|
|
|
 Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
والله العظيم كان في واحد شغال معانا في الحكومة إسمو
الكلول المنون
واحدة زميلتنا قالت أصلو مابتسلم عليهو
ليه ؟ سألتها
خايفة اقوم أسلم عليهو بعد 9 أيام وعشرة ساعات أمشي الدايات
يعني { الحمل الفوري }
طوالي تقوم ترفع برج الحمل
يا ودالبدوي ألحقنا بود المأمون
باقي سهرانيين
ديامي
وأفتلك من حبل الديم :
شوقار
عساكر
ود أبوكساوي
حسن ترقل
أبوالكيلك : الجماعة هسع طورو الإسم إلى أبوكليك
منديل
كشحم بضم الكاف وكسر باقي الحروف }
حمدوك : أخصائي الكلى دكتور محمد إبراهيم حمدوك
دقلولة
لليلي { المرحوم الكابتن خليل لليلي } وأخوهو الحريف عبدالمنعم
فرندقس
كرنديس
يا صلاح غريبة
زار الدوحة قبل أيام فنان إسمو
حمادة بت
ده لو لمت فيهو محمد ولد بتخللي ريحتو طير طير
| |
 
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: أبو ساندرا)
|
تانى جينا؛؛
أولاً التحية لهشام الراقى صاحب البوست و للخال أبو الشموس،
نبدأ:
العشا
لازم
البهرة(بضم الهاء)
تاور( وهى أصلاً ثائر كما ورد فى رسالة الدكتوراه لـ د. موسى حامد موسى)
تنقلو(كسر التاءتسكين النون؛كسر القاف مع نطقها كالقاف المصرية)
حجاجو( كسر الحاء )
برمة
ترماى
أجرى
ألقاب:
الضب
كديس
فار
الطرادة( لقب مؤنث)
شينة( وغالباً ما تكون جميلة)
بصارة
..............
و تانى برجع،،
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
النقرشو
عرضانة
نمرة
الدابة
زباد
قيرا
التور
العجيل
اب سبيب
اب جنة
مادبو
السكات
سكوت
ام جاعين..وام جاعين هذا..اسمه الاول اسماعيل..فجاء احدهم ليقول له ..ام جاعين..فرد عليه ..انا اسمي اسماعين ..ام جاعين دا لقم يا عالم يا ربش..
اب سندة
جكولي
بيرا
اب كرتالة
اب زيق
ام حجيل
قدير
ود ابرق
ام فضالي
ام ردوم
النصيبة
كدنكة
اب بخة
ونجة
اب قرين
اب شرش
سمح جيبو
مين متلو
الزين الله
الدونكي
ابامسيكا
النجوك
ود النجل
تنكش
الدعس
الدغور
جغباسة
سمسومة
تمساح
بهنس
كدنكة
كجنكة
خادم الفضيل
ظج
اب كلول
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
الأخ .. غريبة .. لك وللأبيض الجميلة تحياتي ..
ذكرتني بمداخلتك مدينة الأبيض والتي ولدت فيهابحي الشويحات وقضيت سني حياتي الأولى بربيعها الوارف
وناس العليقي ديل جيرانا الحيطة بالحيطة .. بمنزل جدنا الفاضل علي رحمه الله ولعلك تعرف إبنه محمد الفاضل المشهور ( بسلك ) ومن الألقاب التي تحضرني رغم بعد الزمن :
ناس دقق
وأم شبتو
الدحيش
أم زوغي ( وهو قريبي )
ابو الريش وهو لمؤاخذة معلوم لديكم
كشول
جقول
بعوم
أم دفسو
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
سلامات يازول يازول وأمسك عندك:
حَمْرَا: زول داعاي جِنِس مداعاة مرَّة داعى حمارتو قائلاً: حاو...حاو تَحَوِي السما قَرَبَة*
مَزَرَّط: داعاه حَمْرَا قائلاً: مَزَرَّط تزرِّط ال(مافي داعي نقرف الناس دي ساكت) علي ريقك.
