|
Re: هلموا ابيعكم روحي (Re: خدر)
|
Quote: الحب طاقة نملكها جميعا .. من خرج مِنا عن جَادة الحب قومناه و إن ارعوي قبلنا منه ذاكـ فافتحوا النوافذ للحب يا اصدقاء بحق ذكري الحاج عبدالحميد يوسف , رطبوا حياتنا و لهاتنا بالحب عندها فقط , لن تنقد الرهيفة.
|
طارق ياخ تسلم جعلت ايامنا التعيسة جميلة بمقدرتك علي الاسعاد رحم الله الحاج عبد الحميد
خدر كن كما ينبغي وادينا من ابداعك نكون مديونين كدة طوالي ليك
التسجيل سريع وما واضح شوية
__ الواقع فيه السخف لا تلتفت اليه انت اكبر من ذلك بكثير كن بخير يا حبيب
| |
![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: GamarBoBa)
|
قمرنا يا فنان الواقع فيهو زيف و برضو فيهو حب , فيهو تشابكـ علاقات و مصالح و فيهو خوه في الله يازول ابشر بالخير , غني و افرح و بيع روحكـ للحب و الزارعا الله بتقوم التسجيل كويس ياخي بطل الاشاعات
![](http://www.sudaneseonline.com/uploadpic/jan09upload/man1a1.jpg) روز مبروكـ .. ده خبر حلو وسط العتمه دي
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: خدر)
|
يا سلااام يا طارق يا فنان
اذكرينى يا حمامة كلما هطلت غمامة و اغنية كانت فى يوم من الايام جواز المرور للدخول للاذاعة للقادمين الجدد من الفنانين..
الرحمة و المغفرة للراحل عبد الحميد يوسف و الذى احدث نقلة كبيرة فى الاغنية السودانية باغنيته الشهيرة التى كتبها حميد ابو عشر غضبك جميل زى بسمتك..
شكرا للتطريب الجميل...
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Rihab Khalifa)
|
محمد عثمان حميدة ابوعشر كان صديق عمر للحاج عبدالحميد و اهداه اجمل اغنياته اذكريني يا حمامة اتت في فترة لاحقه بعد ان تم التعارف الشهير بين عتيق و المُحدث و المُجدد عبدالحميد يوسف شكرا كتير علي التنوير و المرور يا محمد
![](http://images.easyart.com/i/prints/rw/lg/6/0/Derek-Hare-Blue-Upon-Blue-60547.jpg)
الله يجبر بخاطركـ يا رحاب و شكر كتير
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: mamkouna)
|
إشترينــــــــــــــا يا زول ... بكل حواس السمع .... ( والمطًيق ) ... عارفكـ بتعرف الزول بتمطَق الحاجات كيف .... عارف يا خدر حبوباتنا الكبار لامن يجوا يسلموا على أطفال أولادهم الطولو ما شافوهم , بعد ما يشبعوهم بوس وأحضان .. بشموهم شديييييييييد .... أها يا زول ريحة عبد الحميد يوسف دي أنا شميته بي نفس الصورة .. عشان كده بنقول ليكـ ما تطول الغيبة وتخلي النمتي ده (ينوني ) في إضنينا ...
