|
|
 تماضر - قصيدتك_ لى محجوب شريف _ تب ما هينة
|
عافية وشفاعاجل
تمشى الوطن قادل
يا قلبك الاخضر ويا بالك الماهل
يارشة المطرة فى رملة الساحل
ما من تلا نظمك
وفضل وراه جاهل
ما من تبع خطوك
دربا ولا ساهل
يا عشقك الصوفى ..
مشرور .. ومتماهل
ماخد على خاطرك؟
جابر خواطرنا..
رافع جباهنا ضحى
ومعلى سيرتنا ..
قادلين كما الطاووس
شعرك هتاف وغنا
فى دربنا..محسوس
داير تكبرنا..دايرنا نبقى شموس
شاهد على عصرك
متجاوزا عصرك
وتغنى فى "قصرك"
قصر المحبة الخام
والعشق والالهام
علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك
تماضر شيخ الدين
|
|
 
|
|
|
|
|
|
|
|
Re: تماضر - قصيدتك_ لى محجوب شريف _ تب ما هينة (Re: يازولyazoalيازول)
|
Quote: .. تضحك يفرهد حس
تبراك ( واعيه ) شمس
و النيل رهانو عليك
ترجع يسوي عرس
و الضفتين بتهز
شباله نخلاتو
و تقيف على صدرك
تكشح عليك عافيه
موزونه ليك قافيه
من ناس محاوطنك
في النبض داسنك
محروس و شايلينك
تلقي الوطن صاحي
للجاي صباحي
جرتقتو في إيدك
بيهني بجديدك
يازول محال حصرك
( شاهد على عصرك )
ياعافية موسومة
وجبهانا ليك قومه
يا رب يسر خاطرك
يا رب .. |
عماد عبدالله
| |
|
|
|
|
|
|
|
|
 Re: تماضر - قصيدتك_ لى محجوب شريف _ تب ما هينة (Re: يازولyazoalيازول)
|
Quote: يا ضفة تزرع في الشروق ..
وضفة بتقاوم الألم ..
شمعة الألم التهد ..
ليل الكوابيس .. زمن الودار ..
في صدى الليل الهياج ، الاحتضار .
وليك يا آخر الخيول ..
فرس الرهان الما كبا ..
وهج الشموس ، الاشتعال وانكسار المستحيل ..
شقيتو بي سيل الحروف ..
الطالعة دابا من الصدف ، مجرى البحر ..
ويا جراحك يا ود شريف ..
لما تفرد غيم جناحك ..
فوق عذابات الوطن ..
يا صباحك يا محجوب شريف .. |
عبدالحليم خالد التلب
| |
|
|
|
|
|
|
|
|
|
Re: تماضر - قصيدتك_ لى محجوب شريف _ تب ما هينة (Re: يازولyazoalيازول)
|
Exactly. And the rest there, and here presented some beautiful verses. It could be the love to Mahjoub which released all this beauty? Or, it could be "The land of poets, but no one is singing" as was declared by the narrator in the Season of Immigration to the North, written by Eltayeb Salih???? c
| |
|
|
|
|
|
|
|
|
|
Re: تماضر - قصيدتك_ لى محجوب شريف _ تب ما هينة (Re: Nasr)
|
الناس الحنان
مرحبا.بيكم .
ومرحبا بالحب..
وبمحجوب شريف..
وبالدعا الصالح
عشان عيون..بنياتو وأميرة
ومليون ميل معطر بجمال طرحو..
شكرا هشام على افراد بوست لى قصيدتى ..
وهو بستاهل اكتر من كده
شكرا جندرية على دميعاتك الصادقات..
وعلى المحنة
| |
|
|
|
|
|
|
|
|
|
Re: تماضر - قصيدتك_ لى محجوب شريف _ تب ما هينة (Re: يازولyazoalيازول)
|
| Quote: شكلك صاحب تبارك؟؟؟ |
انت يا هشام باين عليك فى حاجات كتيرة فى تاريخ الاسرة دى ما بتعرفها ..عشان الغربة
ده اسمو على تروس...ما تقراها على ترووووس تحرجنا معاه ..تروس بكسر التاء سكون فى الرا الواو اديها كسرة ..والسين اديها سكون تانى ..تطلع تر وس
تبارك ما صاحبو..تبارك فردتو
وحسه فى واشنطن كانوا ساكنين سوا ..
لكن سمعت قالوا اتشاكلوا ..وعلى تروس بينى وبينك عكليته ..وتبارك اعكلت منه
المهم الزول "هيلنا" ....ههههههه
وبالجنبة التانية هو ود خالة اسامة الخواض ...الشاعر الواااحد ده..
بس قلنا نسكن ليك راسك عشان ما تضهب من زولك "مش ذكرتك امى؟"
يللا
حبابك على تروس..
| |
|
|
|
|
|
|
|
|
|
Re: تماضر - قصيدتك_ لى محجوب شريف _ تب ما هينة (Re: Tumadir)
|
تماضر ، إنتى كمان ما فاهمة إنك فعلا (أمنا) بعد وفاة الحاجة ، لأنك بتها الكبيرة ، والبت بتخلف أمها فى كل شىء
الله يديك العافية
وتروس بقت لى بعد تشكيلك ده زى ترمس
تحياتى ليهو وياريت لو يتصالحو هو وتبارك أخوى اللايوق ،
بعدين كلميه قول ليه ده أخونا (البكر) ، هو بعد داك براه بيفهم
| |
|
|
|
|
|
|
|
|
|
Re: تماضر - قصيدتك_ لى محجوب شريف _ تب ما هينة (Re: يازولyazoalيازول)
|
عافية وشفاعاجل
تمشى الوطن قادل
يا قلبك الاخضر ويا بالك الماهل
يارشة المطرة فى رملة الساحل
ما من تلا نظمك
وفضل وراه جاهل
ما من تبع خطوك
دربا ولا ساهل
يا عشقك الصوفى ..
مشرور .. ومتماهل
ماخد على خاطرك؟
جابر خواطرنا..
رافع جباهنا ضحى
ومعلى سيرتنا ..
قادلين كما الطاووس
شعرك هتاف وغنا
فى دربنا..محسوس
داير تكبرنا..دايرنا نبقى شموس
شاهد على عصرك
متجاوزا عصرك
وتغنى فى "قصرك"
قصر المحبة الخام
والعشق والالهام
علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك
لكى لا ننسى ............................
| |
|
|
|
|
|
|
| |
يازولyazoalيازول
saif massad ali
Sidig Rahama Elnour
wesamm
الجندرية
Nasr
Tumadir
بدرالدين شنا
على عمر على
صديق الموج
nazar hussien
فيس بوك
تويتر
انستقرام
يوتيوب
بنتيريست