مَظِير: شحدَ مظيرٌ حَمْرَاءَ سَفَّةً فقال حَمْرَا: تَسِفَّها (عقرب يعني) ضَنَبَا شِبِر.
شَلْهَتَة: نَسِيَتْ إحداهُنَّ لقبه (اسمو داك خليهو رايح في غضب الله) فقالت: يا بَشْتَنَة يا ولدي ما تفَوِّتْني.
شِليل: داعاه حَمْرَا قائلاً: شِليل يشيلوك (جنازة يعني) ويقفِّلو نخريهم (والمعنى واضح).
الحوت: داعاه حَمْرَا قائلاً: ما تْحِتَّ الآتو دا آلحوت يِحِتْ صَفَقْتَك (شُفْتَ الابداع دا كيف نظام كل زول في الدنيا دي عندو صفقة لما تصفِّر معناتو مِرِض ولما تِنْحَت معناتو، إنا لله وإنا إليه راجعون، اتْلَحَس).
ياخ ما تفتح ليك بوست مداعاة خلِّينا نِتْفَشَّ في الناس دي.
* وَرَد في لِسان عَرَبْنا أنَّ القَرَبَة ضربٌ من ضروب ركض الحمير وهو فيما يبدو الأسرع ويليه الحَرَارَة ثم الجَكَّة وربَّما أنَّني عَكَسْت المسألة لكنَّه، في النهاية، "حميري" فألعب به.
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
سلامات يازول يازول
لقد قُلت: | Quote: يمكنك مراجعة هذا الرابط حول القرى السودانية |
ولقد راجعنا الرابط ونقول: علي الجزيمة إنت زول مِتْلَقِّي حِجَجَ.
حاولت أرفع البوست لكين غلبني الداهي تقيل تَقَلة البياكل مع العِمِي ويبدو إنو داير ليهو زول متين زي بكري أبوبكر مثلاً. على أي حال، طالما المسألة أسماء غريبة في أسماء غريبة أمسك عِنْدَك الأسماء الغميسة دي:
- كِرَيْعَات: فريقهم غلب ليهو فريق تاني فضجَّ الأستاد بالهتاف المعتاد ثمَّ فجأة سكت الأستاد عن بكرة أبيه.
- عِفَينة: غيروها إلى عوفينا ودي حركة مش بطالة.
- أم عَشَّة: ما تسألني عَشَّة دي منو ممكن تكون عَشَّة أم عَشوش زوج ود أبْرَق الكلوروفيلي.
- أم تلاتة: ما تسألني تلاتة شنو ممكن تكون تلاتة تَكَلة وممكن تكون تلاتة بيوت وممكن تكون تلاتة أدوار.
- غِريقَانة: حكمة الله بي غرقها دا ناسها ما فاتوها شفت الإخلاص دا كيف.
- حشيش: مِنَّها ناس في حلتنا بقولو ليهم الحشَّاشة فتأمل في ذلك.
- السيَّال الدخاخين: ما تسألني ياتو دخاخين لكين لعلمك الحلة دي ما بعيدة من حشيش.
- ود قَرَّاص: عارفك حا تقول لي "جَابَت ليها قِرِّيص كمان؟"
وإن عدْتُم عُدْنا.
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: Adil Al Badawi)
|
| Quote: وده اسم , فما معني سمساعة (استاذي في الثانوي) |
منوبية
شكراً لسؤالك
الأسم لأسرة صوفية فاضلة في ربوع شندي والتراجمة
ويقال أن اللقب نودي به أحد أجدادهم من قبل شيوخه
ويدل على أنه لديه معرفة بدلائل ساعة الاستجابة
وهذه المعرفة الدقيقه أحيانا نشير إليها بالوسم
يعني وسمها لكي يعرفهاويقوم مقامها بالدعاء
وفي هذا القول من البلاغة حيث صار وسمه عليها
فكلما ظهرت ظهر وسمه عليهاوعرف رسمه فيها
فمن سمات وصوله أنه وسمها بوسمه وختمها بختمه
وأصبح في هذه المنزله أحق بأن يوصف بأنه من وسم ساعة الإستجابة
ولأن البيان عند الصوفية مستتر عرفت بالساعة وأشير إليها ساعة
واختصر الاسم إلى سمساعة
والله أعلم.
