|
|
|
 Re: هل الحب مرض؟ (Re: Mahadi)
|
Mahadi
ما سمعت بيه الا من السودانيين ومن خلال نكتة وبعد شرح مستفيض.
في المنتدى الطبي بتاع عكس الريح أول استشارة وصلتني كانت من زول سألني من مرض حامدn  !!!!
| |
 
|
|
|
|
|
|
|
|
Re: هل الحب مرض؟ (Re: HAMZA SULIMAN)
|
حمزة سليمان
وده من شنو لاكن؟
أعتقد ان ده بينطبق على الذكور
يعني من سماع أوصاف فتاة معين وخصالها ممكن يحبها
لاكن الفتيات ؟ صعبة شوية. المسألة تفاعلية عندهم أكثر.
| |
|
|
|
|
|
|
|
|
|
Re: هل الحب مرض؟ (Re: أحمد الشايقي)
|
أحمد الشايقي
Quote: وإنتي الطبيبة
ومســؤولــة كامل المسؤوليـــة
|
منو القال ليك, انا جبانة جدا وبامشي جنب الحيط
البوست ده أنا زاتي باتسائل معاكم فيه والمسؤولية تقع على كاتبه فقط!
وبعدين ماشاء الله شايفا تحليلك للموضوع ما بطال
| |
|
|
|
|
|
|
|
|
|
Re: هل الحب مرض؟ (Re: zola123)
|
| Quote: وعلامته غور العينين وجفافهما إلا عند البكاء، وغلظ الجفن من كثرة السهر والأبخرة المتصاعدة إليه. ويعرف معشوقه بوضع اليد على نبضه وذكر أسماء وصفات، فإذا اختلف النبض عرف أنه هو. |
دا منتشر وماخــد شكل وبائي
Quote: المعالجة:
لقد أجمع الأطباء العرب المسلمون الذين تحدثوا عن مرض العشق أن أفضل وأنجع علاج لهذا المرض هو الجمع بين العاشق والمعشوق وذلك على نحو تبيحه الشريعة. |
دا ما العرس زااااااااتو
| |
|
|
|
|
|
|
|
|
|
Re: هل الحب مرض؟ (Re: zola123)
|
وفى ناس بحبو ناس يكرهوهم
الحب حالة ارتقاء للانانية
يتجلى فيه الفرد
ان يتنازل بطوعية عن كل معالمه لشخص
محتمل
لا يقدر
ذلك
ولا هو يعى بذلك
اتذكرك كالخيال
لحظة التقيتك فى قاعو الشارقة معك من الناس اجملهم
الكتيابى ومحمد سيد احمد
وانسانة للحظة كوميض البرق
ان الحب حالة مرضية
بكل تداوينا فلم يشفى ما بنا
| |
|
|
|
|
|
|
|
|
 Re: هل الحب مرض؟ (Re: sharnobi)
|
الاخت زولة
تحياتى
لمَّا كان مصدر الحب هو القلب
والقلب هو دليل الانسان من واقع لا ترى العيون ولكن ترى القلوب التى بالصدور
وربما كان القلب يمثل نصف الانسان برؤية احمد شوقى:
لسان الفتى نصفٌ ونصفٌ فؤاده ولم يبق الا صورة اللحم والدمِ
كان لزاماً علينا ان نربط بل نحكم الوثاق بين القلب والجسد لذلك يقول شوقى نفسه:
اذا القلوب استرسلت فى غيها كانت بليتها على الاجساد
ولذات السبب يقول ابو نواس:
يا ويح أهلى ابلى بين اعينهم على الفراش ولا يدرون ما دائى
فليس من الغريب ان تصيب العاشق (وحواحه وشحشاحه وخمَّة نَفَس)لا (من الحب ما قتل)
و-من - هذه مهمة للغاية لان الحب احياناً يعمى البصر والبصيرة فيلقى الى التهلكة لذلك كانت الاجابة اسهل ما يكون عندما انتفض جميل بثينة فى تلك الليلة الليلاء يسأل الناس:
الا ايها النوّام ويحكم هبُّوا اساءلكم هل يقتل الرجلَ الحبُّ
قالوا اجل ويسلّ عظامه ويجعله حيران ليس له لبُّ
ونحن بدورنا نسأل الله ان يحفظ القلوب من داءها حقيقةً ومجازا
| |
|
|
|
|
|
|
|
|
|
Re: هل الحب مرض؟ (Re: shazaly gafar)
|
Shazly gafar
Quote: (وحواحه وشحشاحه وخمَّة نَفَس)لا (من الحب ما قتل)
|
بس فضول, السيمبتومز دي تتجرم كيف بالانجليزي؟
وده الوصفه المقال أعلاه.