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: عمران حسن صالح)
|
ايووويويووووي
جد لينا يا يمه
صاحبنا "المدعو" بقي رباطى الحمدلله الواحد ما غلط عليك .... كان لحقتنا امات طه
يا صاحب ايا كان ما حدث ... لا تبتئس و لا تدعهم يعكرون صفو مزاجك و لا صحو روحك
حبو غنو الدنيا ما زالت نديه اهزمهم بالحب و الفرح
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: esam gabralla)
|
تعرف يا صاحب في واحد من ناس مدنى من دردق كان بالنهار شغال بناء و بالليل فنان بعرفوهو ناس مدنى كويس, يشاع انه ما بحتاج سلم و سقالات , كلو بيعملو و هو واقف فوق واطة الله دى , طول و عرض. الناس بيقولو لو عاوز حفلتك ما تتفرتق جيب الزول ده , بتاعين فرتيق الحفلات من يشوفوهو بيتخارجو يفتشو حفلة تانية يشلعوها , و لو في زول غلط او ما عارفو و جا جاط في الحفلة الفنان زاتو بجيهو بي نفسو ... الزول صوتو ما كان سمح لكن عندو الميزات التانية دى ... عدادو كان رامى
اها انت غناى و عزاف و حاجات تانية كمان عدادك يا ماااان .... ما تنسانا بالله
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Yassir Tayfour)
|
ياسر و حنون ما تشوفو شر و تفرحو قدر ما تقدرو
![](https://w2.eff.org/Privacy/printers/img/xerox_doc12_test07_blue_bkgd.jpg)
ودالطالب بختنا بالغنا المرقكـ من بوستات الشربكة و جابكـ لينا ![](http://www.sudaneseonline.com/db/attention/100_Balloons.gif)
ريهان عليكـ الله عصام ده مزاجو رايق الليلة ما تهيجيهو لينا
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: esam gabralla)
|
عصوم ما تخاف علي اخوكـ , وإن هم باعوا فلن نبيع اخلاقنا او اروحنا سنظل كما اتفقنا , نحارب الاخرين بالحب و حبو غنو الدنيا مازالت نديه
Quote: ايووويويووووي
جد لينا يا يمه
صاحبنا "المدعو" بقي رباطى الحمدلله الواحد ما غلط عليك .... كان لحقتنا امات طه |
ذكرتني صاحبنا داكـ .. تتذكر !! بعد ما الشباب نام و قعدنا نتونس !! لمن قلت ليهو (اها عاوز تشاكلني؟) رد علي بي تصميم معاهو صرة عين و كحلة مع بعض و قال لي (أأأأأي) ![](http://www.sudaneseonline.com/db/attention/100_Balloons.gif) ![](http://www.sudaneseonline.com/db/attention/100_Balloons.gif)
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: خدر)
|
يا ود يا أُسطى .. ياخي ينعدلن أيامك و مزاجاتك بحق هذا الليل اللايووق و حار و على العليهو : خميس . يعدل مزاجك يا طارق ياخي .. بالجد مرقتني من أمراً ضيّق .
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Emad Abdulla)
|
لا إله إلا الله .
شوف يا مواطن يا ابن خالتي .. إنت فيك شي لله أو يمكن شي من شيطان و العياذ بالله . كلما قفلت معاي و ( زادَ وجدي ) و بحري طمح .. أجي ألقاك كابي شي يروق هذه العكرة . فينالك مني صالح الدعاء قدر ما أسمع و أقرا . ما علينا .. الشاهد إنو في ناس كتار بيغنو.. و بيغنو كويس ما بطال , و حافظين كمان .. لكن الروح وينها ؟؟ ببببح . ( أخونا عوض دوكة عزّاف و عوّاد بديع , بيشيل العود و يحوم من سوق الديم و إنت طالع أو نازل .. وين ما كانت قعدة ظييييطك بينقلج و يديها حقها .. و في أيٍ من تلك القعدات : الله قال بي قول المغني الأطرق أو الأشتر أو أب صوتاً فارق أو الماحافظ أو الما عندو نَفَس أو الما بيغمض عيونو في الغنا أو البيلغوس الغنا بالمنكهات الصناعية المارقين فيها شفع الزمن ده . طوالي عوض دوكة يطبق عودو و يوريهم عرض اكتافو و معاها شتيمة شتيمتين ) . أها أنت يا صاحبي فشغلك بديع .. عشان كده بتحب الغنا البِكري , القطفة الأولى .. أبوسُكسٍك . و لا تجغمه جغمة الداير يخلص . لكنك - أظنك - أول التبادي قاعد تتمزمز الغنا و تتلمظ طعمو و نكهتو في لهاة الروح .. فنتكيف نحنا و نقعد في المجرى اليمين .. و تدور علينا الطعوم و يتنقل لينا الإحساس , ياخي فنطرب و نتجمل و نحب الله و مخاليقو و بدايع صنعتو ياخ . الغنا دوا .. قليله يشفي . قليله أب روح . و يسألني الله أنك تتخير ذلك بمزاج العارفين . فتكوينا ياخي في صنقور قلبنا العيان بالسقم و المحازن و الهموم ( و قد قيل آخر العلاج الكي ) .. نتشوشو و نستعدل و لا ينوسر بنا الجرح .
