|
|
 استغرابات... هل موازين عقلي تحتاج إلى وزنه جديدة؟؟
|
(1) حماس: تتبرعوا لينا غصب، واحنا ما بنتنازل أبداً عن حقنا في التبرعات دي!
فازت حركة حماس في الانتخابات الفلسطينية السابقة.. وحازت على نتيجة كبيرة دلّت على تأييد شعبي كبير (خير وبركة، وماله)
حماس وقبل ان تستلم السلطة كانت في موقع المعارضة... تخطط لهجمات رداً على الهجمات الإسرائيلية على فلسطين أحياناً.. أو عشان يدّوا ناس الجزيرة خبر يقولوا في أحيان أخرى.. بغض النظر عن الهدف، كانوا يبحثون عن بائس يائس من الحياة.. يمنحونه بعض المال.. فيفجّر نفسه بين جمع من الناس (يقتل ليهو انتنين تلاته، ويروح شمار في مرقه)... (برضه خير.. وماله، موقف وأسلوب معارضه)
مسكت حماس السلطة.. وبقت مواجهه بإنها تتعلم شي جديد اسمه السياسة والدبلوماسية.. لكن مما مسكوا السلطة، بقوا يرقصوا ويخطيوا في الناس زي أهلنا ناس الانقاذ.. ويكوركوا ويجعجعوا جوّه البلد، حنحرر القدس وحنرمي اليهود في البحر... لكن بعد شويه اكتشفوا ليك انه الكلام ده ما ممكن يقولوهو للناس البرّه.. فبقوا بوشين.. برضه زي أهلنا...
اسرائيل وامريكا والدول الأوروبية ختوا ليهم العقده في المنشار.. قالوا ليهم (بخيت وسعيد عليكم الفوز.. وبركه يا يمه الديموقراطية جابتكم... لكن احنا قروشنا بنمسكها علينا كان ما اعترفتوا باسرائيل كدولة وشريك في عملية السلام)...
حماس قامت وقعدت.. كييييييييييييييييف تحاصرونا كده؟!!
تساؤلات غبية:
-ليه تلتزم أمريكا بإنها تدفع نتيجة اختيار الشعب الفلسطيني والديموقراطية؟ (ما تقولوا لي عشان امريكا دولة ديموقراطية وبتدعو ليها!!!)
-حصار كيف يعني؟ انا عايزه اتبرع لزول بقروش، ده موش خياري؟؟
-أديك كيف قروش عشان تموّل بيها عمليات تقتل ناسي.. حتى لو كنت انا الشيطان زاتو؟
-الصور البتجيبها الجزيرة كل مرّه عن وضع الفلسطينيين المأسوف عليه، وتحته مانشيت كبير إنهم ضحايا الحصار... كيف يعني ضحايا؟ ده خيار حكومتهم.. الحكومة اختارت الخط ده.. يعني عايزه تحنن قلب الأمريكان على الفلسطينين؟؟ طيب ما يحن قلبهم هم على الفلسطنيين ويعترفوا بإسرائيل؟
-الاتفاقية الخلت انه يكون في حكومة فلسطينية في الأساس أهم بند فيها انه الطرف الفلسطيني يعترف بدولة إسرائيل، لو البند ده اتلغي الاتفاقية الهم موجودين بسببها كلها ممكن تعتبر ملغاة، وبعد داك ما بلموا في 67 ولا 999!!
-المؤتمر الاتعمل في الدوحة قبل اسبوع لنصرة الشعب الفلسطيني التعبان الجعان.. كان في الرتز كارلتون... مجموعة من الدقون دخلت خطبت وكوركت ... وبعداك اتعشت في جنّة الله في الأرض هنا؟؟! ده ضحك على ياتو دقون يا جماعة؟
على أي حال... يمكن الناس دي عندها منطق انا ما شايفاه.. !!!!
بنت الحسين
|
|
 
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: مريم بنت الحسين)
|
بنت الحسين، المبروكة، كيفنكم، ونادر.....
(عشرات الاتصالات، ولاحدي برفع التلفون، أصلو رحاب وأمونة بسلمو عليك شدييييييييييييييد).....
طبعا يابت الحسين، فالدنيا، ام قدود، قال عنها العظيم شسكبير، رحمه الله رحمة واسعة:
(أنها حكاية بلهاء، يحكيها رجل أبلة)...
وعمكم الكبير الحكيم سقراط قال لناس المحكمة، لشعب اثيناء المختار حينها
(انا مجرد ذبابة لاذعة، ارسلتني السماء، كي تستيقظوا من السبات العميق)...
ومع هذا، زي ماشايفة!!!!
الكون نائم، نوم العافية...
واتشاف لي، انو ما بصحى، إلا على سلام، تختفي فيه الاشواك من الاشجار، والبغضاء من النفوس، وتعلب آمنة مع الحيات، والفئران والعقارب....
ودمتي....
