|
Re: هل السودانى مزاجى ولا يحب النكتة (Re: ودالعباسية)
|
اوكي..
بما اننا الاتنين بس الفي البوست ده فحيكون شبه ونسة خاصة..
ما تتخيل ان المصريين ناس بتاعين نكتة قدر شنو.. لدرجة مزعجة مرات.. وفي بعض أهلنا بيشوفوها "هبالة" وبيستغربو ان الناس دي بتضحك في شنو..
لكن بيني وبينك حياتهم أحلى بكتير مننا.. وبيهونوها بالضحك على ما يبكيهم..
مرة قالو في مصري بيتكلم مع أخوه، قال ليهو: مش السودانيين اتعلمو ينكًتو..؟ فرد عليه اخوه: باين عليهم جاعو..
لووووووووووووول..
| |
|
|
|
|
|
|
Re: هل السودانى مزاجى ولا يحب النكتة (Re: Raja)
|
Quote: وفي بعض أهلنا بيشوفوها "هبالة" وبيستغربو ان الناس دي بتضحك في شنو..
|
وفى ناس بشوفوها برود .. لانه تحكى النكتة وتلقى التانى قاعد يعاين ليه
او لو جامله يكون بى ابتسامة ولا بعض مرات يقول ليك هسه دي نكته مضحكة ؟؟
غايتو نحن خلينا ساكت ...
طبعا المصريين ديل اي واحد تمشى معاه بقول ليك نكته انا ما عارف بجيبوا النكت الكتيره
دي من وين مع انه نحن فى السنيين الاخيرة طلعت لينا اشرطة للنكات كتيرة جدا دا غير
المجلات ( نبض الكراكتير .. الخ )
اسمعى دي ... بس دي لى واحد سوري مع مصري
السوري قال لى المصري انا اليوم عازم الملك .. فرد المصري بى استغراب والنبى !!
فالسوري قال ليه احتمال يجى معاه ..
لوووووووووووووووول
| |
|
|
|
|
|
|
Re: هل السودانى مزاجى ولا يحب النكتة (Re: ودالعباسية)
|
لووووووووووووووووول ..
تعرف يا ود العباسية "بالمناسبة اسمك منو".. المصرين بيعملو نكات من اللعب بحروف الكلمات زاتها.. ومرات الأحداث البتحصل في الدنيا والأخبار البنسمعها كل يوم.. وطبعا أول ايام ظهور "الفياجرا" النكت ما تديك الدرب.. ده غير التخصص في الصعايدة.. لدرجة بقت تعمل حساسية وبقو يقولو "واحد بلدياتنا"..
اها نديك نكتة بتاعت واحد صعيدي داير يعمل ليهو مزرعة دواجن.. مشى اشترى كتاكيت وجا في المزرعة بقى يحفر حفرة صغيرة يخت فيها الكتكوت ويدفنه ويكب عليهو موية.. لغاية ما زرع كل الكتاكيت.. اها قوووم يا الكتاكيت موتي.. صاحبنا حزن ومشى رجع السوق واشترى كتاكيت تانيين وجا كرر نفس العملية.. وطبعا النتيجة كانت زي الفاتت.. طوالي مشى شد تلفون لولد عمه بيحضر في دكتوراه في امريكا وحكى ليهو الحصل.. ود عمه قال ليهو:
أبعتلي عيًنة من التربة..
لووووووووووووووووووووووووووووووول
| |
|
|
|
|
|
|
Re: هل السودانى مزاجى ولا يحب النكتة (Re: ودالعباسية)
|
طيب انا اديك دي ..
قال ليك فى رباطابى فارش ليه سكسك فى اويل جاهو جنوبى عريان ميطى قاليهو السكسك بى كم ؟
الرباطابى قاليهو بكم خليها انت القروش خاتيها وين ؟؟
*******
وقال ليك الهنود فى لبنان عايشين اسعد احظات حياتهم ليه ؟ الناس فى لبنان كلهم بهتفوا
بالروح بالدم نفديك يا (رفيق)
| |
|
|
|
|
|
|
Re: هل السودانى مزاجى ولا يحب النكتة (Re: ودالعباسية)
|
الصعايدة بيلعبو كرة قدم ، الحكم حسب عليهم ضربة جزاء ، وقال ليهم اعملوا حيطة ، جابو الطوب والأسمنت !
---
واحد قاعد جنب ست الشاى ومسطول ، قالت ليهو اديك جبنة ?
قال ليها ما عارف والله ، لكن الجداد هسع جاب الطوب ومشى !!
---
ست البنات .
| |
|
|
|
|
|
|
Re: هل السودانى مزاجى ولا يحب النكتة (Re: ودالعباسية)
|
واحد مصرى جاء لأستراليا جديد ، وقف فى محطة البص وما عارف رقم البص المفروض يركب فيهو ، لقى واحد واقف من قبلو ، وسأله :
ARE THE BUS DOES STOP HERE ?
التانى رد عليهو :
PERHAPS MAYBE I DOES NOT KNOW !!
السائل طوالى قال ليهو :
الأخ مصرى ????
طب يا راجل ما اتقول من الأول !!!
ست البنات .
| |
|
|
|
|
|
|
Re: هل السودانى مزاجى ولا يحب النكتة (Re: ودالعباسية)
|
حلاق كبير فى السن قرر يعتزل المهنة ، ويدرب ولده فى المحل ،
الولد أشتر ! كل ما يجى زبون يجرحه فى رأسه بموس الحلاقة !
أبوه قدر ما نصحه وحاول يعلمه ما قدر !
فى الآخر جاب مسدس وهدده بيه ، الزبون البيحلق ليهو رأسو كلو مجرح !
فى الآخر الولد قطع ليهو اضنيهو الأتنين ، وأبوهو معمر المسدس وقاعد قصادو ، الزبون يقول للولد دس الأضنين أبوك ما يشوفهن !
ست البنات .
| |
|
|
|
|
|
|
Re: هل السودانى مزاجى ولا يحب النكتة (Re: ست البنات)
|
ست البنات ازيك..
تعرفي انا أول ما لموضوع يبقى فيهو حكي نكت القى كل النكت البعرفها طارت..
غايتو ما بسيبكم إلا اتذكر..
المشكلة في نكت ما بتتحكي.. لا.. ما عشان خارجة.. بس حتدخلنا في كلام السياسة..
لووووووول..
| |
|
|
|
|
|
|
Re: هل السودانى مزاجى ولا يحب النكتة (Re: ودالعباسية)
|
شايقية لأول مرة ترد على التيلفون ، وعندها ولد اسمو كمال سافر أمريكا ، اتصل من هناك ، وردت عليهو :
قالت ليهو منو البينضم ?
قال ليها :
أنا كمال ولدك يمه !
قفلت السماعة وقالت :
بس كمال ولدى الله خلاهو فى امريكا !!!
ست البنات .
| |
|
|
|
|
|
|
|