|
الركب ركب والما ركب بظروفو
|
سلاااااااااااااامات .........اهلنا ........يطيب معناكم ... كيف عاملين ومشتاقين ... جينا .... مع السلام ... واحتفالات الناس - مش الحكومة - بتوقيع السلام وطى صفحة الحرب ودا وبدون حذلقات و(فلفسة )، كلام كويس وبداية يمكن تكون جديدة للجميع ... ويا جماعة - وشايف ناس لسه منقرطة - بالله فى زول عاقل مممكن لو باى منطق يقول السلام وتوقف (محرقة الحرب ) شى كعب وشين وبطال ... لكن نسوى شنو فى الناس البس عاوزة تكون وجعه يعنى لو الزول منهم ضربتو نزلة يشتم النظام ولو صحى قافلة معاهو يشتم السودان ولو فشل اى فشل ولو شخصى يسقطو طوالى على السياسة والجبهة والشيوعى والحركة والترابى والميرغنى وحركة يونيتا .. وزى ما قال سجيمان .......كرهتونا وانا بقول بالله (فكونا ) قديتونا بمواقفكم الراقصة دى يجى اتفاق سلام تقولو ما كويس وثنائى ...التجمع يفاوض فى القاهرة تقولو دا عقد باطل ، جون قرنق يجى نائب الرئيس تشتمو الزول قبال ما يقول (بسم الله ) فى منصبو الجديد........ على عثمان يخلى منصبو وينزل للدور الارضى تقولو ليه .... شنى الحكاية يا جماعة يعنى اى وضعية ما عاجبه الناس دى ...؟؟؟ طيب اليحصل شنو يعنى كدى كلمونا لانو الظاهر الناس الرافضة السلام دى ناس سيوبر لو جات حكمت البلد الخرطوم تبقى جنة ونحن خلاص يمكن نكون شعب الله المختار ! يا اخوانا باركوها وقالو (النية زاملة سيدا ) وختو الرحمن فى قلبكم واصبروا ويا خبر الليلة بفلوس بكره شنو ....بلاش وملح . .. وخلو الناس تستمع شوية بالسلام الجاى اقلو ياخى الناس الفرقتها الحرب تتلمى مع اهلها كان فى الجنوب ولا الشمال والبلد تاخد نفسها شوية وتنجم وتترتاح ، وزى ما قال بعض الاخوة فى بوستات تانية هى الفرصة هسة قدام الناس كلها و(الحشاش يملا شبكتو ) والما عاوز خلاص (يقطم ) وما ينجه لينا الحدث السعيد دا . بعيدن يا اخوانا شنو قصة الثنائية القدتيونا بيها دى مما من الله خلق السودان دا الثنائية دى شغالة وخشم بيوت فى السياسة وبلا بره السياسة ما الميرغنى الكبير مع الامام عبد الرحمن جرو المرحوم الازهرى (خمسين ) بلقاء السيدين الشهير ونميرى عمل ثنائية مع الشيوعيين لغاية بعد داك ما ختوهو قرض بعد انقلاب هاشم العطا والجبهة عملت ثنائية فى زمن نميرى زاتو مع حزب الامة والشريف حسين الهندى الله يرحمو ضد مايو والشيوعيين نفسهم ، وماشيين بعيد ليه ما هسه د.تيسير محمداحمد عمل ثنائى (النغم ) والبطش والجبروت مع اسياس افورقى فى زول قال بغم والشيوعيين زاتهم هسة ما عاملين ثنائى مع الميرغنى وكلو الناس (اتنين اتنين ) فى اى حتة مالكم ما جطتو بس خلاص لمن قرنق عاوز يعملها مع على عثمان خلاص القيامة قامت يعنى لو هسه كانت ثنائية الحركة الشعبية دى مع اى فصيل تانى كان نصبتو ابو الوطنية وابو النضال وابو الزفت زاتو . يا جماعة دا اتفاق سلام فخلوهو يمشى لى قدام فهو على الاقل حقن الدماء زى ما قلنا بعدين الناس البتعيط وتجعر دى ما افهم من ملايين السودانيين بالداخل من حلفا ولى نمولى ورمبيك الرقصو وغنو للسلام واتكيفو وهسة بيدلعو جون قرنق وبيسموه (عمك ) وفى روح سمحة بين الناس والعامة مش زى ما بيصور لينا بعض المثقفاتية هنا بانو دا اتفاق ثنائى وشمولية جديدة وشركة قابضة وشركة ما عارف شنو ما الاتفاق دا انجز بعلم كل القوى الناس الجنب الحكومة دى خلوها طيب الناس فى التجمع دا جون قرنق مش معاهم ولغاية اخر اجتماع لو هو ما جا ما بيفتتحو جلسة ! طيب العزل السياسى هنا وينو فاذا جون قرنق كان بس مستغل الشيوعيين والاتحاديين وبعدين يفكهم عكس الهواء دى ما مشكلة السلام ولا الاتفاق ولا على عثمان ولا فرحة عيد السلام العاوزين تخلو لينا اعرج لانكم ما حضرتو ما شاركتو . المهم ........الناس (مضت) و دى مرحلة جديدة فطس فيها المشروع الحضارى قام بعاتى نهض فيها مشروع السودان الجديد بقى (كضبة ) كلو عادى المهم فى مرحلة جديدة والركب ركب والما ركب بظرووووووووووووفو
