|
|
 اني لا اكذب ولكني اتجمل!!!
|
ما هي انواع الكذب
وهل هناك كذب ابيض ؟
وكذب اسود؟
وهل الكذب احيانا مبرر
اذا كان يجنبك مشكلة مثلا؟
والكذب السياسي !
ابشع انواع الكذب واخطرهاوعلي الاطلاق
بل بمقدور الكذب السياسي ان يدمر امة بأكملها لااشخاص محددين
وما اكثر الكذب السياسي في الساحة السودانية!
وهذة دعوة للنقاش!
|
|
 
|
|
|
|
|
|
|
|
Re: اني لا اكذب ولكني اتجمل!!! (Re: طارق عبد اللطيف نقد)
|
العزيز طارق نقد
يا طارق :
جعلت الخبائث كلها في بيت وجعل الكذب مفتاحها!!
وما اكثر الكذب السياسي في الساحة السودانية! سؤال طارق؟
شوف خبائث الانقاذ وانت تعرف يا صديقي؟ كذبت الانقاذمن الدقيقةالاولى فظهرت الخبائث .. قالوا نحن ناس شعارنا الكاكي ... ومن يومها العباد والبلاد بتكاكي ... تكاكي... مش متل جنى الوزين طبعا ... ولكن من الآلم...
| |
|
|
|
|
|
|
|
|
|
Re: اني لا اكذب ولكني اتجمل!!! (Re: طارق عبد اللطيف نقد)
|
الأخ العزيز طارق
تحياتي لك ولهذا البوست الجميل .. (( الكـــــــذب ))
طبعاً الكذب لو أخذناه من ناحية دينية نجد الكذب حرام تماماً إلا في حالات مثل الحرب أو إصلاح ذات البين أو كذب الزوج على الزوجة بغرض تطيب خاطرها أو في الصلح عموماً .
أما الكذب الأبيض والكذب الأسود ( دي فنجرة كضابين ساكت ) في كضبة قوية الواحد يصدقه وفي كضبه بايخة يإما الواحد يضحك عليها يإما الواحد يدوره معاك شكله ويقول ليك إنته قايلنا أولاد صغار تكضب علينا .
أما بخصوص الكذب أحياناً يكون مُبرر .. فقايتو دي عندي معاها قصه .. تعرف مرة واحد زايغين منه قال لينا إلا تجوني تتغدوا معاي وبيني وبينك كان عندنا برنامج ألذ من الغدا بتاعه المهم فكيناه فيه وأديناه كضبة تمام إنوا شغالين وكده .. المهم يوم الجمعة مشينا للجماعة المبرمجين معاهم وصلينا الجمعة في الجامع القريب منهم .. بعد الصلاة نلقا ليك زولنا ذاته الكضبنا عليه .. قالينا ده شنوا الجابكم هنا شنوا .. قلته ليه أسمع أرح بره الجامع وأنا حأوضح ليك .. قال لي ليه ماتقول لي هنا في الجامع .. قلته ليه عشان داير أكضب عليك مابقدر أكضب عليك في الجامع .. فصحبك فكاها ضحكه وقال ليه خلاص قبلته عذرك .
أما بخصوص الكذب السياسي ( إنشاء الله السياسة تتطير وتقع في البير .. وماتلقى غير حبل الكضب ) .. فده أعفيني منه ياأخوي فأنا في تلاته حاجات مابفهم فيهم الكورة والسياسة واللغة اليابانية ..
تحياتي ،،
أخوك / خالد الأرباب
خارج النص (( بيني وبينك أخطر حاجة إنوا الواحد يكضب ويصدق الكضبة بتاعته ))
| |
|
|
|
|
|
|
|
|
|
Re: اني لا اكذب ولكني اتجمل!!! (Re: طارق عبد اللطيف نقد)
|
قالو الكضب ملح الحديث ،،،،،،،
لكنى لم أر اكضب من الجماعة إياهم !!!!! حضرت مهدى إبراهيم فى حلقة تلفزيونية وهو يحكى عن أحداث الجزيرة أبا ، فكان كذبه على الهواء مباشرة ، ومن ضمن ما قاله أن ألانصار كان عددهم حوالى 70000 والكيزان عددهم أكثر من عشرين شخص ولكنه كان يقول أن كل ألامور كانت بيدهم !!!! بالامس شهدت أيضا أحمد عبدالرحمن محمد فى برنامج أسماء فى حياتنا وهو يكذب على الهواء مباشرة ، وكان يقول بأنهم أى الكيزان هم أصحاب ثورة أكتوبر ، إتفاق المائدة المستديرة ، رجب / أبريل كلها نسبها للكيزان علما أن البرنامج توثيقى فمن المسؤل وكيف يعالج مثل هذا !!!!!!!!!!