دحين أنا داير أشمك ياخ ( إذ يتعذر شم عمنا عبدالحميد حالياً ) و الشكر لعمران و ذاكرتو السمحة القديمة الطرتنا بالشم ..و القَلدَة . ياخي نقالدك و نشمك في بت أم روحك السمحة دي البتمرقا في الغنا و الغنا يمرقا فينا راحة و سلام و برااااااااااااااحه . ( شوف يا خينا .. الكلام الفات فيهو ريحة رمسنة كده و عبرات عبرات .. ما تشغل بالك , الدنيا خميس و جلدة الروح بتبقى رقييييييقة ..الله لا كسبها ) . المهم , الداير أقولو .. إنك يا ود الناس قاعد تجملنا و حق المحبة و خوّتك يا خدر . تجملنا كلما ألقيت لنا بسائغات الغنا الغليد فتلقفناها و زال الظمأ و ابتلت العروق . و غناك و كتابتك و ونستك طعمهم واحد ( ما طالبك أي تعليق يا عصام .. غادي غادي بالله ) . فيا أيهذا الخدر .. لو ما سويت شي في دنيتك دي غير هذا الجمال التوزعو .. ( بالإضافد للقاء و خالد و الباقيات الصالحات ) لكفاك ذاك عملاً تقابل بيهو الله يوم الموقف العظيم و راسك فوق : أنا خدر الشهير بود التوم , من نواحي مبيريكة - و لا تذكر إسمها السابق .. فضيحة - أشهد أني أديت الأمانة و جملت نفوس الناس و نضفتها قدر قدرتي . فنُسأل نحن السميعة المُجَملين عن ذلك فنؤكده .. فيربح بيعك .
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Balla Musa)
|
... ... طارق صاحبى صوتكـــــــــ ...ديمة حنين وديمة بالى علينا "عطش الحر توم"
نفسى كان اصور لى حمامة هنا لكن "الدنيا ليل" فقمرية إحتمال تنفع
![](https://photos-a.ak.fbcdn.net/photos-ak-snc1/v2707/178/80/619786214/n619786214_2900840_6299825.jpg)
ــــــــ حاسرق الاغنية كعادتى
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: الملك)
|
طارق يا خضر يا عود يا أخضر أها شمة وكرفــــــــــــــة حبوبات طويلة عريضة ياخي ما تقول بيع نحن لسع دايرين منها كثير حتى نجمل القبح اليملأ الدنيا الوسيعة دي زيد وزيد وشوشوناوأحرق باقي روحنا الفينا شوف أكان نقول بغم ياخ أنت جميل وبس انس الجغابيس وستفنا محنة زي دي عليك الله طوالي كلما زاد قبحهم زدهم يقينا بناصع الغناء ومتخيره وكل ما يزازوا في دربك الأخضر غني لهم ... غني لهم علهم يرعوا أو يعودوا بني آدمين بهاء
| |
![AIM](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: الملك)
|
يا ملكـ والله الله يستر عليكم من حر اليومين ديل القمرية ما بناباها و يدكـ الخفيفة ما بنقدر نقول ليها لا و ابوي انا يا يابا ![](http://www.sudaneseonline.com/db/attention/100_Balloons.gif)
يا دكتور اح انتا دا والله وانا ذاتي احح ,, مالكـ حارمنا من حلو المهاتفات ياخي؟
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Emad Abdulla)
|
المدعو طارق أبوعبيدة، الله يسألك ده صوت وعود سيدِن مارق من شكلة! إنا لله يا عملات اللواء أركان فن، عُمدة.. كنت شايل هم العود بعد ما قريت بيان البيت الكاذب والمُدلِس أهله، قلت خلاص، صاحبنا كسر عودو في راس الجاني، وتاني إلا يصفق ولّ يغني بي كبريتة؛ نحمد الله، عودنا -بدون حِشمة- سالم، وراس الجاني ما خصانا.. أدائك رائع يا خضر، غناء وشكل، أي والله.. ____ يا عمدة.. سمعت بالمثل القائل: الكوز دقو وغني ليهو؟ وباي زا واي، كلم صاحبك اليضبِبْ العود عشان ما يتشقَّ في راس زول..