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
علي شتوح
علي ماسورة
علي عكوظ
علي مريسة
علي صنفور
علي اب صنيقير
علي روب
علي قاعونة
علي قرمة
علي شلهتة
علي شقاوة
علي البقرة
علي مكن
يلا يا زول السيدات ..
قللي
حتكورة
كوم الدين
تفلية
بت القمعروت
بت مسيمس
بت الهرمة
بت حيدوبا
بت نفلو
بت اب نفيلة
بت كرموش
بت كباي
بت القديلة
بت كردمان
بت الدرملي
بت المقلي
بت الزقينة
بت كوردوكيلا
بت ظريبين
بت ود اب كلول
و الباوقة
قريفة
تكوية
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
زول يا زول
سلامات على البوست الرائع كروعتك دائما في ( السبق البوستي )
أما عن الطرائف حول الاسماء ( الغريبة )
فخاصة حول اسمنا ( غريبة )
فابن عمتنا المرحوم حسين غريبة المحامي كان مشهورا في وسط المحاماه بالخرطوم وعلى مستوى السودان وقد توفي قريبا
فيحكي انه كان مترافعا في احدى القضايا و اما قاضي جديد لأول مرة يتقابل مع المرحوم حسين غريبة
فجرى العادة ان يسال القاضي المحامي عن اسمه في بداية أي مرافعة
وماكان من المحامي حسين إلا أن قال : غريبة
وطبعا القاضي اندهش وقال له :
الغريبة ايه في سؤالي دة ؟
( وطبعا مفهوم لديكم اللبس الذي حصل للقاضي بين الاسم ( غريبة )و بين غرابة السؤال )
والقصة دي انا سمعتها من اكثر من واحد وآخر مرة من مستشار قانوني بالدوحة كان زميلا للمرحوم
فليرحم الله حسين غريبة على ما بذله نحو السودان ونحو اسرته .
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
سلامات يازول يازول،
عليك الله أديني معاك فِريقة أسلِّم فيها علي حبوباتي:
بِتْ سعادة (حبوبتي لزم، الله يرحمها): اسمها فاطمة واسم أمها سعادة. لاحظ، لا سعاد لا سعدية ولا سعيدة... سعادة، منتهى السعادة.
بِتْ رُمَّان (عمَّة أمي وأبوي، الله يرحمها): اسمها بخيتة ولا أمها ولا أبوها اسمهم رُمَّان وهي مميَّزة كطعم الرُمَّان.
بِتْ أم باع (خالة أمي، متَّعها الله بالصحة): اسمها فاطمة وجسورة ولها، في كل شيء، باعين مش باع واحد.
النخيل (خالة أمي، متَّعها الله بالصحة): اسمها كدا، لا نخيل الشام لا نخيل اليمن وإنَّما مطلق النخيل دون تحديد جهتة.
بعدين، قُلْتَ ما دام أديتني فِريقة حَقُّو برضو تشوف بعضٍ من أسماء خلق الله من السودانيين مما أُلحق بأسماء الله الحسنى من غير ما عُبِّد:
فضل الله، فضل المولى، فضل الساتر...الخ.
قسم الله، قسم الفضيل، قسم الباري...الخ.
عوض الله، عوض الكريم، عوض العليم...الخ.
من الله، حُكْمَ الله، فرج الله...الخ.
جيب الله، حمدنا الله، جاد الله (أو جاد الكريم)...الخ.
الخ، الخ، الخ...الخ.
