|
|
 وجهة نظر في الردود علي البوستات
|
احيانا كثيرة اكتب بوستا واقول فيه كل وجهة نظري ..ويأتي اخرون بمداخلات بعضها يدعم الحديث وبعضها يفتح افاقا اخري للحوار ولكن احيان كثيرة اجد ان الردود قد تاخذك عن متابعة بوستات اخري وتستهلك وقتك في المنبر في المجاملة احيانا وتحية المداخلين علي بوستك واحيان لا تجد كلاما مناسبا ترد به علي بعض المداخلات فتحتار وربما تضطر لتسجيل مجاملة ما
يعني بصراحة الردود احيانا متعبة نوعا ما
رايكم شنو؟؟
|
|
 
|
|
|
|
|
|
|
 Re: وجهة نظر في الردود علي البوستات (Re: وليد محمد المبارك)
|
الأخ/ أساسي
بدون تحية
| Quote: يعني بصراحة الردود احيانا متعبة نوعا ما |
من البروفايل حقك.
| Quote: الناس ديل كلهم كضابين وفاكنها في روحهم وانا زاتي زيهم بس المشكلة انه هم مصدقين المكنة دي وعايشين عليها |
رأيك أنت شنو
---------------------
عبدالرازق عيسى الطالب
| |
|
|
|
|
|
|
|
|
|
Re: وجهة نظر في الردود علي البوستات (Re: وليد محمد المبارك)
|
احيان كثير وخاصة في البوستات ذات الطابع السياسي اجد ان الكلام مكرورا ومعادا
هناك مواضيع قد تفتح في مداخلة في بوست تكون قد قتلت بحثا وحوارا ونقاشا في بوستات اصبحت في الارشيف نفس الكلام ونفس الرد ولكن المشكلة تكمن في ان اعادتها تصبح مملة واحيانا تجعلك تذهد في الحوار المكرور
الاخ ولي
ليس لان البعض يقرا ما اكتب فالحمد لله معظم البوستات تجد رواجا فالعضوية كثيرة والمشاركات كثيرة اين انتم حينما كان البوست يجلس بدون رد وزيارة اكثر من اربعة او خمسة ساعات وتنتظر احد ليقراه فقط ولو قرأ لك عشرون يومها يكون لك فرحا
الان الامر اختلف تماما فالكل يقرا ويشارك
| |
|
|
|
|
|
|
|
|
|
Re: وجهة نظر في الردود علي البوستات (Re: اساسي)
|
وعليكم السلام ورحمة الله وبركاته
الاخ عبد الرازق في ديارنا ... اشهد بانك رجلا تشد اليك الرحال فلك التحية والتقدير
راي يا استاذي عبد الرازق ان هذا العالم الاثيري اكبر كذبة اخترعناها وعشناها وصدقنا احداثها ولكن سرعان ما تنتهي بالواقع
| |
|
|
|
|
|
|
|
|
 Re: وجهة نظر في الردود علي البوستات (Re: اساسي)
|
| Quote: هذا العالم الاثيري |
فنجان قهوة
| Quote: اكبر كذبة اخترعناها وعشناها وصدقنا احداثها ولكن سرعان ما تنتهي بالواقع |
فوق دي أنا رأي نص نص..
يا أساسي مالك داير تحسسنا أننا ما مهمين في الدنيا دي...
يعني الواحد يجي ويمشى يموت زعيط معيط...
ولا يخلي ليهو لا درب ولا حتى أثر....
كده خلينا شوية في حلمنا...
ترى ياهو بنشارك مع الناس بشوية رأي أعوج كده...
وربنا يهدينا الدرب العديل...
---------------------
عبدالرازق عيسى الطالب
| |
|
|
|
|
|
|
|
|
|
Re: وجهة نظر في الردود علي البوستات (Re: اساسي)
|
المشكلة في بعض البوستات تكون كتبتها تحت (مود) معين او مزاج معين بتناقش حاجة محددة في وقتها لو الردود اتابعت في اثناء وجودك في المنبر بتقدر تتفاعل معاها بنفس المزاج ..المشكلة تمشي وتجي بعد كم يوم تلقي ردود كثيرة وانت مودك اختلف تماما لما جيت فانا شخصيا مثل هذا البوست بكرهو عديل كدا ..
