|
|
 Re: الإنقاذ والإيدز ......................الإنقاذ والإيدز ..................الإنقاذ والإيدز (Re: Kamel mohamad)
|
كانت للإنقاذ إفرازات وإفرازات سيئة للغاية في شت النواحي دا شئ مفروغ منو لكن أليس من الحق أن نقول رقم كل الآسي الذي يمكن أن نكون قد تذوقناه في هذا العهد لكن ليس هنالك من الإنقاذيين من قال لنا أزنوا أو أشربوا الخمر فكل هذه في البداية تصرفات شخصية ليس لحكومة فيها من قريب أو من بعيد يد ...
فلنقل أن الإنقاذ دمرت الإقتصاد والبنية التحتية للبلد وأفشت فساد الرشوة وووو لكن ليس من المعقول أن نقول دمرت الأخلاق فالإنحطاط الأخلاقي يوصف به الشخص ولا توصف به الدولة ؟
في بداية التسعينيات وفقت في حضور دورة لمكافحة الإيدز ضمن فريق من الكشافة الجوية السودانية وبعض الإخوة من مختلف القطاعات وحتى ذلك التاريخ لم تتعدى الإصابة بالإيدز 500 فرد .. في خلال هذه الفترة ذادت النسبة بسرعة الصاروخ والسبب من وجهة نظري هو الأسرة في البدء وفي المنتهى (نعيب زماننا والعيب فينا)....
زمان كان ممكن تقول لي بنت الجيران في الشارع ما تضحكى بصوت عالي لكن تعال حسه قول ليها كدة عشان تسمع الصوت بالجد منها ونم اخوها ولا ابوها... والشئ المؤسف انو زمان الدعارة كانت بيوتها معروفه ومشهورة جنب سعد قشرة ووين وين وين لكن حسه الواحد بقي محل ما يقبل ممكن يجيب ليه أجعص بنت بي سندوتش وقزازة بارد برضو نقول الإنقاذ رخصة البارد والسندوتشات عشان الناس تقدر تجر بيها البنات (جنس رخصه) والرخصة ما في كدة بس حتى العسكري بتاع المرور لو عاوز ترشيهو ممكن ترشيهو بي الفين جنيهيعنى بي أقل من دولار... في حاجات كتيرة معوجة وعاوزة تتعدل لكن لو ما الأسرة رجعت زي زمان ما أظن في حاجة تتغير...
سمعت بي طالبة في واحدة من الكليات من خارج العاصمة أبوها برسل ليها مصاريف الجامعة.. لمن رجعت من الإجازة كانت مشترياليها دولاب وجابت لي أخوانها كسوة (والابو ولا علي بالو !!!! من أين لك هذا)
ربنا يحفظ أخواننا وأخواتنا وأمهاتنا أجمعين يارب
|
|
 
|
|
|
|
فيس بوك
تويتر
انستقرام
يوتيوب
بنتيريست