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: عبدالغني كرم الله بشير)
|
السلام عليكم ورحمة الله وبركاته
تحيه طيبه أختى الكريمه مريم
حقيقه أستغربت وانت تجدين المبررات للطغيان الامريكى ونظام الكيل بمكيالين والديمقراطيه الكازبه التى تدعيها امريكا
لقد عاقبت امريكا وغالبيه الدول الشعب الفلسطينى على الديمقراطيه واختياره حماس بمنع الاكل والدواء عنه ورغم ذلك تبحثى لهم عن المبررات????
من حق حماس والشعب الفلسـطينى عدم الاعتراف بأسرائيل والشعب الفلسـطينى كان يعرف برامج حماس قبل انتخابها فلماذا يتم معاقبتهم بتجويعهم وتجويع
أطفالهم لخياراتهم وهل ترضين ان يتم حرمانك وحرمان اطفالك من الغذاء لقرار أتخذتيه بأقتناع منك???
لقد جن جنون امريكا والغرب عندما فازت حماس بالانتحابات وتولى السلطه وبدلا من احترام رغبه الشعب الفلسطينى تم ترديد ان امريكا والغرب لن يتعامل مع حماس بدعوى انها منظمه ارهابيه وذهبت لعنه الله عليها كونداليزا
رايست تجوب العالم حتى تضغط عليهم بوقف مد المساعدات للشعب الفلسطينى, يا للديمقراطيه!!!! ويتم تجويع شعب بأكمله وتعريضهم لأكبر كارثه انسانيه
وليس فقط وقف المساعدات عنهم بل حتى الضغط على العالم بما فيه العالم العربى بوقف المساعدات للفلسطينين رغم مايمكن ان يسبب ذلك من كارثه للفلسطينين من اجل خاطر عيون أسرائيل والاعتراف بها ورغم ذلك تجد من يبرر لها ومن بين المسلمين أنفسهم???
اختى الحبيبه مريم
تعلمي معزتك عندى لكن اسمحى لى الاختلاف معكى ودعوتك لمراجعه موازينك في هذا الامر فسلاح التجويع للضغط على الاطراف لا يجب ان يتم استخدامه لاى سبب كان وتحت اى مسمى
ولتذهب الديمقراطيه للجحيم ان كانت ماتمارسه دوله الطغيان الكبرى امريكا يدعى ديمقراطيه
وفى امان الله
لا اله الا الله
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: bint_alahfad)
|
بتنا
ست الكمال والعقل
عساكم طيبين
انتو والعيال
اسئلتك في محلها
طبعا أنا وعلى اخوي اليوم كلو
نشيل ونعيد في النقطة دي
أذا كان برامج حماس ، لا يشبه برنامج
امريكا الشينة دي ، كيف تتطالبها حماس
بالتبرع
غصب عنها !!
من حق حماس تحكم
لكن من حقها كمان تعتمد على نفسها
وتبطل دناوة وشحدة
عمرو الخير ما بجي بلوية اليد ..
فقر وقوة عين
قلع عينك
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: عشة بت فاطنة)
|
عمتي الزيك وكيفنك.. نحنا كويسين نحمد الله.. كتبته ليك في خيالي رسالة طويلة قبل فترة، قلت أرسلها لعمتي .. نسأل المعونة والنصح.. لكن وحاتك بقيت "حشّاش بي دقينته"... بتخيل اني بعمل في الحاجات بس ما بعملها...
انا زاتي قدر ما يجيبوا اي خبر في موضوع حماس ده ... أرغي وازبد وضغطي يرتفع.. واقعد اكورك بلا سبب... طبعا الوالد برضه بكون معاي.. ومغيوظ منهم شديد... والبغيظيني أكتر واكتر الخلط بين حماس والشعب الفلسطيني... يعني كان جبت سيرة حماس يقعدوا يقولوا ليك الفلسطينيين ديل ما شايفاهم جعانين كيف؟ التقول جوّعتهم انا! بعدين قروش أهل الكفر دي ساكناها كده ليه. .. على قولتك، يسيبوا الدناوة دي...
تحياتي لعمو علي... انا بسمع بالنور من الوالد وبحكي لي عن مغامراتهم وهم صغار.. اما انت، فالوالدة بتحكي لي عنك حاجات كتيره تفرحني لما أكون دايره أزغرد ليك...
محبتي الشديدة
بنت الحسين
| |
|
|
|
|
|
|
|
|
 Re: استغرابات... هل موازين عقلي تحتاج إلى وزنه جديدة؟؟ (Re: مريم بنت الحسين)
|
Quote: (1) حماس: تتبرعوا لينا غصب، واحنا ما بنتنازل أبداً عن حقنا في التبرعات دي!
