|
Re: شمال السواق .. إلى بلاد واق الواق .. (Re: ابو جهينة)
|
اخي العزيز ابوجهينة مسكاقمي من ذلك الأرض القاسية العيش فيها من ارض النوبة ونخليها وجروفها حمل أبناء النوبة الدين الاسلامي والقران وحديث خير الخلق عليه الصلاة والسلام فأصبحوا ارباب العشائر المحسي ود الارباب الماكضاب وخرج من هناك المدرسين حملوا راية التعليم في كل ربوع السودان صاي وعبري ومشكيلة وسمت وكرمة والقولد والغدار واصل يا شقيقي ففي كتاباتك بسلم لجروحنا واصل ابداعك عافيلقو
| |
|
|
|
|
|
|
Re: شمال السواق .. إلى بلاد واق الواق .. (Re: ابو جهينة)
|
الحبيب أبوجهينة
كان اللقاء طيب بداركـم العامرة وكانت الوفادة عريضة الاكرام
وكان المهندس أنور بلباقته المعهودة يعمل على (تبريد) ولعنا الشغوف بإنهاء الأمور وتحقيق التقدم.
حقيقة عند الاخ أنور الشيخ مخزون من الود يكفي لو وزع على بني السودان ليجعل منهم جميعا لطفاء لا متعجلين جادين مثلي.
وبالفعل فهو مقـل جدا في الافصـاح عن لطفه وعمق أفكاره, وبالتالي فيحتاج الأمر لثنائي مثلكما حتى يصـل هذا العمق الحـصـيـف إلى جمهور القراء.
أتوقع أن نسمع يوما عن موضوع التمباك,
ومرة بعدها عـن موضوع (الشـربوت)
لكما تحياتي
أحمـد الشايقي
| |
|
|
|
|
|
|
Re: شمال السواق .. إلى بلاد واق الواق .. (Re: أحمد الشايقي)
|
مولانا أحمد الشايقي
سلام مربع
Quote: أتوقع أن نسمع يوما عن موضوع التمباك,
ومرة بعدها عـن موضوع (الشـربوت) |
دراسة الجدوى جاهزة .. و المواد جاهزة .. و الجديد في التسويق إنو أنور عاوز يوزع التمباك في حاجة كدة زى شوكولاتة جالاكس و باونتي و إسنكرز .. يعني كل سفة في حاجة كدة ملفوفة في ورقة ظريفة .. تخيل يا مولانا .. الصعوط ملفوف في ورق سلوفان
أما الشربوت .. عاوز ليهو فتوى .. لأنو يدخل في مجال ( ما أسكر كثيره فقليله حرام ) .. و أكتر ناسنا بيخلوه يبقى غتيت و يخلي الواحد ( صاحي كالنعسان ) ..
| |
|
|
|
|
|
|
Re: شمال السواق .. إلى بلاد واق الواق .. (Re: البعيو)
|
م. أنور
تحياتي
نطمع في المزيد من سردك
Quote: بعد نهاية السكة حديد اصبح الناقل الرسمى لشعوب تلك المناطق الباصات بس مايروح بالك لبعيد لانها ماباصات بفهم القرن الحادى والعشرين ولا التاسع عشر هى لوارى مركب عليها اقفاص حديدية تصلح ان تكون سجوناً فى الدول الاقل نمواً |
اللواري التي تم تحويلها إلى باصات بعد تركيب صناديق حديدية دون مراعاة أدنى مقاييس السلامة تسببتْ في موت الكثيرين ..
سنواصل الحكي عن هذا الطريق
| |
|
|
|
|
|
|
Re: شمال السواق .. إلى بلاد واق الواق .. (Re: ابو جهينة)
|
اخي الكبير الأستاذ ابو جهينة لك التحية زادك الله متعة وجلالا يا جلال كل ما زدتنا متعة ومنحتنا هذا الجمال شكرا لهذه الصورة (التي عشناها) فاستمتعنا بنقلك إياها هنا بلغتك البديعة..
أنا غايتو حجزت (شمال السواق) في هذا البوست.
لك مودتي
| |
|
|
|
|
|
|
Re: شمال السواق .. إلى بلاد واق الواق .. (Re: عبد الله عقيد)
|
عزيزي جدا عبدالله العقيد
سلام كبير ..