شكرا على المشاركة الثرية لاكن لا اعرف اذا وافقك كثيرون على دعائك بالحفظ من هذا الداء
يمكن هم عايزين كدة؟
| |
|
|
|
|
|
|
|
|
|
Re: هل الحب مرض؟ (Re: sharnobi)
|
شرنوبي
Quote: الحب حالة ارتقاء للانانية
يتجلى فيه الفرد
ان يتنازل بطوعية عن كل معالمه لشخص
محتمل
لا يقدر
ذلك
ولا هو يعى بذلك
|
كلام جميل وصحيح جدا.
طيب وحيث انك خبرة وكدة
غير الحب؟هل رأيت فعل بشري يضر فيه الباذل أو المعطي جراء كرمه؟؟
عن لقاء الشارقةو حقيقة لا أذكر. حضرت لقاءين للبورداب في الشارقة الأول قبل سنتين والثاني قبل سنة فأيهما عنيت
عموما تشرفنا كتير
| |
|
|
|
|
|
|
|
|
|
Re: هل الحب مرض؟ (Re: zola123)
|
زولا 123
سلام
أنتى ماسمعتى
ومن الحب ما قتل
أها البقتل شنو غير المرض
الحب وما أدراك ما الحب
اننا اليوم لا ندرى
نحن فيه فى جدٍ
أم فى لهو ولعب
وما عليكم أن تعلموا
وما عليكم أن تعبدوا الجمال
أنما هو حرام أن تضلو الدرب
سكن الداء فى قلوبكم
وما للداء دواءٌ او آيه
شئتم ام أبيتم
فأن الدموع لابد فيه جاريه
وإذا بالليل يسألكم سأل
مالى آرى عيونكم ساهر
وإذا بالنهار تسألون
لماذا اعينكم جارية
يا ايها المحبين
ما انتم فيها الاضائعين
وستعرفون كيف كان يبكى قيس بالسنين
والى ما صار اليه فأنكم ستصيرون
| |
|
|
|
|
|
|
|
|
 Re: هل الحب مرض؟ (Re: أبوالزفت)
|
يازوله بداية مبروووك مقدما أسألوا الخبراء أن كنتم لا تعلمون!!
ثانيا الرائع/ عثمان حسين ، يغنى :-
الحب عطاء جزاء الكريم يا قلبى عند الناس عدم
صدقنى يا قلبى المتيم فى الحقيقه الحب وهم
| |
|
|
|
|
|
|
|
|
|
Re: هل الحب مرض؟ (Re: أبوالزفت)
|
زولة صباحات الحب والله يبعدنا وأياكم من دائه وأعراضه
سمعتي المثل البيقول (أسال مجرب ولا تسأل طبيب)؟؟؟؟؟؟؟؟؟
المرة دي نحن نقول أسال الطبيب ولا تسال مجرب وأنتي بحكمك طبيبة هل صادفك مرض اسمه الحب في قائمة الامراض والاسقام التي مرت في قواميس الطب ومعاجمه؟؟؟؟؟؟؟؟؟؟؟؟
| |
|
|
|
|
|
|
|
|
|
Re: هل الحب مرض؟ (Re: Habib_bldo)
|
السلام عليكم يا عسل
يدوب عرفت انا مالي من زماااااااااااااااااان
شكرا علي التشخيص يا دكتورة.........لوووووووول
تلفونك مشغول و معطوب خلينا نسمعك
| |
|
|
|
|
|
|
|
|
|
Re: هل الحب مرض؟ (Re: sudania2000)
|
زولا 123...
ما سمعتي بي :-
اصلو المحبة عذاب ...
جنني ساكن الموردة ...
قاموبو زيارة لى كدباس ...
السبب ( المضيع ) عمري دخان الضحية البدري ...