مثلا زي نقول كنت بتدافع عن الحكومة المنكومة في بوست فتحتو ردا علي بوست اخر او وجهة نظر اخري وقمت طلعت مشيت السفارة واستلموك ناس الضرائب طبعا حتجي وانت بتلعن في سلسفيل ابو الحكومة وفتحت البوست ولقيت كلامك القلته انت زاتك ... شعورك في اللحظة دي اظنه زي شعور المنشول في نص السوق ترد كيف وروني ؟؟؟
| |
|
|
|
|
|
|
|
|
 Re: وجهة نظر في الردود علي البوستات (Re: اساسي)
|
أساسي
جيتك صادي
فمن سره زمن... كمان
| Quote: مشيت السفارة واستلموك ناس الضرائب طبعا حتجي وانت بتلعن في سلسفيل ابو الحكومة |
فوق دي أنا معاك...
يعني لو قلت ناس الضرائب ديل كويسين وهم مشاركنك في عشا عيالك بتكون كضاب ساكت...
وبتحرث فوق البحر...
وجعجعة بدون طحين....
بس كمان المبادئ... أحياناً يا أخوي أساسي
بتحرق جوه في القلب حرق...
يعني الله يرضيك زي الأدبخانة حقت الليلة دي...
يعني الزول متابع وشايفين...
جوج وماجوج وابن مشيب المرجوج...
والناس حالفة طلاق أنو الناس دي على حق طالما هي مظلومة
والحرب عملت جرح كبير في النفس...
طيب يا أخوي أساسي هسعي أمانة تجيك في زول في البلد دي ما مجروح من الحرب... الله يلعن سنينا
وكمان تعال شوف البيحصل شنو
أنو في ناس شوفونية www.sudaneseonline.com يقومو يطبلو ويقولو ده تمايـــز فكري...
والبلد رايحا في الرجلين
| |
|
|
|
|
|
|
|
|
|
Re: وجهة نظر في الردود علي البوستات (Re: وليد محمد المبارك)
|
طيب احكي ليك دي يا عبد الرازق
كنت دائما والاخ هشام يازول العراك في هذا المنبر بسبب وبدون سبب الاختلاف عنوان لكل المداخلات والمكايدات والمقصات ايضا لدرجة انه لا يمر يوما لا يكون في لجنة حجازين لتفك اشتباكنا ..اتدري اول ما تلاقينا كان ان اتقالدنا انا والاخ يازول (بالاحضان) واطلقنا القهقهة وكثيرا من الاخوة مثلا الاخ خضر حسين خليل في بوست ناقشت الحزب الشيوعي وقلت راي فيه وصلنا لحد الاشتباك اللفظي وكان ان اتي الاخ خضر العيد السابق الي جدة وكان ان كتب انطباعاته ووصفني بغير ما كان يراني به من خلال الكتابة (طبعا الشكر دا عاجبني لووووووووول) فالامر لا يدوا ابدا كلام الاخ سجيمان في البوست اعلاه
الاخ وليد
هو روحنا ناس رودا فضلوا ليكم فيها شي تسلوا
| |
|
|
|
|
|
|
|
|
 Re: وجهة نظر في الردود علي البوستات (Re: وليد محمد المبارك)
|
وليد المبارك
شايف عجاج حفلتك قايم
Quote: لكن نحنا بنفرح لمن زول يجينا
حتى لو نبزنا |
إنت رقوك ولا لسع...
ربنا يهدي سرك ويوفقك يا رب
ويرزقك الذرية الصالحة...
في بلد هدادي مدادي... يشيل مليون ميل من الأفكار..
بس ربنا يصفي النوايا... وتهدي النفوس..
| |
|
|
|
|
|
|
|
|
|
Re: وجهة نظر في الردود علي البوستات (Re: اساسي)
|
سلام ،
والله يا أخ عبد الرازق انت مهم أهمية مبالغ فيها !
ومقنع بشكل خرافى !
ما كنت تمشى مع الجماعة العملوا السلام ديل !
تعرف ، كانوا أنجزوهو من زماااان !
وتحية تليق بك منى !
ست البنات .
| |
|
|
|
|
|
|
|
|
 Re: وجهة نظر في الردود علي البوستات (Re: ست البنات)
|
معليش أساسي بجيك رادي
ست البنات | Quote: ما كنت تمشى مع الجماعة العملوا السلام ديل ! |
الجماعة ديل بدوهم بدلات بالدولار... والإسترليني.. وأظن قالوا زمان الدولار ده وقفوها وأشتغلوا بالإسترليني... وبعد شوية قامو إتحالف الإسترليني مع الدولار... قامو ناسنا فاتو للين الجديد بتاع جامعة الدول الأوروبية النقرو ليهو أسم اليورو الكان بتفتش فيهو الدكتورة بيان..
