. شكرا للرابط .. وفيه دار حوار قديم عن الاستاذ محمد البدري .. والتحية عبرك لكل زوار البوست السابق في الرابط المرفق .. التحيه لكل من كان هنا ورحل.. على أمل ان نلتقيهم هنا من جديد اوعدك أن اقول بتجهيز كل الاعمال بالكاسيت الذي اخترت منه العمل وفي اقرب فرصة الف شكر..
يا باكاش ياخي دائما انا قاعد ابتدي بالحاجات الصعبة .. علشان لما اجي ماري في الحاجات الساهلة تكون ( مـــــــوية ) بس.. كدي بي ( يابانيتك ) دي ادخل لي في الغريق شويتين.. انا نزلت ( اوفيس بروفيشنال ) تلاتة مرات علشانك وكترت ليك في ( الووورد) وقاعد حارسك .. ابقى مارق
05-27-2006, 04:10 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
أخي الكريم شكرا لمجهودك الكبير لتوثيق أغنيات الرائع أبدا وفنان الشرق الأول ........محمد البدري....... وبالنسبة للأخ القال ان الكلمات بالرطانة تفقد حلاوتها عند الترجمة أنا أتفق معاك تماما وأجمل مافي الأغنية البجاوية موسيقاها وتعابيرها الثرة لك الشكر الجزيل
05-28-2006, 03:08 PM
BAKASH
BAKASH
تاريخ التسجيل: 05-06-2002
مجموع المشاركات: 867
الأخت الكريمة آمنــة باقـــراب.. مليون مرحب بيك .. اطلالة مميزة في البــورد.. وسعيد بوجودك للتوثيق للاستاذ محمد البدري ..
Quote: وأجمل مافي الأغنية البجاوية موسيقاها وتعابيرها الثرة
فعلا ياامنة .. والدليل تفاعل عدديدة كبيرة من الأخوة ومن ضمنهم انا باعمال محمد البدري وهناك العديد من اصدقائي خارج المنبر يتابعون بكل اهتمام اعمال محمد البدري البيعكس فيها المفرده البيجاوية بموسيقى مميزة وصوت واداء اميز.. اطمع في مدي بالعديد من اعمال محمد البدري للمزيد من التوثيق والف شكر ليك مرة تانية..
05-29-2006, 00:14 AM
Mamoun Ahmed
Mamoun Ahmed
تاريخ التسجيل: 11-29-2004
مجموع المشاركات: 922
الأستاذ مامــون أحمد .. اعذرني للتأخير في الـــرد.. لظروف متعددة .. .. ودعنــا نتفق في أهمية صوت الأستاذ محمد البدري . الواضح القوي المؤثر جدا .. تتشابه مع درجة صوت محمد البدري .. قلة من الأصوات ويمتازون اصحاب هذه الخامة الصوتية بالصوت القوي جدا واضح المخارج للحروف والاتزان.. أهمية صوت محمد البدري نتجت من تمسكه بلونية محددة من الغناء ومحاولة تثبيتها حتى اصبحت سمة ملازماهـ في كل أعمالــه.. هذا ما حبب عددية كبيرة منا من غير الناطقين بالبجاوية في متابعة هذا الضرب من الغناء وعقد مقارنة أو التعطش إلى سماع محمد البدري في طريقة الغناء بالطريقة العادية حسب ما تعودنــا.. وكما أتفق الكثير فإن محمد البدري حاليا يعد من اوائل الذين يتربعون على عرش التراث البيجاوي وصاحب مدرسة متفردة باستثناء البعض .. واتوقع أن يدخل محمد البدري من مداخل متعددة ويفرض نفسه بقوة .. لان في الغناء تحديدا لا يصح إلا الصحيح ..
