|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: عاطف خيري و امستردام , قصة جميلة ( فيديو . صور ) (Re: محمد سنى دفع الله)
|
السني يا فنان
فعلا ما كان في اجمل من كدة
عاطف قراء شعر حتي كلت الايادي من التصفيق
وغني حتي تمايلت الجميلات و رقص منعمشوف التانقو 
وكان وراء نجاح الحفل عدد كبير من الفنانيين وجب ذكرهم
الاستاذ محمد عبدالحميد
الاستاذ طارق مختار
الاستاذ اُبي خليفة
الاستاذ عمر جابر
الاستاذ عبدالعزيز خطاب
الاستاذ خالد الطاهر (بشكة)
وآخرين جملوا ليلتنا
| |
 
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خدر)
|
ما تنفعك .... كسرت رقبتي و رقبة الشفع و بعلتنا و اى شئ عشان اقدر اجى .... انا الككو الفجخ الطينة معقول تلفق!!!
شايل هم الحندكة في التلفون....
ما تضرب لى عماد ... بيعذبك بس ... تقعد تحاول وتحاول و هو يقفلو مرة يعملو مشغول مرة ... و يضحك عليك ...
بعدين يا صحاب
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: esam gabralla)
|
ود التوم
حِزم الجمال دي صعب تلاقيهن مع بعض
خلي حلقي يجف من شِعر عاطف
و ارجع ابلو بي صوتكـ
فاتتكـ لكن والله يا عماد
( دي مكاواه طبعاَ)
ودجبرالله الككو
اتوقعتكـ ما تجي موش عشان انت ككو
عشان الكورة القايم فيها علي كُبر دي
اسه يكاووكـ بي شنو ولا شنو !!
قاسمم. صالح حسب نظريتكـ بتاعت الككو و الطينه
طلع ككو برضو بالمناسبة
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خدر)
|
الاخ خدر
Quote: وكان وراء نجاح الحفل عدد كبير من الفنانيين وجب ذكرهم
الاستاذ محمد عبدالحميد
الاستاذ طارق مختار
الاستاذ اُبي خليفة
الاستاذ عمر جابر
الاستاذ عبدالعزيز خطاب
الاستاذ خالد الطاهر (بشكة) |
طوالى برامجكم بنجحوها الرجال.!!!!!!!!!!!!!!
وشوفوا تانى كان مره واحده تجيكم يا تقدميين يا اشاعه
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: Osman Musa)
|
الجمال ينداح من وفي عاطف
مرحب بعاطف فى هولندا
وكم كانت جميله تلك الإطلاله
إستمعنا لدواخل عاطف وهى تنطلق شعراً
كان هو ذلك الود المشاغب منذ أيامنا بداخلية (الجزولي) معهد الموصيبه والمقلب(ياعلمات أختنا حنان النيل).
وكل من فاته ذلك الجمال فليناشد الأخ الفنان منعمشوف لكي يشركه فى المشاهدة والإستماع بما وثقه بالصوره والصوت.
إجتمعنا كرفاق ودفعه ومعجبين للأخ الفنان عاطف وكان حضوراً بهياً الود الأنيق إبراهيم حموده( يالكبرتي معاي وصرتي.. ماليه كل الصوره إنت) قائد منصة الحفل .. وخدر البهي كعادته يتغني ويشدو ويصدح ويطرب..
الصادق شيخ الدين هذا الرائع.. تروس..عمر دفع الله .. براكه.. وعمر جابر وكل الحضور كان فناناً..
