الجنرال في متاهته وقحت في تراهاتا

Quote: تعقيب على بيان قحت في اديس 14 اغسطس 2023 اذا كان اول الكلام كفر الاسطوانة المشروخة المدوراها قحت من 2019 لحدي هسة 2023 لازم تقيف هل ما كان في برنامج ومشاريع وطنية قبل وبعد الاستقلال في السودان ؟ 🙊🙉🙈 هل انتو ما اطلعتو عليها قبل تمشطو الانقاذ بي قملا ام هي غير موجودة؟ في حد فهم حاجة يا جدعان في البيان ده هل تظهر اثار لاعادة تاسيس دولة ومؤسسات ؟ خطاب طوباوي ما فيه اي. مؤسسية او مؤسسات واضحة ومنو القال ما في مشاريع وطنية من الاستقلال الاستقلال ذاتو كان مشروع وطني قام به حزب الامة والسيد عبدالرحمن بصورة رئيسية ا1_اصدر وثيقة الاستقلال 1953 ده اول مشروع وطني وطلع الانجليز بالانتخابات 1956 2_ الحزب الجمهوري كتاب اسس دستور السودان 1955 ايضا عالج مشكلة السودانيين والجنوبيين بطرح فدرالية السودان قبل يعرفوها اليسار البائس واليمين الاكثر بؤسا 3_اتفاقية اديس 1973 وقوانين 1974 ايضا الحكم الاقليمي اللامركزي مشروع وطني حقيقي وصلنا لحدي انتخاب حاكم الاقليم وفازت د فاطمة عبدالمحمود في الاقليم الاوسط اجهضو الترابي بشهادة ابيل الير في كتاب التمادي في نقض المواثيق والعهود 4_ اتفاقية نيفاشا ودستور2005 واتفاق نافع عقار 2011 ايضا كان حل بعد انفصال الجنوب المؤسف 5_ الجبهة العريضة حسنين 2019 علم ورؤية ودستور موجود.في مكتبة النور من 2019 يا قحاتة ما تفلقونا بي انه ما في برنامج وطنية وما في وطنيين سودانيين قدمو رؤية لبناء السودان من الاستقلال اما ده جهل منكم او استكبار هل اطلعتو على البرنامج الخمسة دي؟؟ قبل تقعدو مع الجنرلات من 2018 بالوثيقة الدستورية وفشلتو وسلام جوبا2020 وفشل واخيرا الاتفاق الاطاري 2023وفشل ايضا والنتايج قدامكم اتواضعو واحترمو وعي الناس والشباب والشعب وواجهو الحقايق ولا تبخسو الناس اشياءهم وتخترعو لينا العجلة كل مرة شكلو لجنة دستورية تعالج البرنامج الوطنية الخمسة دي وتسمكر بيها السودان من جديد عادل الامين الثورة الثقافية 💙💛💚