فازت حركة حماس في الانتخابات الفلسطينية السابقة.. وحازت على نتيجة كبيرة دلّت على تأييد شعبي كبير (خير وبركة، وماله)
حماس وقبل ان تستلم السلطة كانت في موقع المعارضة... تخطط لهجمات رداً على الهجمات الإسرائيلية على فلسطين أحياناً.. أو عشان يدّوا ناس الجزيرة خبر يقولوا في أحيان أخرى.. بغض النظر عن الهدف، كانوا يبحثون عن بائس يائس من الحياة.. يمنحونه بعض المال.. فيفجّر نفسه بين جمع من الناس (يقتل ليهو انتنين تلاته، ويروح شمار في مرقه)... (برضه خير.. وماله، موقف وأسلوب معارضه)
مسكت حماس السلطة.. وبقت مواجهه بإنها تتعلم شي جديد اسمه السياسة والدبلوماسية.. لكن مما مسكوا السلطة، بقوا يرقصوا ويخطيوا في الناس زي أهلنا ناس الانقاذ.. ويكوركوا ويجعجعوا جوّه البلد، حنحرر القدس وحنرمي اليهود في البحر... لكن بعد شويه اكتشفوا ليك انه الكلام ده ما ممكن يقولوهو للناس البرّه.. فبقوا بوشين.. برضه زي أهلنا...
اسرائيل وامريكا والدول الأوروبية ختوا ليهم العقده في المنشار.. قالوا ليهم (بخيت وسعيد عليكم الفوز.. وبركه يا يمه الديموقراطية جابتكم... لكن احنا قروشنا بنمسكها علينا كان ما اعترفتوا باسرائيل كدولة وشريك في عملية السلام)...
حماس قامت وقعدت.. كييييييييييييييييف تحاصرونا كده؟!!
تساؤلات غبية:
-ليه تلتزم أمريكا بإنها تدفع نتيجة اختيار الشعب الفلسطيني والديموقراطية؟ (ما تقولوا لي عشان امريكا دولة ديموقراطية وبتدعو ليها!!!)
-حصار كيف يعني؟ انا عايزه اتبرع لزول بقروش، ده موش خياري؟؟
-أديك كيف قروش عشان تموّل بيها عمليات تقتل ناسي.. حتى لو كنت انا الشيطان زاتو؟
-الصور البتجيبها الجزيرة كل مرّه عن وضع الفلسطينيين المأسوف عليه، وتحته مانشيت كبير إنهم ضحايا الحصار... كيف يعني ضحايا؟ ده خيار حكومتهم.. الحكومة اختارت الخط ده.. يعني عايزه تحنن قلب الأمريكان على الفلسطينين؟؟ طيب ما يحن قلبهم هم على الفلسطنيين ويعترفوا بإسرائيل؟
-الاتفاقية الخلت انه يكون في حكومة فلسطينية في الأساس أهم بند فيها انه الطرف الفلسطيني يعترف بدولة إسرائيل، لو البند ده اتلغي الاتفاقية الهم موجودين بسببها كلها ممكن تعتبر ملغاة، وبعد داك ما بلموا في 67 ولا 999!!
-المؤتمر الاتعمل في الدوحة قبل اسبوع لنصرة الشعب الفلسطيني التعبان الجعان.. كان في الرتز كارلتون... مجموعة من الدقون دخلت خطبت وكوركت ... وبعداك اتعشت في جنّة الله في الأرض هنا؟؟! ده ضحك على ياتو دقون يا جماعة؟
على أي حال... يمكن الناس دي عندها منطق انا ما شايفاه.. !!!!
بنت الحسين |
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: مريم بنت الحسين)
|
الغالية بنت الأحفاد...
بداية مشتاقين.. ووالله معزتك عارفاها لأنه عندي ليك مثلها وأكبر.. وكنت محتاااره خلال الفترة السابقة عايزه اتصل بيك عشان اسأل منّك، لكن ما عندي ليك رقم.. وما عرفته أقول يا منو...بعدين احنا من زمان مختلفين، ده عمره ما غيّر شي في صداقتنا...
عزيزتي، قلتي
| Quote: من حق حماس والشعب الفلسـطينى عدم الاعتراف بأسرائيل والشعب الفلسـطينى كان يعرف برامج حماس قبل انتخابها فلماذا يتم معاقبتهم بتجويعهم وتجويع أطفالهم لخياراتهم وهل ترضين ان يتم حرمانك وحرمان اطفالك من الغذاء لقرار أتخذتيه بأقتناع منك??? |
انا غير معترضة على ان حماس لا تعترف بإسرائيل.. انا معترضة على أن حمّاس مصرّه على ان تشتغل على الوجهين... تأخذ اعانات أمريكية\أوروبية\اسرائيلية، وفي ذات الوقت تمضي في تنفيذ برنامج معادي للجميع! دي زي انك تطلب منهم يدوك قروش عشان تعارضهم... حماس يا عزيزتي لو كانت تريد أن تستمر في برنامجها الآن يجب عليها ان تستمر به بدون ان تطلب مساعدة الغرب... ما ممكن نقول للأمريكيان ادونا قروش نحاربكم بيها.. وإلا يكون هم أغبياء لو أدونا، وإحنا سُذّج لو اتوقعناهم يدونا... اكيد أمريكا ضاق صدرها بفوز حماس، دي مافيها شك.. لكن من حقها ما تتعامل معاها.. موش نقعد نسكّها عشان تتعامل معاها...
