|
Re: البسبوسة.. أُم شعرات!! (Re: عدلان أحمد عبدالعزيز)
|
الأعزاء اللُطاف ولُذاذ.. تحايا ندية..
حسين ملاسى شكراً على القرقريبات.. وإيمان أحمد شكراً على الإبتسامات ال cool .
تماضر ياصديقة.. ولولا الوقار لقلت لووولا.. أو بالفرنسى "أولا لا"!
معروف سند.. علّك إنجميت شوية من التعب والمُساسقة.. عمك ودالزين اتعلم كلمة "بسبوسة" جديد.. عشان كدى حاشرها فى كل جملة، مفيدة أو غير مفيدة، وكلو عند العرب.. بسبوسة!
د. ياسر مبيوع.. الشوق قطر ( أو مطر).. وينك يافنان؟ من يوم الرحلة أم مطرتاً خواضة.. لاشوف لاسمع؟ تحاياك واصلة، ولك مثلها بالكوم.
عماد خليفة وعصام جبرالله.. خلوها مستورة.. ماتقوموا لينا العجاجة مع الجندريات فى إسبوعهم، موضوع الزميلات (البيشربوا) الجاتو.. داير ليهو حليفة وتحنيس (ونور أخضر) عشان نحكيهو..
عفيفى عوض الكريم وخالد الطيب.. ياريتو لو كان فى أبوقوتة.. أبوقوتة دى عاصمة ناس صلاح الزين وحاضرتهم التى يزورونها فى المناسبات ولمن يتقريفوا لى ريحة الجازولين المحروق.. ياأخ بعد ما تتدلى من البص البدفورد (بص البوستة أو اللبن) فى أبوقوتة، تحتاج أن تركب برنسة لى عند الترعة ومن هناك تاخد الكارو (تاكسى الغرام) لحدى قرية "العامة" موطن صلاح الزين.. قال أبوقوتة قال!!
غادة عبدالعزيز خالد.. عمك صلاح قصصوا ماليها حد.. وقد حكى لنا الأستاذ الخاتم عدلان نفس القصة عن شارع "الشهيد صلاح الزين" الذى إجتهد صاحبنا المصرى فى وصف موقعه لصلاح وصديقه: (حوِّد يمين.. عدى الإشارة.. حوِّد يمين تانى.. تلآءى شارع الشهيد صلاح الزين ع شمالك على طول!!) تحاياك واصلة ولك مثلها منهم ومننا.
لكم الحب والريحان..
عدلان.
|
|
|
|
|
|
|
العنوان |
الكاتب |
Date |
البسبوسة.. أُم شعرات!! | عدلان أحمد عبدالعزيز | 03-06-05, 07:00 PM |
Re: البسبوسة.. أُم شعرات!! | Imad Khalifa | 03-06-05, 07:50 PM |
Re: البسبوسة.. أُم شعرات!! | عدلان أحمد عبدالعزيز | 03-07-05, 05:02 AM |
Re: البسبوسة.. أُم شعرات!! | Hussein Mallasi | 03-07-05, 05:30 AM |
Re: البسبوسة.. أُم شعرات!! | إيمان أحمد | 03-07-05, 07:57 AM |
Re: البسبوسة.. أُم شعرات!! | Tumadir | 03-07-05, 08:14 AM |
Re: البسبوسة.. أُم شعرات!! | Marouf Sanad | 03-07-05, 08:53 AM |
Re: البسبوسة.. أُم شعرات!! | مبيوع | 03-07-05, 09:06 AM |
Re: البسبوسة.. أُم شعرات!! | Imad Khalifa | 03-07-05, 10:48 AM |
Re: البسبوسة.. أُم شعرات!! | Afifi Mahamed | 03-07-05, 08:18 PM |
Re: البسبوسة.. أُم شعرات!! | Khalid Eltayeb | 03-07-05, 10:50 PM |
Re: البسبوسة.. أُم شعرات!! | esam gabralla | 03-08-05, 05:39 AM |
Re: البسبوسة.. أُم شعرات!! | غادة عبدالعزيز خالد | 03-08-05, 09:02 AM |
Re: البسبوسة.. أُم شعرات!! | عدلان أحمد عبدالعزيز | 03-08-05, 01:29 PM |
|
|
|