واظنكـ تعلم جيدا اني لست بغافل عن من يريدون قول شيئا هم فيه ومنه .. محذرون و هارشين .. وتلكـم ليست بعض تصورات مريضه تزينها لي نفسي الامارة لكني و كما صاح احدهم
اري تحت الرماد وميض نار و يوشكـ ان يكون لها ضرام
ذالكـم كان شوف عين يا وغد
وكتل غزال
04-30-2007, 04:53 PM
خدر خدر
تاريخ التسجيل: 02-07-2005
مجموع المشاركات: 13188
واني هنا باق حتي يعلم الجمع من من ضم مجلسنا انكـ لست فقير خيل بل انت فقير حِيلة و تافة و حتي اعلم ماذا اعددت لها من عدة و عتاد فقط كي يطمئن قلبي و اعلم اي منقلب ينتظر تلكـ الغافله عما حل بها واي مصير ينتظرها مع من إختارت
عليكـ اللعنة
04-30-2007, 04:57 PM
اساسي اساسي
تاريخ التسجيل: 07-20-2002
مجموع المشاركات: 16468
واول نُصحي لكـ يا وغد و انا ذاهب للالتحام مع الجماهير الغفيره احتفالا بعيد ملكتنا (اطال الله بقائها) بياتركس ان تنسي كل ما قيل لكـ او تقولت به في اللستكـ في حلتكم مساء و انتم صبية تستعرضون قدراتكم المهولة المتخيلة حول الانثي . تنسي كل ما فاخرت به و فاخر به اخرون في اخر محطة من غزوات وهميه كانت او حقيقيه تنسي كل ماحدث إبان معاركـ مجلات سمر / روايات عبير / روايات ماركيز
وان تستعن بالله و تتعوذ من الشيطان الرجيم وتعلم شيئاَ واحد هو الذي ستصير فيه العرس ده حا يحولكـ من كائن حر مالكـ لقراراتكـ الي مجرد خدااااااااام
و السلام
04-30-2007, 05:11 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
والله يا وغد ماطالبني حليفه لم اسمع قط ..شفت قط دي كيف انكـ إتأهلت للنهائي
يعني عشان اعرف خبر زواجكـ اسكن في المنبر ولا شنو بعدين المنبر بكري سجل فيهو دماء جديده قايمه بي نمرة 4 تمشي تعمل شاي و تجي تلقي الصفحة الاولي كلها new (الصفراء البترقص ديكـ) اها .. انجم انا ؟
04-30-2007, 09:34 PM
خدر خدر
تاريخ التسجيل: 02-07-2005
مجموع المشاركات: 13188
رحمة يا صديقي الذي يقال ماجابوهو لي ناس نعمات ولا بنات حبصه الذي يقال قريتو بي عيني في بوست وداع بشاشا شمشرة علي خفيف بين اساسي و الوغد نوبي خليهم ينكروا
04-30-2007, 05:36 PM
DKEEN DKEEN
تاريخ التسجيل: 11-30-2002
مجموع المشاركات: 6772
قيل .. اختلف اعمشاَ و زوجته فتدخل اهل الخير للصلح بينهما و فشلت كل المساعي لاصلاح ذات البين فأنتخب القوم فقيها لأرضاء الزوجه و إعاده الامر بينهما الي ما كان عليه .. فتخير الفقيه ما تخيرته يا تمبس و قال : يا بنيتي ان ابا محمد شيخ كبير فلا يغرنكـ فيه عمش عينيه و جمود كفيه و نحافة ساقيه .. وهنا صاح ابامحمد (قاتلكـ الله يا رجل لقد أريتها من عيوبي مالم تكن تعلم)
04-30-2007, 09:47 PM
خدر خدر
تاريخ التسجيل: 02-07-2005
مجموع المشاركات: 13188
صدر تحت توقيعنا منذ مايقارب ثلاثه اشهر او .... انتو اقعدو بارو لي في الهجرة والاغتراب ده لحدود ما الحكومة يشكلوها (الحكومة دي بين قوسين واسالو ابو ساندرا)
المهم الكتاحه اهم حاجة انها قامت بعد ما زولكم ده فلسع من هنا وطلع ود ترب (الصحابة*) وو (مشو**) زاتو . ياخدر بطل حساده ونزل اغنية انشاء الله (نحنا ما رضيناها ليك)
ــــــــــــــــــــــــــــــ *قيل في الاثر أن الصحابة هي قرية في شمال السودان دفن بها بعض الصحابة حين دخول المسلمين للسودان . ** مشو فقير ايضاً في شمال السودان مشهود له بالكرامات وذكر في عدت كتابات سودانية .