| |
![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Ibrahim_Elhag)
|
طارق
غسلت روحي من شيتا كتير .. الله جابك تقوقي في الوقت المناسب ويلامس صوتك الحنون منابع العبرة في حلقي فتتحول بقدرة صوتك لشقهة فرح ثم هههههههههه ثم نوم عميييييق
واحلام سعيدة حاضنة فيها بتي إشتقت ليها .. شفت إنو فنك فنان كيف ؟
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: سيف النصر محي الدين محمد أحمد)
|
يا ابو السيوف و الله ذاكرانكـ زي ما قال ود القرشي طولت لكنكـ انت الوحيد بالذات الكنا ذاكرنكـ
كنا في سيرتك قبل اسبوعين انا و صاحب حسن فياخي اجدع لينا رقمكـ في الخاص النشُمكـ شوية إنشاء الله في التلفون
نعومة اخيتي والله اظني انا الادمنتكم وانت غافلين ضد القبح يا نعومة ضد القبح دائما
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Hawari Nimir)
|
الوليد ما تتخيل اني نادم كيف انو ما لاقيتكـ في زيارتي الاخيرة للسودان يا سيدي الله يكفيكم شر الحر ده و يرطب لهاتكم و اوراحكم اكتر و اكتر بالمنحبة و المحنة الفيكم دي
هواري والله ما عندي غير الغنا احارب بيهو سوق امدفسو القبيح ده نحن جُبلنا كشعب علي ان نقتتل و نتناحر علي مافيش و برضو نتراضي علي مافيش و الحسد يضحكـ فينا و في عدم حكمتنا و تعجبنا للعدوان صعب انك تهذب روحكـ لكن ساهل انكـ تشتم و تسب الاخرين شفت فرق التأدين مُهمل عندنا كيف الله يهدينا جميعا و شكرا كتير ليكـ و للوليد و كامل فرحي و احتفائي بكلامكم الزين
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: doma)
|
نادية , إنشاء الله دايما فرحانة و دايما بتكـ في حضنكـ و في أمان الله
يا خالة دومة والله نحن النحج ليكـ عشان صدقكـ و لطفكـ و كلامكـ الزي الدهب انا سعيد انكـ هنا و شكرا كتير
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Emad Abdulla)
|
كيكي الحلو ما قادر اوقف الضحكـ ياخي الفيالق عرفناها الـــ (الخرنخات والخرنخين) ديل منو ؟ يازول انت عندكـ تيرمنولجي حقكـ براكـ
ود التوم يشهد الله قدر ما احاول اديكـ حقكـ في مداخلة القي روحي عريان و ناقص حُجة و دي بي لغة اليوم يا صاحب معناها (شهادتي مجروحة و قلمي بايل) و بايل دي موش الماركة ديكـ , قصدي بايل (الفِعل). بكيت لمن قريت انكـ مرقت من امراَ ضيق , حمدلله علي السلامة يا فنان والله تمادر ما خاتيه عليكـ امانه في ذمتكـ اكتب بس واوعكـ تقيف و لو لقيتني في وشيكـ يوم من الايام اعرف اني جيت لانكـ وقفت من الكتابة ياخي دي كتابة بتثبت ناس كتار و بتشرح الحياة لاخرين و برضها بترد الروح الله يرضي عليكـ و يحنن عليكـ (شده في يحنن - ما عارف محلها ويين في الكيبورد الملعون ده)
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: خدر)
|
Quote: الحب طاقة نملكها جميعا .. من خرج مِنا عن جَادة الحب قومناه و إن ارعوي قبلنا منه ذاكـ فافتحوا النوافذ ......... |
اللـــــه عليك طارق ......... تعرف مكالمتكم دى بكتنى .. ....... لكن خلينى من ده واجيك بالوش التانى..
Quote: إنت فيك شي لله أو يمكن شي من شيطان و العياذ بالله .
|
التانية التانية ياعمده.. ههههههه
| |
![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: إبراهيم عبد الحليم)
|
Quote: صوت روحك بالأغنيه ينساب جوه الزول ذي لمن تسقي ليك أسمنت ناشف ......رويدآ ....رويدآ ، حفيان وبتدبأ..........! |
والله فعلا.
خدر لازمممممممممممممممممممممممممم
لنك الحفظ.
لك ولقاء والبيبي وبارعة مؤنة عمرطويل من الذكر والحب.
:).
