|
Re: حلات القونقليز فى خشوم شفع الخواجات (Re: يازولyazoalيازول)
|
Quote: أيوة يا نجوان بنضفوه ، مش بجى فى القرعة؟؟؟؟ وبعدين بيفقشو القرعة ، ويطلعوا الحصحاص بتاعو ، ياكلو الأبيض ويجدعو البذرة
|
معليش.. شكلي دقست وقدرت تتخارج يا زول..
المهم أقدر على عثمان محمدين ده.. قبل ما تعمل فيها خبير القونقليز ظاااتو
Quote: ما الفرق بين القونقليس والتبلدي العفوس
|
| |
|
|
|
|
|
|
Re: حلات القونقليز فى خشوم شفع الخواجات (Re: نجوان)
|
يا نجوان ناس محمدين ديل ناس التبلدى البازغ ، أذكر أول مرة رأيت فيها شجرة تبلدى فى كردفان فى الستينات ، وكانت وقتها أكبر شجرة أراها فى الدنيا ، فقد توقفت أمامها طويلا وشعرت برهبة فظيعة ، شعرت يا نجوان أننى أمام شجرة مقدسة تسبح بحمد ربها ولا تملك إلا ان تقول سبحان الله
آه يا زمن
ذاك زمن التبلدى الجميل ، كجمال نفوس أهل التبلدى
تحياتى يا نجوان على مشاركتك اللذيذة التى جعلت للبوست طعم القونقليز
| |
|
|
|
|
|
|
Re: حلات القونقليز فى خشوم شفع الخواجات (Re: 7abib_alkul)
|
7abib_alkul
أولا مرحب بيك ، طولنا ما إتداخلنا
بعدين ، زى ما قال الغناى (نحنا يانا نحنا)
يا حبيب ، أساسى عندو غباين قديمة عايز يفشها ، وهو زول غلبان ، ولذلك تجاهلته ولم أرد عليه لأنه لا يستحق عناء الرد عليه ، بعدين ما الذى يريبك فىّ؟؟؟
تحياتى يا حبيب
| |
|
|
|
|
|
|
Re: حلات القونقليز فى خشوم شفع الخواجات (Re: يازولyazoalيازول)
|
اكيد عندي غبائن داير افشها ولاني راجل بفشها هنا في وشك وبقول العايزه قدامك ...فكونك تنادي بطردي من المنبر اكيد حيولد جواي غبائن وحنق عليك .. لكن ما شايف انه غريبة شوية انك البادي واطلع انا من عنده غبائن ما شايف انك اتربصت لحدي ما خليتني اقول ماشي اتغدي واستغليت الفرصة ولم تصبر كالعادة بل فضحت نفسك وانت تدعو الله اني احضر اثناء فترة الغداء والقي بكري طردني ..؟ انا يا هشام ما عندي غبائن مع انسان في الدنيا وما بنوم وفي قلبي حاجة علي زول ... حتي البوست الكتبته فيك والذكرت فيهو انه ردا علي محاولتك كتم صوتي ونفسي .ارسلت لك رسالة علي جوالك اني سارد عليك لكي لا تتفاجا ولكنك صمت ..وكان صمتك هذا بمثابة تصريح بقبول الرد . كونك ما رديت ابدا ما بيمنع انه البوست ادى مفعوله وجاب نتيجته
| |
|
|
|
|
|
|
Re: حلات القونقليز فى خشوم شفع الخواجات (Re: othman mohmmadien)
|
أشجار التبلدي لتخزين المياه في غرب كردفان لجأت بعض القبائل السودانية ذات الأصول العربية في ما يسمى بدار حمر والمعروفة بتربية الإبل والضأن بكردفان والتي لا تملك مصادر كافية لمياه الشرب، إلى ابتكار مصادر أخرى وذلك بتخزين مياه الأمطار التي تهطل في فصل الخريف في تجاويف جذوع أشجار التبلدي التي يزيد عمر الواحدة منها عن 200 عام.
