|
يا اخوانا ممكن بس تراعوا الفاظكم؟
|
الصفحة الاولى في المنبر لا تطاق الفاظ غريبة وكلمات بذيئة قد تتكون وضعت استنكارا او ادانة لبوستات اخرى والناتج خليط غريب ومثير للاستياء للعنوانين اتمنى ان نراعي شعور بعضنا البعض ونتجنب الرد على البذائة بمثلها ونتذكر ان هناك الكثير ممن يودون الاستمتاع بهذا المنبر نظيفا الكثير منا هنا يحاولون تجاوز البوستات المثيرة بعدم فتحها لاكنكم تفسدون علينا هذه النعمة بملاحقة انظارنا بعناوين مؤذية دعوتي تشكمل جميع الاعضاء بلا استثناء وليست باب جديد لنقاش قضية البوست المتسبب في ذالك
انه طلب لمن بقى لديه في قلبه قليل من ود اعشم فيه
|
|
|
|
|
|
|
|
Re: يا اخوانا ممكن بس تراعوا الفاظكم؟ (Re: وليد محمد المبارك)
|
يازوله أنا الأيام دى ما عندى غير الألفاظ دى رأيك شنو فيها؟؟؟ نَحْنُ نُبَشِّرُ بِعَالَمٍ جَدِيدٍ، ونَدْعُو الى سَبِيلِ تَحْقيقِهِ، ونَزْعَمُ أنَّا نَعْرِفُ ذَلِكَ السَّبِيلَ مَعْرِفَةً عَمَلِيَّةً.. امَّا ذَلِكَ العَالَمُ الجَّدِيدُ، فَهوَ عَالَمٌ يَسْكُنُهُ رِجَالٌ ونِسَاءٌ، أحْرَارٌ، قَدْ بَرِئَتْ صُدُورُهُم مِن الغِلِّ والحِقْدِ، وسَلِمَتْ عُقُولُهُم مِن السَّخَفِ والخُرَافَاتِ.. فَهُمْ فى جَمِيعِ أقْطَارِ هَذَا الكَوْكَبِ مُتَآخُوْنَ، مُتَسَالِمُوْنَ، مُتَحَابُّونَ.. قَدْ وَظَّفُوا أنْفُسَهُم لِخَلْقِ الجَّمَالِ فى أنْفُسِهِم، وفى مَا حَوْلَهُم مِن الأشْيَاء.. فَأصْبَحُوا بِذَلِكَ سَادَةَ هَذَا الكَوْكَبِ.. تَسْمُو بِهِم الَحيَاةُ فِيهِ سَمْتاً فَوْقَ سَمْتٍ، حَتَّى تُصْبِحَ وكَأنَّهَا الرَّوْضَةُ المُونِقَةُ.. تَتَفَتَّحُ كُلَّ يَوْمٍ عَنْ جَدِيدٍ مِن الزَّهرِ، وجَدِيدٍ مِن الثَّمَرِ. محمود محمد طه
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: تاج السر حسن)
|
الناس القالوا نعم بان تاج السر انشاء الله دايما وعيني عليك باردة ماشي كةويس جدا الله لا يرجع ايام الشكل تاني
سلوى صيام انتي برضو عجبتيني
بدري يازول نحن زاتنا بنقول يا خادي, جبت لينا سلة المهملات والحاجات التانية كدي انت مش معانا؟ قول نعم
هشام مدني البودر ده ما حتتعمل ليه ادارة تاني وصاحبه قال عملها وفشلت واتشاكلنا في منو اليديرها ولو عمناها برضة حنفضل نتشاكل تتذكر ايام الهوجة دي؟ انا عندي حل ظريف انت مش زعلانين من روضة؟ كدى اتخيل معاي روضة دخلت المنبر وكتبت موضوع كلنا ما عملنا عليه نقرة دخول احتجاجا زي ما بعضنا بيعمل. او اضعف الايمان لو نقرنا الموضوع ودخلناه ما نرد احتجاجا برضو ما ضعفا حتلاقي الموضوع براه بينزل تاني صفحة ويمكن بعد موضوع او اتنين روضة تلاحظ ان مواضيعها ما بتلقى الرواج وتفكر تغير اسلوبها وبرضو احتمال جدا تزهج وتسيب المكان وتقول دي ناس ما بيفهموا كلامي وما من مستواي مع اني شخصيا ما عايزاها تمشي اها ايه رايك؟
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: ود الشيخ)
|
ود الشيخ رجعت ليك عشان ما عرفتك بعد ازالتك للصورة كويس دي تحلف عليها وحي وناس البورد شهود عليك؟ انا بالجد زعلانة منك وكنت بافتكر اشتكيك للاستاذة نجلاء شوف ليك طريقة اطلع بيها من احتة الاتزنقت فيها دي
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