|
|
|
|
|
|
|
العنوان |
الكاتب |
Date |
الركب ركب والما ركب بظروفو | محمد حامد جمعه | 01-11-05, 05:52 AM |
Re: الركب ركب والما ركب بظروفو | إسماعيل وراق | 01-11-05, 05:59 AM |
Re: الركب ركب والما ركب بظروفو | محمد حامد جمعه | 01-11-05, 06:02 AM |
Re: الركب ركب والما ركب بظروفو | إسماعيل وراق | 01-11-05, 06:06 AM |
Re: الركب ركب والما ركب بظروفو | nazar hussien | 01-11-05, 06:20 AM |
Re: الركب ركب والما ركب بظروفو | محمد حامد جمعه | 01-11-05, 06:27 AM |
Re: الركب ركب والما ركب بظروفو | زول ساكت | 01-11-05, 06:09 AM |
Re: الركب ركب والما ركب بظروفو | خال فاطمة | 01-11-05, 06:09 AM |
Re: الركب ركب والما ركب بظروفو | محمد حامد جمعه | 01-11-05, 06:17 AM |
Re: الركب ركب والما ركب بظروفو | زول ساكت | 01-11-05, 06:18 AM |
Re: الركب ركب والما ركب بظروفو | حبيب نورة | 01-11-05, 06:21 AM |
Re: الركب ركب والما ركب بظروفو | محمد حامد جمعه | 01-11-05, 06:23 AM |
Re: الركب ركب والما ركب بظروفو | أبوالريش | 01-11-05, 06:25 AM |
Re: الركب ركب والما ركب بظروفو | محمد حامد جمعه | 01-11-05, 06:30 AM |
Re: الركب ركب والما ركب بظروفو | إسماعيل وراق | 01-11-05, 06:27 AM |
Re: الركب ركب والما ركب بظروفو | محمد حامد جمعه | 01-11-05, 06:32 AM |
Re: الركب ركب والما ركب بظروفو | إسماعيل وراق | 01-11-05, 06:41 AM |
Re: الركب ركب والما ركب بظروفو | محمد حامد جمعه | 01-11-05, 06:43 AM |
Re: الركب ركب والما ركب بظروفو | زول ساكت | 01-11-05, 06:46 AM |
Re: الركب ركب والما ركب بظروفو | إسماعيل وراق | 01-11-05, 06:49 AM |
Re: الركب ركب والما ركب بظروفو | محمد حامد جمعه | 01-11-05, 06:50 AM |
Re: الركب ركب والما ركب بظروفو | Hafiz Bashir | 01-11-05, 06:58 AM |
Re: الركب ركب والما ركب بظروفو | محمد حامد جمعه | 01-11-05, 07:12 AM |
Re: الركب ركب والما ركب بظروفو | lana mahdi | 01-11-05, 07:53 AM |
Re: الركب ركب والما ركب بظروفو | lana mahdi | 01-11-05, 08:03 AM |
Re: الركب ركب والما ركب بظروفو | إسماعيل وراق | 01-11-05, 08:07 AM |
Re: الركب ركب والما ركب بظروفو | WadAker | 01-11-05, 08:20 AM |
Re: الركب ركب والما ركب بظروفو | محمد عبد القادر سليمان | 01-11-05, 09:37 AM |
Re: الركب ركب والما ركب بظروفو | محمد حامد جمعه | 01-12-05, 02:55 AM |
Re: الركب ركب والما ركب بظروفو | محمد عبد القادر سليمان | 01-12-05, 03:47 AM |
Re: الركب ركب والما ركب بظروفو | محمد حامد جمعه | 01-12-05, 03:51 AM |
Re: الركب ركب والما ركب بظروفو | المكاشفي الخضر الطاهر | 01-12-05, 05:45 AM |
Re: الركب ركب والما ركب بظروفو | saif massad ali | 01-12-05, 06:07 AM |
Re: الركب ركب والما ركب بظروفو | محمد حامد جمعه | 01-12-05, 07:30 AM |
Re: الركب ركب والما ركب بظروفو | خال فاطمة | 01-12-05, 07:49 AM |
Re: الركب ركب والما ركب بظروفو | saif massad ali | 01-12-05, 07:55 AM |
Re: الركب ركب والما ركب بظروفو | محمد حامد جمعه | 01-13-05, 04:40 AM |
Re: الركب ركب والما ركب بظروفو | علي محمد علي | 01-13-05, 05:18 AM |
Re: الركب ركب والما ركب بظروفو | محمد حامد جمعه | 01-13-05, 05:22 AM |
|
|
|