حباً عمقاً ياعاطف
وكل الأمنيات
عزيز خطاب
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: عزيز)
|
عثمان موسي
ياخي ولدنا والله دخل دخول الفاتحين
امطرنا شعراَ و خيال مُهيب
الله يديهو العافيه و يخليهو لينا و ليكم
انت يا عزيز ما بشكروكـ طبعا لانكـ سيد بيت
و جزء من الكرنفال
ارسم معاي بي قلمكـ ما حدث
في الطريق اجزاء اخري من الاحتفاء بعاطف فيديو و اوديو
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خالد عويس)
|
والله ياخدر
جنس حندكه
انت عارف المواصلات كان مابتقيف بعد عشرة في امريكا دي كان ركبت القطر الجابك انت واتكسر حته حته داك فاكرو
والله الحق انا مشتاقكم بشكل
منعم شوف الشعر اتحت زي صفق الشجر قبل الخريف مايطل
خدر
كسرت سنونك ياداب والله بختك
عماد براكة
اهديك العطر الجاب الناس لينا ماجابك
محمد تروس الممثل الفذ تحياتي واشواقي ليك ياراجل ياخ
وسلام كتر ليكم
محبه وريد يالله
عليشكم الزمان
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: عبدالله وداعه الامين)
|
مرقت على المطر حفيان
لقيتك والرزاز مدخل
وناديتك اقيفي معاي نشيل كتف الغناء الميل
ونتخيل حلم دونك بيتحقق
وقبلك خيل دمائي واقفة على شرياني تتشهق
*********
انعل ابو الكسل زاتو
والله يا خدر الشهادة لله نحن حاسدنكم وحاقدين عليكم
في واحد قالوا ليك سال ليه واحد مغترب في السعودية قال ليه شغال وين في السعودية المغترب قال ليه
في سفارة دولة الامارات فرد قال ليه هلا هلا يعني عجوة معطونة فوق عسل.
هولندا فيهامبدعين نحن بنحسد هولندالوجود الناس ديل فيها كمان تضيفوا ليهم عاطف خيري
تحياتي
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: محمد الشيخ أرباب)
|
والله يا شباب لسه مشتبكين مع السيرفا في عراكـ حامي الوطيس
عشان نرفع الفيديو
عمكـ يوتيوب قال لينا (كان ليكم)
فيصل نوبي طنشنا
تمبس اصلا محمبكـ و بشاكلكـ لو قلت ليهو سلامات
طيب نتونس بالصور لحدي ما نلقي سيرفا ندخل عليها
(1)
(2)
سؤال الحلقة
حدد الاختلافات بين الصورة واحد و اتنين ؟
_
حُجبت الجائزة  ؟
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خدر)
|
خدر ؟؟
كل ما اسمع اسم عاطف خيرى دا بتخيلو حلبى ،، شعروو نااااعم ،، وعندو جضوم !!
ما عارفة لييه ؟؟
هسه الزول الفى الصور دا ما وقع لى كلو كلو !
ــــــــــــــــ
اكون كنت ملخبتاهو بى زول اسمو عاطف حلمى ؟؟؟؟؟؟؟
طبعا وانت ما صدقت غنيت ؟ فى الفيديو حاول اتفادى لينا الحته دى بالله لو حصلت ..
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: محمد الشيخ أرباب)
|
عبدالله وداعة
سلامات يا راجل
المشكلة كانت انو الجزء الاول كبير
تأبين و افتتاح نهر الشعر
يوتيوب رفض يقبل لانو زمن الفلم كبير
لكن كتر خيرو عمكـ قوقول .. إنستر معانا
شكرا لي نصحكـ يا فنان
يا الارباب
سلامات ياخي و شكراَ نيابه عن عاطف و الاصدقاء
و مرحب بيكـ بيناتنا ياخي في اي وكت
نحن لاقينكم ويين !!
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خدر)
|
أسئلة مخيرة ؟؟
الولد الشين الفي الصورة الأولى
اي الطفل ده ولد منو ؟؟
الشينين العندهم صلع لي الحلة الفوق في بلدكم ديل منو ؟؟
ومنو الصورهم ؟؟
براكا زول وهم وخيالي لكن رقصتو مع ترويس القيافة تجنن؟؟
ليه ما حركت لينا الصورة وجبتها فيديو ؟؟
الولد القيافة الصادق عيني باردة وهو عاطف اقيف مافي الحفلة
اقوليك
حفلتكم بايخة جنس بوخ
ـــــــــــــــــــــــــــ
شوق يالجنبة لي تروس
وبراكا تحت تحت
وبجيك للباقين لو رديت
منعم شوف بقى منعم ....جلكين
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: عصام علي أحمد)
|
روزمين
نحنا البحرق لينا الحلة بنرميهو بفلذات اكبادنا
ده عمكـ (رؤوف مُسعد) الروائي المصري السوداني
صاحب (بيضة النعامة) و (دموع التماسيح) و الكثير
من روايات المسكوت عنه في الثقافه العربية
يا عصام
مالكـ خالعني ياخ ..