الزول ده قال دكين تافه.. (جدا) الجبتها دي لزوما شنو؟؟
ذكرتني بي واحد انتهازي كنا في دفار ومتشعلق بي ورا مع مجموعة من الخلايق اها بتاع الدفار سايق بي تهور والعربية بتنطط يمنة ويسرة.. اها الزول المعلق جنبي في الباب ده قام كورك في السواق بي صوت عالي بي زعل: (ياخي انتا الحيواناات الراكبين معاك ديل ما تحاول احترمهم ياخ.. طلعتا دينا ياخي..) اها الناس دي كلها جوه الدفارعاينت ليهو مستهجنة وصفهم بالحيوانات حتى ولو كان ذلك في معرض الدفاع عن حقهم في ركوب دفار يسير بصورة متزنة..
قمتا قتا ليهو بي هدوء وانا خايف يختها لي: ياخي صحي الزول ده سايق بي تهور بس نحنا ذنبنا شنو تمرقنا حيوانات؟؟
تصور؟؟ لا ايد لاكراع ..الزول مرقنا حيوانات...
هسي صحي نحنا تافهين بس ذنبنا شنو تسويها جدا..
انتا روعتك دي بتخليها متين*
*للاستفسار راجع قاموس معتصم للروعة..
04-30-2007, 08:55 PM
Ibrahim Algrefwi Ibrahim Algrefwi
تاريخ التسجيل: 11-16-2003
مجموع المشاركات: 3102
؟؟؟ فهي من عَندِنا إذن يا مأفون .. ؟؟ مِن ( الصحابة ) و تاخد من عَندِنا ؟؟؟ و مَن ؟ .. من سيدي القاضي و السادة المحلفون .. مَن ؟؟ إبنة عمي نوالون ؟؟؟ قاتلك الله يا دعي كنده , و الله لأردعنك و أجعلك عبرة .. يا معشر قريش .. واذلاه .. واذلاه .. وا ذلاه , يا لتغلب . إليّ بنعالي و مهندي و العوالي و النواصل .. الليلة الدّقْ .
زح من قدامي يا خدر ..
04-30-2007, 10:04 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
سلامات وعوافي هيت لنا .. وسمار الليالي الحياري والصعاليك "قد نقصوا فد نفر" اي والله فالوغد الذي ابدع في التعطل واقتناص الليالي امتشق سيفه "وكسح" يسوح في عوالم اخري .. بحر ماله وفحولته .. نعم يضاجع ويضحك وتلعب الدلكة في جسده المهتريء .. والخمرة التي ينتصب له صوف الجسد تضرب بابتهاجها علي مضجعه الكريه .. ما فرحتا "شديد" غير ان الزعل "طرشق لساتكي" .. اهذا الولد الشين "والذي لايملك عدا حرف انيق ووجه افطس ادعس ادعج" تلم فيهو بت حلال والله اني امنت بحكمة الله وتجليات اسماءه علي مظاهر الخلايق والكائنات .. فهو الواهب الرازق بلاحساب .. نعم الاله انت "ياربي ياكريم" .. نعم الاله انت يا قادر يارحيم .. هذا الولد "كان راسو طرشق" من الحيرة بعد باعته الحسان في سوق ام دفسوا .. ورفضن له "ريقا لينا" وجدعنا له اليد بعد اليد تاركات "غبارهن عاكل" .. ويحي علي نفسي "ابعد هذه الوسامة التي وهبتنيها ياربي .. يدخل دكين قفص الامان واظل انا حايما بين الحواري والازقة".. الحمد لله من قبل ومن بعد .. الحمد لله ولا اراكم الله مكروها ياخدر .. لا اراك الله مكروها .. دكين الوغد "الله بيدي الحلقة لي الماعندو اضان" عليك الله شوف شيلة العود دي والوسامة دي .. تتخيل لي هسي عزابي .. وما غازلتني بنت "مستدعية بهاء طلتي وملاحة وجهي وجمال وجناتي".. بل تركن كل محاسني وطفقنا يلملمن في شتات امثالك من الاوغاد .. ووالله انها حكمة من الله قدير .. ربما حريا بك ان تقضي بقية العمر "في محراب التعبد" حامدا وشاكرا الذي وهبك ما لم تحلم به .. فمثلك لولا لطف الله وعدله ماقضي حاجة له الا وهو نائم .. وما تبسمت في وجهه فاتنة الا وهو غائص في التخيل والوهم .. وماضحك له طالع الا وهو حالم ومتكبر .. وليفرح كل ذو وجه "شين" فها سبارة الشنا قد تخارج .. وماعاد عند ضلعنا الاعوج معيارا في الزواج .. اللهم ردك ياروح ..