Quote: واتمني ان نسمع غناءه بالعربي ايضا دون حساسية
بالضبط يا استاذ مامون .. وحسب علمي المتواضع تغني محمد البدري للعديد من الاساتذة وفي مقدمتهم الأستاذ عبد الكريم الكابلي واجاد هذه اللونية ايضا فامكانياته الصوتيه لا تقل عن امكانيات من تغنى لهم.. ومازلت موعود ببعض الاعمال المختلفة وسوف اقوم ببسطها في هذه المساحة حال توفرهــا .. مرفق نموذج .. ادخل فيه محمد البدري مفردات باللغة العربية وهذا النموذج والمرفق معــه .. ارسلهم لي أحد ابناء البجا بالمملكة المتحدهـ ( د. أوشيك سيدي ).. فاسمح لي من خلالك ان ارسل له كل التحايا واشكرهـ عبرك عن هذه المساهمة التي تحفزنا في امتداد مشروع التوثيق للاستاذ محمد البدري .. الف شكر يا استاذ مامون .. واعذرني مرة أخرى على هذا التاخير..
الرائع دوما تمبس ياخي والله الوحد منا ماقادر يعبر لك عن مشاعره للمجهود الرائع الذي بذلته وتبذله دوما في ابراز فن الأستاذ محمد البدري ذالك الفنان الرائع مثلك ومن هنا اناشد الأخ باكاش وبقيت الأخوان حمد وحسن جيلاني كي يمدوك باعمال الأستاذ محمد البدري وهي موجوده في اسواق جدة ان لمكن عندهم اصلا وفي الختام لايسعني الا ان اشكرك دقنة
06-10-2006, 12:13 PM
tmbis
tmbis
تاريخ التسجيل: 10-19-2002
مجموع المشاركات: 24862
حبيبنــا دقنــه ..( علي ) مليون ســـلام.. لمحمد البدري دين على الرقاب .. والرجل أجدر أن يحتفى به وأن يوثق له بشكل جيد طالما لا يجد وغيره الاهتمام الذي يتناسب ومكانتهم الطبيعية في خارطة الغناء وتراث القبائل المتعددة بالسودان.. وطالما من يتولون الأمور يتعمدون اسقاط الكثير من الأرقام التي ساهمت بالكثير في دفع عجلة الفن والثقافة والوعي.. على امتداد مليون ميل مربع .. لعلنا نستطيع أن نعطي كل صاحب حق حقــه حتى ولو في هذه المساحة الصغيرة في غياب القنوات الأخرى التي اصبحت حكرا على فئة محددة. .. حاولت الاتصال على بعض الاصدقاء القدامى هنــا من الشرق وللاسف معظمهم غير متواجدين أو تفرغت بهم السبل.. أتمنى ان يمدني الأخوان ومن ذكرتهم باي ما يتعلق من أعمال الأستاذ محمد البدري حتى نساهم في نشر العديد من اعماله .. .. شكرا يادقنه .. وارجو ان تداوم على المرور من هنــا ... ومعاك لو القليل من كثير من ما تملكه .. من التراث البيجاوي..
.. احب أن أذكرك .. أن كل من يفرط ولو في القليل من حقوقــه .. لا ينتظر أن تأتيه في طبق من ذهــــب .. .. ملحوظة: هل يتحدث الأستاذ محمد البدري في اعمالــه المختلفه عن ما اشرت إليه اعــلاهـ من محاولة الجـــلابة .. لطمس الهوية البجاويـــة ومحوهــا؟؟؟؟؟
أرجو أن تمدني ببعض النماذج ( حتى ولو غير متوفره هنــا ).. وبذلك تكون قد ساهمت بما انادي بــه من ترجمة بعض المعاني والمفردات من البداويت وبالتالي تساهم معنا في خلق مساحة أوسع تساهم في نشـــر هذه الثقافــة.. تحياتي والف شكر للمرور..