وشجرة التبلدي شجرة ضخمة طولا وحجما وهي من الأشجار المعمرة إذ لا يعرف أحد حتى الآن عمر أي واحدة منها, كما أنها لا توجد في كثير من بلدان العالم, وتجويفها متفاوت السعة التخزينية من 40 إلى 100 برميل للشجرة الواحدة.
فوائد التبلدي تستخدم ثمار هذه الأشجار كعصائر بلدية باسم القنقليز وفي علاج بعض ألأمراض الباطنية بجانب استخدام الأوراق في بداية فصل الخريف للأكل اعتقادا بمعالجتها لبعض الأمراض الأخرى.
ويقول الشيخ مراد محمد إيدام أحد ملاك إحدى الأشجار التي أطلق عليها اسم "الغبشة" إنه لا أحد من الأجيال الموجودة يعلم كيف أجريت عملية التجويف وكم أخذت من الوقت، لكن هناك من يعرف كيف يجرى عملية توسعة مدخل التجويف حتى تسهل عملية إدخال الدلو وسحبه أثناء التفريغ.
وقال الشيخ مراد إن هذه الشجرة يتوارثها الناس أبا عن جد وتؤول أحقية إدارتها لمن يقوم برعايتها وتهذيبها وتنظيفها من الداخل بجانب تنظيف الأرض من تحتها.
وذكر أنه بعد هطول الأمطار تتجمع المياه من جهات مختلفة تحت شجرة التبلدي التي لا تنبت إلا في مناطق منخفضة عن المناطق الأخرى من حولها, مشيرا إلى أن امتلاء حوض الشجرة يدفع بعض ملاكها للتعاون في عملية التعبئة عبر دلو من الجلد أو من أحد المصنوعات الأخرى من البلاستيك.
كما أوضح الحاج جمعة إسماعيل أن هناك من يتفاءل بهذه الشجرة، بل إنها اتخذت شعارا ورمزا للمنطقة.
وقال إسماعيل إن المياه عندما تعبأ داخل جوف الشجرة تكون ممزوجة بالطين وأكثر كدرا من غيرها, وبعد أيام قلائل تصبح صافية ونقية بدون أي رائحة أو لون.
كما أن الأشجار المجوفة تسقط أوراقها عقب توقف فصل الخريف، فيما تواصل الأشجار غير المجوفة اخضرارها طوال فترة الشتاء, الأمر الذي يرجعه سكان المنطقة إلى سر غريب أو معجزة إلهية.. المصدر: www.bab.com/news/full_news.cfm?id=73785
| |
|
|
|
|
|
|
Re: حلات القونقليز فى خشوم شفع الخواجات (Re: othman mohmmadien)
|
شنو يا زول يا هشام.. واحد مسطول كتل نملة.. واحد عريان ساكي جداده.. واحد شرب ليمون وسطل لط.. واحد...
بالله يا زول أنت ما حاسي إنك بقيت إنصرافي شوية..
شايفك اليومين ديل بقيت تشوت ضفاري ساكت.. لو قهران في خزان في غبيرة هناك أمشي جنبلق أغطس...
قونقليز شنو وبطيخ أزرق شنو..
أنت في شنو والحسانية..,
أحب الحسانية ديك..
| |
|
|
|
|
|
|
Re: حلات القونقليز فى خشوم شفع الخواجات (Re: hatim)
|
يا حاتم ، أنا إنصرافى ، إنت الجايبك لى شنو؟؟؟؟
ياخ (حتى لو إفترضنا كلامك صاح وأنا إنصرافى) ألم تستمتع بما كتبه محمدين عن التبلدى هنا؟؟؟ أمانة فى زمتك ما إستمتعت؟؟؟
ثم ما بالك يا أخى تسىء الحسانية؟؟؟
إذا كنت أنا إنصرافى فأنت مسىء؟؟؟ أيهما أفضل فى زمتك؟؟؟؟
ثم ياخ خزان غبيرة ده أمشى أشرب منو إنت لحدى ما تروى
ناس عجيبة والله
| |
|
|
|
|
|
|
|