| |
![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: إبراهيم عبد الحليم)
|
رحمة سلامتكـ من البكا ياخي انت ما حنينة اصلكـ لكنكـ مركبة مكنة كادر عنف ![](http://www.sudaneseonline.com/db/attention/100_Balloons.gif) بعدين اخير لكـ إتأمري معاي انا ود التوم ده ما مضمون ![](http://www.sudaneseonline.com/db/attention/100_Balloons.gif) كرري التلفون ياخي و ما تنقطعي
شكرا يا ابراهيم يا فنان شكرا كثير
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: حاتم الياس)
|
عمران اللنكـ جاييكـ بس طمني صاحبي داكـ اخبارو شنو عليكـ الله بلغوا الشماتة قدر ما تقدر ![](http://www.sudaneseonline.com/db/attention/100_Balloons.gif)
Quote: بعد كده نسمعك..بأدب |
![](http://www.sudaneseonline.com/db/attention/100_Balloons.gif) ![](http://www.sudaneseonline.com/db/attention/100_Balloons.gif) ![](http://www.sudaneseonline.com/db/attention/100_Balloons.gif) والله يا ود الياس بضحكـ لمن الجيران قربوا يطلبوا لي البوليس من الازعاج
![](http://www.sudaneseonline.com/db/attention/100_Balloons.gif) ![](http://www.sudaneseonline.com/db/attention/100_Balloons.gif)
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: خدر)
|
اميمة والله بقيت افرح لمن اشوفكـ في بوست مالكـ مسجلة غياب يا ستنا لقاء و بارعة و خلود ببلغوكـ السلام و التحيات و لنكـ الحفظ بطرفك سريع جدا
___ السادة زوار و مشاركين المداخلات بقت ما بتنزل متسلسلة ما عارف المشكلة ويين !! فأعذروا غفلتي
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: خدر)
|
ياخ الله يرضى عليك رسل لي سي دي
نضيف كده على عنواني البريدي..
فترنا من تسجيلات الأنترنت..
عليك الله..
العنوان في البروفايل..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Abomihyar)
|
ياخدورى
بعد الشم واللم الشفناه دا من ذولقييييين حشطرب فى داعى يدخل عليك واحد زى ابقوتة ذوقو فى الفن بدون نوتات,, لكن لانك طالبنى ضحوة اعجاب ,,وهاده حيلى حاميانى المرقة قلت احسن اسديك ليها هنا,,عشان نكون حبائب
دحين انا من معجبين فنك....سجلنى معاهم تسلم
| |
![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Amira Elsheikh)
|
الحبيب .. خدر
الحب طاقة وهبها لنا الله .. فلنحسن استخدماها .. بالاحسان أليها والى الناس ..
و ربنا خلق الانسان فى أحسن تقويم
(.. من خرج مِنا عن جَادة الحب قومناه) .. بالريشة والشعر والوتر ..يا خدر ..
ونحبك جيدا ..
| |
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: abuguta)
|
يا ابقوته نحن المعجبين يا سيدي وانتم اهل الشأن يازول انا قبلتكـ طب من حِباني انت قبلتني ؟؟
بت الشيخ والله انا لسه علي كلامي بس اسوي شنو في العوارض دي وعد مني تاني اني جاي جاي
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Abomihyar)
|
سلوم البكة ما بناباها لكن الحقيني بالحمامة ينوبكـ ثواب كيف انتي و الاحوال
اسامة غالي و الطلب رخيص مع انو مطمورة اماني بي هناكـ انا ذاتي ناوي اشيل منها نتهاتف يا صاحب
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: خدر)
|
Quote: عمران اللنكـ جاييكـ بس طمني صاحبي داكـ اخبارو شنو عليكـ الله بلغوا الشماتة قدر ما تقدر |
ياخي ده بنقدر ؟؟؟ خاتي ليهو ورقة وقلم بكتب في أسامي الناس اللسة ما ظهروا .. حقد شديد ... شكراً على لنكـ الحفظ وربنا (يغطي عليك) " معاها شمة دي يا طارق ياخي ..."
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: عمران حسن صالح)
|
خدر ....... ياخ....... انت جميل لمن مفضل بي غادي .. وكما يقول أخونا فاروق علي متولي أطال الله عمره : ... GOD OPENS TO YOU AND TO YOUR PARENTS وهي الترجمة الحرفيةجداً لـ فتح الله عليك وعلى والديك ... الله يديك العافية ... "أبوناصر"
| |
![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: فاروق حامد محمد)
|
لا تصالح!
أمل دنقل
(1) لا تصالحْ! ولو منحوك الذهبْ أترى حين أفقأ عينيكَ ثم أثبت جوهرتين مكانهما.. هل ترى..؟ هي أشياء لا تشترى..: ذكريات الطفولة بين أخيك وبينك، حسُّكما - فجأةً - بالرجولةِ، هذا الحياء الذي يكبت الشوق.. حين تعانقُهُ، الصمتُ - مبتسمين - لتأنيب أمكما.. وكأنكما ما تزالان طفلين! تلك الطمأنينة الأبدية بينكما: أنَّ سيفانِ سيفَكَ.. صوتانِ صوتَكَ أنك إن متَّ: للبيت ربٌّ وللطفل أبْ هل يصير دمي -بين عينيك- ماءً؟ أتنسى ردائي الملطَّخَ بالدماء.. تلبس -فوق دمائي- ثيابًا مطرَّزَةً بالقصب؟ إنها الحربُ! قد تثقل القلبَ.. لكن خلفك عار العرب لا تصالحْ.. ولا تتوخَّ الهرب!
