نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: العقيـد معمــر القـذافى (Re: عمر الفاروق شيخ الدين)
|
الاخ ابو الريش والاخوة الكرام كل عام وإنتوا بخير
حاخش تخريمة احكى عن رحلة فنية مع محمد وردى قمت بيها لى ليبيا وده كان بدعوة من معمر القذافى للفنانين العرب والموضوع ده كان بخصوص إنو حيكسر السجون ،ومحمد وردى مطلوب منو يغنى اول حاجة اصبح الصبح ولا السجان باق، حقيقة كنت متشوق اشوف هذا الرجل المثير للجدل ، من وصلنا المطار ودخلنا البلد، فى الطريق لقينا البيوت كلها فيها كتابات وبالخط العريض كلها شعارات.نزلونا فى فندق على ما اذكر اسمه باب البحر لقينا فيهو كل المناضلين زى ما بيقولوا يعنى الفندق ما فيهو اى نزيل غير دعاة التحرر شىء من نيكاراجوا والعراق وسوريا ،إتخيلوا فندق بى حاله يمكن اكتر من 15 طابق ما فيهو غير المناضلين بس قاعدين ياكلوا ويشربوا ، وكمان جينا نحن نخوض مع الخائضين. وكان اللقاء الاول فى خطاب جماهيرى وكان بيتكلم من شرفة عالية يمكن نقول الطابق التانى او التالت حيث القى خطابا حماسيا لعن فيها سلسبيل امريكا والحكام العرب ، بعد داك ساقونا للمتحف واللى كان بيت القذافى سابقا عشان يورونا آثار الهجوم الامريكى وأثناء ما لافين لقينا خوذ عسكرية لطيارين امركان وفيها اساميهم قام قال المرشد ديل الطيارين اللى ماتوا فى الهجوم من الامريكان يمكن اكتر من 15 خوذة ،مع إنو الجماعة ديل بس صحوا الصباح ولقوا الامريكان فعلوا ما فعلوا وفاتو ، وفى رحلة من طرابلس لى بنغازى ، وكانت الطائرة خاصة بالفنانين وبعد ما طرنا زى ساعة كدة قام الطيار اعلن إنو حيغير مساره لى مدينة سرت لانو القذافى لاسباب امنية حيكون هناك (يقصد إنو مستهدف من الامريكان)غايتو هيلمانة لمن صدقنا ، وفى تجوالنا داخل المدينة سألنا السواق وكان ليبي عن إنو هل فعلا الراجل ده حيكسر السجون وما حيكون عندكم مسجون سياسى ؟ بعد تردد قام قال، حيطلع الحرامية وحيخلى السياسيين ، طبعا إتردد كتير لانو ناس اللجان الشعبية الليبية اسوأ بكتير من جهاز الامن فى السودان، وطايحين فى الناس يمين شمال . فى فترة وجودنا جاء احمد الميرغنى وكان رئيس الدولة فى زيارة لى ليبيا، إكتشفنا إنو القذافى ما إستقبله قال ايه هو ما رئيس هو مفكر والمفروض يستقبله رئيس الوزراء لانو قال الحكم فى يد الشعب ، دى انا ما فهمتها.
لم تخلوا الرحلة من اشياء طريفة حيث كنا فى رحلة لإحدى المدن الساحلية تبعد حوالى اربع ساعات بالباص طبعا بيوت على يمين وشمال الطريق ، الحيط كلها شعارات وكلها بتبدا بى (لا) لا ديمقراطية بدون لجان شعبية لا ايه مش عارف ايه ، وكان الاخ حمد الرجل الساخر عازف البيز بيقرا الشعارات بى صوت عالى لحد ما إنتهت البيوت ، قمنا قلنا ليهو اها الشعارات كلها إنتهت تانى مافى لا قام قال لا إله إلا الله محمد رسول الله حقيقة كلامى ده كلو يمكن يكون خارج الموضوع بس حاولت اكتب عن إنطباعاتى عن الدولة الليبية
كمان ما حأنسى اجمل كلام قالوه القذافى عن فلسطين وإسرائيل لمن قال سموهو إسراطين وخلصونا من الموضوع ده ،غايتو فى الكلام ده انا معاهو مية مية .
ودمتم
|
|
|
|
|
|
|
العنوان |
الكاتب |
Date |
العقيـد معمــر القـذافى | أبوالريش | 01-02-05, 12:22 PM |
Re: العقيـد معمــر القـذافى | هشام مدنى | 01-02-05, 12:51 PM |
Re: العقيـد معمــر القـذافى | أبوالريش | 01-02-05, 02:19 PM |
Re: العقيـد معمــر القـذافى | هشام مدنى | 01-02-05, 02:38 PM |
Re: العقيـد معمــر القـذافى | mo | 01-02-05, 06:55 PM |
Re: العقيـد معمــر القـذافى | Dia | 01-02-05, 09:33 PM |
Re: العقيـد معمــر القـذافى | هشام مدنى | 01-02-05, 11:02 PM |
Re: العقيـد معمــر القـذافى | newbie | 01-02-05, 11:31 PM |
Re: العقيـد معمــر القـذافى | أبوالريش | 01-02-05, 11:36 PM |
Re: العقيـد معمــر القـذافى | عمر الفاروق شيخ الدين | 01-03-05, 00:02 AM |
Re: العقيـد معمــر القـذافى | ترهاقا | 01-03-05, 01:12 AM |
Re: العقيـد معمــر القـذافى | أبوالريش | 01-03-05, 05:13 AM |
Re: العقيـد معمــر القـذافى | Omer Abdalla | 01-03-05, 09:28 AM |
Re: العقيـد معمــر القـذافى | وليد محمد المبارك | 01-03-05, 09:45 AM |
|
|
|