|
Re: حقيقة أنا حزينا جدا لذلك (Re: elhilayla)
|
الأخوان العزيزان
تحياتى هذا من ضمن ماكتبته للأخت بيان
Quote: أختى بيان كل واحد فى المنبر دا ببكى وجعتو البقيفو معاك ظاهرا هم أصلا بصفوا فى حساباتم الخاصة الناس دى مابتتخيل أنو المنبر دا ممكن يكون تواصل إنسانى واقعى يعنى ممكن الواحد يتخيل حا يقابل واحد شخصيا ومايكون قال فبهو كلمة شينة تخجلو منو
والله مرات بتخيل الكتابة بقت زى قضاء الحاجة الواحد لمايضع النقطة الأخيرة يقول الحمد لله الذى أخرج منى هذا الأذى وعافانى البدخلو يقرواكتابة زى دى أكيد بقولو أعوذ بالله من الخبث والخبائث. للأسف الإحساس دا بقا متعمق جواى يابيان إنتى ممكن تكونى كاتبة ليك طعمك ونكهتك الخاصة ودا بتكون بالنس المعاك والضدك. أتمنى أن تتخلى عن كلمة ضلامية كبادرة عفو لمن قالوها
خليك زى أبوك علم الصعاليك قواعد الإحترام والتقدير وفوق دا علمهم علما إستبانوا به سبل الحياة يابيان لما واحد يجرحك إتذكرى أبوك واسأليهو فى سرك تتصرفى كيف قبل ما تتصرفى أنسى الكيمان فالشعب السودان لايعيش إلا وسط القطيع فياعيشى وسط القطيع وبعقلية القطيع يا أبقى متفردة وخلى عدوة التفرد تنتشر. نحنا كشعب منذ ميلادنا لقينا نفسنا مكومين دينيا وثقافيا وقبليا وسياسيا ودخل فينا فهم واتغلغل إسمو لانصلح أن نوزن بالميزان. فإنتى يااتكومى معانا يا ورينا ميزان العقل بوزن كيف. يابيان المنبر لاهو صحيفة ولاهو كتاب ولاهو مسرح ولاهو سوق أم دفسو هو مرآة لكل هذه الأشياء. الناس البمرقو منو عشان مستوى المشاركين فيهو أقل منهم أو الناي المابردو على ناي عان أسمهن ما رنانة ماهو جديد دا ديدن قبيلة الخريجين الخلا ود خالى لما دخلت الجامعة يقول لى مسختا علينا الجامعة عشان غرسو جواهو أنو الجامعة لايمكن أن يدخلها واحد هو بعرفو ولحمو ودمو شفتى كيف تغرس الإنهزامية فى الإنسان? ودا برضو الخلاهو لما يزورنى فى الجامعة ويشوف الطلاب معظمن حاشين قمصانن جوا البنطلون يجزم بأن المثقف هو من يحشى قميصه داخل بنطلونه!! وانا بينى وبينك وناس اامنبر قلت أصاب إبن خالى حينـ أخطأ .. إذا كان حال السودان بعد تسعة واربعين سنة من الإستقلال زى البقرة البرفعو فيها من ضنبا وواقعة وكرعيها مجكنة فى الطين وكل المثقفين بفتشوا فى الوقع البقرة فى الطين منو. ود خالى دا فيهو مدد بعرف دواخل المثقف السودانى كويس, أها إنتى يااختى عندك ليهو حاجة جديدة ولا نلبسوا جلابية دريدا الخلاها صدقة واكبر من مقاسو, وبالمناسبة ودخالى زول عضمو نصيح مكن يشيل عربية الصادق والمرغنى مع مدد منهم. الهترشة كترت لكن عجبنى الجنا محسن أى زول إعترضو داسو ومشى زى ماقال شاعرنا كتل زولو وقدل فوق ديتو ماهماهو.. هى طبعا كتل عاشقو لكن خليها زولو عشان أتفسح بيها هنا.. نا كتار بكتبو من أجل الفسحة ملى اناود حرام ما اتفسح برضو. يابيان والله مانفسى فى حاجة منك إلا تدعى راوية ورجاء للعودة لهذا المنبر وغايتو أنا حامل بى جنين الأخوة الجميلة وبتوحم وإن جا مشوه شيلى شيلتك |
.
|
|
|
|
|
|
|
العنوان |
الكاتب |
Date |
هل تم فصل الأخوات د. بيان ورجاء | elhilayla | 03-12-05, 04:39 PM |
Re: هل تم فصل الأخوات د. بيان ورجاء | معتصم دفع الله | 03-12-05, 04:50 PM |
حقيقة أنا حزينا جدا لذلك | elhilayla | 03-12-05, 05:01 PM |
Re: حقيقة أنا حزينا جدا لذلك | Balla Musa | 03-12-05, 05:19 PM |
Re: حقيقة أنا حزينا جدا لذلك | ثروت سوار الدهب | 03-12-05, 05:56 PM |
قطعًا لم نصبٌ لها | elhilayla | 03-12-05, 06:01 PM |
جبر الله كسرنا جميعا | elhilayla | 03-12-05, 05:56 PM |
Re: جبر الله كسرنا جميعا | banadieha | 03-12-05, 09:47 PM |
Will B back to U | elhilayla | 03-13-05, 10:39 AM |
I'll B back this evening ISA | elhilayla | 03-17-05, 09:01 AM |
Re: هل تم فصل الأخوات د. بيان ورجاء | abas | 03-12-05, 09:55 PM |
Re: هل تم فصل الأخوات د. بيان ورجاء | bint_alahfad | 03-13-05, 11:58 AM |
Re: هل تم فصل الأخوات د. بيان ورجاء | Ehab Eltayeb | 03-13-05, 12:14 PM |
Salam ya Ehab | elhilayla | 03-13-05, 10:19 PM |
Re: هل تم فصل الأخوات د. بيان ورجاء | محمد الامين احمد | 03-13-05, 12:34 PM |
Re: هل تم فصل الأخوات د. بيان ورجاء | ودقاسم | 03-13-05, 11:07 PM |
|
|
|