|
|
|
 Re: [B]الصادق المهدي ( لا انصاري ولا حزب امة )[/B] (Re: خال فاطمة)
|
خال فاطمة
ود وتحية
إنت عارف البوست ده طلعني مجنون عديل مع ناس الشغل.. والله وما طالبني حليفة لما قريت البوست تبسمت، وعندما قريت مداخلة سيف مساعد ضحكت ضحكة كبيرة ولكن عندما أتيت لمداخلتك إزدادت وتيرة الضحك وبصوت عالي.. أها واحد لبناني زميل في الشغل قالي (عمو شو بيك) قلت ليهو لا ما في حاجة.. قال (خيو شكلك جنيت).. غايتو ألحقوا الشامي قبل ما يوديني للعيادة ..
| Quote: ما لقيت الا مهدي المريخابي المتعصب ... عشان تصاحبو يا ورااااااااااااااق ... ههههههههههه |
الزول ما أنصاري نسوي ليهو شنو.. أوعى تقول لي بتعرفوا.. طبعاً هو زول رائع جداً.
| |
 
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: إسماعيل وراق)
|
Quote: ولكن عندما أتيت لمداخلتك إزدادت وتيرة الضحك وبصوت عالي.. أها واحد لبناني زميل في الشغل قالي (عمو شو بيك) قلت ليهو لا ما في حاجة.. قال (خيو شكلك جنيت).. غايتو ألحقوا الشامي قبل ما يوديني للعيادة ..
Quote: ما لقيت الا مهدي المريخابي المتعصب ... عشان تصاحبو يا ورااااااااااااااق ... ههههههههههه
الزول ما أنصاري نسوي ليهو شنو.. أوعى تقول لي بتعرفوا.. طبعاً هو زول رائع جداً. |
أخونا وراااااااااق .. عاطر التحايا
ههههههههههههههههههه
انا للحين بضحكككككككك على كلامي الكتبتو ...
مدام عرفه .. خليهااااااااا ساكت ...
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: علي محمد علي)
|
الأخ علي محمد علي
سلام والله يرحم من روي بالجنة وكذا من نقل عنة الحديث.
لا نعلم الظرف الذي قيل فية الكلام . لكن أمسح وأبدأ من جديد
السيد الصادق دا بقي رئيس حزب الأمة القومي وإمام الأنصار كيف
هل جاء بالباب ولا الشباك ولا وفق رضا من قدمة لتلك المواقع
علي عينك يا تاجر ولا أقول ليك بي لغة اليوم بشفافية شديدة.
بحيراوي
| |
|
|
|
|
|
|
|
|
 Re: [B]الصادق المهدي ( لا انصاري ولا حزب امة )[/B] (Re: علي محمد علي)
|
هي يا علي محمد علي القصة حقيقية كما تؤكد أنت أدناه؟؟:-
| Quote: رأيك في القصة دي شنو؟ ول قايلاها تخريمة؟ القصة حقيقية والسؤال يظل مطروح |
وللا العهدة على الراوى -وهذا يجعل احتمال انها حقيقية 50%-كما تؤكد أنت أيضا أدناه؟؟؟:-
| Quote: هذا ما رواه الرجل والعهدة عليه، سمعت القصة من الرجل |
ياخوي الله يرحمك و يرحمنا أرسى ليك على بر وبعد داك تعال اسالنى من رايي!!!!!
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: lana mahdi)
|
ذكر الاستاذ الصحفي يوسف الشريف في كتابه ( السودان وأهل السودان) صفحة 184 ( كذلك صادفت طموحات الصادق سلسلة من الاحباطات والفشل حين اعتقد أن تكوينه الشخصي ومؤهلاته السياسية الثقافية ومواهبه الخطابية طوع بنانه للاستيلاء علي زعامة حزب الامة، وأن لديه قدرات ذاتية علي الصمود في حلبة السياسة والتنافس مع غيره من الزعامات الساسية دون ما حاجة الى الولاء لعمه الامام الهادي المهدي ولا الي دعم طائفة الانصار، ولذلك كان عليه ان يخرج علي اهل السودان بدعوي سياسية جديدة اطلق عليها (السندكالية )، وهي كانت محاولة واجتهاد من جانبه لسودنة تجربة حزب العمال والحركة النقابية في بريطانية.