(2) لا تصالح على الدم.. حتى بدم! لا تصالح! ولو قيل رأس برأسٍ أكلُّ الرؤوس سواءٌ؟ أقلب الغريب كقلب أخيك؟! أعيناه عينا أخيك؟! وهل تتساوى يدٌ.. سيفها كان لك بيدٍ سيفها أثْكَلك؟ سيقولون: جئناك كي تحقن الدم.. جئناك. كن -يا أمير- الحكم سيقولون: ها نحن أبناء عم. قل لهم: إنهم لم يراعوا العمومة فيمن هلك واغرس السيفَ في جبهة الصحراء إلى أن يجيب العدم إنني كنت لك فارسًا، وأخًا، وأبًا، ومَلِك!
(3) لا تصالح .. ولو حرمتك الرقاد صرخاتُ الندامة وتذكَّر.. (إذا لان قلبك للنسوة اللابسات السواد ولأطفالهن الذين تخاصمهم الابتسامة) أن بنتَ أخيك "اليمامة" زهرةٌ تتسربل -في سنوات الصبا- بثياب الحداد كنتُ، إن عدتُ: تعدو على دَرَجِ القصر، تمسك ساقيَّ عند نزولي.. فأرفعها -وهي ضاحكةٌ- فوق ظهر الجواد ها هي الآن.. صامتةٌ حرمتها يدُ الغدر: من كلمات أبيها، ارتداءِ الثياب الجديدةِ من أن يكون لها -ذات يوم- أخٌ! من أبٍ يتبسَّم في عرسها.. وتعود إليه إذا الزوجُ أغضبها.. وإذا زارها.. يتسابق أحفادُه نحو أحضانه، لينالوا الهدايا.. ويلهوا بلحيته (وهو مستسلمٌ) ويشدُّوا العمامة.. لا تصالح! فما ذنب تلك اليمامة لترى العشَّ محترقًا.. فجأةً، وهي تجلس فوق الرماد؟!
(4) لا تصالح ولو توَّجوك بتاج الإمارة كيف تخطو على جثة ابن أبيكَ..؟ وكيف تصير المليكَ.. على أوجهِ البهجة المستعارة؟ كيف تنظر في يد من صافحوك.. فلا تبصر الدم.. في كل كف؟ إن سهمًا أتاني من الخلف.. سوف يجيئك من ألف خلف فالدم -الآن- صار وسامًا وشارة لا تصالح، ولو توَّجوك بتاج الإمارة إن عرشَك: سيفٌ وسيفك: زيفٌ إذا لم تزنْ -بذؤابته- لحظاتِ الشرف واستطبت- الترف
(5) لا تصالح ولو قال من مال عند الصدامْ ".. ما بنا طاقة لامتشاق الحسام.." عندما يملأ الحق قلبك: تندلع النار إن تتنفَّسْ ولسانُ الخيانة يخرس لا تصالح ولو قيل ما قيل من كلمات السلام كيف تستنشق الرئتان النسيم المدنَّس؟ كيف تنظر في عيني امرأة.. أنت تعرف أنك لا تستطيع حمايتها؟ كيف تصبح فارسها في الغرام؟ كيف ترجو غدًا.. لوليد ينام -كيف تحلم أو تتغنى بمست??بلٍ لغلام وهو يكبر -بين يديك- بقلب مُنكَّس؟ لا تصالح ولا تقتسم مع من قتلوك الطعام وارْوِ قلبك بالدم.. واروِ التراب المقدَّس.. واروِ أسلافَكَ الراقدين.. إلى أن تردَّ عليك العظام!
(6) لا تصالح ولو ناشدتك القبيلة باسم حزن "الجليلة" أن تسوق الدهاءَ وتُبدي -لمن قصدوك- القبول سيقولون: ها أنت تطلب ثأرًا يطول فخذ -الآن- ما تستطيع: قليلاً من الحق.. في هذه السنوات القليلة إنه ليس ثأرك وحدك، لكنه ثأر جيلٍ فجيل وغدًا.. سوف يولد من يلبس الدرع كاملةً، يوقد النار شاملةً، يطلب الثأرَ، يستولد الحقَّ، من أَضْلُع المستحيل لا تصالح ولو قيل إن التصالح حيلة إنه الثأرُ تبهتُ شعلته في الضلوع.. إذا ما توالت عليها الفصول.. ثم تبقى يد العار مرسومة (بأصابعها الخمس) فوق الجباهِ الذليلة!