التجويع يا بنت الأحفاد حصل بسبب عناد حكومة حماس... تماما زي ما حصل في السودان... الأخوان المسلمين رفعوا شعارات "أمريكيا دنا عذابها" وكل شهرين أمريكا تفرض عقوبات جديدة على السودان.. ناس الحكومة ما بتأثروا بالعقوبات دي، الشعب هو البتأثّر بيها.. وده حال السياسة.. عايز تناطح الأقوى منك، حيكون عندك ضحايا... البغيظني انه قادة حماس أصلي ما سمعته بي واحد فيهم اتحزّم واتلزّم ومشى نسف ليه كافتيريا.. لا هم لا أولادهم.. ولا ما عندهم أولاد... ده جهاد الضعفاء والمستضعفين يا بت الأحفاد...
بنت الحسين
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: مريم بنت الحسين)
|
الأخت مريم بنت الحسين
سلامات
اذا لم يستغرب عقلك من قبل حرمان اللاجئين الفلسطينيين من العودة الى بلادهم فلا يجب
ان يستغرب هذة الاستغرابات،
- بي ياتو منطق قسموهم الطلع بعد حرب 48 والطلع بعد حرب67 وسكان المخيمات ماعندهم حق
وكده، لكن الادهى والامر انو اليهود من كل مكان عندهم الحق يمشوا -يعيشوا في أرض الميعاد-
يعني الفلاشا الأثيوبيين الـ عمرهم ماشافو الحته ديك عندهم حق اكتر من واحد جد جد ...
جدو اتولد في فلسطين.
- اذا ما استغرب عقلك حصار الرئيس السابق-رحمه الله- وتهميشه من قبل امريكا والغرب لوقفته
في حق اللاجئين للعوده لوطنهم بعد أن تقوم دولتين في دولتهم-نظام رضينا بالهم- ، ووفاته
المريبه فما مفروض تستغربي هنا.
-| Quote: ليه تلتزم أمريكا بإنها تدفع نتيجة اختيار الشعب الفلسطيني والديموقراطية؟ |
تقريبا من اتفاقيات اوسلو ان على امريكا والغرب دعم السلطه الفلسطينيه ومساعدتها في بناء
مؤسساتها، وامريكا هي التي كانت تصر على قيام الانتخابات.
-| Quote: حصار كيف يعني؟ انا عايزه اتبرع لزول بقروش، ده موش خياري؟؟ |
ايوه حصار، امريكا ما عاوزه تدفع خلاص بي عافيتها تمشي، لكن تجبر كل البنوك وتضغط على الدول المحيطه بحيث ان كل التبرعات القادمه من الحكومات ومن الشعوب ما تتحول عن طريقها طيب يكون الحصار كيف والاستغراب كيف!
- علي حسب اخبار الجزيره الناس الجو واكلوا وشربوا من الحاجات الطلعوا بيها مقاطعة البنوك
التي رفضت فتح حسابات للسلطه الفلسطينيه والمقاطعه قبل كده جابت رؤوس شركات كبيره،
-| Quote: يحن قلبهم هم على الفلسطنيين ويعترفوا بإسرائيل؟ |
أسه ده براهو ما أكبر استغراب يعني الناس بي جه تتكلم عن الحقوق وانو حقك ده تقاوي وتقلعوا
وبي هنا الناس تحن للمعاناه وتعترف وتسيب وطن كامل.. ارض.. طيب التحرير ده حايجي بالساهل كده بدون دم وموت والوعد الحق ده ( إِنْ أَحْسَنتُمْ أَحْسَنتُمْ لِأَنفُسِكُمْ وَإِنْ أَسَأْتُمْ فَلَهَا فَإِذَا جَاء وَعْدُ الآخِرَةِ لِيَسُوؤُواْ وُجُوهَكُمْ وَلِيَدْخُلُواْ الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُواْ مَا عَلَوْاْ تَتْبِيرًا (7)) عاوز ليه حركه برضو من الناس.
- امريكا لا تدفع - هذا شأنها- ولكن الغريب تحريض الدول العربية والاسلامية على عدم الدفع
- أليس غريباً أن تأخذ اسرائيل الضرائب من المحلات- التي يملكها فلسطينيون- في الضفه والقطاع وتحتجزها من السلطه .
| Quote: حماس: تتبرعوا لينا غصب، واحنا ما بنتنازل أبداً عن حقنا في التبرعات دي! |
ابداً ما مفروض تستغربي أخت مريم لأنها ليست تبرعات بل استحقاقات وفقاً للاتفاقيات التي أملوها وفرضوها، واذا كانت حماس ترفض هذه الاتفاقيات وترفض الاعتراف فلهذا اتى بها الشعب بعد أن رأى كيف تهمش وتأتي بحكامه، ويحق لامريكا ان تمسك عطاءها الممنون، ولكن عليها ان تحترم خيارات شعوب اخرى تريد ان تتدعم.