علي انه لم يمض عام واحد علي دعوته للسندكالية حتي تراجع عنها ولم تعد لها في احاديثه وخطبه ذكر واهمية اثر سقوطه المدوي في الانتخابات النيابية عام 1968م امام داؤد الخليفة مرشح الامام في دائرة جزيرة ( أبا) كما سقط معظم الذين التفوا حوله من شباب حزب الامة، وارتداد بعضهم سريعا الى الطائفية فور مقتل الامام الهادي المهدي .) والحديث ذو شجون وله بقية وما اكثر القصص الموثقة والمكتوبة عن سيدي السيد الصادق ، هل ادركتم الان ما كنت اعنيه بان السيد الصادق ( لا انصاري ولا حزب امة )؟ انما هو رجل( سندكالي ) .
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: علي محمد علي)
|
| Quote: هل ادركتم الان ما كنت اعنيه بان السيد الصادق ( لا انصاري ولا حزب امة )؟ انما هو رجل( سندكالي ) |
نعم الآن فقط أدركنا، وسنظل ندرك (مادام النفس طالع ونازل).. ولكن أشياء أخرى..
ونحمد الله بأن الرجل طلع سندكالي وليس بهلالابي ولا موردابي أو نقشبندي.. لكن ياعلي أستحلفك بالله شنو معنى سندكالية دي.. أصلها عاجباني شديد وما عارف معناها.
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: إسماعيل وراق)
|
| Quote: ولذلك كان عليه ان يخرج علي اهل السودان بدعوي سياسية جديدة اطلق عليها (السندكالية )، وهي كانت محاولة واجتهاد من جانبه لسودنة تجربة حزب العمال والحركة النقابية في بريطانية |
عزيزي اسماعيل وراق لك التحية علي المداخلة والحوار: بعد ان اطلق السيد الصادق هذه الصيحة ظل معارضوه من ال البيت يطلقون عليه لفترة طويلة تالية هذا اللقب (السندكالي)
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: علي محمد علي)
|
| Quote: عزيزي اسماعيل وراق لك التحية علي المداخلة والحوار: بعد ان اطلق السيد الصادق هذه الصيحة ظل معارضوه من ال البيت يطلقون عليه لفترة طويلة تالية هذا اللقب (السندكالي) |
أخوي علي ما أختلفنا لكن وبكل صدق داير أعرف سندكالية دي ذاتها معناها شنو.. فقط من باب العلم بالشيئ.
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: إسماعيل وراق)
|
اسماعيل وراق اخوي وحبيبي اسع الكلام ده كلو ما عجبتك فوقو غير السندكاليه دي,طيب امس الضحك شرطك كيفن؟ يا اخوي انا كنت قائل الجن اتحادي كلو لكن لقيت عندكم انتو كمان محن, ارجو منك ارسال ادبيات حزب الامة علي الاميل عشان نقرأ ليكم شوية باقي لي زمن بديت اقرأ لي حزب الامة بعد ما كنت اي حاجة فيها حزب الامة بجدعها.
