|
مريم ومى احدث شريط للفنان سيف الجامعه
|
احدث شريط للفنان سيف الجامعه بعنوان (مريم ومى ) وجد قبولا منقطع النظير من الشارع السودانى الشريط كتب اشعاره الشعراء الشاعر محجوب شريف (مريم ومى – مريم محمود ) الشاعر مدنى النخلى ( صباح الوطن – كيف تجيلك) الشاعر عبدالقادر الكتيابى (أشوفك) الحان الاستاذة الاستاذ يوسف الموصلى (اشوفك) الاستاذ طارق ابوعبيده (مريم محمود) الاستاذ سيف الجامعه (مريم ومى- كيف تجيلك – صباح الوطن )
وهذه احد روائع الشريط للشاعر محجوب شريف شعرا (مريم ومى )
مريم ومى بناتى وحشتونى ولعبتن بى تحياتى تصحو امامى اشواقا تهز النبض وتاكى عميقا من شعاب النوم الاقى الذكر بتاهى سلام يا حمامتى اسكن فى مسامتى سلام يا قمامتى البتدن ابتساماتى مريم ومى بناتى وحشتونى ولعبتن بى مسافر قلبى صوت يرن يسابق الريح قلب الوالد انت صحيح تحن وتهم حذراك من الجواك وحذراك من جرح التبريح حتهرب منه جلدك ويومن ما حتصفى وتم واخط رأسى وافارق دنياتى وناسى واخلى وراء كراسى وما أسود سطر بالشين وما تعود اساك العين وما شمت عدو فينى مريم ومى وبناتى وحشتونى ولعبت بى
(مقطع جديد)
طريق الشعب اوسع زحام؟ وقلب الشعب ارحب من رحاب الضو ونبض الشعب كله حلم بداه بتم تطلع من شقوق الارض الاف المدن قامات ويطلع حتى من قلب الحجر والصى شجر متشابك الهامات وجيل جاى حلو الشهد صبايا وفتيه يمرحوا فى صباح الغد عيونهم برقهم لماح سؤالهم رد خفاف ولطاف وثابين اوان الجد دفاعا عن حياض السلم والافصاح سلم لى عليهم == سلم لى عليهم جملة حتى السه قبل الخلق والتكوين صناع الحياة اليوماتى ملح الارض نبض الشعر والموسيقى والتلوين هدامين قلاع الخوف كانت هذه الدراجة يوم ما كلاشنكوف مابين منارات السمع والشوق
(مقطع جديد) نقاشين فى جدار الصمت نساجين خيوط الشمس كهربجية ؟ واجمل ما تكون الدنيا رسامين حفاريين مجارى العصر نصرا حروف واه حلالى تشمهن ترتاح ح حرية ت تغير ت تعليم ك كتاب م مسمار ح حرية ت تغير ج جرار سكة حديد وتهز وترز ب بحارة بحر عب وثار وطن مدرار جرت تتلاحق الانهار كما تتلاحق الاعراف كما تتمازج الالوان كما تتصافح الاديان كما تتمازج الالوان هجين من سلالة الفخار والعز مرور النسمة وعند هبة الاعصار علم فى نشرة الاخبار وهيبة على امتداد الكون علما فى حماه الوردة حتى الزهرة والمريخ شبه حرب النجوم انزاح ايادى القهر خلف الظهر مكتوفين افاعى السحت حيث مزابل التاريخ
(يتلاعب الفلوت )
سلم لى جملة حتى السة قبل الخلق والتكوين بشوفهم كلهم حسه عصافير ترق جنبى مواسير ترش قلبى حمامتى بتشرب حسه من ايدى مريم ومى بنياتى سمعت صوتى جيت هى مريم ومى بنياتى سمعت حسى جيت هى طلعت من زوايا السجن كالبلاب وبين السنكى والترباس وبالرقاق وخلف الباب عبر السور ذى النجمة والعصفور تجرن جدول رقاق من حبل العشم فتلات من حقل الوطن شتلات امكم الفى قلب جبتن لى من تيابه شراع منديل خيوط شعاع وكراسا مسطر بالضحى اللماح وخط ايده وشعور الحى وقالت لى قالت لى وقالت لى سلام يا ابوى مريم ومى ثباتك شعلة فى ايدى بناتك خلى راسن فوق وحاشك الكلام النى وحاتك ماانكسرن وراك ولابد يعود الحى وفجر كالكرب حيبين وشعب تترب حيقوم ويملا شوارع الخرطوم وتجر مدامع الحلال تجر النم تسوى القوق فوق سودانا فوق سودانا فوق بدل شاهيك اشرب دم اذا قلت الكلام النى وانا الما عندى ليهن شىء لا فى البنك ولا فى الدين سوى الكلمة المابتنداس ولا بصبح مكان الرف ولا عصفور جو الكف ولا صقر يحلق فوق وينزل كف نبض الشعب اجمل من بريق الماس واجمل من حليب الستره ما حبيت مشارب كاس دم القمرية بين اغصان اشرف من موائد ناس واقرب للوطن من ناس وخير جانى ما عم البلد وسواس أذن فلتقرع الاجراس مريم حضرى الكراس أميرة ومى تعالن جاى نغنى لاخر المشوار نغنى لاخر الانفاس نغنى لاخر المشوار نغنى لاخر الانفاس --------------- تحياتى
|
|
|
|
|
|
|
|
Re: مريم ومى احدث شريط للفنان سيف الجامعه (Re: بلدى يا حبوب)
|
العزيز بلدي ياحبوب
تحياتى ....