لك تحياتي
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: Osama Ahmed)
|
| Quote: ابداً ما مفروض تستغربي أخت مريم لأنها ليست تبرعات بل استحقاقات وفقاً للاتفاقيات التي أملوها وفرضوها، واذا كانت حماس ترفض هذه الاتفاقيات وترفض الاعتراف فلهذا اتى بها الشعب بعد أن رأى كيف تهمش وتأتي بحكامه، ويحق لامريكا ان تمسك عطاءها الممنون، ولكن عليها ان تحترم خيارات شعوب اخرى تريد ان تتدعم. |
جزاك الله خيرا اخى عثمان فقد قلت ما اود قوله, الفلسطينين ليسوا فى حاجه لأموال الامريكين لكن يجب الا يضغط الامريكان على الدول العربيه والدول التى تود مساعده الفلسطينين
بعدين انتى بتهظرى مريم? الفلسطينين مالاقيين حق الاكل والشراب والدواء والموظفون لا يتم صرف مواهيهم وتقولى لى يشتروا سلاح عشان يحاربوهم???
أستغرب ان تؤيدى هذه السياسه الظالمه وتدعى الفلسطينيين يركعوا حتى يتحصلوا على الاكل والشراب, بأذن الله لن يركع الفلسـطينين وسينتهى هذا الظلم لامحاله اما ديمقراطيه الغرب الكازبه فعليها السلام
-------
بالمناسبه مريم ارسلت لكى وانا فى السعوديه لاتحصل على تلفونك الذى فقدته ولو فى امكانيه مقابلتك لكنك لم تردى على, تحياتى وللاسره الكريمه
وفى امان الله
لا اله الا الله
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: bint_alahfad)
|
العزيزة بنت الأحفاد.. تحياتي..
| Quote: بعدين انتى بتهظرى مريم? الفلسطينين مالاقيين حق الاكل والشراب والدواء والموظفون لا يتم صرف مواهيهم وتقولى لى يشتروا سلاح عشان يحاربوهم??? |
عزيزتي.. ما شفتي الخبر القريب ده بتاع الأسلحة الإكتشفوها في الأردن؟ يعني الناس ديل ما تمّوا تلاته شهور قاموا في الحركات... السلاح ده جابوا قروشوا من وين.. والقروش دي موش أحق بيها الموظفين الفلسطينيين ليهم شهور ما أخدوا مرتّب؟ بعدين انا لو مكان الحكومة الفلسطينية.. لو جوطّت علاقاتي مع كل دول العالم.. ما اجوطها ما الاردن.. لأنه المنفذ الوحيد للفلسطينيين.. الفلسطييني ما عليه إلا يقطع جسر الملك حسين.. ويدخل عمّان... إما اشتغل فيها او قرا فيها.. او سافر منّها.. لكن بس تقولي شنو..
بالمناسبة.. انا قاعده اتكلم عن (حماس)...
| Quote: بالمناسبه مريم ارسلت لكى وانا فى السعوديه لاتحصل على تلفونك الذى فقدته ولو فى امكانيه مقابلتك لكنك لم تردى على, تحياتى وللاسره الكريمه |
صدقيني ما وصلني منّك أي شي.. رسلتي لي على المسنجر هنا ولا في الإيميل.. انا في الفترة ديك كنت بجهّز للجية للدوحة، انا حالياً في الدوحة من نهاية شهر واحد... كنت عايزه اضرب ليك أسأل عن صحّة والدك.. عشان انا انقطعته عن المنبر فترة طويله قلت أشوفه بقى كيف.. تحياتي لجميع أفراد أسرتك...
بنت الحسين
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: Osama Ahmed)
|
الأخ أسامة أحمد.. تحياتي..
Quote: اذا لم يستغرب عقلك من قبل حرمان اللاجئين الفلسطينيين من العودة الى بلادهم فلا يجب
ان يستغرب هذة الاستغرابات،
- بي ياتو منطق قسموهم الطلع بعد حرب 48 والطلع بعد حرب67 وسكان المخيمات ماعندهم حق
وكده، لكن الادهى والامر انو اليهود من كل مكان عندهم الحق يمشوا -يعيشوا في أرض الميعاد-
يعني الفلاشا الأثيوبيين الـ عمرهم ماشافو الحته ديك عندهم حق اكتر من واحد جد جد ...
جدو اتولد في فلسطين.