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: إسماعيل وراق)
|
عزيزي وراق احييك: سألتني عن السندكالية وقلت انك جاد ما بتهزر، وإليك هذا التعريف: فلقد عرَف الدكتور محمد السيد سعيد في مقال له بعنوان ( نقابة الصحفيين.. السياسة والانتخابات وما بعدها) والمنشور بجريدة العربي (صحيفة الحزب العربي الديمقراطي الناصري ) العدد رقم 872 بتاريخ 17/8/2003م السندكالية بانها ( وهو "السندكالية" وهو مذهب يؤمن بأن النقابية هي الطريق للتغيير الاجتماعي والسياسي، وبتعبير آخر يتم رفض السياسة لأن النقابية تحل محل السياسة بالمعني الحزبي، فالأحزاب في هذا المقترب للسياسة ليست سوي خدعة وتزييف للوعي ولعبة من ألعاب الهيمنة الطبقية أو الفكرية.) هذا مع تحيلتي وشكري
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: Elhadi)
|
Quote: هههههههههههههههههههههاى
والقاعد فى رئاسه الحزب ده منو وكمان منتخب؟
زالقاعد امام للانصار ده منو وكمان منتخب؟
هههههههههههههههههههههاى
نكته ظريفه وقصه لطيفه
هشام مزمل |
منتخب دي ظريفة
اذا كان اتفقنا ان السيد الصادق سندكالي( وهذه دعوي لا ينكرها الصادق نفسه، وانه سبق وان تبني هذا الطرح) واتفقنا علي التعريف الذي اوردناه للسندكالية وهو تعريف علمى لا مجال لتجاوزه، نكون قد افقنا ايضا علي عنوان البوست؛
( ولا شنو)
| |
|
|
|
|
|
|
|
|
|
الســــــــــــــندكالية! (Re: علي محمد علي)
|
أخي الحبيب علي محمد علي
كتبت انت ردا على وراق ما يلي:
Quote: اذا كان اتفقنا ان السيد الصادق سندكالي( وهذه دعوي لا ينكرها الصادق نفسه، وانه سبق وان تبني هذا الطرح) واتفقنا علي التعريف الذي اوردناه للسندكالية وهو تعريف علمى لا مجال لتجاوزه، نكون قد افقنا ايضا علي عنوان البوست؛
( ولا شنو) |
شنو
ولماذا نتفق ان الصادق المهدى سندكالي؟؟؟؟!!!!وكيف تجزم أنها دعوى لا ينكرها حتى هو بل و ذهبت بعيدا الى القول انه تبنى هذا الطرح؟؟؟؟؟!!!لقد كان احد منتقديها اخي الحبيب على
للفائدة احب ان احيلك الى حوارى الصحفي مع الامام الصادق المهدى لجريدة البيان بتاريخ 19 يناير 1998 -الموافق 21 رمضان 1418 ه -العدد 6424
وكان هو بالقاهرة وكان الحوار قبيل مؤتمر الحزب الذى انعقد فى اسمرة ،وكان السؤال فيما يخص هذه الجزئية كالاتى:
لنا/السندكالية كلمة قديمة ارتبطت بالصادق المهدى ترى اين هى الان من قاموسه؟؟
المهدى/كلمة السندكالية هى نكتة و ليست رايا طرحته ولم انادى بشىء يسمى سندكالية انما قلت : "ان الناس الذين يدعون لحكم الفئات هم ناس سندكاليون "،فرسام الكاريكاتير عز الدين شدته الكلمة وعمل كاريكاتيرا و هو شخص يسال صاحبه :"يا جدع انت انصارى ولا سندكالى؟؟"
لنا/معظم الناس يظنون ان السندكالية مشروع وجزء من الادب السياسى السودانى؟؟
المهدى/هى نكتة و الكثيرون لا يعرفون معناها ، كنت فى مؤتمر صحفى اتحدث عن تيارات فكرية و قلت ان بعض التيارات الفكرية تريد حكم الفئات و لا تريد ان تحكم القوى السياسية و قلت ان هذا يسمى سندكالية ، وكنت انتقد السندكالية و لم اطرحها كراى....""
تجد أخي علي نص الحوار كاملاً على هذا الرابط:
http://www.albayan.co.ae/albayan/1998/01/19/sya/1.htm[/B]
| |
|
|
|
|
|
|
|
|
 Re: الســــــــــــــندكالية! (Re: Abdel Aati)
|
Quote: الاخت لنا مهدي والاخ اسماعيل وراق
ارجو الا تفعلوا مع هذا البوست ما فعلته الاخت رباح الصادق وغيرها مع اسئلة الاستاذ جماع مردس التي نقلها للبورد الاخ محمد حلا .. |
ما فهمتا كلامك يا عادل
فممكن توضح؟؟؟
وتحديداً
ما الذى فعلناه مع هذا البوست؟؟؟؟
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: علي محمد علي)
|
| Quote: المهدى/هى نكتة و الكثيرون لا يعرفون معناها ، كنت فى مؤتمر صحفى اتحدث عن تيارات فكرية و قلت ان بعض التيارات الفكرية تريد حكم الفئات و لا تريد ان تحكم القوى السياسية و قلت ان هذا يسمى سندكالية ، وكنت انتقد السندكالية |
في الدول الديمقراطية تتنافس الأحزاب أو التيارات الفكرية والسياسية علي الحصول علي أكثر مقاعد النقابات، وبعضها قد يكون نقابة تؤمن بالأفكار التي ينادي بها وهو ما يسمح به المجتمع الديمقراطي انطلاقا من فكرة التعددية فتكون هناك تعددية نقابية مثلما تكون هناك تعددية حزبية. ولكن هناك بالفعل من يؤمن بضرورة رفض السياسة في ميدان العمل النقابي، ولكن هذا الإيمان يشكل بذاته مذهبا سياسيا وهو "السندكالية" وهو مذهب يؤمن بأن النقابية هي الطريق للتغيير الاجتماعي والسياسي، وبتعبير آخر يتم رفض السياسة لأن النقابية تحل محل السياسة بالمعني الحزبي، فالأحزاب في هذا المقترب للسياسة ليست سوي خدعة وتزييف للوعي ولعبة من ألعاب الهيمنة الطبقية أو الفكرية.