| |
|
|
|
|
|
|
|
|
|
Re: اني لا اكذب ولكني اتجمل!!! (Re: عبد المنعم عمر عثمان)
|
الريس عبد المنعم عمر ودحبوبة
| Quote: قالوا الكضب ملح الحديث ،،،،،،، |
قايتوا ده مع ناس صديق الموج ومصطفي عثمان
والله يا ريس
الاختشوا ماتوااصبح الكذب علي الهواءو
علي الناس وعلي الدين وعلي ربنا كمان
والله بدل ما ينقسموا مؤتمر شعبي ومؤتمر وطني
حقوا يتوحدوا ويسموامؤتمر ال000000000
| |
|
|
|
|
|
|
|
|
|
Re: اني لا اكذب ولكني اتجمل!!! (Re: طارق عبد اللطيف نقد)
|
وقال الأحنف بن قيس:
"إن الصدق أحياناً معجزة"
وذلك عندما دعي الناس لبيعة اليزيد وفي حضور معاوية بن أبي سفيان .. وقيل أن الاحنف لم يبايع ولم يتكلم فناداهو معاوية وسأله: مالي أراك صامتاً لا تتكلم .. فقال: أخاف الله إن كذبت وأخافكم أنتم إن صدقت .. أردتم أن تجعلوها هرقلية يا معاوية؟. ويقال أن معاوية قد أعفاه من البيعة
وأجدني مع الأحنف .. أن الصدق أحياناً معجزة .. ولكن ما أجمل أن نحاول أن نكون صادقين لتكون الحياة أفضل .. فيصبح الكذب هو الإستثناء "لمن أضطر غير باغ" في الحياة والأصل الصدق .. وليس كما هو حادث الآن ..الكذب هو السائد..
أما التجمل فوجوهه كثيرة بعضها يندرج تحت باب الحكمة واللباقة وحسن التصرف وينفتح بابه ليلامس النفاق وسوء الأخلاق (حمانا الله) ..
نسأل الله أن نتجمل بالحد الذي لا يذوب شخصياتنا فنصبح بلا طعم ولا لون ولا رائحة ..
إلتزام الصدق كفيل أن يساهم في تخفيف عاهات السياسة في السودان .. ولكن هل من سبيل إليه؟ وساستنا بتغنون بالوطن .. والوطن في جيوبهم ووظائفهم ووجاهتهم .. وشعب السودان ترهقه قتره على مر السنين ولله الحمد.
| |
|
|
|
|
|
|
|
|
|
Re: اني لا اكذب ولكني اتجمل!!! (Re: Mohamed Abdelgaleel)
|
الرائع محمد عبدالجليل
لك الود والتحايا النواضر
| Quote: إلتزام الصدق كفيل أن يساهم في تخفيف عاهات السياسة في السودان .. ولكن هل من سبيل إليه؟ وساستنا بتغنون بالوطن .. والوطن في جيوبهم ووظائفهم ووجاهتهم .. وشعب السودان ترهقه قتره على مر السنين ولله الحمد. |
من اهم مكونات الشخصية
واحترام الناس البك
هي التزام الصدق مع نفسك اولا
ما الت الية احوال الوطن والمواطنين المغلوبين علي امرهم
كل ذلك بسبب الكذب
وصاحبي يمكن تكون سمعت بقصة القرود الكانت بتقاتل في الجنوب
وهل سمعته بقصة مسئول الدفاع عن العقيدة والوطن والذي كان يخطب في احداعراس الشهداء
حينما قال انه قابل الشهيد عند نهر السوباط وسلم علية وعندما فارقة اشتم في يدة رائحة المسك
يا مثبت العقل والدين
| |
|
|
|
|
|
|
|
|
|
Re: اني لا اكذب ولكني اتجمل!!! (Re: طارق عبد اللطيف نقد)
|
تعرف ياقريــــبي ..
أنا أول ماجيت السعودية سنة 1992م .. كنته مؤمن بي حاجة واحدة إنو الواحد لايمكن أن يكذب أبداً .. بناءً على حديث الرسول صلى الله عليه وسلم (( المؤمن لايكذب )) . وكنت مصنف نفسي مؤمن ..