معاهن ام لهجن عجن ( هرسن ) عضامي وتلجن
انا قلبي بدددق مالو بدددق .. ( خفقان يعني )
الجرحو( نوسر ) بي غور في الضمير فوق قلبي خلف الكي
رشقتني عيونو وبقيت ( مجنون ) من اول نظرة
شوية وارجع لك ... لك الود
ود الباوقة
| |
|
|
|
|
|
|
|
|
|
Re: هل الحب مرض؟ (Re: sudania2000)
|
سودانية 2000 الحبيبة
أوعي تكوني يا عسل فاكراني في السودان من اليوم داك؟
انتي بتغطسي وين كلميني؟ اديني تلفونك في المسنجر سريع قبل ما تغطسي تاني.
وبعدين ألف مبرووووك ما يسمعنا تاج السر يجي يبارك ليكي
شفتي مرض بباركوه؟؟
عقبال مرضتي أنا قولي أمييييييين
| |
|
|
|
|
|
|
|
|
|
Re: هل الحب مرض؟ (Re: Habib_bldo)
|
حبيب بلدو
| Quote: هل صادفك مرض اسمه الحب في قائمة الامراض والاسقام التي مرت في قواميس الطب ومعاجمه؟؟؟؟؟؟؟؟؟؟؟؟ |
أبدا والله
وده المجنني, العرب ديل عملوا ليه أعراض وأدوية كمان
حاجة عجيبة
| |
|
|
|
|
|
|
|
|
|
Re: هل الحب مرض؟ (Re: zola123)
|
دكتورة
في مرض احلي من الحب
ده المرض الناس كلها عاوزاه وبتفتش عليه
شفنا الناس بتتعالج لكن في ده الناس بتفتش المرض
انجدنا يا دكتور القلوب
احلي مرض
| |
|
|
|
|
|
|
|
|
|
Re: هل الحب مرض؟ (Re: abas)
|
عباس
سلامات
نقطة جميلة جدا, الناس البتكوس المرض
يعني المرض ده له مسببات يا ربي فايروسات ولا باكتيريا؟
وبينتقل كيف بالشم؟ ولا بالسمع ولا بالشوف؟
ما لازم نمشي مع الموضوع بمنطق شوية
واذا عرف السبب قدرنا نعرف الدواء. مش كدة؟
ده لو زول داير دوا
| |
|
|
|
|
|
|
|
|
|
Re: هل الحب مرض؟ (Re: zola123)
|
زولا سلامات
الحب دا يا اختى اجمل احساس ويكون احلى اذا كان هنالك تبادل بين الطرفين اما الناس البتفكر بالحب من طرف واحد اعتقد من المنطق عدم الاسترسال فيه لان النتائج معروفة تؤدى للمرض وكمان يازوله كل المرضى من الرجال ماسمعت لى مراة مرضت بالحب ولا المراة اكثر تحمل لهذا المرض على العموم انا احترم الرجل لانه شجاع استطاع ان يعبر ويمرض
وموضوعك شيق نريد ان نسمع كل الاراء
انتصار
| |
|
|
|
|
|
|
|
|
|
Re: هل الحب مرض؟ (Re: انتصار محمد صالخ بشير)
|
انتصار بشير
| Quote: كل المرضى من الرجال ماسمعت لى مراة مرضت بالحب ولا المراة اكثر تحمل لهذا المرض |
كيف ما بيمرضوا يا انتصار
بيمرضوا ونص لاكن بيقطعوا في بطونهم ويسكتوا
بس الرجال البيعبروا
تحياتي وشكرا على الاضافة الجميلة دي
| |
|
|
|
|
|
|
|
|
|
Re: هل الحب مرض؟ (Re: zola123)
|
زولة 123
كوكب الشرق ام كلثوم غنت (الحب كده- حب ايه الانت داير تقول عليه -)
ومقاطع من اغانيها
*الحب كده وده مش عايز كلام
*حب ايه الانت عاوز تقول عليه
انت عارف قبله معنى الحب ايه
*نشتكى منه لاكن بنحب
ولكن اين موقع الحب فى الطب ؟؟
تحياتى
| |
|
|
|
|
|
|
|
|
|
Re: هل الحب مرض؟ (Re: بلدى يا حبوب)
|
بلدي يا حبوب
| Quote: ولكن اين موقع الحب فى الطب ؟؟ |
ما عندو اي موقع, تصدق؟ وده المحيرني
أم كلثوم دي خليها على جنب, عشان حكااااية براها
انا سمعت شحتفت روح أحمد رامي مخصوص وأبت تعرسوا
قالت لو عرست معينه حينضب ويبطل يكتب كلمات حلوة لأغانيها
| |
|
|
|
|
|
|
|
|
|
Re: هل الحب مرض؟ (Re: zola123)
|
زولة صاحبتني...