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: علي محمد علي)
|
أخي الحبيب علي محمد على
نرجع الى جوهر بوستك وهو قصة ان الامام الصديق قال ان الصادق المهدي لا أنصارى و لا حزب أمة حيث اوردت:
| Quote: وحسب الاتفاق سألت السيد الصادق عن المهمة التي كلفه بها السيد الصديق ووجدت انه لم ينجزها، فذهبت وجلست الي السيد الصديق الذي بادر وسألني عن الامر، فسكت لفترة فكرر علي السؤال، فقلت ان الامر لم ينجز بعد ولكن سيدي الصادق وعدني بان ينجذه في اقرب وقت ( وقلت ذلك في محاولة لاخراج السيد الصادق من الحرج) فقال لمجالسيه ( انتو عارفين الصادق ده لا انصاري ولا حزب امة) |
لماذا لم تفترض مثلا ان مقصد الامام الصديق ان من لا يفي بوعده او ان من لا ينجز تكليفاً التزم به لا انصارى ولا حزب امة؟؟ وهذا للتشجيع للتمثل بالانصارية و صفاتها او بحزب الامة و متطلباته،وليس لنفي الصفتين،فمثلا لو خاف احد ابناء الجعليين من امر ما لقال له والده:"انتا ماك جعلي؟؟"فهذا لا ينفى نسبته الى الجعليين،وهل يعقل ان يكلف الامام الصديق شخصا ليس انصاريا او حزب امة بامر فى الشان العام من صميم شئون الانصار او حزب الامة؟؟لاحظ ان الامام الصديق كان قبل وفاة الامام عبدالرحمن رئيس حزب الامة لان الامام عبدالرحمن كان امام الانصار،وبعد وفاة الامام عبدالرحمن اصبح امام الانصار و رئيس الحزب معاً،فهذا الامر ان صح حدوثه فقد حدث ابان حياة الامام الصديق الذى توفي و السيد الصادق يبلغ من العمر 27 عاماً اى كان فى شرخ الشباب اى انه لو قيلت المقولة فى العام الذى توفي فيه الامام الصديق لكان عمر الصادق المهدي 27 عاما ناهيك لو قيلت قبلها - هذا اذا كانت المقولة صحيحة-؛
وبما ان الامام الصادق فى اللقاء الموجود فى هذه البوست لجريدة البيان قال ان ثورة اكتوبر هى التى زجت به فى اتون العمل العام فمرجح اذن ان هذه المقولة لو صحت لكانت بين عامي 1959-1964 الفترة المحصورة بين وفاة الامام عبدالرحمن و وفاة الامام الصديق،و لكن طالما انك اخي الحبيب على اوردت بلسان كيبوردك ان الذى روى لك الرواية رحمه الله قال | Quote: ذهبت الي السيد الصديق عليه الرحمة في شأن من شئون الانصار، وكان امرا مهما، فسأل عن الصادق وطلب ان ياتي اليه وكلفه بانجاذ الامر وبالسرعة المطلوبة، |
و لم ينجزه الصادق كما قال الراوى لك، فهل يعقل ساعتها ان صحت المقولة ان يقول الامام الصديق ان الصادق دة ما انصارى ولا حزب امة؟؟كان ليقول الصادق دة ما انصارى..لانه تباطا عن انجاز امر خاص بالانصار،، فهذا ينسف صحة المقولة من جذورها اذن..