06-10-2006, 02:55 PM
tmbis
tmbis
تاريخ التسجيل: 10-19-2002
مجموع المشاركات: 24862
تحياتى لك يا من حملنا لك معزه خاصه دون ان نراك وستظل حتى نراك انشاء الله
يا اخوى نحن زاتنا جلابه ادروبات وكلنا واحد ولا ننسى ايضا ان عدم ظهور اى فنان هو بعده من العاصمه ودى حاجه معروفه انو محمد البدرى ماعايز يفوت الشرق
اما كلمة اوقران معناها فردة الشعر اليمين او اليسار وخاصة تظهر عند رقصة الرقبه او عند الالتفات عند المنادى او عند الشبال عند الرميه اوقران يغطى وجه المشوبل ويحجب عنه الضوء مايعرف نفسه فى ليل ام نهار
وتحياتى
باكاش
06-13-2006, 05:37 AM
tmbis
tmbis
تاريخ التسجيل: 10-19-2002
مجموع المشاركات: 24862
باكاش العزيز .. والله على الرحب والسعة . ومليون مراحب بمعرفتك .. وبيناتنا التواصل..مستمر ..
Quote: اى فنان هو بعده من العاصمه ودى حاجه معروفه انو محمد البدرى ماعايز يفوت الشرق
.. والله يا باكاش لو لا الحال المايل .. والتخطيط العشوائي مفترض السودان دهـ يتسمع كلو من أي منطقــة ياخ بتذكر زمان كان في إذاعات موجهة وتلفزيونات محلية وتفاصيل بالشكل دهـ .. ليه نطاق البث دهـ محصور في حدود جغرافية محددة .. في ثورة في الاتصالات وفي تقنية حديثة كل لحظة بتتجدد.. وين نحن من الزخم الحاصل دهـ ؟ .. وليه ارتبطت كل الاشياء بمركزية محددة في حين أنو بالامكان توصيل الصوت والصورة والافكار من اي مساحة داخلية.. أما محمد البدري فأكيد زيو وزي الكثيرين من المبدعين بيستمدوا زخيرتهم الابداعية من حكم وجودهم بالمنطقة .. ومن الصعب الابتعاد عنها مهما كان حجم المغريات.. في اتصال هاتفي مع الاستاذ محمد البدري .. ذكر أنو انتهى من تصوير عدة مقاطع مصورة على نظام الفيديو كليب في مناطق متفرقة من الشرق .. هل ممكن نعتبره تجربة جديدة بتساهم على توصيل صوت الفنــان بدلا من حضورهـ الشخصي وتكبد الكثير؟؟ ..
Quote: اما كلمة اوقران معناها فردة الشعر اليمين او اليسار وخاصة تظهر عند رقصة الرقبه او عند الالتفات عند المنادى او عند الشبال عند الرميه اوقران يغطى وجه المشوبل ويحجب عنه الضوء مايعرف نفسه فى ليل ام نهار
تعرف يا باكـــاش .. زي ما ذكر بعض المتداخلين أنو ترجمة اللهجات عادة بتفقد المعني الطبيعي للغنــاء .. لكن ابصم بالعشرة أنك وصلت الفكرة تمام أو زي ما يقصد محمد البدري .. لانو الكلمة دي تحديدا اتشرحت لي اكتر من مرة .. وكانت بالضبط بتدي نفس المعني.. .. اسمع كلام دقنـة دهـ .. واطلع لينا بي حاجــة.. ما تعملة كلها زوغانات..
06-13-2006, 05:18 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: بالله يا تنبس إنت منهم (الجلابة!) أنا قايلك مننا بدليل أنك بتسأل عن كلمات بجاوية بليغة كمان!