والله يا خيتي، وما ليك علي حلفان.. وحاة الله مرض.. شفتي شي كده، يبدا من أصبع رجلك الصغير، ويبدا ينتشر زي الغرغرينه، لما يصل طرف أطول شعره في راسك... والمشكله يا بت أمي لا بنفع فيهو دوا، ولا بًرود (استحمام يعني) .. حمته من النوع البخليك تهضرب، وتمشي تتكلم مع روحك..بيتغلغل في المفاصل لحدي ما يصل كريات الدم الحمراء (حاكم البيضاء دي بتكون انتهت من قولت تيت)... ويبدا يجوطها ويصوتها.. بتصل مرحلة الهذيان.. خاصة لما تنفرد بروحك المالامي فيها دي... وتقعدي تتكلمي مع الصورة في المراية.. ومع نفسك وانت سايقه السيارة.. ومع ورقه بخطه/ها تكوني محتفظه بيها من سنة (دو)...
الله بسعلك (على قولة سيجيمان) ده ماهو الجن زاتو، خلي المرض
بنت الحسين
| |
|
|
|
|
|
|
|
|
|
Re: هل الحب مرض؟ (Re: مريم بنت الحسين)
|
طول عمري بخاف م الحب ...وسيرة الحب.. وظلم الحب لكل أصحابو..
وأعرف حكايات مليانة اهات ودموع وأنين ..والعاشقين دابو ..ما تابو...
طول عمري بقول لا انا قدر الشوق وليالي الشوق ولا قلبي قدر عذابو...
وقابلتك إنت..ولقيتك بتغير كل حياتي ..ماعرفش إزاي حبيتك يا حياتي ..
من همسة حب لقيتني بحب.. لقيتني بحب وادوب في الحب وصبحي وليل علي بابو ....
تخريمة :
التلاتة أبيات الأولي ده حالي من وانا طفل لحدي قبل 3 سنوات ... والبيتين الأخيرين من قبل 3 سنوات وإنتي ماشة ...
| |
|
|
|
|
|
|
|
|
|
Re: هل الحب مرض؟ (Re: مريم بنت الحسين)
|
مريم بنت الحسين
| Quote: من النوع البخليك تهضرب، وتمشي تتكلم مع روحك..بيتغلغل في المفاصل لحدي ما يصل كريات الدم الحمراء (حاكم البيضاء دي بتكون انتهت من قولت تيت)... ويبدا يجوطها ويصوتها.. بتصل مرحلة الهذيان.. خاصة لما تنفرد بروحك المالامي فيها دي... وتقعدي تتكلمي مع الصورة في المراية.. ومع نفسك وانت سايقه السيارة.. ومع ورقه بخطه/ها تكوني محتفظه بيها من سنة (دو)... |
لاكن ما باسألك جرستك وصلت أطرافالكرة الأرضية وسمعها الأقصى والداني
أنا كنت فاكرة نفسي براي العويرة 
أها وبعد ده في فايدة ولا مافيش؟
| |
|
|
|
|
|
|
|
|
|
Re: هل الحب مرض؟ (Re: zola123)
|
زولة123
بكل أسف إنطباعاتي عن الرقم 123
ليست بالطيبة
ولكن بالكفة الأخرى يثقل الميزان
ويقلب اليقين على الشك
ومن الحب ما قتل
قصص الحب التي حملت إلينا عبر صفحات التاريخ
في مجملها معاقة إن كان قصة جميل وبثينة أو روميو وجوليت
أو الشكسبيريات أو تايتنك أو حتى قصة نعمات (تاجوج) والطيب عبد الله
أنا أعرف كمية من علاقات الحب الغرامية والتي ذهبت بعقول أطرافها
من الشباب وأتهم فيها الفتيات بالخيانة.