- اذا ما استغرب عقلك حصار الرئيس السابق-رحمه الله- وتهميشه من قبل امريكا والغرب لوقفته
في حق اللاجئين للعوده لوطنهم بعد أن تقوم دولتين في دولتهم-نظام رضينا بالهم- ، ووفاته
المريبه فما مفروض تستغربي هنا |
انا طبعا بحب الأمور تكون محدده جداً.. وعشان ما نغوص مع بعض في أبعاد انا ما جبت سيرتها.. خليني أعيد تأكسد موضوع البوست... الموضوع عن انه حماس جات بديموقراطية.. ما عندها معاها مشكلة.. أهلاً بيها.. لكن من حق الدول انها تقرر انها تتعامل معاها ولا لأ...موضوعي ما اللاجئين.. ولا قاعده أشكّر في اسرائيل.. ولا قاعده أهتف لأمريكا... ياسر عرفات الله يرحمه ويغفر ليه... وما بجوز في حقّه سوى الرحمه.. لكن اسأل الفلسطينيين في الشارع ساي عن الزول ده، ما تسأل السياسيين.. حتعرف قدر الزول ده عندهم... انا عشت في الأردن.. أكبر تجمّع في العالم للفلسطينيين... ورومانس الإعلام ده راح منّي.. يعني عايشته همومهم وعارفه انها بأي حال بعيده كل البعد عن ما تتصورنه..
| Quote: تقريبا من اتفاقيات اوسلو ان على امريكا والغرب دعم السلطه الفلسطينيه ومساعدتها في بناء مؤسساتها، وامريكا هي التي كانت تصر على قيام الانتخابات |
ما تقريباً... ده فعلاً نص اتفاقيات أوسلو... بس الاتفاق بكون عادة نص بإلتزامات من الطرفين..الامريكان والغرب التزموا بإنهم يدّوا الحكومة الفلسطينية قروش... لكن بالمقابل البند رقم واحد من الاتفاقية انه الحكومة الفلسطينية تعترف بإسرائيل... يعني ببساطة ما ممكن تكون الخطة المعلنة للحكومة انها ما معترفة باسرائيل.. وانها بتتبنى الجهاد ضدها.. وفي نفس الوقت تستمر أمريكا والدول الغربية في إمدادها (بالقروش)!
| Quote: ايوه حصار، امريكا ما عاوزه تدفع خلاص بي عافيتها تمشي، لكن تجبر كل البنوك وتضغط على الدول المحيطه بحيث ان كل التبرعات القادمه من الحكومات ومن الشعوب ما تتحول عن طريقها طيب يكون الحصار كيف والاستغراب كيف! |
ما هو السبب الخلا أمريكا ما تدفع بديها الحق (على الاقل من وجهة نظرها) انها تحمي أي قروش تصل للناس ديل.. بعدين ليه تفتكر انه الدول دي مغلوبة على امرها؟ مصر لما زاروها ناس حماس ما قابلهم ولا مسؤول مصري... هديل السوريين قادين يلموا في القروش للشعب الفلسطيني.. حتى الامريكان والدول الأوروبية بحاولوا انهم يوصلوا القروش لعبّاس باعتباره ما زول أهوج زي الناس ديل... كوفي عنان اتبرّع مافي زول قالوا ليو ليه اتبرّعت.. مافي أي شي بترتب على انك تدي الفلسطينيين قروش يا اخ أسامة... بس الدول الانت بتتكلم عنها دي، جبانة
| Quote: أسه ده براهو ما أكبر استغراب يعني الناس بي جه تتكلم عن الحقوق وانو حقك ده تقاوي وتقلعوا وبي هنا الناس تحن للمعاناه وتعترف وتسيب وطن كامل.. ارض.. طيب التحرير ده حايجي بالساهل كده بدون دم وموت والوعد الحق ده |
انت لسه بتحلم بالتحرير؟ التحرير ده حتتحرروا كيف كان القروش زاتها باتخدوها من الغرب!! بعدين الناس اعترفوا زماااااااااااااان ... ووقعوا... والعرب اتسابقوا عشان يكونوا في سلام مع اسرائيل... الفلسطنيين زاتهم لو لقوا طريقة ياخدوا الجنسية الاسرائيلية ما بترددوا.. وحلم الفلسطيني في الحياة انه يشتغل في اسرائيل.. يا اخوانا الفلسطينيين ديل ناس كده زينا.. لما تضيق بيهم السبل بفتشوا للحياة الرغيدة...
| Quote: امريكا لا تدفع - هذا شأنها- ولكن الغريب تحريض الدول العربية والاسلامية على عدم الدفع |
والأغرب انه الدول الاسلامية العايزه تحرر القدس تسمع كلام أمريكا وتسيب الفلسطينيين يجوعوا! ولا شنو؟
| Quote: واذا كانت حماس ترفض هذه الاتفاقيات وترفض الاعتراف فلهذا اتى بها الشعب بعد أن رأى كيف تهمش وتأتي بحكامه، |
برضه خير وبركه اخي اسامة.. لكن هل تعلم ان اتفاقيات اوسلو الما معترفين بيها دي هي الأدت الفلسطينيين غزّة وأريحا وحكم وحكومة؟ يعني حماس قاعده تلغي في وجود الحكومة زاتو! ولا الحكومة دي بتقوم كده في الهوا..