صدقني .. التصنيف القبلي دهـ انا ما من ناســو .. وضدو بي تعصب شديد.. خليني أقول ليك بشوية نرجسية.. بالنسبة للغــات واللهجات دي .. انا بهواها بطريقة فطرية ممكن تقول انفطمت عليها وكانت من ضمن اهتماماتي لمده طويلة جدا .. بالذات اللهجات المحلية في السودان بتعدديتو .. وكنت زرت اماكن متفرغه من السودان .. وبقدر الامكان كنت بجتهد استثمر كل الوقت واكسب اكبر حصيلة لغوية .. المسالة برضو ليها علاقــة .. بالموسيقى الوالد امد الله في ايامو انتقل في كل ربوع السودان لو ما اقول كل السودان وأخواني الأكبر سنا مولودين في اماكن متفرقة من السودان - وعمل مدرس للموسيقى في بقاع مختلفة .. والان يحتفظ بمرجع غني جدا مكتوب ( لتراث القبائل السودانية المتعددة ) ( اشك أنو موجود مع كثيرين ).. ولذلك قال اهلنا ( الجلابة الفي والدك بقالدك ) واحتمال يكون ميولي نتاج ميول قديمه موروثــه. أما سؤالي عن مفردة ( أوقران ) قصدت بيها أني ارجعك بحسب معرفتي للونيات محمد البدري من الغناء .. وسمعتها من لسانو .. عن اهتمامو بعكس التراث البيجاوي والتعريف بيهو.. واختلطت على مداخلتك بمفردة ( جلابه ) الما لقيت ليها مكان هنا وسط هذه المفردات الجميلة .. لانو مفردة جلابة على طول بترتبط عندي بالتصنيفات الذكرتها ليك فوق .. وبنفر من التعامل معاها .. بالاضافة لي أنو الحمد لله .. لي عددية مميزة جدا من الاصدقاء الحميمين جدا من مختلف السودان واعتز بيهم كتير جدا.. والبجا على وجه التحديد .. وعشت فترة دراسة مع العديد منهم .. وكنت بحتفظ بحصيلة لغوية ضخمة جدا لولا عامل النسيان الملازم للغربة .. على العموم .. اتمنى ان نمحي من عقليتنا المفردات البتكرس مفهوم التقسيم والتخندق القبلي .. الموسيقى لغة جميلة وبتوصل العديد من الثقافات .. وبتخلق تواصل ربما يعجز عن توصيلو اعلي مستوى دبلوماسي .. ..
الجميل خلقا واخلاقا تمبس اليوم كنت اتحدث للأخ الفنان محمد البدري وقالي انو في تواصل معك وانك اتصلت به قبل يومين اوكثر وقال انه يكن لك مودة خاصة وهو سعيد بل يفخر بمعرفتك بل قالي انك فنان ابن فنان وان والوالد قدم الكثير للفن الســــــــــوداني وهو يقريك ســــــــلامه وتحياته عموماتحياتي وتقديري لك واتمني ان توفق في مسعاك هذا اخوك دقنة
06-13-2006, 08:16 AM
ibrahim barssi
ibrahim barssi
تاريخ التسجيل: 05-28-2006
مجموع المشاركات: 292
صديقنــا العزيز دقنــة.. شكرا لمحمد البدري .. الانسان الخلوق .. والفنــان المهذب غلى حد الادهاش واتشرف بأن عرفت محمد البدري .. وسمحت لي الظروف أن اكون على تواصل معــه وأتمنى أن التقيه في لحظة من الزمن .. واجالسه التحية له عبرك .. وسنكون على اتصال .. من خلال هذهالمساحة ايضا.. ..
التحيــة مجددا للدكــتور أوشيك سيدي من المملكة المتحدة في دعم المشروع التوثيقي للاستاذ محمد البدري .. بارساله لونيات مختلفـــة .. من ما تغنى به محمد البدري وفي أنتظار الكثير من الأعمال التي وعدني بهــا.. .. نمــوذج آخر من أعمال محمد البدري بمصاحبة آلة ( الباسنكـــوب ) وهي الربابة التي يعزف عليها البجة اغانيهم وهي نفس آلة ( الربابة ) أو المتعارف عليها في منطقة الشايقية بآلة الطمبور .. وإن اختلفت في طريقة الدوزنة أو العزف عليها أو تسميتها في مناطق متفرقة من السودان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة