|
|
|
 Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: Ahmed Alrayah)
|
أحمد ( الريح ) ..إسم علي مسمي فقد أرحتنا كثيراً فوق راحتنا الموجودة أصلاً ولكن ( ليطمئن قلبي) ...
هكذا دوماً ستجدني أول الموقعين علي أي خبر يخص الهلال العظيم والعظمة لله ...
هكذا هو هلالنا يا احمد دوماً يكتمل بدراً ...
ونحمد الله كثيراً علي أنه أعز الهلال بالهيثمين معاً ...
تخريمة :
ده منو البيطارد هيثم طمبل في الهداف ؟؟؟منو يا احمد ؟؟ عللللللللي صوتك ما سامع !!
وفي إنتظار الراكوبة عشان الخريف قرررررررررررررب ...
| |
 
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: Ahmed Alrayah)
|
ياشيبة :
زي ما قال ليك الأخ ابوحميد الموضوع مزاح وطووول لينا بالك ..
لكن طبعاً في أمور ما حنمزح معاك فيها لانو شايف موضوع الفوز بتاع الليلة دي سخن بيك شوية ..
الغريب في الموضوع انو قبل المباراة كان كل كلامكم عن سجل الهلال الزفت في كسلا وعن الميرغني المتعود علي ذل الهلال في كسلا ..
سؤال بسييييييط كده : أسة لو كان المبارة أنتهت علي هدف الميرغني ده بالله كان شنو حايكون خطوطكم العريضة ؟؟؟
طبعاً كالأتي :
أسود الشرق يلتهمون الهلال ...
الهلال يواصل السقوط في كسلا ..
كسلا .. كسلا ..كسلا ...
لكن مع جمرات هيثم طمبل الحراااقة دي الكلام طار ليك وبقيت تهضرب ورجعت خمسيييييين سنة لي وري!!!!!!!!!!!!!!!
الهزائم البتتكلم عنها دي المريخ قبل كده اتغلب 13 في مبارة قالوا مع فريق اثيوبي !!!
والمريخ ناس النونو ديل زااااتهم غلبو خمسات وستات
وناس الجبل الأخضر ديل حدث ولا حرج نظام رايح جاي ....
واجمل حاجة ماقاعدين تتزكروها فضيحة زيكو الشال الكورة وحلف بي دينو وايمانو ما يديها للحكم والله يا شيبة اليوم داك لو خليتو زاهر مكز يشوت البلنتي داك كان فوتناكم الهونفيد المجري ودخلناكم مع ناس هندراوس جنجكستان وفرتكان ديلك ...
الهلال يا شيبة غلب الميرغني عديييييييييل كده وبعدين يا شيبة الزمن البدل الضايع ده بقوا بيحسبوهو لي كل دول العالم ولو ما كده ما كان مانشستر فاز علي ميونخ ولا كان فرنسا شالت بطولة اروبا من ايطاليا ..
بالله عليك يا شيبا كدي اتعامل معانا علي اساس اننا اولاد النهار ده واعمل لينا إحصائية لي مباريات هلال مريخ من سنة 85 لحدي اسة وورينا الحاصل وما تجيب لينا كلام ناس جدي داك ناس غلبناكم 8 مرات ووووووو لانو نحن حضرناها عدييييييييييل كده المتواليات اياها ...
طيب سؤال صغمبروتي كده :
بالله عليك اخر مرة فاز بي بطولة هداف الموسم لاعب مريخي كان منو وسنة كم ؟؟؟ السؤال ده جائزته عربية لانسر لانو الاجابة صعبة جداً وحتي أبو جريشة ما بيكون متزكرا !!!!
موضوع ديوب ودخولو لي شوط واحد ده بيزكرني بي نكتة الزول اللمن شاف صبحي جاب قونو في الزمالك قال لا حول ولا قوة الا بالله ده حالتو شاتا بي كراع واحدة طيب لو شاتا بي كرعينو الاتنين يوصلا وين ؟؟؟
أها ديوب بتاعكم ده حا يكون كده لو دخلتوهو شوطين حايطلع زي ما كان بيطاع زكريا وعلوية وشعيرية ...
الدوري لسسسسسسسسسة في بدايتو يا ابو الشياب وصدقني بعدين مااااف يمة ارحميني انشاء الله حا نضربكم ضرب بلا هوادة ...
يا ابوحميد :
جاني شمار انو جريدة الكابتن خسرت ملايين الجنيهات بعد ما طبعت عدد يوم غداً والخبر الرئيسي هو :
الهلال يتعادل ويفلت من هزيمة محققة ...
تخريمة :
بالمناسبة انتو كورتكم الجاية مع جزيرة الفيل الدرنتو معاها في استادكم في افتتاح الموسم والمرة دي ماشين للفيل في غابتو ..
خوفي عليكم من المثل القائل :
يلمها النمل وياطاها الفيل ...
هاك طارق احمد ادم ده ...
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: Ahmed Alrayah)
|
شكرا العزيز احمد
مقبولة منك ..لكن الظاهر انو فوبيا مزمل انتقلت ليك انت كمان
ويقيت شايف الدنيا كلها مزمل حتى عمود كبد الحقيقة اصابته الفوبيا هو الاخر
مهما حاولت ان تلوى عنق الحقيقة فالثابت ان المريخ هو الفريق السودانى الوحيدالذى سجل اسمه بمداد من نور كبطل لكاس الكؤؤس الافريقية فى العام 1989
وهو رقم كما قلنا لا يمكن الوصول اليه حاليا
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: sheba)
|
عزيزي المريخابي شيبة،
| Quote: مهما حاولت ان تلوى عنق الحقيقة فالثابت ان المريخ هو الفريق السودانى الوحيدالذى سجل اسمه بمداد من نور كبطل لكاس الكؤؤس الافريقية فى العام 1989 |
هذه حقيقة ثابتة لا يمكنني ليّها مهما حاولت، وهذه مناسبة لتقديم واجب العزاء لك في وفاة الارحل المقيم سامي عزالدين بطل الأكأسات المحمولة جواً،
| Quote: ويقيت شايف الدنيا كلها مزمل حتى عمود كبد الحقيقة اصابته الفوبيا هو الاخر |
مزمل أبوالقاسم قلم متمكن عيبه انحيازه السافر للمريخ، ولو سار على درب عبدالمجيد عبدالرازق وعبده قابل لكان الافضل بلا منازع، وبعدين لو خلى شكيّة محترفين الهلال وركز مع ناس ناس ديوب الخالي من العيوب أحسن ليه!
وأخيراً
بما أنّك رجل تحب الفن الجميل فإنّي أهديك بمناسبة فوز الهلال أغنية (وجه القمر) بصوت الفنان محمد ابن الراحل خضر بشير، يقول مطلع الأغنية:
وجه القمر سافر
يضوي شعاع ونور وافر
يا بدر ساءلك جاوب ليش أخوك نافر؟!
اضغط هنا لتسمع: وجه القمر سافر يضوي شعاع ونور وافر... في كسلا
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: saifkeli)
|
يا سيف كلي :
جيت أكمل ليك اللحن والمقطع الحا يتناسب مع اخوانا الصهاينة :
والسعاااااااااااااادة بقت وهــــــــــــــــم وهـــــــــــم ..
في وجود فريق متكامل يدعي القبيلة الزرقاء ...
ونكمل اللحن لاحبابنا الهلالاب : ولشعار الهلال
ويااااااا سلام علي ريدي ..
الخلاك بقيت سيدي ..
ولو الأماني بإيدي كنت اهديتك عيوني واسقيك من وريدي ..
ياهلالي وجديدي يوم أشوفك يبقا عيدي ...........
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: sheba)
|
| Quote: ومطالبتكم هذه تفتح الباب واسعاً أمام تريعة البجا وكتور جوبا |
ود الريح..
ياخوي انت ما سامع بي الشرطة الأمنية و لا شنو..
هاك الهدية دي..من حبيبنا ود عزالدين..كلامو حــــــــــار..
خالد عز الدين
اوعة الشرطة !!
ياسر رحمة ؟ ياسر رحمة ؟ الاسم ده ما غريب علي .. ياسر رحمة !!! ايوه اتذكرت كان بلعب في الهلال وانشطب ومشي لعب في حي العرب وانشطب وقبال كده كان بلعب في الرابطة مش كده .. كان لعاب والله مدافع متميز وعندو قدرات هجومية كبيرة وقبال كده راوغ المريخ كلو وعملوا معاه ضربة جزاء واتصدي ليها بنفسو واحرز منها هدف .. ياسر رحمة والله يا حليلو الزول ده وين هسة ؟؟ قاعد وبلعب كمان وغلب المريخ وجاب فيهو قونين ؟؟ يارجال قول كلام غير ده .. ياسر رحمة لعب ضد المريخ وغلبوا ! وين ؟ .. مع الشرطة الامنية .. والمريخ الوداهو دوري الشرطة شنو .. عسكروا خلاص !! لا مباراة ودية صباحية عملها مدربهم برانكو .. برانكو مدرب الهلال !! لا يا ياحاج برانكو ساب الهلال وبقي مدرب المريخ .. ماشاء الله ماشاء الله وكيف عامل معاهم .. والله عامل عمائل صعبة عايز يخلي الصادق النور زي ريتشاد يبدا الهجمة من الخلف وينظم الدفاع وعايز يلعب بمهاجم واحد لكن ما لاقي مهاجم زي معتز ولسه بفتش في صانع العاب زي هيثم مصطفي ولاعب وسط بمواصفات مجاهد طبعا الكرواتي ده عندو جن اسمو مجاهد تتخيل لما جاء يدرب المريخ ما سال عن العجب سال عن صحة مجاهد !! وقائل المريخ بنفس روح شباب الهلال بدرب اللاعبين في جبل طورية لمن فاروق جبرة وهيثم الرشيد اشتكوا !! طيب ما قلت لي الشرطة الامنية دي عملت مع المريخ شنو؟ ايوه ناس المريخ ديل عملوا معسكر في الاسماعيلية .. لعبوا مع ناشئ الاسماعيلي والقنطرة والقناة ولما جنو السودان اتعادلوا مع جزيرة الفيل وغلبوا الخرطوم3 بهدف وحيد قالوا نلعب مباريات سهلة احسن عشان ناس لوماني والنونو ديل يجيبو اقوان قاموا لعبوا مع امبده وبعد داك لعبوا بالصباح والشمس ساطعة بوضوح مع الشرطة الامنية .. قالوا ليك لاعبين الشرطة الامنية ديل لما يمسكو الكورة لاعبين المريخ بفتحو المجال تماما زي التقول سايقين ليهم عربات قدام عربية شرطة ضاربة صفارة انذار .. بحترموا الشرطة طبعا! .. مافي لاعب من الشرطة اعترضوا لاعب من المريخ وخصوصا ياسر رحمة لاعب قديم وكابتن طبعا ويبدو انو مسؤول عن اطلاق الرصاص .. رصاصة اولي رصاصة تانية لما غيروا القوون ..تلاثة اقوان من الشرطة الامنية ولو ما الحكم ابراهومة القصة كانت وصلت وين ما عارفنها .. لا ما تخاف يا ولدي الناس ديل عندهم خبرة في الحاجات دي .. ببساطة كان شالو الكورة بس .. دحين زيكو مش جابوا مدير كورة !! ناس المريخ ديل زمان سنة 68 لعبوا مباراة ودية في مدني قدام الاهلي وشارك مع الاهلي ثلاتة طلبة كل طالب من التلاتة جاب قون وفي لاعبين من الاهلي مدني جابو قونين النتيجة كانت خمسة واحد والكورة باقي ليها زي 24 دقيقة ناس المريخ قالوا اصلوا ما بنتمها المطرة شديدة !! ما قلت ليك الناس ديل شديدين .. ااي والله عارف بعد كورة الشرطة قالوا شنو ... قالوا المريخ انهزم في مباراة تفكيك العضلات !! وقالوا لاعبين بالاحتياطي ..عارف الاحتياطي منو .؟. لوماني هداف سيكافا وعلاء الدين فييرا وامير دامر وسفاري والشيخ ديوب ذاتو .. بعد داك عرفنا انو ناس الشرطة الامنية لاعبين بالاحتياطي .. المركزي !! حلوه دي .. في اعلاميين سافروا مع المريخ الاسماعيلية قالوا الفريق شكلوا غير مطمئن والمحترفين تعبانين خصوصا ديوب ولوماني .. وقالوا حمدتو لسه بدري عليهو واخطاء الصادق النور اكتر من 170 خطأ في المباراة !! خليك من قصة تسجيلو دي هسة !! وعمر تنقا ما عندو علاقة بتنقا الا اسمو .. كدي دقيقة الناس ديل ما لهم جنهم يحاكو الهلال حتي في اسماء اللاعبين .. هيثم الرشيد بقولوا ليهو البرنس وقبالهم سمو واحد الدحيش وعجبهم اسمهم الزعيم جننا بيهو اسماعيل حسن وبرانكو ومصطفي يونس .. نرجع لموضوعنا الاعلاميين قالوا اللاعبين ديل بحتاجوا لزمن كتير قاموا هاجمهوهم ووصفوهم بالطابور الخامس وفي مباراة الشرطة الامنية اتضحت الحقيقة تماما والدوري شغال والمباريات الصعبة جاية والموية حتكضب مليون غطاس ..
ومن الليلة انا حاشجع فريق الشرطة الامنية ومتبرع بالعمل الاعلامي ومليون تحية لرجال الشرطة السودانية ..
*نقلا عن المشاهد.
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: abas)
|
| Quote: ولا عجب فى " حارس الهلال السابق كاشان " الذى استقبل مرماه هدف التعادل من دائرة السنتر |
الا تختوها بين قوسين ..شنو يعني..ما السنة الفاتت الضو قدم الخير (بدون أقواس)..لاعب المريخ..لعب مع فريقه الحالي (التاكا) و لما الكورة قربت تنتهي بالتعادل في (الرش كاسل) كان داير يشيل الكورة زي زيكو..لكن شافها شينة..اتلفت يمين..شمال..أول فنيلة حمراء قدامه جرَاها..و هاك يا ضربة جزاء..عشان يفوز المريخ..لأنه الكورة في (الرش كاسل)..
قال (كاسل )قال..
انتو أبنوا.. ونحن نغلب..
