|
Re: (حلاتو بى وليداتو) ، يا جماعة شوفو صورتى (Re: Sidig Rahama Elnour)
|
تسلم يا صديق ، وصدقنى رغم السنين الا أن قلوبنا تخفق تماما كخفقان قلوب (العرسان)
يا جماعة أخونا صديق رحمة ، زول كسلاوى لذيذ ، وزميل عمل ، وعضو جديد لنج (كرت) ، ولديه حس أدبى من النوع (المطرى) ، نسبة الى العضو (المطر) ، فدعنى أجدد الترحيب بك هنا يا صديق ، وأنت مكسب حقيقى للمنبر ، ولإثراء الحوار ، فحبابك عشرة
صرفت الراتب ولا لسع؟؟؟
| |
|
|
|
|
|
|
Re: (حلاتو بى وليداتو) ، يا جماعة شوفو صورتى (Re: حمزاوي)
|
أبقوته: الصورة حديثة يا ابقوتة دى عايزة ليها قصيدة نعم جلابى ، ولكنى جنوبى من الداخل وشمالى من الخارج
ودقاسم: تسلم يا ملك ويخليك انت وأهلك كمان
حمزاوى: ياخ أنا ماعندى جضوم ، الجضوم خليناها للرباطاب ناس سجيمان
شكرا يا أحباب
| |
|
|
|
|
|
|
Re: (حلاتو بى وليداتو) ، يا جماعة شوفو صورتى (Re: يازولyazoalيازول)
|
الاخ هشام ( عشاء البايتات) سلام شكراً على أسهابك في الترحيب بي ، ونحن بخير طالما ظل هذا الفرح المعافي من تجاعيد الهموم يفرد جبينه في الحضور ، وبعدين ياخي ما تسلط علينا الناس بصرف الراتب ( الديّانة كتار في البورد ده ) ولو شموا خبر والله يجوا يقيلوا معنا هنا في المكتب.
| |
|
|
|
|
|
|
Re: (حلاتو بى وليداتو) ، يا جماعة شوفو صورتى (Re: يازولyazoalيازول)
|
انا اتنشلت ........
يا لهوتى
امبارح كتبت مداخلة "اختية" جدا جدا لى يازول واسرتو الجميلة
وحسة لقيتها مافى
يا الشيخ عبدالعاطى ويا الشيخ بكرى ابو بكر تلحقونى وتنجدونى
الشال مداخلتى
تتشال مداخلاتو يارب العالمين من السيرفر
وتنمسح كلمة سرو...ويتنفش سرو
يلم فيه هكرا ...يهكرو مرة واحدة ...تانى ما يفرفر...
هههههههههههه
وينها عليكم الله؟؟ دحين ماشفتو ليكم مداخلة ... جات كايسة ليها ..مخارجة ؟؟؟
لكن برضو بتكلم جد...مداخلتى وينها ...يا ادارة
| |
|
|
|
|
|
|
Re: (حلاتو بى وليداتو) ، يا جماعة شوفو صورتى (Re: Tumadir)
|
والله ياتماضر قريت المداخلة بانك اخت حماه وعمة وندهتي فيها الشيخ عوض الجيد كلو قريتو , لكن عارفه ياتماضر ده شغل شفع يمكن يكون الزول ده بحبك وعايزك تتكلمي معاهو زمان لمن كنا صغار البنات ال بنحبهم نعمل معاهن شكل عشان يتكلمو معنا ونمشي نزورهم نعتذر ليهم وتبدا قصص , الله يعنك ربنا يكشفو لي الناس
| |
|
|
|
|
|
|
Re: (حلاتو بى وليداتو) ، يا جماعة شوفو صورتى (Re: كبسيبة)
|
تماضر: سيف مسعد:
تماضر الظاهر علامات الخرف بدت تظهر شوية شوية ، انتى فعلا كتبتى المداخلة الحلوة وأنا قريتها ، بس ما هنا ، انتى كتبتيها فى البوست بتاع (اليوبيل الفضى) ، وأنا من قبيل زى ما قال سيف قاعد (محمبك) أقول تماضر ما جاتانى بى هنا ، بس هسع (اتفشيت) شوية
فالكون: تشكر يا ملك وعقبال احفادك كمان
عوض الله الفولانى: عليه الصلاة والسلام ، كتر خيرك يا عوض
عائشة الساتر: مشكورة اختى عائشة وربنا يديك العافية
كبسيبة:قلت الدفتر ياتو ، يا (أحلى) كبسيبة) فى الوجود
| |
|
|
|
|
|
|
|