تحياتي، تحياتي، تحياتي...الخ.
| |
|
|
|
|
|
|
|
|
 Re: أغرب الأسماء والألقاب السودانية التى قابلتنى فى حياتى (Re: Adil Al Badawi)
|
عادل البدوى
وهذا إقرار منى بمنحك هذا البوست وقد تنازلت عنه طوعا وطربا وفرحا لما اضفته من اسماء وألقاب لم ينزل الله بها من سلطان وجمال وبهجة ومسرة فتقبله منى أخى ولى إضافة بسيطة فى موضوع الأسماء السودانية لأضيف (قسم السيد) و (فضل السيد) و (عوض السيد) وطبعا (السيد) هنا تقرا (seeeeed)
مع وافر تحياتى وشكرى الجزيل
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
صحيح أي زول اسمو عوض بيكون عندو ألقاب كثيرة:
مصداقاً لذلك، أنا اسمي عوض وأطلقوا عليّ عدة ألقاب بالتأكيد لا أستطيع أن أذكرها كلها
أذكر منها
في الجامعة (الفرع):
شوف
قورباتشوف
ديكوف
في الحلة:
عوض الله
في العائلة:
كابو
كابوس
في بنك الخرطوم والبركة
عوض كمبيوتر
في سودانيزأونلاين بعض الناس يذكرون اسمي (الود الطيب)
وموضوع شيق جداً يا زول.
العوض الطيب
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: Elawad Eltayeb)
|
الأخ العوض الطيب
أشكرك على المشاركة وأضيف هنا بعض مما ذكره (ود الباوقة) بخصوص إسم عوض:
عوض كرجية ( بضم القاف )
عوض الزنبعوب
عوض جنقول
عوض كمونية
عوض فتة
عوض كدوس
عوض صبير
عوض كوارع
عوض التنح
عوض اب رويسن طاعم
عوض قراصة
عوض بقل ( بضم الباء )
عوض اب زنانة ( بضم الزين )
الظاهر إسم (عوض) تحلو معه الألقاب
الله يكون فى عونك
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
سلامات يا هشام يازول يازول (زول التانية بمعنى ورد في هذا المنبر وهو ظريف)
تعرف أنا بريد الناس متلقيين الحجج وإنت فوق لي تلقِّي الحجج أخو أخوان/ت برضو/ك. الهديَّة مقبولة وإن شاء الله نقطعها بي عِرْق المحبة، ما بتاع المشعوذين داك...بتاع النَتَحي.
كلامك عن إسم "قسم السيد" أوحى لينا، ربَّما رداً على ما أوحينا لك من قبل، بإيراد طرائف الأسماء السودانية ومن ذلك ما يلي:
1. قريباً لينا تأمَّل في اسم "جيب الله" قائلاً: المِحَيِّرني واحد اسمو "جيب الله" تلقاهو السنة كلَّها مفلِّس! فتأمَّل قريباً لنا آخر بأكثر من ذلك قائلاً: هَسِّي إنْتَ عرفتو ياتو جيب في الجيوب، إمكن جيب الساعة ياخي.
2. سوداني اسمو فرح وقف قِدَّام ضابط الجوازات الليبي الذي استغرب في الاسم وتصرَّف (حار حار) قائلاً: ما أفهم فرح، دِيرْهَا فَرَجْ يا شيخ، وتراااح ختَّالو نقطة تحت الحاء.
3. سوداني اسمو "جُمْعة محمد جُمْعة" واقف براهو فاتح خشمو والمصري البِنْدَه في الأسماء يصيح: قُمْعة محمد قُمْعة، قُمْعة محمد قُمْعة ولا حياة لمن ينادي إلى أن انتبه وسأله: إنت يا ابني اسمك إيه؟ قال قُمْعة: جِمْعة محمد جِمْعة. قال المصري: ما أنا أُلتَ كِدا برضو.
4. خالتنا (رحمها الله) اسمها بخيتة ابن عوف وقد كتب اسمها في استمارة الدخول للمستشفي بهذه البلاد: بخيتة بنت عوف.
5. لو اضطرَّ واحد ياباني ينطق لقبك فأكيد حا ينطقو: يازورو يازورو...إنْتَ أكيد حاتقول ليهو خليها يازورو يازور قُبَّتو.