- النزير . زميل تعرفت عليه بالجامعة وهو رجل وإنسان بمعنى الكلمة
لم تكن له علاقة جهرية مع طالبة حتى تخرجه ، ولكنه بعد التخرج إقترب
قلبه من فتاة تعرف عليها بإلتصاقها للنشاط الذي يعمل به كرئيس لجمعية
القرآن الكريم بإحدى الجامعات. وبعد عودته من إجازة علم ان الفتاة
تزوجت ، ومن حينها فقد عقله وهو اليوم حبس
- وكمثل هذه القصة أيضاً أعرف واحد من بلدياتي أحب فتاة بكل صدق
ولكنها بم ترعى العهد فباعته وذهبت بعقله
- والمثال الثالث هو الأخ ياسر الذي يواصل علاجه بمستشفى تجاني الماحى
مع قليل من جرعات العلاج الروحي ، وهو كيسه لا يختلف كثيراً السابقين
سوى انه كان لا يزال طالب ثانوي
فهذا قليل من ما أعرفه عن مريضي الحب أو الشاكوش
ورغم هذا أقول كما قال صلاح عبد الصبور
هل كان ما بيننا
حباً ... وعشناه
أم كان حلماً عندما أدركنا الصبح نسيناه
أم أننا خفنا على قلبنا
وفي ثرى الخوف دفناه
لو عاش ، لو فتّحت للشمس عيناه
كنّا رعيناه
لمّا تركناه
في مهمةٍ قاسٍ رميناه
في قلبه أنفاسه تبكي
أنّا هجرناه
يا أيها الحب الذي ماتا
لو يرجع اليوم الذي فاتا
لو عاد يوم منك
عشناااااااااااااااااااه
| |
|
|
|
|
|
|
|
|
|
Re: هل الحب مرض؟ (Re: EMU إيمو)
|
أيمو
ما عاجباك ال 123 لييييه؟
لاكن أصحابك ما يحننوا
معقولة لاكن؟
تعرف أنا شبه متأكدة معظم الجنوا ديل لو قربوا شوية من البحبوهم يمكن ما كان حصل ليهم الحصل
بمعني انهم أكيد عاملين في خيالهم صورة عظيمة للمحبوب وصفاته الرائعة حد الكمال وما قارنوها بالواقع.
وعشان كدة تعبانين, أن انصح اي زول قرب يجن يلحق الأمور ويمشي يعبر عن نفسه
ولو فيها شاكوش الله كريم لاكن ما تصل للجن.
| |
|
|
|
|
|
|
|
|
|
Re: هل الحب مرض؟ (Re: أحمد الشايقي)
|
يا إيمو :
تحياتي ...
Quote: النزير . زميل تعرفت عليه بالجامعة وهو رجل وإنسان بمعنى الكلمة
لم تكن له علاقة جهرية مع طالبة حتى تخرجه ، ولكنه بعد التخرج إقترب
قلبه من فتاة تعرف عليها بإلتصاقها للنشاط الذي يعمل به كرئيس لجمعية
القرآن الكريم بإحدى الجامعات. وبعد عودته من إجازة علم ان الفتاة
تزوجت ، ومن حينها فقد عقله وهو اليوم حبس
|
النزير صاحبك ده لو كان رئيس رابطة أصدقاء مصطفي سيد أحمد أو رئيس جمعية فلاحة البساتين كان لحق أمات طه ...
ده حالتو رئيس جمعية القرأن الكريم ؟؟؟؟؟ والله تراهو الحب ده حاجة صعبة خلا ص...
| |
|
|
|
|
|
|
|
|
|
Re: هل الحب مرض؟ (Re: أحمد الشايقي)
|
العزيزة زولا
سلام كتير ..
ليس هناك إختلاف على مفهوم الحب ..
ولكن عندي سؤال هل للحب زمان ومكان ؟
وهل ينتهي الحب ليصبح شئ عادي بين المحبين ؟
مثال إثنان بيحبو بعض لفترة طويلة وبعد الزواج تكون الأمور عادية بينهما ..
هل هنا إنتهى الحب وهل أصبح مثله مثل اللوحة المعلقة على الجدار ؟..
