|
|
|
 Re: لف العِمة خلوهو لى الزى ديل (Re: Sobajo)
|
..
سلام يا زول...
دايما عناوين بوستاتك تجبر الواحد انه يبتسم (على الاقل ) مهما كان اليوم شكله كيف... مشكور والله على ذلك..
العمّه دي ابدا ما اهتميت لدلالاتها..وفنها..الا بعد فتره طويله من خروجي من السودان... دلوقت عندي مزيد من الاحترام لحرفنة اعمامنا و اجدادنا في لفّها...واكتر كمان لمقدرتهم على الاحتفاظ بتوازنها وهي على رؤوسهم الغاليه ... وهم واقفين...قاعدين...ماشيين...ساكّيين المواصلات...الخ...
و التحايا للجميع...
| |
 
|
|
|
|
|
|
|
|
Re: لف العِمة خلوهو لى الزى ديل (Re: تيسير عووضة)
|
الغالية تيسير عووووووووضة
علاقتك بي صاحبي دا شنو؟؟؟
خاصة أني شايفكم مشتركين في إسم عووووووضة
وقاعدين الإتنين وقدامكم (لذاذة) تصبوَّا لينا ونحن نشرب
صديقي هشام تاني البركة فيكم
أنا كان عرفت عمة باللنقليزي شنو كنت خميتها من (قوقل - صور) وجبتها هنا
إشتياقي ولا زالت أضحك من اليوم داك
| |
|
|
|
|
|
|
|
|
|
Re: لف العِمة خلوهو لى الزى ديل (Re: بدرالدين شنا)
|
الغالي بدرالدين شنا
كيفك يا رائع؟؟؟
| Quote: أنا كان عرفت عمة باللنقليزي شنو كنت خميتها من (قوقل - صور) وجبتها هنا |
أنا عايز أرد لي
عمة باللنقليزي turban
ودي (التوربان) اللقيتها بس
والتوربانا دي في خشمي
| |
|
|
|
|
|
|
|
|
|
Re: لف العِمة خلوهو لى الزى ديل (Re: يازولyazoalيازول)
|
كيفك يا حاج
إنت عارف طبعا أخوك إستشارى فى اللف
ومافى أجمل من اللف بس أوعى من "البَرِم" لأنه ببوظ "التكنيك" كله
أحرف ناس فى لف العمة أحبابنا الأنصار والعمة بتاعتهم حلوة جدا
هسه الأيام دى أنا قاعد أحاكى فيهم
وما قاعد تعجبنى "لفة" ترباس لأنها ماكنة زيادة من اللزوم
لفتك إنت يا هشام "طاعمة" وموزونة
بعدين شوف اللفة فى قاموسنا السودانى الشهى
شفت "لفة القوز" يا بدر الدين شنا
أها يا هشام
أنا خلاص قايم "لاف"
| |
|
|
|
|
|
|
|
|
|
Re: لف العِمة خلوهو لى الزى ديل (Re: يازولyazoalيازول)
|
تيسير عثمان عووضة مش؟؟؟
والله أنا ختري عديل كدي
| Quote: صاحبك دا أمو تبقى لي حبوبتي أم أبوي (لزم) |
أها بعد دا يا تيسير شدي حيلك لأنو إحترامي ليك حا يزيد
هشام قلت زولي عندو شلل أطفال؟؟؟
زولي يا هشام بادية تقوم ليهو عمة في خشمو
عليك الله عاين للخشم مش ماتشنق مع العمة
صديقي أبوذر
نحن يا ابوذر العمة ما بنلبسها بنختها في الكتف ونأشر بيها للعربات
هوي هوي هوي وخاصة لمن تكون العربية ماشة لي عزا في القرى المجاورة والواحد مننا يكون كسلان من المشي
| |
|
|
|
|
|
|
|
|
|
Re: لف العِمة خلوهو لى الزى ديل (Re: يازولyazoalيازول)
|
| Quote: والله العظيم يا سوباجو مية المية وفيها (عزبة) كمان |
تصحيح بسيط يازول :- العمه العزبة حقت ألانصار تلفها وتنزلها باليسار لكن الزى لفت سوباجو ده لفه بتاعت الجبهجيه و الكيزان ( مع عدم معرفتى بسوباجو شايت وين ) .
| |
|
|
|
|
|
|
|
|
|
رد (Re: يازولyazoalيازول)
|
اها عمتى كيف
مع ملاحظة انو انا نوبى
يعنى العمة دى جاتنا ولفحنها مع الناس ساى
انت عارف يا هشام انا بعرف اهلى النوبيين من لفة العمة
| |
|
|
|
|
|
|
|
|
|
Re: شيخ (Re: يازولyazoalيازول)
|
| Quote: العمه العزبة حقت ألانصار تلفها وتنزلها باليسار لكن الزى لفت سوباجو ده لفه بتاعت الجبهجيه و الكيزان ( مع عدم معرفتى بسوباجو شايت وين ) |
يا منعم مالك معاي ياخ ...
ما لقيت فيني فرقة الا زي ده ...
و الله انا ما من الجماعة الطيبين ولا الما طيبين ...
دي لفة كدة نظام قشرة و بس ...
وفيها حبة فنجرة ... يعني تجديد في اللفة الاصلية ...
اي حاجة هنا عاملين ليها تجديد و استحداث حتى الدين ...
ما دايرننا نجدد لف العمة السودانية على حسب المستجدات الحديثة ...
يعني كلها كم سنة و تلقى انو العمة اضافوليها antina عشان تلقط اشارات الموبايل ..
و العزبة دي لا بتكون بي اليمين بتاعت انصار ولا شمال بتاعت كيزان ...
هتكون مقبلة لي فوق عديل كدة زي ضنب الكديسة ... ترسل و تستقبل ...!!
عشان تحديد المسار في العاصمة و تفادي الزحامات ...
عشان كدة انا بديت بالشكل العام ...
بعد داك نفسح المجال للجماعة المخترعين و المبتكرين ...
و دمتم نحو عمة سودانية مستحدثة ... (بس ما تقومو تطلعونا من الملة و تطبقو علينا الحد )
| |
|
|
|
|
|
|
|
|
|
Re: شيخ (Re: Sobajo)
|
Quote: يا منعم مالك معاي ياخ ...
ما لقيت فيني فرقة الا زي ده ... |
سوباجو يا ظريف نتمنى ألا نجد فيك الفرقة أبدا ودائما ، وطالما الموضوع كده لفها فى ألاتجاه الساهل و مشى .
| |
|
|
|
|
|
|
|
|
|
Re: شيخ (Re: عبد المنعم عمر عثمان)
|
| Quote: وطالما الموضوع كده لفها فى ألاتجاه الساهل و مشى |
منعم ياخوي ...
و الله كمان مع الغربة دي بقينا مشتاقين لي لفها ..
حتى لو الواحد يلفها في نصو ذاتو ...
ربنا يرد غربتنا و نلفها كما اتفق ... و نعمل ليهما مشابك كمان عشان ما ننزلها تاني خالص ..!!
و دمتم جميعا .....!!!
| |
|
|
|
|
|
|
| |
يازولyazoalيازول
الطيب بشير
saif massad ali
Sobajo
الجندرية
تيسير عووضة
نجوان
بدرالدين شنا
nazar hussien
أبوذر بابكر
Mahmoud Mustafa Mahmoud
mohmmed said ahmed
فيس بوك
تويتر
انستقرام
يوتيوب
بنتيريست