هذا الشريط قديم جدا بس كان ممنوع داخل السودان وهو انتج
فى التسعينيات ما عارف بالتحديد كم. لكن احتمال تكون نسخة
جديدة من الشريط مع العلم بان كل الاغانى الزكرتها موجودة فى نفس
الشريط القديم ..
دا بس للتوضيح يا عزيزى
اما عن الشريط فهو شريط جميل من حيث الكلمات و الالحان
تسلم يا حبيب ...
| |
|
|
|
|
|
|
Re: مريم ومى احدث شريط للفنان سيف الجامعه (Re: بلدى يا حبوب)
|
العزيز بلدي ياحبوب
هذا الشريط لم ينزل حديثا إلى الأسواق بل له قرابة العام ونصف ولكن لا يباع في أرفف المحلات بل في أرصفة الشوارع لأنه غير مصدق به رسميا ويباع (كيري) بعيدا عن الرقابة بمبلغ زهيد جدا وهو ثلاثة ألاف ونصف ..
وقد أصدر الأستاذ سيف عددا من الألبومات بعد هذا الشريط كان أخرها ما طرح في الأسواق قبل شهرين وهو بعنوان (قلب محروق)
| |
|
|
|
|
|
|
Re: مريم ومى احدث شريط للفنان سيف الجامعه (Re: بلدى يا حبوب)
|
الاخ /معتز
كيف حالك وليك الشكر
--- الاخ/ ودالعباسية
الاخ/ ناذر
شكرا على التوضيح وهذه المعلومات وهكذا منكم عبر المنبر الحر نجد ارشيف معلوماتى مفيد وعلمتنا سودانيس اون لاين ان نجد المعلومة وكمان ببلاش من حروف الزملاء
شكرا
لكم جميعا ودى والقصيدة هدية للجميع
تحياتى
| |
|
|
|
|
|
|
Re: مريم ومى احدث شريط للفنان سيف الجامعه (Re: بلدى يا حبوب)
|
Quote: الاستاذ طارق ابوعبيده (مريم محمود) |
يا عمو انت زول جعيص و لا شنو !!!
صحي انتا ملحن التحفة دي؛
و انا عامل نفسي لقيت حاجة لمن شفتا
اسمك على يوماً ما ......
كان كدا ليك حق تغير اسمك من الانجليزي للعربي.
شكراً يا حبوب على البوست و المعلومات و الكلمات؛
الشريط فعلاً ليهو سنين؛ بس ما كان البوم اصلي؛ و البتتوزع
نسخ مقلدة.
و يا ورا السينما الليلة جاك بلا.
| |
|
|
|
|
|
|
Re: مريم ومى احدث شريط للفنان سيف الجامعه (Re: بلدى يا حبوب)
|
خدر:
أريتك ملحن السرور...... العظمة
مريم ومي
يومآ...ما
والأول الضائع منك
كلها بطرفنا ، بس كيف نتلاقى في الخرطوم ونسمعك ، ونسمعك
بحوزتي قصائد رائعة للصديق مصطفى بحيري كلفني أن أعرضها على الملحنين / الفنانين الشباب نسبة لطول غيابه عن البلاد وظنه مواكبتي لهم دلني على كيفية تزويدكم بها
| |
|
|
|
|
|
|
Re: مريم ومى احدث شريط للفنان سيف الجامعه (Re: خدر)
|
الأخ خدر
بكل سرور الشريط بعنوان قلب محروق ويحتوي على عدة أغنيات ..
قلب محروق من ألحان الصديق خليفة محمد صالج وهو شقيق الفنان سيف الجامعة أغنية صوتك رنة وهي أيضا من ألحان خليفة أغنية حقيبة (ما بخاف من شي برضي .... المقدر لا بد يكون) أغنية قول النصيحة من ألحان الماخي سليمان ..
بال إضافة لأغنيتين أخريتين من ألحان سيف الجامعة وأبو قرون لاأتذكرهما الأن ولكنني سأحصل على الشريط وسأنزل هذه الأغاني جميعها ..
| |
|
|
|
|
|
|
|