سمعنا أنك مغادر في طريق العودة لأحضان البلد الباذخ .. هكذا خبر يفرحنا كثيراً و لكنه يجعل الرصة ناقصة خانة .. و هي خانتك .. و لكن العزاء الوحيد هو أنك تفتح لنا نفاجاً للعودة ..
رد الله غربتك سالما غانما
أرقد عافية
| |
|
|
|
|
|
|
Re: شمال السواق .. إلى بلاد واق الواق .. (Re: ابو جهينة)
|
شقيقي جلال ابوجهينة سلام بحجم متعة الحكي
Quote: ثم تطلع الجبل و تنظر أسفله لتجد القرية كأنها تقبع في ( حَلَّة ) |
شديتك فوق الله هسع في ذمتك دا وصف أنور ولا وصفك إنت؟؟؟ أنا إستمتعت غايتو الباقيين على كيفهم لك حبي الضارب الجذور
| |
|
|
|
|
|
|
Re: شمال السواق .. إلى بلاد واق الواق .. (Re: Optimist)
|
أبو جهينه
الله يديك العافيه يا خوي .. والله من كترت ما عشت معاك أتخيلت نفسي راكب مع الجماعه ديل ... وصدقني شممت عبير قريتنا وريحة الدعاش والطمي تنسكب داخل حروفك الجميلة ... ذكرتني والله رحلات ورحلات على هذا الطريق العجيب قبل أن ينصلح حاله الآن ... تذكرت مرة عندما سافرنا في عز الشتاء ... أصرت الوالده الله يديها العافيه أن نأخذ بطانيه معنا رمتها على مقعد الباص وهي تغالب دموع الوداع .. كنا ثلاثة .. زوجتي .. ووالدتها الخاله العزيزة رحمها الله وأنا ... وعندما وصلنا منطقة الباجه .. وما أدراك ما الباجه قرر السائق أن نقضي الليل هناك .. وطبعاً يا صاحبي تركت للجماعه البطانية الوحيده .. ونزلت من الباص لافترش الرمال .. وعينك ما تشوف إلا النور .. برد وزمهرير يشق الروح .. غايتو أنا ما ظنيت أن الصباح سيخرح عليّ وأنا حي .. واحد من المساعدين ما قصر قال لي يا فرده تعال أحفر جنب الكفر ده وحاول تنوم.. يعني أحسن شويه لكن الليله ديك شفت الهوايل .. ورغم كل تلك المعاناه فالسودان جميل وأهله أجمل وسنظل نفخر ونحمد الإله أن جعلنا سودانيين ...
واصل هذا الألق المنداح من القلب .. ليستقر في سويداء القلب والمهج والأحداق ...
إلا باركاه أننجه تو ...
| |
|
|
|
|
|
|
Re: شمال السواق .. إلى بلاد واق الواق .. (Re: إدريس محمد إبراهيم)
|
الحبيب ابو جهينة بالرغم من صعوبة الرحلة بين عبرى وحلفا حوالى يوم وليلة يعنى كنا بنقوم من عبرى يوم الاتنين حوالى الساعة العاشرة صباحا وكنا بنصل حلفا يوم الثلاثاء فى الصباح الباكر ، برضو كانت بتتخللها علاقات غرامية جميلة يعنى بت تقول دايرة اسبرين كنا مستعدين نقلب ليها الشوالات كلها ونجيبه ليها من تحت الارض
اما يوم الاثنين فأخذ حظه السيء من العشاق لإفتراق الحبيبة او الحبيب فى هذا اليوم وفى اغانى نوبية كتيرة تطرقت ليوم الاثنين كيوم غير مرغوب فيه، اما قطر حلفا فداير بوست لحاله
ولك ودى
| |
|
|
|
|
|
|
Re: شمال السواق .. إلى بلاد واق الواق .. (Re: ترهاقا)
|
إبن عمي الغالي حمزاوي
لك مودتي المستديمة
Quote: فأصبحوا ارباب العشائر المحسي ود الارباب الماكضاب وخرج من هناك المدرسين حملوا راية التعليم في كل ربوع السودان صاي وعبري ومشكيلة وسمت وكرمة والقولد والغدار |
تصدق يا حمزاوي .. في البطانة .. و بالتحديد في تمبول .. وجدت قبيلة إسمها ( السدارنة ) إكتشفت بمحض الصدفة أنهم من أصول محسية .. و يمتون لود الأرباب بصلة رحم .. و هذا موضوع آخر
أرقد عافية
| |
|
|
|
|
|
|
Re: شمال السواق .. إلى بلاد واق الواق .. (Re: إدريس محمد إبراهيم)
|
عزيزي جدا إدريس
سلام و محبة
Quote: وعندما وصلنا منطقة الباجه .. وما أدراك ما الباجه قرر السائق أن نقضي الليل هناك .. وطبعاً يا صاحبي تركت للجماعه البطانية الوحيده .. ونزلت من الباص لافترش الرمال .. وعينك ما تشوف إلا النور .. برد وزمهرير يشق الروح .. غايتو أنا ما ظنيت أن الصباح سيخرح عليّ وأنا حي .. واحد من المساعدين ما قصر قال لي يا فرده تعال أحفر جنب الكفر ده وحاول تنوم.. يعني أحسن شويه لكن الليله ديك شفت الهوايل .. |
قصتك .. و مثلها العشرات من القصص ستجعل من يجهل حقيقة مناطقنا يعرفها على الحقيقة المرة .. بعض الناس لا يعرفون أنه من حلفا حتى تخوم دنقلا لا يوجد شارع إسفلت واحد .. و أن الضفة الغربية كلها لا توجد بها مستشفى
لله درنا
| |
|
|
|
|
|
|
Re: شمال السواق .. إلى بلاد واق الواق .. (Re: بدرالدين شنا)
|
شقيقي التوأم أبو البدور
سلام بحجم عتاميرنا
Quote: أنا إستمتعت غايتو الباقيين على كيفهم |
أهم شي إنت .. لو الحكي ما عجبك حرم نمسحو ..
أها .. وصف القرية داك ياهو وصفي .. لكن أنور كان وصف وصفو رهيب .. بس هو باقي بخيل شوية .. أصبر حسع بنجرجرو ليك للوصف
أرقد عافية
| |
|
|
|
|
|
|
Re: شمال السواق .. إلى بلاد واق الواق .. (Re: ابو جهينة)
|
Quote: يتمايل اللوري يمنة و يسرة .. يجري المساعدون خلفه يرمون الصاجات .. و الركاب ما بين مصنقر على تكويشة العفش و بين لاهث خلف اللوري الذي يسبح فوق وسادة من رمال .. و لا يقف اللوري إلى في مكان آمن لا تنغرز فيه اللساتك .. فيقف منتظراً الركاب المهرولين .. |
كتابة بديعة يا ابوها.
| |
|
|
|
|
|
|
Re: شمال السواق .. إلى بلاد واق الواق .. (Re: ابو جهينة)
|
اجمل حاجة يا ابو جهينة وقفه الباصات في القهاوي
كنا اول ما ننزل نمشي نتفرج علي الجكس الراكب في الباص و ما عاز ينزل المحطة ( دواعي الرقة و عدم القدرة علي تحمل السفر ) . من الاشياء الجميلة يا ابو جهينة منظر السواق و هو برازي الباص خلاص قايم بضرب في بوري تلاتة ، و المساعد وراهو يقول ليهو يلا يلا ، من اهم مهام المساعد انو يركب اخر واحد و بعد ما الباص يتحرك و الا يكون مساعد فاره ساكت .
| |
|
|
|
|
|
|
Re: شمال السواق .. إلى بلاد واق الواق .. (Re: حمد فتح الرحمن)
|
عزيزي حمد
سلام كبير و مودة
Quote: كنا اول ما ننزل نمشي نتفرج علي الجكس الراكب في الباص و ما عاز ينزل المحطة ( دواعي الرقة و عدم القدرة علي تحمل السفر ) . من الاشياء الجميلة يا ابو جهينة منظر السواق و هو برازي الباص خلاص قايم بضرب في بوري تلاتة ، و المساعد وراهو يقول ليهو يلا يلا ، من اهم مهام المساعد انو يركب اخر واحد و بعد ما الباص يتحرك و الا يكون مساعد فاره ساكت . |
يا سلام يا حمد يا خوى
رجعتنا سنوات للوراء .. أنا غايتو السفر للبلد باللواري بعتبرو متعة ما بعدها متعة .. باصات الأيام دي ما بتعجبني .. بتجيب الكتمة ..