والله معاك يازولة لكن الجماعة ديل شكله الرجاءات والتوسلات والتوددات والحوار مابجيب فايدة معاهم الحل الأسلم نحن نشيل السلاح ونقاتلهم عشان نقنعهم انو نقعد نحاورهم فى ترك الألفاظ الغريبة دى والله كل ماأشوف الصفحة الأولى دى أقرب أجدعها فى سلة المهملات وماتخافى سلة المهملات خاتى فيها كيس لأنه الحكاية فيها سوائل . أها كدى خلينا من دا أنا ان رفعته السلاح بترفعى معاى؟ بس فى مشكلة نسمى حركتنا شنو؟ حركة مكافحة ال.... فى البورد ولا حركة تحرير البورد ولا رايك شنو نحن نعمل تطهير عرقى ونخلص من الموضوع نهائى ونريح راسنا لكن باقى ليك لو عملنا كدا بنريح راسنا أنا غايتو ماظنيت نحن ناخد الموضوع من آخره وعشان نكسب أعضاء للحركة نسميها حركة تطهير البورد أها لو سميناها كدا فى البداية كلهم حيجوا يقولوا دايرين يشاركوا فى تطهير البورد وحنلاقى كل الأعضاء مشاركين فى الحركة يبقى ماأستفدنا شى دا معناهو إنه حيحصل إنشقاق فى صفوف الحركة والحركة حتتقسم ونكون برضو رجعنا للبداية والله يابت أمى أقول ليك حاجة انا أحترته وسلمت أمرى لله غايتو شوية وكدا وحأقول ماداير معاكم لكن مثبتنى الناس الجملين أيواااا وصلت لحل رايك شنو ننفصل ونعمل بورد الجميلين والله انا شايف انو دا أسلم حل ولا رايك شنو ؟ أها طيب برضو فى مشكلة كلهم حينضموا لبورد الجميلين لأنه معيار الجمال البوردى مامحدد وفى النهاية وزييى ماقلت ليك وتانى أقول ليك الله الكريم المعيشنا ومكملنا لغاية الليلة بعقولنا فى والله على الظالم والمفترى وهنا برضو فى سؤال الظالم منو ؟ والمفترى منو؟ أنا ماشى أنوم بس حنوم مضايق لأنى خايف أصحى
آسف جداً يازولة على الهترشة وياستى أتمنى الناس بالجد تراعى الألفاظ وبما انه المنتدى هو الوطن الإفتراضي فليس هنالك داعي لتشويهه هكذا
معكــــــــــــــــــــــــــــــــــــم
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: Badri)
|
Quote: والله معاك يازولة لكن الجماعة ديل شكله الرجاءات والتوسلات والتوددات والحوار مابجيب فايدة معاهم الحل الأسلم |
ادارة وضوابط نشر واضحه يا اخوة حبل على القارب من غير .....يذهب القارب حيث يشاء.
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
تسلمي يا دكتورة
لقد قلت يوماً و أعيد معتذراً بأن ليتنا جميعاً نعي أن الكلمة هنا مقروءة من آلاف ، معظمهم يسوءهم دخول كلمات غير لائقة لبيوتهم أو قواميس أطفالهم .
ربنا يهدئ النفوس و يصلح الحال .
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: ابو مهند)
|
عاطف عمر ما خاتي صورة محمد معاك ليه عشان ما يزعل؟ اتمنى ما يكون زعلان مني لحد حسي و بلغة سلامي الشديد اتفق معك, لو فكرنا في الاشخاص الذين يعبرون هذا المكان ويقرأون لنا لمنعنا الحياء من التنابز بهذه الصورة
ست البنات
Quote: فاوضنى بلا زعل !!! |
وانا بارفعها معاكي فوق بركة القررتي تفضلي معانا
مريم بت الحسين
Quote: عندي ليك خبر مهم شايله بي اشواق شديده |
عرستي؟؟؟ باجيكي الدوحة قبلك, قال قال ايميل
ود المدفع سعيدة انك معانا ويا زول ان قلت المدفع ده حيقول ليه كم كلمة تهديد ووعيد بمدفعه ده خليتا تفاح وتفاؤل ما اجملك
أبو مهند طيب يا ابو مهند ناس هوانم جاردن ستي الفي البورد يعملوا شنو؟ خلينا نجرب ونشوف انا حاعتبرك معانا
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
الدكتورة العزيزة
Quote: ما خاتي صورة محمد معاك ليه عشان ما يزعل؟ اتمنى ما يكون زعلان مني لحد حسي و بلغة سلامي الشديد
|
و الله لحدي الآن أنا ما عارف النزل الصورة منو
أفتكر غايتو يكون الأخ بكري
عموماُ أنا متشكر لمن أنزل الصورة و أعفاني من مذلة السؤال عن كيفية التنزيل .
بعدين صاحبك محمد الأمين من أول يوم أبدى إحتجاجه و هو بيسلم عليك جداً .
تحياتي لك
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
العزيزة زوله
لك التحية والاحترام
ونحن مثلك عزيزتى ندعو ونناشد ونعاضد كل ما جاء فى هذا البوست النظيف
ودعينى اضيف :
يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً"
و يقول مخاطباً معاذ بن جبل: "أمسك عليك هذا" و أشار إلى لسانه
ترى هل من يسمع عزيزتى ؟؟؟
حسبنا الله ونعم الوكيل ...