6. الكوريين الكُنْتَ شغال معاهم في السودان دايماً ألقاهم ليك يفصِّلو في اسم أبوي قائلين: با دا وي، لمَّا سألتهم قالوا لي إنو في لغلغتهم: با=فوق، دا=ال، وي=بحر، قلت ليهم يخلق من الاسم جملة شبه مفيدة. بالله رأيك شنو في تقتيرهم دا.
7. واحد اسمو عوض الكريم كُتِب اسمه في هذه البلاد: عِوَض (في خانة الاسم)، الكريم (في خانة اسم الأب).
8. شوف عيني دي واحد اسم أبوهو "حسب الرسول" غيروهو (قسراً) إلى "عبد رب الرسول" هَسِّي أنا منتظر ديل يلموا ليهم في زول اسمو "حسب الله" عشان أشوفهم حا يتصرَّفوا كيف.
9. طبعاً، وما قوم عاد الذين نطقوا اسم "السر طه" على إنَّه "الشرطة" عنكم ببعيد.
بمناسبة السكسيسيف أكويزيشن للبوست دا، أيه رأيك نستفيد من خبراتك ونعيِّنك مدير ليهو...حرَّم ما تقول حاجة، وألا أقول ليك...قول تَمْ.
تحيَّاتي.
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
إزيَّك يا مدير، شنو الحكاية من أولها قًلْتَ الروب!
أمسك ديل (روَّاب) لي حَدِّي ما أجيك صاد:
(الخَمَّامة، الخَرَّاطة، القنديل) ديل ألقاب زول واحد، الجَعَّاد، أَبْ ريكة، الجُلُق، الجابدة، التُّحُت، شاكوش، هِلِّي...
الباقي رسَّلنا ليهو يجيبوهو من السودان...جَدْ والله، قَيِّد إنت بَسْ في الكرَّاس.
تَبُون توقيع شَي؟ أنا على الجوَّال
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
سلامات يا زول يا زول،
البريد وصل من السودان وأمسك عندك:
- عبيدو المسَّاح (اسمو عبد الرؤوف وهو ود خالة أمي ويناديه بعضهم "المسيح/خ" وبعضهم "مسحة") وقد اقترح، أيام "صندوق دعم الشريعة"، أن يتم انشاء "صندوق دعم الشِرِّيبة" وهو مهندس مساحة اقترح عليه خالنا أن يتزوَّج من "مسَّاحة" فقال: بِشَاوْرَة يعني.
- استكانة (جِنُّو تمباك وقبل فطور أول يوم في رمضان قال: يا جماعة ما تسوطو لينا كيس تمباك في الآبري دا)،
- أصَّالَّيْ، أصَّارْقيل، أدِّليو، أتِّبِّيتَة، أنَّحَّة، ألُّوبة، أجَّلَّـاي، أصَّعَب،
- أجَّغَرُو (اسمو اللي هو اسمو: ذو الفقار فتأمَّل في ذلك)
- الكِعيرُّو، الترولِّـي، الجربوع، النار، الفاهم، Anjuma (ال nj تنطق كما في nj طلب الطفل للطعام)
- أتِّريمبيل (عم أبوي لزم)، بلول (جدي أبو أمي)، أتَّامبوش (يعني تام بوشو وهو ود خال أمي)
- أبْ حَبَك، أبْ لِيفة، أبْ زَعَل، أبْ حَبَقَة،
- عيبة (مؤنَّث عيب واللقب لرجل)، سَمْبُو، شيشة، كاشِيَّة،
- أُم بُغْ (رجل، أما البُغْ فلا علم لي به)، قوم عِصير (إمرأة، أما قوم فتعني قيام وعِصير تصغير عَصُر)،
- السِحيحِيرة (رجل اشتهر أيام الطفولة بحكاية قصص السحاحير المرعبة، كان لما يقول ليك: جابو جِلِد قملة سووهو دلوكة وجلود صُباب سووها شْتَامة ويدخل ليك على السِحيحِيرة … أوصالك، عشان ترتعد، تفتِّش ليها سما واطـا ما تلقاها)
تحياتي، ومداعاة حمرا ما ناسيها حا أشِدَّ ليها الرحال والحساب ولد طبعاً.
