|
|
 دعوها .. فإنها مأمورة
|
زوجتي الجميلة
عندما قدمت الي هذه البلاد لم يكن في نيتي ان التقيكـ و لم اكن احلم حتي ان افعل .. كانت بوصلتي مشحوذه بإتجاة هجرة
خلتها ستطول و قد حدث .. لكن .. التقينا و سبحنا نحو جبل يعصمنا من الماء .. نجحنا في كثير و فشلنا في كثير ..
انجبنا وغدان جميلان و مزعجان قليلا
لقاء
السن: عام و 7 اشهر
المهنة: طفلة
خالد
السن: شهران
المهنة: طفل حديث الولاده
إذن اصبحت انت يا(صديقي) آخر البلاد التي حججت اليها و آخر غزواتي المباركات التي بعدها نكست اعلامي و سرحت
جيوشي و تبرعت بخيلي للمجهود الحربي و نصحت جنودي بالهجرة الي الخليج .
الان وانت ترتبين حياتنا جميعا في تصميم و جسارة .. اعلن لكـ
-اني لازلت احبكـ
-إنكـ عندي اغلي الكائنات
يتبع
|
|
 
|
|
|
|
|
|
|
|
Re: دعوها .. فإنها مأمورة (Re: Mustafa Mahmoud)
|
Quote: لقاء
السن: عام و 7 اشهر
المهنة: طفلة
خالد
السن: شهران
المهنة: طفل حديث الولاده
|
 والهواية لخالد رضع البزة، والأكلة المفضلة اللبن
وتحياتي لك ولزوجتك وطفليكما، وأمنياتنا لكم بدوام السعادة والهناء
| |
|
|
|
|
|
|
|
|
|
Re: دعوها .. فإنها مأمورة (Re: النذير حجازي)
|
سلامات يا دكتور
شكرا علي الورود و الامنيات و لكـ مثلها يا صديق
النذير حجازي
لووول والله يادوب انتبهت انا كاتب شنو
ياخي الكتابه دي زي الرصاصة تأثيرها بنشوفو متأخر
مودتي يا احباب
| |
|
|
|
|
|
|
|
|
|
Re: دعوها .. فإنها مأمورة (Re: خدر)
|
| Quote: نحو جبل يعصمنا من الماء |
| Quote: آخر البلاد التي حججت اليها |
| Quote: آخر غزواتي المباركات |
Quote: سرحت
جيوشي و تبرعت بخيلي للمجهود الحربي |
سلام يا خدر يا صاحبي
قلتا النهظر معاك شويه!!!!
الايام دي قاعد اقرا كتاب اسموGreat speeches ، الكتاب بياخد مقتطفات من خطابات الرؤساء و بحلل طريقة تفكيرم و نتائج حكمهم في القرن العشرين انا قلتا اعمل معاك كده 
حقيقي والله كلام جميل ومنسق و ربنا يسعدك اكتر مع اسرتك
| |
|
|
|
|
|
|
|
|
|
Re: دعوها .. فإنها مأمورة (Re: saif basheer)
|
لا يعنى مسافة تكتب البوست ده ..
مش كان ممكن تغير ليك كم "دايبر" كده ..وتجهز ليك كم بزة...؟؟
ولا "دورك هو أن توفر لهم الحياة الكريمة" ؟؟؟
ههههههههه
مشتاقين يا خدورى وبارعة والصديقة لقاء ...خالد ده لسه ما بنعرفو ..
لكم تحياتنا جميعا ...من "نادى المراهيق"...والعقبال عندكم قريبا.
| |
|
|
|
|
|
|
|
|
|
Re: دعوها .. فإنها مأمورة (Re: Tumadir)
|
Quote: لا يعنى مسافة تكتب البوست ده ..
مش كان ممكن تغير ليك كم "دايبر" كده ..وتجهز ليك كم بزة...؟؟
ولا "دورك هو أن توفر لهم الحياة الكريمة" ؟؟؟
ههههههههه
مشتاقين يا خدورى وبارعة والصديقة لقاء ...خالد ده لسه ما بنعرفو ..
لكم تحياتنا جميعا ...من "نادىالمراهيق "...والعقبال عندكم قريبا. |
ههههههههههههههه بالغتى عديييل فى النادى
تماضر العسل سلامات
سمعتى الغنية دى!!
شفتى عليك الله جنس الشتارة دى
الغنية كلها فراق
صحبك متجرس
من قعدتنا مع ماما
وتوفير الحياة الكريمة:
بالمناسبة.........
خالد دة طيب خلاص
وبيخش فى الناس بي سرعة :
| |
|
|
|
|
|
|
|
|
|
Re: دعوها .. فإنها مأمورة (Re: حيدر حسن ميرغني)
|
جني و حيدر
ولكم من تلكـ الامنيات مثلها و عرفاني
النساء (وفق نظرية النصف الممتلي من الكوب) يشربن من كلماتنا هذه
بعيدا عن التمثيل الضوئي و الملح الحافظ لورود ذابلة
هكذا الحياة بخيرها
الله لا ورانا شرها 
| |
|
|
|
|
|
|
|
|
|
Re: دعوها .. فإنها مأمورة (Re: خدر)
|
خدر , بارعة , لقاء , حتي خالد
كلام في السر ؟!!
(بكيت علي مرحلتين , دمعات نزلن غصب وقلبي تجاوز نبضه الطبيعي)
كلام في الجهر
منك
من كلماتك
النفس الروحي الطالع من بارعة
روح الوغدين !!!
من كل ذلك شعرت بشيئين
1.
