نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: تعالوا نتذكر أجمل الراحلين من أبناء الوطن الشهيد محمود محمد طه والمقيم مصطفى سيد أحمد (Re: nadus2000)
|
http://alfikra.org/forum/viewtopic.php?t=469&sid=598f71...7483dcbf67673ebebe3d
ودَّعتَ ياحُزْنَ البلد ودَّعت يالولد السَّمِح في الغـُربة والزَّمن النـَّكد وجوك العِـيال ما بقصِّرُوا سوُّوا العدِيل والزّين هِناك ما اتصرْصرُوا بس كنت خايـِف كيف عليك يطويكَ ليل الغربة دِيك في الغربة لا اندلـَـقــَنْ عليك بنـُّوتـْـنـَا مَحْزُونات كمَدْ لا اتـْـشالبوك أهلك يَهـِـزُّوا الدنيا يالولد الرَّهدْ مات الغـُنا المحْشُود وحاتك يـَا الحُزُنْ ما عندُه حَدْ ؟ مطرُود وراك الريح تصفـِّر لا غمدت ولا رَقـَد شايل همُوم النـَّاس وناسِي البيكَ يالولد العددْ أصلـُه الغـُنا ان ما كان وحاتك للوطن مابيبقى جد والحزن لو ما كان نبيل يبقى انهزام .. بحرًا شـَرد محزون وحاتك يا ولد صوتـك يرن في بالي حد (غدار دموعك ما بتفـيد) صوتك يجيني أنا في الهويد (عبد الرحيم) و (حاج ود عجبنا) ونفحة العيد والجديد كـُتْ في انتظار يومًا أشوفك فيه ساير بالنشيد راجع تبشـِّر بالغـُنا الغنيتـُه في البلد البعيد ويتلمُّوا ليك النـَّاس دمُوع الفرحة تـَطـْفـُر دون عدد ويتلمُّوا ليك الصَّالحين يـبرُوك ويدُّوك المدَد وتفضل تغنـِّي وتنشرح لا غُربة لا الزَّمن الجرح حقـَّـك عليْ يا مصطفى وحقـَّـك علي البلد الوهبتـُه غـُناك والفال السَّمِح هاكَ السَّلام من عندي انا ومليون سلام ليك ياجنا من الغـُبش قايمين دُغُـش كادحين علي اللـُّـقمة ْ العِصَتْ صابرين علي الحَالـة ْ القِستْ والحال وحاتـَـك ما هُو حَال رَاجـِين رجُوعكـُم يالعِـيال لا شيلة ْ لا كِمِّين ريال راجـِين ضُراعكـُم يـِنكرِبْ لا فـُرقة لا ريحَة ْ حَرِبْ نبنِي الوَطـَنْ مَهْما خِـربْ والسَّاعة دِيك يبقى الغـُنا اللا اتـْـقـَال ولا مَرَّة انـْـكـَتـَبْ ممدُود من اللـَّحن القدِيم مَحْـشـُود وحاتـَـكْ بالطـَّربْ مَـلـْيان وُمسْـنـُود ما بْيـَقـَعْ مَعَجُون من العَرَقْ النـَّـقـَعْ مِـنْ كـَمْ جبـِـيـن بي تـْصُبـُّه صَبْ وتخضِّر الأرض اليباب يتبدَّل الزَّمن الصَّعـبْ وُنفـْضَـل نغنـِّي وْ نـِنـْـشَرحْ لا غـُربة لا الزَّمن الجرحْ ودَّعتَ يا حُزنَ البـَـلدْ ودَّعتَ يا لوَلد السَّمِحْ العوض أنشأ هذه القصيدة في أيام رحيل الفنان مصطفى عن دنيانا.. عليه رحمة الله ولإتمام الصورة اللقاء التالي مع والدة الراحل مصطفى ومع زوجته بثينة http://www.mushahid.net/faneya.html
|
|
|
|
|
|
|
|
|