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: زول ساكت)
|
العزيز شيبا .. تحياتي
كتبتQuote:
سر الملاريا اللعينة التى تصيب لاعبى الهلال الاجانب
هذه الملاريا اصابت المحترف بيتر جميس قبل مباراة اواسا باثيوبيا بيوم وحرمته من المشاركة فى المباراة لكن اللاعب تعافى فجاة وعاد وشارك فى مباراة الهلال والخرطوم ثلاثة ..بعد اربعة ايام وحصل على نجومية المباراة |
يا أخوي مسعول من الخير .. مسلسل حوووصة الفلاتي توقف في ثلاث حلقات .. ولا حتى اعتذار للمشاهدين الذي تابعوا بشغف .. حتى الملاريا القلتها انت دي ما خصصوا ليها حلقة .. بس لو تفيدنا ليه توقف المسلسل ده نقدر نوريك ليه اللاعب لم يشارك في أديس وشارك في الخرطوم
لكن يا شيبا أخوي يمكن حووصة دة الحول راح منو .. وبالتالي راحت الملاريا عن بيتر في الخرطوم
ولو تواصلت حلقات حووصة الفلاتي .. أكيد بيتر حا تطلع لو الملاريا في راسو
كمــل .. كمــل .. كمــل
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: sheba)
|
| Quote: وماذا تحمل كبد الحقيقة كل صباح |
كبد مزمل للأسف أصابها التليف وطفحت منها الصفراوية فلم تعرف الحقيقة يوما ...
مزمل أبو القاسم يكتب وصفاً لمباريات الهلال الولائية وكأنه كان يجلس في مقاهد الأحتياطي ..
مزمل أبو القاسم تفوق علي عادل إمام وأصبح أكثر ضحكاً لأنه ( شاهد ماشفش حاجة)..
شكراً لمزمل الذي بصر الهلال علي عدم إشراك لاعبيه والغريب ان لا يبصر المريخ لرفع شكوي ضد لاعبي الهلال المحترفين اللذين لعبوا ضدهم خصوصا وان بلاتر متزوج من منطقة شندى والنسب حاصل ..
تخريمة :
لاعبو المريخ لن تصيبهم الملاريا ابدا طالما ان هناك دكتور إسمه طمبل يصرف الحقن الزيتية
| |
|
|
|
|
|
|
|
|
 Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: sign)
|
الأخ/ أحمد الريح ، تحية طيبه
*** كنا فى هم أكبر ، مثل ذلك الهم الذى شغلنا لعدة سنين وحينما عدنا وجدنا (الصحاف) بنى أسما من خلال أستهدافه للهلال العظيم بصورة يوميه ، وحينما تصدينا له وبكى وشكى لطوب الأرض ، ظهرت الذيول وقارعى الطبول للوقوف بيننا وبينه ، فخاب مسعاهم.
صحاف المريخ يصرح : (برانكو كسب الرهان) ، من مباريتين !!... جهل أكثر من هذا ؟؟؟
(صحاف المريخ) الذى كان ولا يزال و منذ بداية عهد الأنقاذأحد اسباب تدهور الكرة السودانية (بشرعنته) لعصبية الصحفى وافصاحه عن الأنتماء الواضح لأحد الأنديه، مما يجعل الصحفى فاقدا للمصداقية والأمانه الواجب توفرها فى من يحمل قلم يكتب به عن أى مجال من مجالات الحياة (سياسه أم رياضه)، ومعلوم أن المرحوم (طه حمدتو) كان مريخابيا لكن لم يلحظ أى من مشجعى كرة القدم نبرات صوته تعلن عن كراهية لفريق الهلال أو أنحياز واضح ومعلن لفريق المريخ، وهو من أطلق على لاعب الهلال الكبير (أمين ذكى) لقب (نجم النجوم) ، وكان حينما يصد حارس الهلال الفذ (سبت دودو) كرة خطره ، يصرخ فى اعجاب صادق (أنت السبت والأحد والأسبوع بحاله).
قارنوا بين ذلك الأعلامى الشامخ وبين (صحاف) المريخ وأنظروا اليه كيف يكشف عن جهل واضح وصريح :-
| Quote: * نجح الكرواتي برانكو مدرب فريق (المريخ) في كسب الرهان أمام كل منتقديه بفوزين متتاليين نال بهما ست نقاط وخمسة أهداف نظيفة ليحتكر صدارة الممتاز بأفضل خط هجوم وأفضل دفاع وشباك بيضاء وأداء مقنع ولياقة جيدة وتناسق مقبول. |
** لقد كسب مدرب المريخ الحالى و(الهلال) سابقا(برانكو) الذى كان يهاجمه (الصحاف) من قبل، ويسخر من أمكاناته لأنه أستطاع أن يفوز بثلاثة لاعبين محترفين على فريق (أتحاد مدنى) الصاعد للدرجة الأولى هذا العام ، و(التاكا) الكسلاوى الذى أفرغه الهلال والمريخ من لاعبيه الماهرين، و حتى فى وجودهما لا يتعدى مستواه منطقة الوسط !!!
لقد كسب (برانكو) الرهان قبل أن يقابل فريقا قويا من أندية الأقاليم بملعبه وقبل ان يلتقى بفريق فى منافسات الكاس الأفريقيه (الكونفدراليه) حتى لو كان ذلك أمام فريق يلعب بالدرجة الثانيه مثل (المقاولين العرب المصرى)!!! فهل علمتم لماذا تتخلف عندنا كرة القدم ولا تبرح مكانها؟؟
التغيير من أجل التطوير يجب ان يبدأ بالأعلام الذى يطبل للأدارات الفاشله ولا ينتقد اصحاب (الكاش) الذى يقلل النقاش كما يقول (الصحاف).
فأن كنا فى (الهلال) نعتقد لدينا فريقا باستطاعته الفوز على أى فريق محلى بما فيهم (المريخ) بالسبعه أو الثمانية اهداف، دون حاجة لمساعده لولا الشعور بالندية القديم والمتوارث بين الفريقين، حيث أنعدمت روح التنافس الآن واصبحت محصورة فى فريق الهلال وحده الذى ينافس لاعبيه بعضهم البعض مثل اغنيات فنان أفريقيا الأول (وردى).
لذلك أنشغل كتاب (المريخ) بترويج الأشاعات والعماله والدس والغمز واللمز ، حيث لا هم لهم الا أن ينتصروا على الهلال خارج الميدان، بدعوى مثل (الصلوى ) رضيع،
و(قابيتو) يستحق تذكرة (طفل) 50% ، و(بيتر) جوازه (مزور) والميرغنى (فتح) للهلال والحكم زاد زمن المباراة 4 دقائق وكأن الحكم (مؤجر عجله)!!! هذه اهتمامات كل كاتب خائب لا يملك ما يقدمه من رؤى حول كرة القدم تفيد المتابعين.
رغم كل ذلك ورغم أن (الهلال) لديه تشكيلتين من اللاعبين الشباب صغار السن وليس (كوامر) محليه او (أجنبيه) معمره أو معطوبه، ورغم أنتصاره على أقوى فريق بالدورى الممتاز بعد (الزعيم)، وهو فريق (الخرطوم 3) المتطور، حيث أن منافسة المريخ مفتعله ولا حقيقة لها، لمن يعرف أسرار كرة القدم، ورغم فوز الهلال على فريق أقليمى له أحترامه وعلى أرضه الا أننا غير راضين تماما عن أداء الهلال وما نطمح فيه من تحقيق لأنجازات كبيره، حتى أن أعترفنا بقصور كرة القدم السودانية فى الوقت الحاضر وتدنى مستوى أنديتها على نحو عام، و لن يستطيع أى ناد آخر من تكرار أنجازات (الهلال) قريبا حيث حصل فى عامى (1987 ، 1992)على المركز الثانى لجميع أندية القارة الأفريقيه مما أهله للحصول على لقب أفضل ناد سودانى أفريقيا للقرن العشرين ولقد أورد (الكاف) أو الأتحاد الأفريقى ذلك موثقا، واحتفل بذلك اللقب (الزعيم الهلال) أحتفالا كبيرا.
ومن المعروف أن فريق (المريخ) غريم (الزعيم الهلال) لم يصل الى دور الثمانيه فى تلك البطولة الأولى أفريقيا الا قبل 30 سنه ، ولم يصل الى دور الأربعه أو الدور النهائى فيها فى تاريخه مطلقا.
لكن بعض من انصاره الذين يجهلون كرة القدم وطريقة تصنيف الأبطال فيها يحتجون بحصولهم على كأسات دنيا، من نوع الكاسات التى يمكن الحصول عليها بضربة حظ مثل كاس (دبى) الذى كان خلال مباراة بين فريق (الزمالك المصرى) وحارس مرمى المريخ الفذ (حامد بريمه) ومن خلال مباراة واحده أنتهى زمنها الأصلى بالتعادل!!!
رغم كل ذلك نعترف بعدم رضانا عن أداء الزعيم من خلال مباراتيه أمام الفريق الأثيوبى، التى أنتصر فيهما ومن خلال مباراته أمام (الميرغنى) كسلا، وأنتصاره فيها بكسلا، ورغم أن الفريق يضم هدافا ماهرا ومحترفا (محليا) من عينة (هيثم طمبل) الذى يستطيع أن يحرز هدفا فى أى لحظه من عمر المباراة، ورغم أن الفريق بأحتياطيه أمثال (صالح سنار) و(كرنقو) يلعبون للمنتخب القومى، الا أننا غير راضين عن هذا المستوى الا اذا لبسنا (نظارة) زرقاء كما يفعل البعض، وللأسف الشديد ينصبهم الجهلاء (وهما) كقامات سامقه فى مجال النقد الرياضى!!!
خاطرة أخيره:-
-(منو الزينا) لا يرضى عن فريقه وهو منتصر ولا يزال لقب هداف الدورى ولمدة خمسة سنوات على التوالى محتكر لأحد بنيه؟؟؟
- منو الزينا الذى لا يرضى ان يتحول الى ذيل أو(قربه) مقدوده؟؟
هذا هو الفرق بين (الزعيم الهلال) و(فرعه) بالعرضة جنوب!!!
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: sheba)
|
بالله الود أحمد محجوب دلعتوه سريع كدة و عملتوه (ست مني)..يا ربي تكون دي الدرَست (حووصة) لغة عربية في الابتدائي..شايف الشعر بشتنوه بشتنة شديدة خلاص..
| Quote: لو اننى القمت كل من يعوى حجراً لاصبح الصخر مثقالا بدينار |
يا ربي حووصة جاب دي من وين!!
أما قصة أحمد محجوب ستموني (ست مني) أوردها كاتب المريخ (بدرالدين الفاتح) في خربشته (خرمجته بلغة حووصة) المسماة (هذا رأيي) و نشرت بتاريخ الاربعاء 23 فبراير علي الكابتن..اليكم (خرمجاته) بخصوص (ست مني) :
| Quote: خاصة وان المريخ ضم عناصر سوبر مثل قلق واحمد محجوب «ستموني» |
| Quote: احمد محجوب «ستموني» لاعب موهوب استطاع خلال فترة وجيزة ان يؤكد اهليته بارتداء شعار المريخ واحقيته بالدفاع عن شعاره |
| Quote: دفاع المريخ به بعض الثغرات فوقفة الثلاثي دامر وستموني وحسبو غير جيدة وتخلق فراغات ومساحات كبيرة لو استغلها هجوم التاكا لنال من شباك المريخ. |
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: Ahmed Alrayah)
|
بحبك يا ستمونى
كتب عشرات المقالات الإنشائية واساء لمزمل ابوالقاسم فى اكثر من بوست والارشيف موجود ..ولم يفتح الله عليه فيها بكتابة جملة مفيدة
مؤسف جدا ان ترى البعض من ذوى النقد الانطباعى يتطاولون كالنبت الشيطانى المتسلق ويكتبون جمل انشائية فارغة تنم عن اشخاص ضعيفى الفكر المعرفة
من الطبيعى ان يصاب البعض بفوبيا اسمها "مزمل" واصبح اسم مزمل ابوالقاسم لوحده يشكل "بعبعا " حقيقيا لهم
بحبك يا ستمونى
وفرعليك التعب ياصديقى العزيز .. لا يكلف الله نفسا الا وسعها فقد ارهقت نفسك بالانفعالات والشكوك والاتهامات الزائفة والارشيف يقول ان لك اكثر من اربع او خمس بوستات كلها عن مزمل ابوالقاسم حتى اصبحت ترى كل من حولك مزمل ابو القاسم وتلك لعمرى حالة مرضية تستحق العلاج
بحبك يا ستمونى
وللمرة العاشرة بعد الألف نقول للذين يوزعون الادعاءات لخدمة أجندتهم الخاصة عليهم أن يحاولوا ما استطاعوا أن يستشهدوا بالنصوص المحددة والحقائق المثبتة .. وأن يبتعدوا عن الإنشاء والكتابات الفارغة لأنها دليل عجزهم وعدم قدرتهم على الرد بموضوعية!
اول مرة اشوف لى زول يفتح بوست ويرد علي نفسة براهو ...
مسكين .. ويستحق الرثاء كمان!
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: بلدى يا حبوب)
|
ياساين هذا الصحفى قصير الطول طويل القامه لماذا ليس له (طيالين) و(أذيال)؟؟؟
هل لأنه صادق لا يعرف الكذب ، أم لأنه ظهر ولمع نجمه قبلل الأنقاذ؟؟؟
اٌقرأ يا ساين ماذا يقول ذلك الصحفى المريخابى الأمين المسمى بعبدالمجيد عبدالرازق:-
حروف كروية
عبد المجيد عبد الرازق
الهلال جدارة وشطارة
بفكر تونسي ولمسة برازيلية ونكهة موزمبيقيةوشطارة وابداع سوداني احتفظ الهلال بعرش الكرة السودانية وفرض سيادته لولاية ثانية على طريقة الرئيس الامريكي بوش مع اختلاف طريقة الحكم طبعا ما بين حكم الهلال الكروي القائم على الاداء السلس ونثر الفرح، وتحقيق الانتصارات الخارجية التي تزين جيد الوطن ، وطريقة حكم بوش القائم على الظلم والبطش والقتل واستباحة العالم ضعيفه وقويه.
احتفظ الهلال بلقب الممتاز عن جدارة وبانتصار مستحق بعد ان كرر فوزه وتفوقه على نده المريخ في الدورتين وبلغه الاشقاء في مصر «رايح قاي» بملعبه وبملعب خصمه وبثنائية ايضا لانه يملك لاعبين يجيدون لغة الانتصارات ويعرفون من اين توكل الكتف وفي اصعب اللحظات ومهما كان حجم المنافس ولغته ومهما اختلف الزمان والمكان.
حقق الهلال حلم جماهيره العاشقة ولون الأمس بشعارة الازرق وجعل ليالي المدينة نغماً وفرحاً بلا حدود بعد ان غنت جماهيره للفرقة الماسية التي واصلت عزفها المتفرد بقيادة نجم النجوم هيثم مصطفى الذي يؤكد في كل يوم انه نعم القائد والعقل المفكر للفريق وهو يلعب الدور الاول في هذا الانجاز العظيم واستحق بذلك هتاف عشاق الهلال المحبب «سيدها سيدها» ولم تكن صورة الوفاء التي رسمتها الجماهير لهيثم عقب مباراة الفريق امام الموردة إلا دليلاً على ما قدمه هذا النجم المتوهج من عطاء طول الموسم.
واستحق الهلال الفوز على المريخ وباللقب لانه يملك فريقا متجانسا ودفاعا ووسطاً وهجوماً ويملك بدائل في كل الخطوط فان غاب المعز تألق ابوبكر وان فقد قابيتو ابدع الشعلة وان طرد مرق تماسك الجميع، واغلقوا المنافذ وتضاعفت القوة وتحول الفريق الى فرقة انتحارية تلعب بروح واحدة ودافعوا عن ارض الهلال وعرضه فكان الانتصار.
فاز الهلال على المريخ واحتفظ باللقب لان لاعبيه يملكون روح الانتصار وقوة الارادة بعد ان حولوا خسارتهم المبكرة الى فوز كاد ان يتضاعف وعرفوا كيف يحافظون عليه رغم النقص وحتى لو استمرت المباراة الى صباح اليوم لن يستطيع هجوم المريخ الوصول لشباك ابوبكر شريف الذي اجاد التقاط كل الكرات ارضا وجواً ووسطاً.
* وبالمقابل خسر المريخ المباراة واللقب بروح لاعبيه الانهزامية رغم الجهد الكبير الذي بذله مجلس الادارة ووفر لهم كل شيء ولو لم يبق لجمال الوالي وزملانه غير ارتداء الشعار ولو فعلوا لقدموا مستوى افضل وربما حققوا الفوز.
لم يراع لاعبي المريخ ما فعله المجلس ووضح انهم لا يواكبون هذه الطفرة الكبيرة التي يعيشها المريخ وكانت تنقصها بطولة فقط ولكن وصح ان هذا الجيل ليس بجيل بطولات ولا القاب وان انتظار جماهير المريخ الصابرة سيطوول. وربما جلس الفريق لموسم آخر بلا لقب لان ما شهدناه أمس لا يبشر بانتصار في ليلة الاحد القادم.
وخسر المريخ لان الله ابتلاه بمشجعين يسموون مجازا صحافيين هم سبب كل بلاويه وهم النحس الذي ظل يطارده وراجعوا الاسماء وقارنوا آخر بطولات المريخ بعد ان تباروا في اطلاق الالقاب واستفزاز الهلال ولاعبيه « في الفارغ» ولن ينصلح حال المريخ إلا بالغاء كل الاعمدة دون تحديد لان هؤلاء لا يتقون الله لا في المهنة ولا في المريخ.
مبروك للهلال وجماهيره ومجلس ادارته ومدربه الشاطر سفيان الحيدوسي الذي عاش أمس فرحة الانتصار كما عاشت بلاده فرحة الفوز بكأس امم افريقيا. وكانت نفس اللوحة التي شاهدناها في استاد «17 نوفمبر بتونس» شهدناها أمس في استاد المريخ ونتمنى عودة قوية للفريق الموسم القادم على خارطة افريقيا بعد ان يستفيد من درس الموسم الماضي ويحقق الحلم المنتظر.
وهاردلك مجلس المريخ وجماهيره فقط وانتظروا الموسم القادم.
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: تاج السر حسن)
|
| Quote: ياساين هذا الصحفى قصير الطول طويل القامه |
الأستاذ عبدالمجيد عبدالرازق..ابن منطقة أبوقوتة..ذلك الرائع المنتشر علي مد اعلامنا الرياضي..
نعم يا عزيزي تاج السر..عبدالمجيد المريخابي ..يعشقه الهلالاب قبل غيرهم..لأنه صـــــــادق..و منطقي..لا يبني الأوهام ولا يخدر الجماهير..ولا يغبش وعي المساطب..أصدقك القول يا تاج السر..عندما ينتقد عبدالمجيد فريق الهلال أو مجلسه تنتابني سعادة غامرة..للرجل نقد بديع..و كلام بيِن..و توضيحات علمية فريدة..
تعرف يا تاج السر..المقال الكتبه الصحفي الرياضي الرقم عبدالمجيد عبدالرازق في اليوم التالي لحادثة فاروق جبرة الشهيرة..مقال يتبروز و يتعلَق في كل المؤسسات الرياضية التربوية في السودان..هذا الرجل كنز..و له بريق
رهيب..ولا يحتاج لمرايا تعكس اشعاعه..فهو شمس اعلامنا الرياضي..ربنا يحفظه..
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: Ahmed Alrayah)
|
كل الشباب الحلوين من بني قبيلتي الزرقاء تحياتي ومودتي ..
وكل اصدقائنا اللدودين من بين (الشواطين) الحمر ...
شاهدت مباراة الهلا والميرغني كسلا وصراحة لم أعرف حتي نهاية المباراة من كان يحرس مرمي الهلال ولولا ضربة الجزاء لما شاهدت مدافعي الهلال ..
استعجبت جداً لمن هاجم الحارس كاشان فتسديدة محمد الخاتم الفنان لا تصد واستعجبت أكثر عندما هاجمه البعض لهذه التسديدة القوية التي ولجت مرماه ولم يهاجم إعلام المريخ حارس المرمي (المعترف) شيكوزي ود خالة شيكورا عندما سدد البرازيلي روبيرو كرته من سوق امدرمان وولجت مرماه ..
لماذا لم يتحدث إعلام المريخ حينها ان شيكوزي متواطئ...
حقيقة قدم الهلال مباراة رفيعة المستوي وضاعت له فرص (بالملوة) وكرتين علي القوائم هذا غير ( الدبلكيكات) ...
كان الوضع الطبيعي أن يفوز الهلال وبعدد وافر من الأهداف ولكن تأخر الفوز فقط ...
من الطبيعي أن يحرز الهلال هدف في الوقت المحتسب بدل الضائع طالما أن الحكم حدد الزمن فلماذا الأحتجاج ؟؟؟؟؟؟؟؟؟؟؟؟؟؟؟؟؟؟؟؟
تعجبت بالأمس للمدرب أمين زكي وهو يقول الهلال أول مرة يفوز علي الميرغني بكسلا والعجيبة أن الهلال في الدوري قبل الماضي توج من مدينة كسلا بعد فوزه علي الميرغني بي نفس النتيجة وبهدفين !!!!!!!!
فريق الهلال بتشكيله الحالي جدير بالفوز علي الترجي انشاء الله بس قولوا يارب ...
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: Rakoba)
|
تحيّة طيّبة للجميع، أولاً للإخوة الأعداء المريخاب...
sheba
Rakoba
وثانياً للإخوة الهلالاب التمام...
عمر الفاروق شيخ الدين
خالد sign
saifkeli
تاج السر حسن
بلدى يا حبوب
زول ساكت
abas
Ahmed Al Bashir
تُشكر يا راكوبة يا فارس الحوبة على الأهداف (وخاصة هدف محمد ختم الصاروخي... عامل كده زي أقوان صلاح الضي... والليييييلة!)،
لكن إنت متأكد يا راكوبة إنّو النونو لعب الباص بتاع قوون ديوب في التاكا؟ بصراحة كده مفروض يكون لعبو ليهو هيثم مصطفى!
أعجبني جداً هدف ديوب (الخالي من العيوب) ، تمركزه وكسره لمصيده التسلل كان سليماً 100%، أما تمريرة النونو فيكفي أنّي شبهتها ب(باصات) الأمير هيثم مصطفى... وكفى!
أحمد الريّح
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: Rakoba)
|
يا راكوبة :
يا راجل موضوع الذهب ده انت براك عارفو اي نعم ذهب محلي لكن أول ناس جابوا كأسات الذهب وطلعوا حاجة اسمها الرياضة الجماهيرية انت عارفهم مش؟؟؟
كأسين ذهب شلناهم من الناس القالوا بيجيبو الذهب وكان ما متزكر اسأل عزالدين الدحيش (الدحيش الأصلي ما التايواني ..)..
أسة ده كللللللو هين الليلة انشاء الله الكان بيلم فيها (النمل) لي مدة إسبوعين إنشاء الله حا يوطاها (الفيل ) في الأسبوع التالت ...
تخريمة :
قلت لي الولد ميدو ؟؟؟ وييييييييييييين الزول ده بالمناسبة إنشاء الله خير ؟؟
| |
|
|
|
|
|
|
|
|
|
Re: الهلال يكتمل قمراً منيراً بكسلا ويهزم الميرغني بهدف طمبل القاتل (Re: عمر الفاروق شيخ الدين)
|
يا ساين يا أخوى
نحنا ناس أم درمان بنحترم عبدالمجيد عبدالرازق وبنشيلو فوق روؤسنا، رغم أنه مريخابى
لأننا جننا وجن الزول الكضاب أو(الأضينه) !!!! والأضينه دى معناها البتابع الرجال على الصاح والغلط. وذى ما قال المثل كن (شمس ما تكون ضل).
قلت لى (الصحاف) قال ما فيها حاجة كمال حامد أمشى يتلبد ويلبس سعودى ، عشان أجيب شريط فيديو
لى فريق المريخ وهو مرتبو بياخدو من مال الهلال والمريخ والموردة وتريعة البجا وسارديه شندى وبرضو ما فيها حاجه؟؟؟
| |
|
|
|
|
|
|
| |
Rakoba
sheba
abas
Ahmed Al Bashir
saifkeli
زول ساكت
بلدى يا حبوب
فيس بوك
تويتر
انستقرام
يوتيوب
بنتيريست