إني احب زوجتي وأوغادي الثلاث
الإسم : بهجة
العمر : سنوات لقاءنا
المهنة :حبنا
الإسم : معمر
العمر: 9سنوات وحب
المهنة: طالب ـ الهواية الشعور بالمسئولية مبكراً
الإسم عمر
العمر:5سنوات
المهنة: نهائي روضة ـ الهواية : مغالطتي !!!
الإسم : مستهدي
العمر: 10شهور(حلم إنو الارض مسجونة في موية وكل الناس مراكبية)
المهنة : طفل ـالهواية المشي
2.
كل من قرا هذا البوست او سمع به احب زوجته شوية زيادة
باااااااااااالغتها !!!!
| |
|
|
|
|
|
|
|
|
|
Re: دعوها .. فإنها مأمورة (Re: خدر)
|
دا بوست أجمل من جميل ....
نجلاء سيد أحمد الشيخ
العمر : مختلفين في تحديده
المهنة : بث المستطاع من الوعي وخصوصا في وسط النساء
البنات والابناء :-
الاسم : لارا
( أسماها صديقنا عماد الامين )
لارا محاولة لبدء الغائب الاتي
وشمسا قد انجبتك رفيقة تهوي مغازلة الدروب
العمر : تسعة سنوات
المهنة : طالبة
الهواية : تذكيري الدائم بأن النظام بالمنزل مهم من حيث وضع الاشياء في مكانها
الاسم : يارا
( أسماها صديقنا محمد عايس )
يارا الجدائلها شقر
فيهن بيتمرجح عمر
( طبعا شعرها عادي جدا بس طويل شوية بفعل شرب اللبن والغسيل مرة في الاسبوع وبي رشوة كمان )
العمر : ستة سنوات
المهنة : طالبة بجامعة الروضة كما تسميها
الهواية : لها هوايتان الاولي طلب التاكيد الدائم مني علي انها الاجمل في الكرة الارضية والهواية الثانية العمل بكل جهد لفض اي ونسة بيني وامها
الاسم : أمين بشري
( أسميتها أنا لكي يطلع علي أمين بشري صديقي .. يأكل النار ويعز اصدقاءه )
العمر : شافع ساكت
الهواية : له هوايتان الاولي اصدار ازعاج متواصل اناء الليل واطراف النهار والهواية الثانية البحث باكرا عما تبقي من ونسات معز معنا ....
هوايتهم جميعا : الازعاج كقاسم مشترك وفيض من الاسئلة المتواصلة ......
ما ببقي اسمه القمر
لو ما الهلال اكتمل
من اجلهم نحتمل
ما ليس بالمحتمل
| |
|
|
|
|
|
|
|
|
|
Re: دعوها .. فإنها مأمورة (Re: خدر)
|
| Quote: الان وانت ترتبين حياتنا جميعا في تصميم و جسارة .. |
مرة تُحسد عليها بصراحة...
لطالما تمنيت امراة ترتب لي جوطة دنياي..
هواك خليجي ياخدر من زمان بس انتا ماك عارف..
حبابكم قواسيب قواسيب
| |
|
|
|
|
|
|
|
|
|
Re: دعوها .. فإنها مأمورة (Re: DKEEN)
|
بخاري الامين
احمد موسي
ياسلام ياسلام عليكم .. شكرا علي شجاعتكم في الحب علي الملاء
خلونا نخلي البوست ده منبر لتحية الزوجات و الاخوات و الامهات
البديروا في الجياة دي بي صبر و حكمة و شجاعة
بعض من إعترافنا بالجميل و رساله لهن اننا نري و نسمع و نقدر
واصلوا يا فنانيين
عليكم الله عاينو مرتي دي انا اخت صورتها الصباح تجي تسحبها بالليل
دي مرة ولا بوليس دي ؟
_______
حكمة اليوم : لاتنسي تسجيل الخروج من المنبر حتي وانت في بيتكـ
| |
|
|
|
|
|
|
|
|
|
Re: دعوها .. فإنها مأمورة (Re: خدر)
|
أصلو كان ما سافروا و خلوكم عزابة ما بتعرفوا قيمتهم
عافي منك يا بارعة
و يا خدر إتجرس يا زول
دي الحتة الوحيدة الجرسة الرجال فيها سمحة
| |
|
|
|
|
|
|
|
|
|
Re: دعوها .. فإنها مأمورة (Re: samo)
|
شوشتا سلامات
اخوكـ بكل فخر ابولقاء
خالد كمان عِرفة من متين ؟
دكوني
تعرف يا حبيب زمان كده في نص التسعينات غامرت و مشيت السعودية
غايتو مرقنا منها بي كرامة البليله
ياخي انا قاعد شهرين لم اشاهد من النساء ألآ كعوب اقدام تتجول في السوق
و ياما تخيلت نساء من كعوبهن
ياخي السعودية دي اهم شي فيها موش البترول .. نسأءها يارجل
باقي الخليج لا إعتراض عليه و جندي سعيد هناكـ الان
دكين .. انت قواسيب دي يعني شنو ؟
فادلا
عندنا صديقنا بقول المابخاف من مرتو ماراجل
يبدو انكـ من حزبو
تحياتي لـ مدينة
سامو
والله لو تعرف انت اسه اسرتني كيف ؟
ياخي انا من الليله صاحبكـ في المحبة
ولكـ مني مالي لاخوتي
| |
|
|
|
|
|
|
| |
خدر
Mustafa Mahmoud
النذير حجازي
بارعة
jini
حيدر حسن ميرغني
saif basheer
Tumadir
Ahmed musa
الطاهر ساتي
Emad Abdulla
bukhary el amin
fadlabi
samo
الصادق صديق سلمان
محمد البشرى الخضر
Osman Musa
ترهاقا
فيس بوك
تويتر
انستقرام
يوتيوب
بنتيريست