ثانياً هب ان الامام الصادق لم يكن انصارياً و لا حزب امة ثم اصبحهما فما المشكلة؟؟ان صاحب البوست يؤسس لفهم غير جميل-بوعي او بدون وعي-وهو ان كون قيادتنا لم تكن فى الاصل انصارية ولا حزب امة فهذا مدعاة للنيل منها او التقليل من شانها،حزب الامة غير كيان الانصار:حزب الامة به مسيحيون وبه مسلمون من بيئات غير انصارية و ليس شرطا لقيادته ان تكون من ال المهدي او ان تكون من بيئة انصارية
وكيان الانصار الانتخاب هو من يأتى بالامام و ليس شرطاً ان يكون من ال المهدي ايضاً..
اذن لا مشكلة البتة
ولك تحياتي
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: lana mahdi)
|
الاخت لنا
سلام كتير
ليش انتي ما عايزة تقتنعي بانو الصادق المهدي نقشبندي
احكي ليك قصة في مدينة الشوال احمد المهدي كان بتكلم عن الصادق واحد من الانصار الكبار الكلام ما عجبو بي طول حسو قال انتو ود ستي سكينة ده مع شنو,الناس ضحكت ضحك شديد والله كلمة المهدي استكثرها في السيد احمد
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: saif massad ali)
|
| Quote: احكي ليك قصة في مدينة الشوال احمد المهدي كان بتكلم عن الصادق واحد من الانصار الكبار الكلام ما عجبو بي طول حسو قال انتو ود ستي سكينة ده مع شنو,الناس ضحكت ضحك شديد والله كلمة المهدي استكثرها في السيد احمد |
اذن الكلام دا يا دكتور يعني ان الناس لا يورثون فان كان حب الانصار حبا مورثا
لكان السيد احمد احق به من السيد الامام .
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: lana mahdi)
|
Quote: ثانياً هب ان الامام الصادق لم يكن انصارياً و لا حزب امة ثم اصبحهما فما المشكلة؟؟ان صاحب البوست يؤسس لفهم غير جميل-بوعي او بدون وعي-وهو ان كون قيادتنا لم تكن فى الاصل انصارية ولا حزب امة فهذا مدعاة للنيل منها او التقليل من شانها،حزب الامة غير كيان الانصار:حزب الامة به مسيحيون وبه مسلمون من بيئات غير انصارية و ليس شرطا لقيادته ان تكون من ال المهدي او ان تكون من بيئة انصارية
|
( و ليس شرطا لقيادته ان تكون من ال المهدي او ان تكون من بيئة انصارية)
الحبيبة لنه مهدي اشكرك على ما تفضلتي به من مداخلة، وأحب ان اؤكد ان القصة التي رويت حدثت في الفترة من 59/61 ، اما حديثك أن ليس شرطا في قيادة حزب الامة ان تكون من ال المهدي او تكون من بيئة انصارية، فهذا كلام للاستهلاك السياسي وغير صحيح بالمرة ، وأ عتقد ان الكثيرين يشاركونني هذا الرأي
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: علي محمد علي)
|
| Quote: اما حديثك أن ليس شرطا في قيادة حزب الامة ان تكون من ال المهدي او تكون من بيئة انصارية، فهذا كلام للاستهلاك السياسي وغير صحيح بالمرة ، وأ عتقد ان الكثيرين يشاركونني هذا الرأي |
يا اخ على محمد على
اطالبك بالاعتذار لى عما ورد اعلاه فليس من حقك البتة ان تتهم احدا بان حديثه للاستهلاك السياسي،فشخصي الضعيف يفكر مثلما يريد ويقول و يكتب ما هو مقتنع به فقط، ولك ان تراجع ارشيف هذا المنبر لتعرف اصول النقد الذاتى التى نمارسها لنقد حزب الامة هنا و على رؤوس الاشهاد،فانا لا اكتب كلامي لاستهلاك سياسي و لا اعتبر نفسي هنا سوبر ستار سياسي لاستخدم هكذا اساليب ، بل انسانة تكتب قناعاتهاوتلتزم بها..انا مقتنعة انه ليس شرطا ان يقود الحزب ال المهدى او شخصا من بيئة انصارية وليس مهما ان يشاركنى الكثيرون الان هذا الراى الذى اؤسس له و اعمل لاجل تثبيته،واذا كان هنالك بعضا من ال المهدى فلتات او اعضاء فى حزب الامة ،فهنالك ايضا ال المهدي شيوعيون و مؤتمر وطني و مستقلون ولا حزبيون الخ
اما "بعبع" آل المهدى فقد خلقتموه و رعيتموه و كبرتموه ثم كرهتموه وليتكم تحطمونه،نحن فى القرن 21 ،عندك عطاء اوكي ما عندك لتتنح و لياتى من هو اكفا منك..