مع تقديري...
بنت الحسين..
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: مريم بنت الحسين)
|
الأخت بنت الأحفاد
سلامات
| Quote: سينتهى هذا الظلم لامحاله |
باذنه تعالى سينتهي، ولانركن في نهايته على أي خرط امريكيه للطريق لنهايته أعجب لكل من قراء
خارطة الطريق الربانية هذة: بسم الله الرحمن الرحيم
وَقَضَيْنَا إِلَى بَنِي إِسْرَائِيلَ فِي الْكِتَابِ لَتُفْسِدُنَّ فِي الأَرْضِ مَرَّتَيْنِ وَلَتَعْلُنَّ عُلُوًّا كَبِيرًا (4)
فَإِذَا جَاء وَعْدُ أُولاهُمَا بَعَثْنَا عَلَيْكُمْ عِبَادًا لَّنَا أُوْلِي بَأْسٍ شَدِيدٍ فَجَاسُواْ خِلاَلَ الدِّيَارِ وَكَانَ وَعْدًا مَّفْعُولاً (5) ثُمَّ رَدَدْنَا لَكُمُ الْكَرَّةَ عَلَيْهِمْ وَأَمْدَدْنَاكُم بِأَمْوَالٍ وَبَنِينَ وَجَعَلْنَاكُمْ أَكْثَرَ نَفِيرًا (6)
إِنْ أَحْسَنتُمْ أَحْسَنتُمْ لِأَنفُسِكُمْ وَإِنْ أَسَأْتُمْ فَلَهَا فَإِذَا جَاء وَعْدُ الآخِرَةِ لِيَسُوؤُواْ وُجُوهَكُمْ وَلِيَدْخُلُواْ الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُواْ مَا عَلَوْاْ تَتْبِيرًا (7) صدق الله العظيم
... أن يحسن الظن في خرط أخرى ، ولعل بداية الطريق هي التخلص من هذه الأموال المشروطة، ونبعد
عن أذهاننا أنها قضية فلسطينية فاولى القبلتين ومسرى النبي صلى الله علية وسلم هي قضية كل مسلم
ولن تقوم الساعة حتى نقاتلهم كما أخبر صلوات الله وسلامه علية.
| Quote: جزاك الله خيرا اخى عثمان |
ما عارف الناس دايماً شايفيني عثمان ليه؟
أســامة أحمد
ودمتي في أمان الله وحفظه
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: مريم بنت الحسين)
|
السلام عليكم
الأخت مريم
قبل كل شىء هل الأموال المحجوزة عن السلطة الفلسطينية هي أموال اسرائلية تتبرع بها أم هي أموال الضرائب الفلسطينية، أي التي تقتطع من الفلسطينيين كجمارك وضرائب ؟؟
هل ترفض الإدارة الأمريكية ( التبرع) للحكومة الفلسطينية ، أم هي تمنع وصول الأموال ( أياً كانت) الى الحكومة الفلسطينية وتحارب كل بنك وكل جمعية خيرية يسمح بذلك ؟؟
......
عن عبد الله بن عمر رضي الله عنهما أن رسول الله صلى الله عليه وسلم قال:" عُذِّبَت امرأة في هرة سجنتها حتى ماتت فدخلت فيها النار؛ لا هي أطعمتها وسقتها إذ حبستها ولا هي تركتها تأكل من خشاش الأرض". ( رواه البخاري ومسلم).
.....
تحياتي
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: الزوول)
|
| Quote: قبل كل شىء هل الأموال المحجوزة عن السلطة الفلسطينية هي أموال اسرائلية تتبرع بها أم هي أموال الضرائب الفلسطينية، أي التي تقتطع من الفلسطينيين كجمارك وضرائب ؟؟ |
أخونا الزوول.. تحية.. حسي لو انت في واحد متشاكل معاك.. وعمل معاك هدنه لفترة.. وبعدين حسيت بيهو حينط.. وداير فيك فرصة بس.. حتقيف بتتفرج عليه؟ ولا حتمنع أي سلاح أو أي وسيلة ممكن انه يؤذيك بيها من انها تصل ليدّه؟ طبيعي جداً... دولة جنبي حتعمل لي مشاكل.. اساعدها واسهّل ليها امورها.. ولا أحمي نفسي وشعبي؟
| Quote: هل ترفض الإدارة الأمريكية ( التبرع) للحكومة الفلسطينية ، أم هي تمنع وصول الأموال ( أياً كانت) الى الحكومة الفلسطينية وتحارب كل بنك وكل جمعية خيرية يسمح بذلك ؟؟ |
لو ده سؤال.. اجابتي... بتمنع وصول الأموال (أيا كانت) إلى الحكومة الفلسطينية.. وده شي طبيعي... الأمريكان والاسرائيلين ما كويسين كعبييييييييين... لكن خاتين مصلحة شعوبهم أول.. ما بناطحوا في الحيط ! ... ولو العرب منتظرين أمريكا تقيف معاهم ضد اسرائيل، أخير يشوفوا ليهم موضوع تاني... ودي هي السذاجة الغايظاني!
