الزنديق عمر دفع الله يجهز على الحزب الشيوعى بكركتيره اعلاه

Quote: يا أخينا، أنا والله، ما داير أواصل في شكلتي معاك دي، وخليني أشرح ليك أنا كيف بتداخل مع الناس؛ لو لاحظت أنا لا أتداخل في بوستاتك، والحقيقة أسمك ما ثابت في راسي ككاتب، المهم الطريقة البتكتب بيها أنت وعدد من الناس طريقة كتابة مدرسية طوالي دماغي بصنف الزول شبح أو زول لا رغبة لي في قراءة مشاركاتو وبتجنب بوستاتو ولا أفتحها، أها مرات ممكن تتقاطع في بوست جاذب انتباهي وبرضو أتجنبها، من أمس بحاول أتذكر هل تقاطعت معك طيلة السنين الفاتن؟ ما متذكر، لانو الاسم ما ثابت في دماغي، أها في البوست دا أنت وجهت لي رد مباشر لمجرد أنا وصفت الشيوعيين بالحناكيش وأنا رديت عليك رد استفزازي والآن غالبني أتخارج منك وأرجع لوضعي القديم معاك، والله ندمان إنو رديت عليك، وأنا والله، بحب الاشتباكات ومثلاً مناقراتي مع الخواض وكمال جواي ما قاعد أزعل منهم لمان يشتموني وأحبهم، لكن في نوع من المناقرات تصيبني بالاعياء وبكون حقيقة داير أتخارج منها، أها دي آخر مناقرة معاك واعتذر ليك عن مواصلة الحديث معك