04-30-2007, 10:05 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ياخي صحي الزول ده سايق بي تهور بس نحنا ذنبنا شنو تمرقنا حيوانات؟؟
يتساءل الوغد أىّ ذنب جناه !! .. ببراءة ذئب من دمّ يعقوب!! .. يعود لنا من السودان بعد خمسين يوما عجافا .. و لا يأتينا بخبر عن استقلال السودان .. هو الذى كان قريبا من يانايره .. و لا باستغلال السودان .. هو الذى عايش تناقص غلته .. أتانا الوغد بـ "منشور إخلاء السودان" .. نحن من كنّا نهلل لنوره ونواره .. و نوّار دكين لا يجهله فاهم مثلك ياخدر .. بكلّ الشئون الدكاكينية "أو الدكينية" .. قد خلنا الوغد دكين قد تتشابهت عليه البنات القمر اللاتى "ُ توزعن بعناية في جبره واركويت وشمبات وودنوباوي وكلتوس" .. يأتنا بيد لوراء و يد لى قدّام .. و لا يأتينا "طابق الحنّة"
قد أعلمنا الوغد دكين فى منشور آخلائة انّ "ما من شي يمضى إلا اتى دونه شيُ ُ اخر" .. ولم يعلمنا أنه قد وصل لآخر مطافه .. و نحن الداقسون كنّا نأمل ألا يصل مرحلة حتّ آخره حتى لا تنقطع عنّا إبداعات شلهتته .. لا أتخيّل لهذا الوغد إبداعا دون "شرفته" لنّوار ما .. لا أصدّق أنّ هذا الوغد أكفته عينان بدلا عن "اربعتاشر عين" .. هذا الوغد مفترى وقد غفل عمدا صفرين يتقدمان ال 14 عين ..
كيف لهذا الوغد أن يتخيّر فاكهة ما؟!! .. و كلّ دنيا الله ملئى بالفواكه!! .. فهى بكلّ تأكيد فاكهة من فواكه الجنة .. و إلا قد تجهجه الوغد فى خياره.. أو كان "جاحد"
فيا مولانا خدر .. أعد السؤال كرتين .. و آتنا من الوغد بالخبر اليقين .. هل فعلها ؟ .. ان كان نعم .. سنأته بلوم كمداد بحر أبيض .. و ان كان لا .. سنحمد الله كثيرا على أن مناشيره "فالسـو" .. و أحوال نوّاره بلا نور
- الوغد دكين: نحنا لومنا صعب .. و أصعب ما فيه أن نصفك بوصف زميك الدفّارى - مولانا خدر: ما مكتوب لى أقابلك
فيا أيهّا الوغد دكين .. أن فعلتها بالجدّ .. فمبروك بعدد كلماته .. و أن لم .. لا نرضى لأحدّ ألا يخوض معنا اليمّ
05-01-2007, 06:40 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
الف مبروك يا وغد تغلبك بالمال و تغلبا بالعيال ابو الحنك ذاتو غايتو يا خدر زولك الفلسان دا اقتنعت انو احنك زول حاول تبعد بنيتك السغيرة دي من دربو و لو لقيت ما تخليها تجي عمرة ولا حج قبل بلوغ الستين علي الاقل الزول دا امس حلف يعمل فيك مغرز و يدبل بيها
05-01-2007, 07:49 AM
خالدة البدوي خالدة البدوي
تاريخ التسجيل: 03-05-2006
مجموع المشاركات: 1816
Quote: ؟؟؟ فهي من عَندِنا إذن يا مأفون .. ؟؟ مِن ( الصحابة ) و تاخد من عَندِنا ؟؟؟
ياعمدة
تجقلب ساااااااي ياحبيب زماااااااااااان الموضوع استحمى.. واجتحنا ديار بني مشو وغرزنا حرابنا في سوح المضارب غير هيابين.. وللامانة فليس في مضاربكم جميلة تذكر .. انما امها من حسان ال مقلــد فخرجت كما امها.. تضيُ الضفتين بوجنتيها اذا وردت النيل.. واذا لم ترد برضو بتضي.. وبها لثغة في لسانها اذا تحدثت .. وتاكل كثيرا من حروف اللغة ..حتى ليظن السامع انها تتحدث غير لغة اهل الارض..