غايتو السواقين بتاعين الخط داك يستحقوا جائزة نوبل للسواقة
أرقد عافية
| |
|
|
|
|
|
|
Re: شمال السواق .. إلى بلاد واق الواق .. (Re: ابو جهينة)
|
أستاذنا أبوجهينة .. تحياتي .. لقد سمعت الكثير مثل هذه القصص من شاهدي عيان .. وفيها المثير الموحش والطريف كذلك " إنتو ما اتمردتوا ليه ؟ " ورغم ما بها من أحداث .. لكن أعجبني الحكي والسرد الجميل لهذه القصص المعاشة ..
والتحية لأخينا البعيو ..
ولكم المودة ..
| |
|
|
|
|
|
|
Re: شمال السواق .. إلى بلاد واق الواق .. (Re: معتصم دفع الله)
|
العزيز/ابوجهينة
البوست ده فيه رائحة دكان ود البصير
نخش شمال
عندي صديق يموَتك بالضحك من اسلوب حكيه
قال لي مرة رجع للسودان من ليبيا ،بلد إغترابه الاول، ووجد البلد كلها كشات دفاع شعبي وجهادية
ولم يطب له المقام سوا اسابيع معدودات، فكَر ان يسافر لاريتريا لبعض الاستجمام وركب في (بوكس)
شمال السواق وكانت بجانبه إمرأة
وفجأة اطلَ عليه احد افراد مايسمى بالنظام العام وقال ليهو:
ياراجل إنت ما بتختشي راكب جمب حرمة، قوم اركب ورا مع الركاب
رد عليهو صاحبي:
منوالقال ليك انا راجل، إنتو خليتو في البلد رجال يازول انا مره عديل كدة لو عاوز تفتشني انا
جاهز اقلَع ليك ملابسي في وسط المحطة دي كمان
قال لي والله الزول ده إتخارج بسرعة و محل غطس ما عرفتو
| |
|
|
|
|
|
|
Re: شمال السواق .. إلى بلاد واق الواق .. (Re: 3bdo)
|
عزيزي أبو علاء ترهاقا
سلام ماكن
Quote: برضو كانت بتتخللها علاقات غرامية جميلة يعنى بت تقول دايرة اسبرين كنا مستعدين نقلب ليها الشوالات كلها ونجيبه ليها من تحت الارض |
مرة شبشب واحدة غطس جوة الشوالات .. صاحبنا عامل دون جوان دخل إيدو جوة الشوالات .. لفحتو عقرب و طلع إيدو و العقرب متشعلقة فيها .. كتم الكوراك .. لغاية ما وقع غمران .. تاني تجي ؟
Quote: اما قطر حلفا فداير بوست لحاله |
سنفرد له بوست بحول الله
أرقد عافية
| |
|
|
|
|
|
|
Re: شمال السواق .. إلى بلاد واق الواق .. (Re: حيدر حسن ميرغني)
|
عزيزي جدا حيدر
تحياتي و مودتي
Quote: رد عليهو صاحبي:
منوالقال ليك انا راجل، إنتو خليتو في البلد رجال يازول انا مره عديل كدة لو عاوز تفتشني انا
جاهز اقلَع ليك ملابسي في وسط المحطة دي كمان
قال لي والله الزول ده إتخارج بسرعة و محل غطس ما عرفتو |
شكرا على المرور الباهي
| |
|
|
|
|
|
|
Re: شمال السواق .. إلى بلاد واق الواق .. (Re: ابو جهينة)
|
ابو جهينة والله ذكرتنا البلد وشوقى انا للبلد بى حاله والشوق للترابله اهلى
السرد ممتع واللوحه والله محفورة فى الذاكرة وطبعا الكوارتى كان اول من قاد
اللوارى فى تلك الدروب الوعرة رحمة الله .
انتهز الفرصه لأشكركم على كرم الضيافه وقد افتقدناك كثيرا امس الأول نتمنى ان نراك
فى الأجتماع القادم ان شاء الله وواصل بالله سردك الممتع دة ولازلت اذكر نغمة بورى لورى الكوارتى ونحن نردد وراه ( خالتى نورا ) طبعا دى نغمة البورى الجميله والتى تصحيك من النوم لو كنت نايم ونواصل .
| |
|
|
|
|
|
|
|