جايب لي ياسر عرمان و فيصل الباقر و بيجو مع بعض ؟
الفيديو فوق يا فنان
اتصلح معانا و ركز شوية ياخ
و اراهنكـ حا تستمتع جدا بالشِعر
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خدر)
|
العزيز خدر شكرا شكرا على الفيديو .. وكيف لا نعشق جمالكم انتم ايها المبدعون فبكم تذوب مرارات الحياة وقسوة الزمن... لكم الود الكثيف ( نقطة سطر جديد)
يا خدر والله لو شفت صلعت همزة احمد هارون مبالغة والله انت ارحم انا كنت في السودان قبل فترة و يوميا بقابلو جاهرني بى نور الصلعة الاجازة كلها...
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: ابو طويلة)
|
Quote: الناس ديل انا شفتهم وين??
/مبالغه/ صلع / وجضوم /وشيب/ وكروش/ ودبل كروش |
سمية ام البنات
والله اتذكرناكم كلكم و ضحكنا و بكينا
و اتونسنا بيكم و بي ايامكم الجميلة
حليل معهد المزيكة يا سمية
سؤال
تتزكري القاعد جنب عاطف ده منو ؟
يا بهاء
صلعة حمزة دي قديمة ياخ من زمن محمد ناوا
و عبدالواحد كانو في المتوسطة
سلم عليهو كتير عليكـ الله لو لاقيتو قريب
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خدر)
|
صور من الاحتفالية بعدسة الفنان Obai - khalifa
عاطف يُغني
زميل المنبر عيسي و الاستاذ محمد ع.الحميد
الصديق المسرحي العراقي (صالح) يستنط لغناء عاطف
الزميل طارق ابوعبيدة يبكي و يُغني (كيف لا اعشق جمالكـ)
الصادق زكريا .. تركيز شديد مع الشعر
عاطف خيري زووم إن - منعمشوف زووم أوت
الاستاذ محمد عبدالحميد و كريمته داليا يتوسطهم الروائي رؤوف مُسعد
في الخلف الممثل محمد عمر تروس و صديقه حيدر و خلفهما الاستاذ عمر الاسد
و الجميع في حالة استماع و استمتاع بعاطف
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: Tumadir)
|
Quote: الله كريم الله كريم الله كريم ....
تحياتى ومحبتى ( قاليك ونزلت دمعة طوييييلة على جضمها الأيسر) |
يا تمادر
جضمها الايسر ده اصلو طولو كم متر ؟؟
ده من الناحيه دي
اها من الناحيه التايه
بركة الشفناكـ اولاين تاني و إمشاء الله الهموم إنزاجن
و مباركـ للوليدات النجاح و اللابطوب كمان مقدما
__
تمادر اسمعي قصيدة (تشجيع القرويات) .. خطيرة جد جد
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خدر)
|
Quote: خدر ؟؟
كل ما اسمع اسم عاطف خيرى دا بتخيلو حلبى ،، شعروو نااااعم ،، وعندو جضوم !!
|
شرحو يا دينا ! إتخيلى !!
الزول دا يا خدر كان مفروض أشوفو وأعرفو فى النصف الاول من التسيعينات فى إلقاء شعرى جمع
ود الرضى( السغير) وازهرى محمد على وعاطف خيرى .. إعتذر سعادتو وكان قاعد جوه الصفوف
فى مكتبة البشير الريح (قالو عندو نزله ) المهم قدر ما إتلفت ما قدرت اعرفه ، ومن إسمو
قايلو حلبى (لو داير تقول لى عنصرى قولا لدينا اول ) هى الجابت الهبايب دى !!
