|
|
|
 Re: ناس فرجينيا وميريلاند وواشنطون لنبدأ المساهمه معا من أجل محجوب شريف (Re: Ibrahim_Elhag)
|
شكراً إبراهيم و أنوار على المبادرة العظيمة..
نحن معكم...
و محجوب، شرافة غنانا، يستحق أن يفتديه كل الشعب الغنَّاه من قلبه بلا منٍّ ولا فتر.
نتمنى أن يبلغ أستاذنا تمام العافية، فتستقيم به قامة الكلام الجّد.
سلامتك يا أبو مي و يسلم النم..
Quote: فديتك يا مديد القامة
يا شعباً سديد الرأي
وقلبي عليك يا حجراً حنين دفاي
أقبل وين أفوتك وفى حماك حماي
أسيب عزاي أسيبه وكيفن ألقى عزاي
فى وحشتي وسلواي عيونه وبحة الغناي
نخيلك تمره ضوَّ صباي
ونيلك فى جواي هامد هميم جرّاي
وقبضة إيدي مسكة رمحك الرماي
أطالع فى صحارى الليل
مطالع صبحك الضواي
فديتك لو بقيت منفاي
فديتك لو بقيت مرساي
(محجوب شريف)
|
مساهمتي واصلتكم بإذن الله
و أكرر شكري
تسلموا
| |
 
|
|
|
|
|
|
|
 Re: ناس فرجينيا وميريلاند وواشنطون لنبدأ المساهمه معا من أجل محجوب شريف (Re: Ibrahim_Elhag)
|
نسأل الله له عاجل الشفاء :
وطنا..
الباسمك كتبنا ورطنا
أحبك
مكانك صميم الفؤاد
وباسمك اغنى..
وتغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك..
محنك
عميق الدروس
مجيد المهابه ومديد القوام
شبابك..
تشابك
شديد الزحام
أراهم..
وراهم
غبار الحياه
مداين..
تعاين
كأمّ العروس
تهلل..
تكلل
جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق..
اللى ما بودى ليك
وأعاف الصديق
اللى ما بهم بيك
معاك انتظارى..
ولو بالكفاف
وعنك بعيداً
أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك
| |
|
|
|
|
|
|
|
|
|
Re: ناس فرجينيا وميريلاند وواشنطون لنبدأ المساهمه معا من أجل محجوب شريف (Re: انوار عبد الوهاب)
|
عشه كلمينا ميري ذكرينا
عَشّه .. كلّمينا
ميرى.. ذكّرينا
كل سنكى أحسن
يبقى ..مسطرينا
*
نحن شعب أسطى
يلا ..جيبو مونا
نبنى ..نبنى نبنى
مسرحاً..ونــــادى
مصنعــاً ..وبوسته
حرب لا لا لا لا
كبرى..استبــاليه
صالــه للثقــافــه
تســرح الغزاله
جنبها ...الزرافه
ركَ قمرى طار
قيره قيره قيره
نطَط الصغار
صفّق الترولى
طمّن ..القطار
حلقت ..وحلقت
حمامة المطار
كلّ طلقه..بينا
نحن تبقى وفر
سمسماً ..وبفره
سكراً وشاى
تترا سايكلين..
جاى وجاى وجاى
مافى حاجه ساى
كلّو عندو دِين
كلّو عندو راى
بور..وبورسودان
بارا.. والجنينه
عبرى ..ولاّ واو
حاجه مش كويسه
كلّ زول براو
هى سودانا بكره
من سودانا ناو
تكتب انت تقرا
تعرف السياسه
فى محل حراسه
حجرة الدراسه
تمشى انت تلقى
فى الضلمه..لمبه
ألف ضحكه حلوه
تسندك بجنبه
بى تمن طبنجه
أحسن الكمنجه
أحلى شتل منقه
أحسن الحليب
إيد .. وإيد وإيد
نزرع الجديد
غابة النشيد
إيد..وإيد وإيد
مافى بينا سيد
إيد..وإيد وإيد
نلحق البعيد
نحنه مش مرقنا
حته واحده جينا
جينا لى السرقنا
حقّنا..وعصينا
دمّنا..وعرقنا
ولّعوا الرتينا
*
عَشّه..كلّمينا
ميرى ..ذكّرينا
كلّ سنكى أحسن
يبقى ..مسطرينا
| |
|
|
|
|
|
|
|
|
|
Re: ناس فرجينيا وميريلاند وواشنطون لنبدأ المساهمه معا من أجل محجوب شريف (Re: Kostawi)
|
الأخوان عبدالله الشقليني
حبيبنا الصاوي
حبيبنا نصرالدين كستاوي
لكم كتير الإحترام وياكم العشم ياآخوان.
مازلنا بإنتظار مساهمات أخواننا بالمنطقه فمحجوب يتجاوز الذاتي والحزبي الي مراقي القومي الوطني والأنساني.
هذا ما دفعنا الي هذا البوست.
النخوه السودانيه الأصيله مازالت محفوره داخل كل منا في هذه الديابورا.
نرجو أن نرسل مساهمتنا البسيطه بالإسبوع المقبل.
لكم منا جميعا كثير من التقدير والإحترام.
| |
|
|
|
|
|
|
|
|
|
Re: ناس فرجينيا وميريلاند وواشنطون لنبدأ المساهمه معا من أجل محجوب شريف (Re: طارق الأمين)
|
الأخوه والأخوات
فيما يلي كشف بأسماء المساهمات التي وصلتنا حتى الآن
دكتور الوليد إبراهيم - نيويورك 300$
مساهمات الإخوه والأخوات بالساحل الشرقي لميريلاند 625$
Quote: الأخ إبراهيم
تحياتي لك وللأسرة، وصادق امنياتي أن تكونوا بخير وسعادة ..
مرسل لكم شيك بمبلغ 625 دولار عبارة عن مساهمات بعض الإخوة والأخوات بالساحل الشرقي لولاية ميريلاند لعلاج شاعر الشعب محجوب شريف، وتجد التفاصيل في الجدول أدناه ..
تحياتي لأنوار وللصغار
أخوك الصاوي
الأثنين 8 مايو 2006
المبلغ إسم المساهم / المساهمة العدد
100دولار الصاوي محمد حامد 1
100دولار التاج محجوب 2
100دولار مجدي العبيد 3
50دولار ميرغني النجيب 4
50دولار أبوعبيدة الفاضل 5
50دولار شيماء أحمد 6
50دولار صديق إسماعيل 7
50دولار معروف سند 8
30دولار ياسر يوسف 9
25دولار جلال كمنديقو 10
20دولار الطاهر النقر 11
625دولار المبلغ الإجمالي
|
الرجاء مواصلة السعي حتي نتمكن من إرسال مساهماتنا عما قريب.
| |
|
|
|
|
|
|
| |
Ibrahim_Elhag
هاشم الحسن
Marouf Sanad
Kamel mohamad
انوار عبد الوهاب
فيصل محمد خليل
أبو ساندرا
عبدالله الشقليني
elsawi
Kostawi
فيس بوك
تويتر
انستقرام
يوتيوب
بنتيريست