Quote: عن عبد الله بن عمر رضي الله عنهما أن رسول الله صلى الله عليه وسلم قال:" عُذِّبَت امرأة في هرة سجنتها حتى ماتت فدخلت فيها النار؛ لا هي أطعمتها وسقتها إذ حبستها ولا هي تركتها تأكل من خشاش الأرض". ( رواه البخاري ومسلم).
|
وده بنطبق على حماس برضه! يعني ما الامريكان براهم خاشين النار!
بنت الحسين
| |
|
|
|
|
|
|
|
|
|
Re: استغرابات... هل موازين عقلي تحتاج إلى وزنه جديدة؟؟ (Re: Osama Ahmed)
|
الأخ أسامة تحية مرّة تانية
| Quote: كلامك هنا كويس جداً، ناس حماس ماعاوزين يعترفوا يعني نقضوا الاتفاق، طيب من الذي نقض هذا الاتفاق ابتداءً ما ياهم ناس الغرب واسرائيل زاتهم، يعني زي ما هم اعترفوا بي اسرائيل يفترض بعد فترة ان يتم اعلان الدوله الفلسطينيه على حسب خارطة الطريق، وازالة مستوطنات لكن ده ما حصل ياسر عرفات لما شاف المماطله دي هدد بانه حا يعلن الدوله الفلسطينيه من جانب واحد واهو حصل ليه الحصل، |
انا ما قاعده أناقش القضية الفلسطينية يا أسامة.. ده موضوع طوييييل.. وتاريخ أطول.. والناس دي ما ملايكة.. ياسر عرفات ده البتتكلم عنه ده.. ما بطل قومي ولا شي... بس الله يرحمه ما دايرين نقول فيه ساي... بعدين قصة البدأ منو دي موش حقّت أطفال شوية كده؟ ولا ما معاي؟ يعني اساس اتفاقية أوسلو انه الطرف الفلسطيني يعترف انه اسرائيل دي دولة.. لو الأساس ده اتنقض.. ما ممكن يتبني أي شي عليها!
| Quote: كلامك برضو صاح هنا، لكن دي ياتو دول -الاردن، مصر - كيف وصل ملك الاردن للعرش!؟ وكيف وصل الرئيس المصري!؟ ولماذا الحصار لسوريا، طبعاً المملكه العربيه السعوديه ختته واضحه لكونداليزا رايس في زيارتها -نحن دافعين دافعين - ... |
ما قادره أفهم العلاقة بين كلامنا ده وتنصيب ملك الأردن ولا مصر.. سوريا قاعده تلملم قروش من الشعب.. السعودية ما سمعنا بي رأي حكومي إنهم حيدفعوا .. يمكن تحرّك شعبي بسيط وانتهى... قطر دفعت عديل مافي زول سألها ولا قال ليها دافعه مالك ... لكن السؤال هو.. لمتين؟!!!!
| Quote: لكن أغرب الغرائب والاستغرابات - معليش خارج تأكيد موضوع البوست - ناس يكونوا في قاعدين في دولتهم تحت والانتداب البريطاني في السنه الحا ينتهي فيها الانتداب يجو ناس بي مساعده من ناس الانتداب يعلنوا دولتهم والناس تعترف بيهم واسياد الحق ما يكون عندهم حق في اعلان دولتهم لي يوم الليله |
البكاء على الماضي ده ما بنفع... الفلسطينيين باعوا أراضيهم لليهود وجوا يقولوا ظلموني.. الأكتر استغراب انه الزول يكون بنظّر من بعيد.. قاعد في بيته ومرطّب ومستلم مرتبه ومرتاح... ويقول الفلطسينيين حيصمدوا!
وبرضه ده ما موضوعنا... خلينا في شحدة حماس وقوة عينها...
ما سمعته بالخبر أمس.. قالوا حماس وفتح اتشاكلوا! اها ده أول الغيث... وربنا يستر على الشعب الفلسطيني المافي زول جايب ليهو خبر..
بنت الحسين
| |
|
|
|
|
|
|
| |
مريم بنت الحسين
أحمد الشايقي
Mohamed E. Seliaman
عبدالغني كرم الله بشير
bint_alahfad
عشة بت فاطنة
Osama Ahmed
الزوول
- ناس يكونوا في قاعدين في دولتهم تحت والانتداب البريطاني في السنه الحا ينتهي فيها الانتداب يجو ناس بي مساعده من ناس الانتداب يعلنوا دولتهم والناس تعترف بيهم واسياد الحق ما يكون عندهم حق في اعلان دولتهم لي يوم الليله.
فيس بوك
تويتر
انستقرام
يوتيوب
بنتيريست