وبعدان تقتنع ان من تشارك تشارك وفق قناعاتها لا للاستهلاك السياسي سوف اشارك فى البوستات التى تخصك
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: lana mahdi)
|
| Quote: وبعدان تقتنع ان من تشارك تشارك وفق قناعاتها لا للاستهلاك السياسي سوف اشارك فى البوستات التى تخصك |
العزيزة الحبيبة لنة=أحييك مجدد* الجميع هنا يتحاورون ويتناقشون في قضايا تهم الوطن في منبر حر، وهو ليس مكانا للمجاملة وذرف الدموع علي اطلال الاحزاب الطائفية وزعماء القداسة والكهانة، وارحب مجددا بمشاركاتك التي تثري النقاش، وهناك حكمة تقول اختلاف الراى لايفسد للود قضية، هذا مع تحياتي وشكري
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: علي محمد علي)
|
| Quote: الجميع هنا يتحاورون ويتناقشون في قضايا تهم الوطن في منبر حر، وهو ليس مكانا للمجاملة وذرف الدموع علي اطلال الاحزاب الطائفية وزعماء القداسة والكهانة، وارحب مجددا بمشاركاتك التي تثري النقاش، وهناك حكمة تقول اختلاف الراى لايفسد للود قضية، |
يا علي دخلت بس لاسالك:من-بفتح الميم- طلب من-بكسر الميم- من ان يجامل من-بفتح الميم؟؟؟!!!
ومن-بفتح الميم- ذرف الدموع و على من -بفتح الميم- ؟؟
نعم
اكيد
اختلاف وجهات النظر لا يفسد قضية للود اذا كان اصلا اختلاف وجهات النظر مبنى على انى اؤمن بانك تعبر عن قناعاتك و انت بالمقابل تؤمن نفس الايمان..وانت ترى اننى اسوق حديثى للاستهلاك السياسي وليس قناعة،وهذا الاخلال بهذا الشرط جعل من اتيانك بهذه المقولة-الحكمة- فى هذا المقام مزحة كبرى
تحياتي
| |
|
|
|
|
|
|
|
|
|
Re: [B]الصادق المهدي ( لا انصاري ولا حزب امة )[/B] (Re: lana mahdi)
|
Quote: اذن الكلام دا يا دكتور يعني ان الناس لا يورثون فان كان حب الانصار حبا مورثا
لكان السيد احمد احق به من السيد الامام |
مـن أبطأ به عـمله لن يسرع به نسبه
مـمعوط مابطير مـثلا قديم دارسـنه
.......................وسيـف البالة مـا بقطع قـدر ما تسـنه
| Quote: اختلاف وجهات النظر لا يفسد قضية للود اذا كان اصلا اختلاف وجهات النظر مبنى على انى اؤمن بانك تعبر عن قناعاتك و انت بالمقابل تؤمن نفس الايمان..وانت ترى اننى اسوق حديثى للاستهلاك السياسي وليس قناعة،وهذا الاخلال بهذا الشرط جعل من اتيانك بهذه المقولة-الحكمة- فى هذا المقام مزحة كبرى |
مـن يدخل في أمر من غير بصيرة فإنه يخرج منه من غير بصيرة.
الخاتمة تضمن السابقة ولكن السابقة لاتضمن الخاتمة اللهم أجعل خير أعمالنا خـواتمـها.
رحم الله والدي البي الرشاد جـلاني
.......................مسكني الطريق الحق وفات خلاني
يومـه المات وصية سمحة بيها ملاني
......................اتب المهـدي سوي في جيبك الدخلاني
| |
|
|
|
|
|
|
| |
إسماعيل وراق
saif massad ali
خال فاطمة
Shinteer
lana mahdi
البحيراوي
Elhadi
وليد محمد المبارك
Abdel Aati
Fadel Alhillo
نيازي مصطفى
Abdelrahman Elegeil
فيس بوك
تويتر
انستقرام
يوتيوب
بنتيريست