لمزيد من الالم يمكنك مراجعة الصورة في بوست (المنشور)
05-01-2007, 04:47 PM
حمد فتح الرحمن حمد فتح الرحمن
تاريخ التسجيل: 06-01-2005
مجموع المشاركات: 1996
تعرف يا نوبي سمعت تحت تحت انو صاحبك في عرستو دي ما مطلوب منو غير العيال المال دا هو مغلوب مغلوب لو قعد يفحط في صحراء نجد دي تاني 450 سنة بس الليبقي شاطر و يغلبا بي مجهودو الخاشي بيه دا شبك البنية حنك سنين و انا احسن زول يقدر يجيب ليك عيال لما خلاها قلبت راس ابوها و تحلف بالطلاق يا الزول دا اقعد ليكم بايرة كدا و اهو اسة راجين اول نتيجة بعد 9 شهور و عشرة ايام من تاريخ قبل شهر
طارق نقد الزول دا قالو عرستو ما مكلفاهو غير 10000 جنيه حق الصداق و متسلفا من ابو اللول عشان كدا صدق حنك الفلسة ساي
05-01-2007, 05:46 PM
DKEEN DKEEN
تاريخ التسجيل: 11-30-2002
مجموع المشاركات: 6772
Quote: "ُ توزعن بعناية في جبره واركويت وشمبات وودنوباوي وكلتوس" .. يأتنا بيد لوراء و يد لى قدّام .. و لا يأتينا "طابق الحنّة"
ياحلاوي
قالو في واحد ومرتو مرقو من بلدهم مفلسين ومقطعين اها بعد سنة واحدي بس رجعو مغندلين شي عربات وشي بيوت وعز قامت جرتكم سالتم شنو يخونا الحصل .. العز ده كلو شنو في سنة واحدة وانتو مشيتو من هنا ايد ورا وايد قدام ؟؟
قامت المرة ردت عليها بسيطة انا شلتا ايدي من قدام وراجلي شال ايدو من ورا.. خخخخخخخخخخخخخخ حلوة ياحلاوي موش؟؟
ياحلاوي والله ليك وحشة
05-01-2007, 05:49 PM
DKEEN DKEEN
تاريخ التسجيل: 11-30-2002
مجموع المشاركات: 6772
ياخي العرس داير مسؤلية؟؟ كلها تلاتة وجبات والسلام عليكم..
انعام البديعة
Quote: غايتو يا دكين خلاص سيرة وإنقفلت
قصدك سيرة وانفتحت
الله يبارك في ايامك
سلمى صبحياسعد الله الوانك.. لو ده ذوقك الحقيقي في الالوان يؤسفني انوانتي حتظلي single لي فترة طويلة.. من النادر الزمن ده تلقي رجل باذواق لونية عالية زي الوان برفايلك الكارثية دي..
سرب الاطفال المرصوصين ديل سدو لي نفسي من العرس.. ياخي انتي ليه حاجاتك قاتلة كده؟؟ والله يبارك فيكي ياستي.. ونردها ليكي في افراحك..