(7) لا تصالحْ، ولو حذَّرتْك النجوم ورمى لك كهَّانُها بالنبأ.. كنت أغفر لو أنني متُّ.. ما بين خيط الصواب وخيط الخطأ. لم أكن غازيًا، لم أكن أتسلل قرب مضاربهم أو أحوم وراء التخوم لم أمد يدًا لثمار الكروم أرض بستانِهم لم أطأ لم يصح قاتلي بي: "انتبه"! كان يمشي معي.. ثم صافحني.. ثم سار قليلاً ولكنه في الغصون اختبأ! فجأةً: ثقبتني قشعريرة بين ضعلين.. واهتزَّ قلبي -كفقاعة- وانفثأ! وتحاملتُ، حتى احتملت على ساعديَّ فرأيتُ: ابن عمي الزنيم واقفًا يتشفَّى بوجه لئيم لم يكن في يدي حربةٌ أو سلاح قديم، لم يكن غير غيظي الذي يتشكَّى الظمأ
(8) لا تصالحُ.. إلى أن يعود الوجود لدورته الدائرة: النجوم.. لميقاتها والطيور.. لأصواتها والرمال.. لذراتها والقتيل لطفلته الناظرة كل شيء تحطم في لحظة عابرة: الصبا - بهجةُ الأهل - صوتُ الحصان - التعرفُ بالضيف - همهمةُ القلب حين يرى برعماً في الحديقة يذوي - الصلاةُ لكي ينزل المطر الموسميُّ - مراوغة القلب حين يرى طائر الموتِ
وهو يرفرف فوق المبارزة الكاسرة كلُّ شيءٍ تحطَّم في نزوةٍ فاجرة والذي اغتالني: ليس ربًا.. ليقتلني بمشيئته ليس أنبل مني.. ليقتلني بسكينته ليس أمهر مني.. ليقتلني باستدارتِهِ الماكرة لا تصالحْ فما الصلح إلا معاهدةٌ بين ندَّينْ.. (في شرف القلب) لا تُنتقَصْ والذي اغتالني مَحضُ لصْ سرق الأرض من بين عينيَّ والصمت يطلقُ ضحكته الساخرة!
(9) لا تصالحْ
ولو وقفت ضد سيفك كل الشيوخْ
والرجال التي ملأتها الشروخْ
هؤلاء الذين يحبون طعم الثريدْ
وامتطاء العبيدْ
هؤلاء الذين تدلت عمائمهم فوق أعينهم
وسيوفهم العربية قد نسيت سنوات الشموخْ
لا تصالحْ
فليس سوى أن تريدْ أنت فارسُ هذا الزمان الوحيدْ وسواك.. المسوخْ!
(10) لا تصالحْ لا تصالحْ
------------------------------------------------- و شكرا يا طارق لبسط الجمال و الافاق المفتوحة، وإلى لقاء وشيك...........
| |
![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: فاروق حامد محمد)
|
Quote: خاتي ليهو ورقة وقلم بكتب في أسامي الناس اللسة ما ظهروا .. حقد شديد ... |
كاااااااااااااااااااااااااكــ بعملها والله الحاقد ده ![](http://www.sudaneseonline.com/db/attention/100_Balloons.gif)
ابوناصر الله يجبر بخاطركـ يا فنان ضحكني انجليزي صاحبكـ بختكم بي زول بجمل حياتكم زيو
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Elmosley)
|
الجعلى قال لى الاغنية دى لازم تنسمع لايف خلى الراجل دا يحدد الويك اند البسمح فيهو وقتو نمشى نجيبو ونرجعوا لكن نرجعو الصباح عشان بالليل ما بنقدر نسوق(ضعف النظر وكدا)
التحايا يا فنان
| |
![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: معتز جعفر الحسن)
|
![](http://www.sudaneseonline.com/uploadpic/jan09upload/Bild072.jpg)
![](http://www.sudaneseonline.com/u1/hostat1.gif)
حبيبنا المدعو خدر الله يخدر ضراعك ..
شوف عصام جبرالله ده نغني ليه يجي يقول رباطي ..ده هسع صوت رباطي؟؟ قادر الله الخلق العباد ..