فأول ماإشتغلته كان ضمن مهام عملي كسكرتير أن أجيب على التلفونات .. المهم إتصل واحد وقال لي داير المدير .. قلته ليه لحظة .. وطلبته التحويلة الداخلية للمدير .. وبلغته إنو فلان على الخط .. المدير قال لي قول ليه مافي .. قلته ليه أنا مابكضب ..قال لي شنو قلته ليه أنا مابكضب الرسول صلى الله عليه وسلم قال المؤمن لايكذب .. وأنا لو كضبته يبقى شغلي ده حرام وراتبي حرام .. قال ليه حول الخط لموظف تاني وتعال لي المكتب .
مشيت ليهو .. قال ليه يا إبني إنته كدى ماحتعيش في الدنيا دي .. وأنا كان مامقدر وضعك كنته برفدك .. لأنوا هنا الشغل شغل .. أنا مرات في ناس ماديرهم ..
تعرف أنا الحكاية جاطت عليه .. أخلي الشغل طيب أخذل الناس الفي السودان المنتظريني أرسل ليهم المصاريف ..ولا أكضب عشان أعيش .. ولا أصلي ركعتين بعد كل كضبه .. ولا أكضب وأصدق الكضبة وأصدق إنوا أنا ماكضاب ولكن الظروف ..
تعرف لحدي أسع الحكاية جايطة معاي .. عشان كده أنا أسع عدلته التصنيف القديم بتاعي .. وبقيت .. خبير سلوكيات فردية .. حسب الجلسة .. لو دين (( مؤمن )) .. لو مدير كفيل (( كضب ساكت )) .. لو فن وموسيقى وطرب (( بتاع فلوت )) .. لو جلسه بتاع ناس مثقفين وكلام كبار كبار (( بتقمس دور المستمع الجيد )) .. يعني بالعربي كدي .... مابنختلف وريني بس قانون الجلسة .... بحفظ حروفه ألف ألف ..
تحياتي لك ياأيها الصديق العزيز / طارق
خالد الأرباب (( مرات مرات كضاب ))
خارج النص :
(( سال المدير سكرتيره الخاص قال ليهو أنا أمبارح حلمته إنوا أنا في المكتب والمكتب إنهار علينا ومتنا .. لكين أنا ماشفتك معاي في الحلم .. كنته وين ..؟؟.
أجاب السكرتير .. أكون مته قبلك بي يومين يا سعــــــــــــــادتك .))
| |
|
|
|
|
|
|
|
|
|
Re: اني لا اكذب ولكني اتجمل!!! (Re: Khalid Saeed)
|
يديك العافية يا ارباب
يا الاحيانا 000ما 000كضاب
اسي اكبر ارباب كذاب في الودان بقى صلاح ادريس
لكن عشان كدهRe:
اني لا اكذب ولكني اتجمل!!!
فالحياة الان بقت صعبة
محتاجة شوية بهارات
وده اسمة فقه الضرورة
| |
|
|
|
|
|
|
|
|
|
Re: اني لا اكذب ولكني اتجمل!!! (Re: طارق عبد اللطيف نقد)
|
Quote: هل لو استمرت الحياة كلها
بصدق فقط وبدون كذب
سوف تكون اجمل وتنتهي المشاكل
مجرد سؤال للنقاش |
الاخ طارق
الانسان بطبعه يريد ان يتجمل ويظهر بأحسن ما لديه
لذلك لا اعتقد ان البشر يستطيعون ان يكونوا صادقين دائما
فهم بحوجه للتجمل دائما
انا حصرت كلامي في الكذب الاجتماعي
الموضوع جميل وشيق ولي عوده
مودتي واحترامي
| |
|
|
|
|
|
|
|
|
|
Re: اني لا اكذب ولكني اتجمل!!! (Re: طارق عبد اللطيف نقد)
|
الاخ العزيز طارق
شكرا لك لكل التحايا والود
نبض العقل يا عزيزي هو الذي يجعلنا نتوازن في هذه الدنيا
لذا هو من اولى المطلوبات ونحن جميعا تستمد حياتنا معانيها
الجميلة من المساحات التي تجمعنا ببعضنا البعض ونتذوق فيها طعم الحياة
مودتي واحترامي
| |
|
|
|
|
|
|
|
|
 Re: اني لا اكذب ولكني اتجمل!!! (Re: طارق عبد اللطيف نقد)
|
أبونا الشيخ فرح ودتكتوك عنده مقولة مشهورة ..
كان الصدق ما نجاك الكذب ما بنجيك ..
والقصة معروفة للجميع ..
ليس هناك كذب أبيض ولا أسود ..