وأنا أقول الناس دي بتجن من شنو ؟ ..
| |
|
|
|
|
|
|
|
|
|
Re: هل الحب مرض؟ (Re: zola123)
|
Quote: أنا كنت فاكرة نفسي براي العويرة
أها وبعد ده في فايدة ولا مافيش؟ |
حسي انا عملت ليك شنو؟ انا بحكي حال الناس ...
كدي انت قولي لي، في فايده ولا لع؟
بنت الحسين
| |
|
|
|
|
|
|
|
|
|
Re: هل الحب مرض؟ (Re: zola123)
|
امك قبض
الشرك قبض
قبض منو لكن
زولا 123
أنا كنت فاكرة نفسي براي العويرة
أها وبعد ده في فايدة ولا مافيش؟
مريم بنت الحسين
بكااااااااااااااااااااااااااااااااااايه
انتي وكت ما قدرو بتسوه ليه
| |
|
|
|
|
|
|
|
|
|
Re: هل الحب مرض؟ (Re: zola123)
|
عمر الفاروق
مع إحترامي لحديثك ولكن أقول لك على جنب !!
الذين يركبون الحافلات والبصات يسمعون هذه العبارة كثيراً
على جنب لأن هذا البوست طرح مشكلة في سؤال
على جنب لأنك لا تعترف بالآخر رأي أو إنسان أو شيطان
وكهذا تعاليّ الصبح منه بحد الخيط
الحب الذي تراه بمنظارك الخاص أنا أنظر إليه بالقلب
وحتى لا تفهمني كما تشاء ، فأنا ذكر حالة في سير القطار
الأخت زولة
آسف على أخذ الرحلى بطريق شائكة
| |
|
|
|
|
|
|
|
|
|
Re: هل الحب مرض؟ (Re: zola123)
|
| Quote: يمكن أن يصلوا إلي حالة غير طبيعية من الإنهاك الجسدي |
حمى يعني ؟؟
كنت قايلاها حالة خاصة !!
زولة ان مش مسؤولة عن الموسيقي التصوريرة وبس !! ان مدانة تحت المدانة 130 كمان
مودتي
| |
|
|
|
|
|
|
|
|
|
Re: هل الحب مرض؟ (Re: غادة نصر)
|
زولا يا عسل
حب شنو يا بت انت صدقتي
دا انا البحبو مرتبط و البحبني ما عاجبني و الحالة دي من يوم ما قمت .....
غايتو وصلت لقناعة تامة انو الحب دا مرض ووهم كبير يعيش فيه الشخص بمزاجه و يمرض روحو بمزاجو ...و لا شنو يا من قلت انني تؤام روحك ....دائما يطير الحب ويبقي الاحترام علي قول امل وهبي ...في حالة الناس الفي البر و حقوق وواجبات في حالة الغرق....
اضربي اليوم .......بستنااااااااااااااااااااك
| |
|
|
|
|
|
|
|
|
|
Re: هل الحب مرض؟ (Re: ملكة سبأ)
|
ملكة سبأ الحبيبة
ما تجيبي لي تهمة لاكن
استمتعي بالأغنية وانا ما مسؤولة تاني.
Quote: حمى يعني ؟؟
كنت قايلاها حالة خاصة !!
|
ما عارفة ياختي, وكان عارفة ما حاقول زاته في البورد ده
| |
|
|
|
|
|
|
|
|
|
Re: هل الحب مرض؟ (Re: zola123)
|
إيمو :
تحياتي ..
| Quote: مع إحترامي لحديثك ولكن أقول لك على جنب !! |
حا أجنب طالما أنك إحترمت حديثي ..
ولا تعليق علي باقي حديثك ..
انا رميت إشارة يمين وطالع ليك من الشارع كلو ..
وسامحك الله علي الطريقة الفهمت بيها التعليق ..
| |
|
|
|
|
|
|
| |
zola123
Mahadi
أحمد الشايقي
HAMZA SULIMAN
sharnobi
shazaly gafar
أبوالزفت
Habib_bldo
abas
انتصار محمد صالخ بشير
بلدى يا حبوب
Safa Fagiri
مريم بنت الحسين
EMU إيمو
Outcast
معتصم دفع الله
ملكة سبأ
متوكل بحر
فيس بوك
تويتر
انستقرام
يوتيوب
بنتيريست