المرتجفون في البورد من المرجفين في المدينة ..

Quote: والله يا ناذر إنت حالم ياخ !!!تفكير ؟؟؟؟ تفتيش أفكار ؟؟؟ والله لو في زول ما بيتابع من أول البوست بيفتكر إنك بتتكلم عن عادل عبد العاطي رد الله غربتو .. يازول شموشي ده جداول الضرب تكون كانت عايزة تطرشق ليهو راسو ده طبعاً إذا حفظا خصوصاً من جدول 7 وإنت ماش ...

زي ما علمتني ..

طيب ما مشكلة إنو الزول يقطع في الزول من ورا ضهرو أو ورا بوستيهو سبب القطيعة لكن المشكلة هسي إنو أنا كان إقترحت نعمل عملية تفتيش للأفكار بتاعت شماسي .. وقبل ما يحصل أي حاجة لقيت المعروضات جاهزة بدون حتى ما أجيب كلب بوليسي أو أدلة .. !!!

خلاص يا شماسي عفيتك من التفتيش بتاع عقليتك التفكيرية (ال إن وجدت ديك) لكن بس نصيحة لله والرسول تاني كان في قطيعة تانية في بوست قريب أو بعيد رسل لي ماسنجر أو إيميل أو أي حاجة فيها عنوان البوست (المقطوع فيه) وتاريخ المداخلة وأي معلومات تانية مفيدة (ودي ما أظن تجي منك) عشان ما كل ما تجيني طعنة في قلبي أجي أضيع زمني في فتيش البوستات ..

ولا اقول ليك .. خلاص أعمل لي مس كول عشان أعرف بدري

عمر الفاروق عليك الله أدي صاحبنا دا رقمي
بس أنا خايف الشغلة تلفق معاهو يشبكني مس كول كل خمسة دقائق ..

تخريمة مهمة :

يا عمر خلاص ما تديهو الرقم غيرت رايي .. أخير لي طعنة القلب من المسكولات ..