ومسكننهم في أبراج كم نجمة كده... مع النجوم فوق...
وباكلو خرابيط كده ... كلاماري... وإستكوزا ... ما جربتها بس ثقافة فندقية...
إلا بالشوكة السكين ...
وأنحن ناس قريعتي راحت ديل الكلام ده ما بنعرف ليهو
بس كويسين والله وقفو لينا الحرب... أهم حاجة..
باقي حاجة تانية الأسرى ديل كان فكوهم والله بكون قطعوا نص الشوط...
والعوج ترى ياهو برضو رأي...
وعوج الدرب... برضو أسم زول بوصل مع الناس سوياً...
هسعي خلاص الحرب خلصت...
والناس البتدارو بالدكتور جون قرنق...
الدرب راح ليهم...
والله الحكومة دي كان عملتها مع ناس دار فور والبجا....
وأعلنت إطلاق الحريات....
تاني زول بفوز عليهم في الإنتخابات مافي...
عشان كده الناس بتعظ... وتمقظ....
وربنا يجيب العواقب سليمة..
--------------------
عبدالرازق عيسى الطالب
| |
|
|
|
|
|
|
|
|
|
Re: وجهة نظر في الردود علي البوستات (Re: ود الشيخ)
|
ود الشيخ
رأيتك في اللذين أرى ملوكاً ** كأنـــك مستقيم في محــال
فإن تفق الأنام وأنت منهـم ** فإن المسك بعض دم الغزال
| Quote: أنا هنا تسجيل حضور |
شايف ست البنات قالت ليك لقدابتا مالك ما غشيتها...
ترمس مالوا
بس أخمش لي معاك شوية
وأرسلو عبر الفضاء السايبيري....
أمكن ربنا يهدي سرنا شوية.....
ويفرج كربنا.....
ولك معزتي يا غالي يا أبو عمة أنت..
وتشكر مليون مرة على الإتصال.....
حضورك مهم...
| |
|
|
|
|
|
|
|
|
|
Re: وجهة نظر في الردود علي البوستات (Re: ست البنات)
|
الأخ/ هشام مدني
يا راجل يا رايق
| Quote: عرفت ليه كنت اسئل عن صورتك فى داخل انسان اصيل |
يا أخي دي طبيعة السودانيين...
تعرف الواحد ممكن يكون شايل منك...
وأول ما تمشي تخش بيتهم...
يلاقيك بالأحضان...
ونحن لامن كنا صغار كان طبعنا...
تكون عايز تدق ليك واحد....
فجأة تلاقيهو جوه بيتكم...
ويبدأ السلام والكلام... ويروح الخصام...
ويدوم الوئام...
والسلام سلام....
بعدين شايفك قبيل زعلت من حكاية هشام مدني...
يا أخي دي حاجة بسيطة... بتكون زلة كي بورتية ساكت..
ولا يهمك تعيش وتاكل غيرها...
| |
|
|
|
|
|
|
|
|
|
Re: وجهة نظر في الردود علي البوستات (Re: هشام مدنى)
|
| Quote: بالذات خدر حبيت اشاغله ساكت |
أنا برضو قلت كده...
لأنك إنسان فيك نبل وقيمة أخلاقية عالية شوية..
خضر ده زول ناشف وصعب خلاص....
بس بنفع يكون وزير مالية في أي حكومة ديمقراطية
وده رأي أنا فوقو....
بعدين إنت وينك يا أساسي
خليتنا بقينا سياد دار...
وأنت الزوار...
يا زول وين مشيت...
كان رضي ولا أبي
| |
|
|
|
|
|
|
|
|
|
Re: وجهة نظر في الردود علي البوستات (Re: abuguta)
|
| Quote: نتقابل فى منى جنب مسجد الحيف |
ولابس ليك شنو...
أنا جاييكم بس يومين كده ودوامنا يخلص وبنجيكم
إن شاء الله قال ليك بركة رب العباد التنزل علينا...
بدعواتنا أهلنا الحجاج كلهم والسودانيين بالذات...
في يوم التروية وعرفة ومزدلفة... وعند المشعر الحرام... محل ربنا قال ندعوهو زي دعانا لآبائنا وفي مني وفي رمي الجمرات..
