التحية لعلي عثمان محمد طه..رجل المرحلة والسلام
اليوم ترتفع الهامات تحية للوطن .. وتنحني القامات حبا للوطن ... اليوم ذكرى الابطال الذي صنعوا حاضر السودان في نضال طويل من امد بعيد بعيد وحتى اسماعيل الازهري وصحبه الذين صنعوا الاستقلال ... وفي ذكري اليوم تحية مجد واعزاز للفريق عبود ولستة سنوات من الحكم امتازت بالتنمية وبالبناء وبالتجرد التحية لرجالات اكتوبر ولهامات سامقة في مجد السياسة السودانية والتحية لزروق والمحجوب ويحي الفضلي وغيرهم من جيل الرواد الاوائل .. وتحية مجد واعزاز للمشير نميري ولمايو رغم ما سببته من مشاكل للسودان ولرجال مايو الشرفاء لجعفرمحمد علي بخيت وعمر الحاج موسى والتجاني الحاج موسى وابوالقاسم ابراهيم وعمر احمد الطيب ...وغيرهم ممن تطول الذاكرة بهم وممن ساهموا في دفع عجلة السودان للامام التحية لهذا السوار هذا الذهب للمشير سوار الذهب والتحية للجزولي دفع الله ولقادة الفترة الانتقالية وللحركات النقابية والعمالية والتحية لجيش السودان المدافع ابدا عن ترابه وعن ارضه وعن شعبه وعن تراثه التحية للدكتور الترابي وللسيد الصادق المهدي ولاحمد الميرغني واحمد السيد حمد ولمحمد ابراهيم نقد ولفيليب عبوش وغيرهم من ساسة السودان المختلفين الذين تبادلوا الادوار في ساس يسوس السودان والتحية لاخوتنا في الجنوب رغم الحرب الطويلة ورغم الغبن الذي يعتمل في النفوس ورغم مآسي الحرب التحية لجون قرنق وجوزيف لاقو وابيل لير وسلفاكير ولام اكول وريك مشار ولغيرهم من قادة الجنوب وتحية مجد واعزاز للانقاذ للمشير البشير وللشهيد المشير الزبير ولقادة الانقاد ثورة وفكرة ودولة ..وهم يقودوا السفينة في هذا البحر المتلاطم الامواج .. اليوم تحية لقادة السودان ولرجاله الذين احبننا واختلفنا وكرهنا التحية للشهداء الذين رووا بدمهم شجرة السلام وشجرة الحرية وشجرة السودان الجديد محمود شريف وعلي عبدالفتاح وحاج نورووداعة الله وانس الدلب ومجدي بلدو .............. وسلسة العقد الفريد من شهداء الوطن في كل مدن السودان وبقاعه التحية للشهداء الوزراء والشهداء الضباط والشهداء الجنود والشهداء الطلاب والشهداء الاطباء والمحامين والمهندسين الذين سطروا سلام السودان الحالي منذ صيف العبور في بدايات الانقاذ التحية للدكتورة سعادة الفاتح رائدة العمل النسوي في السودان ولفاطمة احمد ابراهيم رمز نضال المراة السودانية التحية لاهل اليمين والوسط واليسار . وفي يوم العيد وفي يوم التحية وفي يوم السلام التحية لرجل زاهد عابد ... خفيف عند الفزع ثقيل عند الطمع .. لرجل خرج من حنايا اهل السودان البسطاء ومن بيوت اهل السودان البسطاء ومن ضمائر اهل السودان البسطاء ينظر للافق نظرة الواثق المطمئن بشعبه وبشبابه وبامته ظل يفاوض لاكثر من عامين بيقين الواثق بالسلام .. والحريص عليه وعلى السودان واحد موحدا شماله وجنوبه التحية للرجال الذين يكتبون تاريخ السودان الحديث بالدم وبالسهر والحمى وبالايمان التحية لعلي عثمان محمد طه ولوفده المفاوض الذي سطر للسودان ميلادا جديدا يعني انتهاء اطول حروب القارة ويعني وقف مأساة اكثر من 3مليون سوداني مشرد في دول الجوار ويعني وضع حد حاسم لمشكلة الجنوب من الجذور بخياري الوحدة والانفصال دون تفريط بثوابت الامة ووضع حد لازمة الصراع على كرسي السلطة المهترئة في السودان وذلك ببروتوكولات نيفاشا وبداية تنزيلها فعلا على ارض الواقع من بداية هذا اليوم الاول من الفاتح من 2005م وليتفرغ السودان لمرحلة البناء والتعمير ...

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]