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: Adil Al Badawi)
|
الكديد ودالبدوى
| Quote: أتِّريمبيل (عم أبوي لزم)، بلول (جدي أبو أمي)، أتَّامبوش (يعني تام بوشو وهو ود خال أمي) |
عل الحرام لو عارفين اسرتكم فيها اسامى زى دى سلام الله ده ما كان نديك ليهو...
كمان زمنك ده كلو مصنقر و مترهرج فى كافتريا الاقتصاد مع ناس x,y, z الاسامى عارفا براك
لكن يا الكديد محنك محن
اتخيل الاسامى عند ناس ابشوك تكون كيف
ذكرتنى: مرة احمد من القانون لاقانا انا و جاليلو و جبرونا عاين لينا و قال the three J's اساميكم عجيبة, جبرونا قال ليهو: اخير انحنا القاب لكن ده اسمو عديل
| |
|
|
|
|
|
|
|
|
|
Re: أغرب الأسماء والألقاب السودانية التى قابلتنى فى حياتى (Re: يازولyazoalيازول)
|
سلام يا زول
أسد
أشمانة
أبو صباع
أحمد كوكا
إختيار
أوشبي
أوشي
أبوالروس
أبوراس
أبوالريش
أوندي
افندية
أسولي
اللباب
الصايغ
أمباري
أرناؤؤط
أوسو
أبوالغلابة
إبراهيم كولو كدن كولو
أوبي سمره
أويا
بنقاسا
بركية
بربرا
بهلول
بسه
بسيسه
بلبول
بصيلي
بتيك
بزونجي
بعشوم
بوجا
تبيدي
تيلكاق
تك
ترموسو
ترنا
ترسي
حليو
حباطة
حسن سواسوا
حاج كاش
حجين فتحي
حسن بتيتي
حسن سخانة
حق الفول
حسن بصل
حواشي
جمعتلي
جنجينة
جمبلان
جوافة
جرقندي
جريس
جمال أوكا
عجاج
دهيبة
دارية
دوانة
دهب أسود
دسه
رضينا
روكا
سيدي قيلا
سوبوتو
سلتي
سمساعة
سليمان بيرة ( كان يعمل في مصنع السكر)
سليمان سكر ( كان يعمل في مصنع البيرة سابقا)
سربوج
سيا لا
شوربجي
شبكه
شكتور
شلك
شميشه
شبي
شومبي
شدولة
شادول
شوللي
شبي
شبا
صحابي
طماية
طوخي
طموش
طنون
ظرافة
فنونة
فللي – FALAEH
فقول
فاتي
فضة
فتحي سكران ( ما كان سكيراً رحمه الله )
فولي
قرقودة
قريتي – GERATEE
قروندي
عمر بابا
عجيل
عبدو مرا
غلاب
غزاوي
غزال
كك
كونتي
كدفور
كوسا
كرا
كارا
كوكي
ككيه
كاكا
كبارة
كشووا
كولوشون
كربيج
كنه
كدود
كفتيرا
كوكو
كوج
كيخا
كول
كترللي
كوبسو
كركي
كرك
كورب
كوركي
كناري Kennary
عبدو كورمي
لقية
لقلقه
موندو
مشمون
هجلة
هميمي
هوشة
هيمو
ودبروس
ود الجعانة
| |
|
|
|
|
|
|
| |
يازولyazoalيازول
أبو ساندرا
عبدالرحمن عزّاز
saif khalil
manubia
فرحات عباس
abas
ابوعسل السيد احمد
المسافر
Ishraga Haimoura
ghariba
Elawad Eltayeb
طارق جبريل
خضر الطيب
lana mahdi
ولياب
Ahmed El-Neel
فيس بوك
تويتر
انستقرام
يوتيوب
بنتيريست