خالد ربنا يبارك في ايامك عرسي ده تمت مباركتو كتير خلاص.. اخشى عليه من هذه البركات..
سلم لي على ملكتكم دي .. وقول ليها: عندي فحل عايز يدبل كيف معاكي؟؟
.
Quote: رد المرسال لصورة اعلاه لملكتنا المبجلة ننشرها دراءَ لاي خلافات عائلية قد تحدث جراء تصريحكم الاخير و حتي تعلم حرمكم المصون انكـ تتمتع بروح الدعابه ليس إلا
ذكراني هذان الوغدان ما كتبته سابقا
الخليفة عبد الله التعايشي مع الامير يونس ود الدكيم يجلسان في مجلس الخليفة يتسامران ويقزقزان فول مدمس وتسالي .. الامير: اتا يا ابوي الخليفة دحين ملكة الخواجات الكفار ديل معرسة ولا عزبة..؟ الخليفة : والله يا ود دكيم ماني خابرها لكن !!؟ عندك فوقها راي ولا شنو؟ الامير: والله بيني وبينك يا ابوي الخليفة كان عزبة حرم باخدها.. الخليفة : يازول خير بجيب ليك خبرها تب ...بس اصبر لي اتا .. الخليفة ينادي علي كبير الكتبة في دار الخلافة في بيت المال .. الكاتب : ايوا يا ابوي الخليفة بتدورني انا ؟ الخليفة ايوا بالحيل .. دوايتك وورقك جاهزات ..؟ الكاتب : بالحيل ابوي الخليفة بدور ترسلك مرسول ؟ الخليفة ايوا يا جنا .. امسك اكتب ... من الخليفة عبد الله التعايشي خليفة المهدي الي فيكتوريا ملكة بريطانيا ..سلمي تسلمي .. ونعرض عليك الدخول في الاسلام فان قبلت وامنت ودخلت في دين الله ..طهرناك ( ختناك ) وزوجناك الامير يونس ود الدكيم ان هو قبل بهذا ..والسلام علي من اتبع الهدي . وهكذا ارسلت الرسالة الي ملكة انجلترا اعظم ابراطورية في ذلك التاريخ ولما قرأتها كانت جالسة علي كرسي الملك ..وقفت فجأة ووضعت يدها اليسري في وسطها وفزرت اليد اليمني الي الوراء وقالت : اجي يا بُري!!؟ واسترسلت .. سجمي يا كتشنر ما يكون الدرويش دا جادي ؟؟ وواصلت ... بعدين انا بايرة ولا بايرة !!؟ هو زاتو القال ليهو انا عزبة منو..؟ بعدين عليك الله شوفوا قال شنو (يطهروني ) بعد العمر دا كله يطهروني ؟؟ سجمك يا فكتوريا يا الامك ما شافت جديدك بقيتي لبانة في خشم اليسوي والمايسوي ؟ مييييش اييييش جنس دروشة لكن !! ومنذ ذلك التاريخ لم يهدأ لكتشنر (الجكس بتاعها ) بال الا بعد ان حسم امر المهدية في ام دبيكرات . علي ان مصطفي سعيد حفيد ود الدكيم لم يخيب ظن جده عندما غزا بريطانيا عبر البوابة التي ارادها جده وفعلها مع صديقته الانجليزية حفيدة وصيفة الملكة فكتوريا ..وخالة مارغريت تاتشر لزم.
05-02-2007, 09:55 AM
manubia manubia
تاريخ التسجيل: 04-21-2002
مجموع المشاركات: 1284
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خدر
اساسي
عبدالله شمس الدين مصطفى
Alsadig Alraady
Sidig Rahama Elnour
tmbis
عمر ادريس محمد
سفيان بشير نابرى
Ibrahim Algrefwi
fadlabi
Emad Abdulla
وليد محمد المبارك
ودرملية
Elmosley
معتصم دفع الله
فيصل نوبي
حمد فتح الرحمن
خالدة البدوي
انعام عبد الحفيظ
salma subhi
ملكة سبأ
الخير محمد عوض
خالد عبد الله محمود
طارق عبد اللطيف نقد
manubia
فيس بوك
تويتر
انستقرام
يوتيوب
بنتيريست