أنو ربنا يهدي سرنا...
ويكشف لينا عدونا ظاهراً وباطناً...
ويخلينا زي باقي دول العالم التانية دي...
وربنا يوفقك يا أخونا يا أبوقوتا
| |
|
|
|
|
|
|
|
|
|
Re: وجهة نظر في الردود علي البوستات (Re: هشام مدنى)
|
| Quote: طبيعه وخضره ومناظر لا توصف لكن . |
بلدنا كلها سمحة...
أرض بكر.... وناسا عقولها بكر....
تصدق أنا كنت زمان بشتغل لي في شركة حقت بترول كبيرة خلاص...
جونا ناس بتاعين علوم الفضاء...
والإكتشافات
كان عايزين يركبو ليهم شوية حاجات كده... إلكترونية
وأنا كنت واقف معاهم...
تعرف ديل كانو بتعاملو مع التكنولوجيا.... زي تعاملنا نحن مع فول الحاجات...
ناس عقولها.... مع ناس وكالة ناسا...
بس ربنا يرد غربتنا....
لبلدنا الكبيرة...
وربنا يوسعها لينا شوية..
| |
|
|
|
|
|
|
|
|
|
Re: وجهة نظر في الردود علي البوستات (Re: A.Razek Althalib)
|
عبد الرازق
الرجل المارق
من الظلام زى النجم الطارق
ليك منى شوقا حارق
فى الضحى والمشارق
حجا مبرورا وزنبا مفارق
اميييييييييين
يارب
شايفك متربع على عرش النجومية
فى الردود الجميلة المفيدة
قلت دا مكسب للبورد
واكيد سوف نلتقى فى بوست ما
فكانت مداخلتك الظريفة
ابقوتة فى دوام الليل
| |
|
|
|
|
|
|
|
|
|
Re: وجهة نظر في الردود علي البوستات (Re: abuguta)
|
Quote: مرة زرت ابوقوته وده مكان جميل بشكل لا تتصوره فى مشروع هناك اسمه
مشروع ابوقوته الزراعى كلام ده كان زمان 25 ولا20 سنة كده لكن جميل
طبيعه وخضره ومناظر لا توصف لكن . |
هشام مدنى
الرجل المدينة
دحين كلامك الفوق دا قصيدة نثر
ام لوحة رسام فلكلورية
والله سكتنى لدرجة انى احببت ابقوتة
افى وصفك الجميل دا
فعلا ابقوتة بجوها رواد كثر بحكم العمل
وبحكم نقطة المرور لانها تقع فى ملتقى طرق
قبل كم سنة كان حوار على النت مع الشاعر مدنى النخلى
فقلت له ممازحا اول مرة اسمع باسمك فرد على انى كتبت
الشعر فى ترعة الدبل جنب مدان السجون فقد عمل معلما
فيها وقبل شهر اتصل على سودانى مستشهار لاحد الشركات
عنده مشكلة فنية فى النت وعميل معنا فى الشركة
فلما عرفنى سودانى انبسط منى فقال لى انت من امدرمان
قلت ليه لا انا عربى جزيرة ومن من منطقة مهمشة
قال لى اوعى تقول لى من ابقوتة قلت ليه فى غيرها
قال حرام عليك انا درست الابتدائى هنالك لان والده كان ضابط
سجون
شكرا هشام من الليلة بصاحبك
زمان كنت خايف من عمتك دى
لوووووووووووووول
ابقوتة فى نهاية الدوام
| |
|
|
|
|
|
|
|
|
|
Re: وجهة نظر في الردود علي البوستات (Re: abuguta)
|
تعرف يا ابوقوته هى دى مشكلة السودانيين ماعارفين
القيمة الفعليه للجزيرة شنو وما ابوقوته بس فى مناطق
وقرى فيها ثروات لاتوصف لكن بعيد عن مركز القرار
| Quote: قال لى اوعى تقول لى من ابقوتة قلت ليه فى غيرها |
مسكين هو ماعارف المنطقة كويس
عند مثل مكركه ودار السلام و ودالعباسى ود عشوه لغايت ما تقطع الدندر
والرهد وتدخول الفاو القرية عشرة حصل تجولت هناك مناطق غنية جـــــد
| |
|
|
|
|
|
|
| |
اساسي
وليد محمد المبارك
A.Razek Althalib
ست البنات
abuguta
فيس بوك
تويتر
انستقرام
يوتيوب
بنتيريست