رحم الله الحاج عبدالحميد يوسف بالمناسبة ياخدر الحاج عبدالحميد يوسف كان جارنا
في الامتداد من بعد رحيل الاسرة لم نسمع عنهم سوي صوته الرخيم واغنياته التي رسمت
لنا معالم الفن السوداني الاصيل ..يتقبلة الله في نعيم جناتة ....
عصام جبرالله جايب رباطي في عرسك !!!...
سلمت حبيبنا طارق الله يديم عليك نعمة العافيه ويديك طولة العمر ...امين يارب
| |
![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: عماد شمت)
|
Quote: لكن نرجعو الصباح عشان بالليل ما بنقدر نسوق(ضعف النظر وكدا) |
اكلوا جزر و بنجر يا معتز انت و الجعلي وبنا يغتي عليكم من سواقة الليل (وش ضاحك لئيم خالص)
افو ..انا اخوك يا لنا (تقال عند الفخر) اخوك مسالم دايما ابشري بالخير
يا سلام يا عويس والله الله يطراك بالخير وينك يا زول من ديك و عيك و مالك داسي مننا الجديد ياخي افتح المطمورة و سمعنا نشيدك و شكرا كتير علي الشهادة الجميلة
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: Elmosley)
|
عادل اسحق والله نحن إتجهجهنا بين دَنقل و بين (دية الكرام الإعتذار) كما قالت العرب كيفك انت هناكـ اسه ؟ الاهل كيف ؟
استاذ يوسف يا صديقي الاغنية (أذكريني ياحمامة) و هي حسب معلوماتي القديمة واحده من امتحانات إجازة الصوت بالإذاعة بس اخوك هنا حركها شوية بي تيمبو اسرع الله يرحم الحاج عبدالحميد و يطول لينا عمرك (المراكبية) حا ارسلهاليك في الوييك اند
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: خدر)
|
مطمورة اماني عايز تشيل منها ؟
يا ود بطل الأمور وحاة ابوي دا تسجيل غير العندي كمان بتسجلوا من ورانا ؟ مخير الله علينا عاد
في التسجيلين بالغت المرة دي قعدت للعود سممممممممح وسويت ليك همزة لمساءك في الأول كانت مسااااك يعلم الله كل واحدة اطعم من التانية
الناس دايرين يتكرفوك ولا يتكرفو الحاج الف رحمة عليه اها انا في المرتين اتكرفتني امي النعمنها الحاج دا من المعظمين لديها
لكن تعرف منيت المطمورة عديمة القرار ـ ربي ما يجعل ليها قرارـ انو الأغنية دي تكون غضبك زي ما قال استاذناالفنان وارجأت فتح البوست وسماع الأغنية كم مرة خايفة من خيبة الأمل النبي عليك ما تقعد ليها يوم.
الأغرب انو قبل تلاتة اربعة يوم كنت ناكتة المطمورة لشمس السمع الخالص تصدق وتؤمن بالله .. بعد ما خلصن ال 44 اغنيةومدحة في عين العدو ، رددت في سري " بعد دا ما ضر طارق ما فعل " فاذ بي الليلة القى عماد عبد الله كاتب نفس الفكرة هنا :
Quote: فيا أيهذا الخدر .. لو ما سويت شي في دنيتك دي غير هذا الجمال التوزعو .. ( بالإضافد للقاء و خالد و الباقيات الصالحات ) لكفاك ذاك عملاً تقابل بيهو الله يوم الموقف العظيم و راسك فوق |
شئ لله
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: هلموا ابيعكم روحي (Re: الوليد محمد الامين)
|
اماني سلامات يا ستنا و امكـ الله يديها الفي مرادها مرتين, واحدة عشان جابتكـ و جابت اسامة صاحبي و التانية عشان بقت من حِبان حاج عبدالحميد زولنا ده. ضحكت والله في شكلتكـ الاولانية دي , يا جميل وحاة الله مافي غلاط و فعلا انا غناي ماعارفو لكن بعرف افرز التسجيل كان وين و كيف من طريقة ادائي للغنا و مافي شي مفرحني في الدنيا دي غير انني ما بكرر اداء كنت سويتو قبل فيا حبيبتنا شكرا علي التوثيق و التقريظ و الجمال و انت و ود التوم ربنا يقدرني اغني ليكم في عرس وليداتكم كان للوكت داكـ امر الله ما نفد. شكرا ليكم كتير
الوليد تتعلي ما تندلي ياحبيبنا و شكرا كتير علي البوستات الجميلة البتقصف بيها الصفحة الاولي الايامات دي متابعكـ و مبسوط شديد
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|