أنا احب عاطف خيرى جدا جدا ، وإن عترتا فى فى تلفون قول لو واحد بلدياتك هامشى جدا بحبك
اوى ..
أنا مستمتع حدود الاممييه فى هذا البوست ولا نامت اعين الككوهات !!
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: فارس موسى)
|
فارس يا مُختفي
دينا دي خليها ,, اليومين ديل ما براها شايفها
ما بعرفها مالها .. الله يهديها بس
شفت يا صاحب اليد دي ؟؟
اسه دي في ذمتكـ دي يد زول بعمل حركات فنانين
عاطف بالمناسبة يا فارس من الفنانيين الواضحين جدا
العاوز يقولو او يعملو ما بتردد اصلو انو يقولو
وكلامي ده كلام عِرفه و زماله دراسه لسنين طويله
و يا فارس ياريتكـ كنت معانا زي ماقال عثمان البشري
| Quote: (لو داير تقول لى عنصرى قولا لدينا اول ) هى الجابت الهبايب دى !! |
اركز يا مهمش و قول بسم الله انا طارق ما تراجي
و لسه بنفرح بي جيتكـ يا فارس زي ما بتقول تمادر
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: عصام علي أحمد)
|
معتصم سلامات يا فنان
Quote: سؤال جانبي ,,,,,,,, الصلع عرفناها ( الشنبات ) مشت وين
الكلام ما ليك للناس الحوليك |
| Quote: حدد يا زول يا جمام... انت قاصد منو؟ |
حدد يا معتصم
اديكـ خيارات ؟
عصام علي احمد
لا عليكـ يا صاحب
خطاء وارد الحدوث
كيفكـ انت ؟؟
يمكن مراجعة الفيديوهات الان جميعها تعمل
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: خدر)
|
كل الجمال
***
إفترضتك لون أساسى
يمنح اللوحة إزدواجية القراية
ويفتح الضو
بين خطوط الريشة ..
والخط الإضافى .. الجايى
من شبكية الزول البشاهد
وإكتشفنا الرسمك وأنا
وبرضو التوارد فى الخواطر
ونفس أرقام التذاكر
البيها سافرنا وشهدنا
إنفجارك فى الأرض
يا سمرا يا واضحة
***
والله ياطارق كان عماد غير الجزء الثالث باقي الفيديو يسمني فوقو
ده بتفتحوا كبف ده
ثقفونا شوية معاكم
| |
|
|
|
|
|
|
|
|
|
Re: عاطف خيري و امستردام , قصة جميلة ( فيديو . صور ) (Re: Ibrahim Algrefwi)
|
سامي الزبير
الفيديوهات شغالة كلها اسه
نزلت منها اربعة اجزاء
الجزء الاول تأبين العملاق عثمان حسين
و 4 اجزاء من الشعر و عاطف خيري
لسه عندنا اجزاء اخري من الشعر و الموسيقي
تابعنا و فالكـ بخير
ما تتضاري ورى الدعوات
وما تتلبسي فرح الفات
يسكن فيك النغم الزايف
ويسرق حاسة شوفنا الواقفة
على رجلين جوانا
ونحن الهاويه والمطامن من الأرض
آه من نحلك ساعة يرحل
ولمن يكتب فينا الحنضل
ويختم عمره بفعل الشهد
ما تتضارا يا جريفاوي
| |
|
|
|
|
|
|
| |
خدر
محمد سنى دفع الله
abdulhalim altilib
Tagelsir Elmelik
ابو طويلة
Emad Abdulla
Halema2
ibrahim kojan
حسين محي الدين
Osman Musa
عزيز
Abu Mariam
Mohamed Ahmaed Olyesh
imad braka
محمد الشيخ أرباب
دينا خالد
)
rosemen osman
mahdy alamin
عصام علي أحمد
somia gassim
Tumadir
فارس موسى
عصام ابو القاسم
معتصم ود الجمام
Ibrahim Algrefwi
منعمشوف
عصام عبد الحفيظ
فيس بوك
تويتر
انستقرام
يوتيوب
بنتيريست