مع ودى
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
الرائعــة زولــة ..
لك التحــية والــود على التنبيه في مراعاة الالفاظ وادب الحديث .. وننادي كما تنادي انت إلى الاخــوان مـناداة الاخ لاخــيه ليــس الا .. ونذكرهم بمراعاة الالفاظ التي تسوق صاحبها إلى الدرك الاسفل من النار.. ونذكر فأن الذكرى تنفع المؤمنين بقول رسول الله صلى الله عليه وسلم
حيث يقول: " ليس المؤمن بطعان ولا لعان ولا فاحش ولا بذيء".
والله الموفق .. وكفـــــــــــى
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: waleedi399)
|
لنا معانا برضو وبكل الخطوط والصور
عم قرشو
Quote: يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً"
|
والله دي لوحدها كافية ان تعيد اي عضو عاقل لرشده هل تسوى الشتائم شيءا لنهوي بها كل هذه المسافة وهل يسوى العناد والكبر والرغبة في الانتقام بالكلام؟
وليد اعرف ان القليل فقط سيستجيبون والاغلبية ستواصل العناد والجدال لاكنها نقطة قد تصبح يوما ما سطرا شكرا على المشاركة
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
الدكتورة زولة 123
كانت رؤيتى ان البذاءة مقصودة هنا لذاتها كإحدى أدوات يستخدمها جيداً من يشرعها لتحصيل نتائج يرغب بها.
لذلك ما من حل اجدى من (المقاطعة) باعتبار أنها أنجع الحلول التي تقنع مستخدمي أدوات البذاءة بعدم جدواها.
لكن المؤســف, أن العناوين البذيئة أو فلنقل المثيرة هي التي تجتذب أكبر الأعداد من القراء وفي أزمنة قياسية
هي الظاهرة المتفشية في مجتمعنا, والمتمثلة في (التجمهر) لرؤية أي شئ غير مألوف.
(حب الاستطلاع) وأدواء أخرى
Quote: لاكنكم تفسدون علينا هذه النعمة بملاحقة انظارنا بعناوين مؤذية دعوتي تشكمل جميع الاعضاء بلا استثناء وليست باب جديد لنقاش قضية البوست المتسبب في ذالك
انه طلب لمن بقى لديه في قلبه قليل من ود اعشم فيه |
أوافـــق
خالص تحياتي
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: أحمد الشايقي)
|
أبو الزفت انا ما شايفاها مقدودة لسة يا ابو الزفت في أمل
قرجة والله نورة واخوان واخوات نورة والكبار ايضا اصبح من غير الملائم لهم ان يتطلعوا على هذا البورد حفاظا على مشاعرهم تحياتي
أحمد الشايقي
Quote: لذلك ما من حل اجدى من (المقاطعة) |
معاك ولتكن المقاطع لجميع بوستات اي عضو بذيء اللسان حتى في موضوعاته غير ذات العلاقة كنوع من العقاب او النبذ الجماعي علهم يعودون الى رشدهم وسننتظر عودتهم بلا شك
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
Quote: يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً" |
فما بال الذين يعلمــون تماماً أنهم يلقــون لها بالاً ... و أي بـال .. ويحسبون لها الف حساب .. ويعلمـون مـداها وما تجـر اليه مـن الويــل والعـــذاب ..
اللهم اجلعــنا في زمـرة من قلـت فيـهم: "والذين هُــم عــن اللغـــوِ مُعرِضـــونْ"
"والذيـن اذا مــروا باللغـــو مــروا كـــرامـاً"..
"ويحســبونه هـــيناً وهو عــند الله عــــــظيم" ... {صــدق الله العـظـيم}
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
د. ياسر حمد الله على السلامة وشكرا على التضامن معنا
وليد
Quote: اللهم اجلعــنا في زمـرة من قلـت فيـهم: "والذين هُــم عــن اللغـــوِ مُعرِضـــونْ"
"والذيـن اذا مــروا باللغـــو مــروا كـــرامـاً"..
|
آآآآآآمين
| |
|
|
|
|
|
|
Re: يا اخوانا ممكن بس تراعوا الفاظكم؟ (Re: zola123)
|
شمهروش بيسهلها لو مسكتوا نفسكم شوية انت واحد من الناس المعنين قول يا ايوة يا لا, يسهل دي عايمة شوية
راجع المسنجر
عثمان الزبير
Quote: وينصب الجهد الذي يضيع في هذه السواقط إلى التركيز على المواضيع الجادة والمفيدة والهادفة |
يا سلام عليك كم واحد يا ربي بيقدر ينفذ ده عمليا في البورد
أبو مهند نسيت الرابط فعلا نحن بحاجة الى البسمة والكلمة الطيبة هنا بشدة وهذا واجب كل عضو ان يكتب موضوعا هادفا مقابل كل موضوع ساقط ويدفعه لاسفل الصفحة
| |
|
|
|
|
|
|
|