وداعا هاشم كرار زول مِجمِّع ونص.. صحي الموت سلام ما يغشاك شر

Quote: Najeeb Nooreldeen [ 3 نوفمبر] يااااهااااشم.. هاشم نورالدين ونجيب كرار... قالت امي.. امك.. اماتنا الاتنين شاهدات عيونن محبتنا وخوتنا..... ااااخ ياصاحبي.. كيييف الحياة من غيرك... روحك المتقاسمنها.. خليتني لمنو ولشنو ياهاشم.. اااه ياااللوجع والفقد.. علي هاتفي عانقت الاصحاب وبكييييت... يا اماني وسارة ومحجوب وطه وعوض... هاشم مامات هاشم هنا وهنا وهنا وهنا كل الابتسامات والقوة والشجاعة ودفء المحبة خلاها ليكم... واصبحت بعدك قليل... كنت تتم حياتي بوجودك ومحبتك ووووو بينا اربعين عام وثلاثة من الحب والخوة والصداقة ونبل العشرة.. ياخ حتى عوض احمد خليفة وادارة جريدة الايام ولما نلتقى حرروا خطاب تعيين لاسمين هاشم احمد عبدالرحمن وابراهيم نورالدين.. سابقة في تاريخ الخدمة المدنية في السودان.. تاني اقول شنو عن امك في الحصاحيصا وامي في امدرمان كانت عيونن تحكي عن محبتنا.. سلم لي على امي امك بت الجعيلي ولأمي امك حفصة حماد الليلة الجنة نورت هناك والبرزخ يستقبل انبل واجمل من عرفت... يااااااه.. تاني ما خ اكلمك؟ لا ح اكلمك كل يوم حتي القاك بهناك حيث لا فراق.. لافراق...