الكذب ياهو الكذب ..
المصيبة أننا نكذب ونصدق ذلك ..
لقد أصبحنا نعيش في كذبة كبيرة ..
وما نراه الآن من حولنا لهو أكبر كذبة في تاريخ السودان ..
ترتبت عليه مصائب كبيرة يدفع ثمنها الوطن والمواطن السوداني ..
شكراً طارق ..
وأنت تفتح لنا نافذة نطل عليها ..
ونتحاور فيها ..
| |
|
|
|
|
|
|
|
|
|
Re: اني لا اكذب ولكني اتجمل!!! (Re: معتصم دفع الله)
|
التحية مرة أخرى الأخ العزيز / طارق
والتحية للجميل العزيز الأخ / معتصم
تعرف قصة الشيخ فرح ود تكتوك دي .. أنا أمبارح جاني إحساس إنها وصلت الصينيين الموجـودين فـي أمريكـا.. والإحساس ده جاني وأنا بحضر في فيلم جميل للممثل الصيني جاكي شان .. كان في جماعة مطاردنه وزولك لقي ليه واحد قريبه صيني عند محل قال ليه خبيني في جماعة جارين بي وراي (( طبعاً ده كله بالإنجليزي يا .... مرسي ههههههههه)) قال ليه أدخل إدسه هناك .. بعد شوي جو الخيانة .. قالوا لي الصيني (( يا صيني شفتليك صيني جاري بي جاي )) الصيني داير يكضب .. أظنه إتذكر مقولة الشيخ فرح ود تكتوك (( وإحتمال خاف يروح النار )) .. قاليهم يهوداك مدسي جوه .. طبعاً الخواجات صدقوه طوالي ودخلوا جوه لقوليك جاكي شان متلبت ووقعوا ليك فيهوا كسر نضيف .. زولك جاكي زعل من قريبه ده زعل شديد قاليه (( حرم أنا ماعندي قرايب )) أنا أقول ليك دسني تقوليهم يهوداك جوه .. الصيني قاليهوا والله ماعرف أقول ليك شنوا .. والله خلي بالك ياقريبي الصيني الزمن إتغير زمان شيخنا قال الصدق كان مانجاك الكضب مابنجيك .. أسع شفته الورطه الوقعنا فيها دي ..
تحياتي ،
خالد الأرباب
خارج النص : (( المؤمن صديق )) مع إني متأكد ميه في الميه إنوا الخيانة كفار صدقوه كيف ماعارف .
| |
|
|
|
|
|
|
|
|
|
Re: اني لا اكذب ولكني اتجمل!!! (Re: Khalid Saeed)
|
العزيز خالد الارباب
| Quote: (( المؤمن صديق )) مع إني متأكد ميه في الميه إنوا الخيانة كفار صدقوه كيف ماعارف . |
انت عارف المصيبة وين يا قريبي
المصيبة في انه الخواجات
اصدق منا وما بكذبوا
والغريبةاسمهم كفار
| |
|
|
|
|
|
|
|
|
|
Re: اني لا اكذب ولكني اتجمل!!! (Re: Khalid Saeed)
|
العزيز خالد الارباب
| Quote: (( المؤمن صديق )) مع إني متأكد ميه في الميه إنوا الخيانة كفار صدقوه كيف ماعارف . |
انت عارف المصيبة وين يا قريبي
المصيبة في انه الخواجات
اصدق منا وما بكذبوا
والغريبةاسمهم كفار
| |
|
|
|
|
|
|
|
|
|
Re: اني لا اكذب ولكني اتجمل!!! (Re: طارق عبد اللطيف نقد)
|
سلامات ياقريبي .. كيف الأخبار
قالـوا في واحد كضاب كضب شديد .. عندوا خرفان باعها كلها إلا واحد تعبان جدا ماإتباع ليهوا .. المهم خاتي الخروف بتاعوا واقعد .. جاهوا واحد سأله قال ليه الخروف ده بي كم .. قال ليه على الطلاق دفعوا لي فيه 500 ألف .. وأنا أبيت .. الخروف فكاها ضحكه ..
لك التحية والمحبة الصادقة من غير كضب .
أخوك / الأرباب
| |
|
|
|
|
|
|
| |
طارق عبد اللطيف نقد
خالدة البدوي
محمد يسن علي بدر
Khalid Saeed
Mohamed Abdelgaleel
انعام عبد الحفيظ
معتصم دفع الله
فيس بوك
تويتر
انستقرام
يوتيوب
بنتيريست