|
|
 Re: مصفاة الجيلي بين يدي الدعم السري. (Re: محمود الدقم)
|
كتب محمود الدقم:
Quote:
(سؤال بسيط وغريب من ابن آدم بسيط، الجيش السوداني وين؟)
|
ول ابا محمود الدقم..حبابك يا صديقي
وهل في حاجة اسمها جيش سوداني؟ انا ..محمد النور كبر ، مواطن بسيط زيك ..عمري ما شفت جيش سوداني (حركة 19 يوليو 1971 ، حركة 5ديسمبر 1975 ، حركة 2 يوليو 1976 ، حركة 1983 بتاعة العميد سعد بحر ، حركة 16 مايو 1983 (الحركة الشعبية لتحرير السودان بقيادة دون قرنق) ، حركة العدل والمساواة (2003) ، حركة تحرير دارفور ، لاحقا صارت حركة تحرير السودان بقيادة عبد الواحد محمد نور ، ولاحقا مني اركو مناوي ، والهادي ادريس ، والطاهر حجر..ومنو كده ما عارف..!
في العاشر من مايو 2008 ، نجحت حركة العدل والمساواة في غزو الخرطوم.. عاصمة السودان..!!
تم اعتقال ابراهيم الماظ وعبد العزيز عشر ، وشفع لهما حسن الترابي ولم يتم تنفيذ حكم الإعدام فيهما..!!!
بالنسبة لسؤالك يا محمود عن غياب وجود الجيش السوداني في قصة مصفاة الجيلي (كنقطة استراتيجية)..مافي جيش سوداني على الأرض يا محمود..والجيش الموجود يعتمد علي ضربات الطيران الخاطفة ، وهو جيش تقوده عنجيهة الكيزان..فاكرين تحريك الطيران الحربي من وسط السودان (الجزيرة ، بحر ابيض ، جنوب كردفان ، تحديدا جبل الفينقر الجنب قرية ناس عبد الله حمدوك ، الخ)..سيكون الحسم لهم..وهيهات.!!
الجيش عندو متحرك قادم من كادقلي..مسافر تلاتة ايام..قبضوهم ناس الدعم السريع في المويلح..اسروهم..واعلاهم رتبة لواء..
عندهم متحرك من حامية الدلنج..تمت مواجهتو بين الحمادي والدبيبات..والضحايا اكتر من عشرين نفر من الجيش السوداني..
عندهم متحرك من الدمازين..اتعرض لكمين ناس الدعم السريع..والخسائر مافي زول ولا زولة قاعد يحسبها..!
في الأرض ، من المشاهدات يا محمود..اقول ليك"
الدعم السريع ليس مليشيا قبيلة كما يحاول أن يصورها البعض..ديل ناس مدربين ، والإشراف عليهم من ضباط الجيش الذين فصلتهم كتائب الكيزان وابت تسمع كلامهم حنيما تعلق الأمر بمصير السودان...!
الجيش يا محمود غاب ، لأنو مافي عسكري سوداني عندو علم بالحاصل شنو..!
متحرك كادقلي ،مسافر تلاتة ايام (فيهم نوبة وبقارة وبرقو وفلاتة..الخ) وكل دقيقة بيسالوا: وين الذخيرة..ماشين سمبلا من غير ذخيرة..وضابط الإستخبارات بيقول ليهم ..الذخيرة في اخر عربية..الذخيرة ورا..الى ان تم اسرهم بواسطة الدعم السريع..!
نفس الأمر حدث للناس التي تحركت من الفشقة وحصل ليها كمين قريب من الحصاحيصا ، والناس الجاية من دارفور..حصل ليها نفس الأمر..!
الفكرة يا صديقي ، القتال بين الدعم السريع ومليشيا حركة الأخوان المسلمين ناس المؤتمر الوطني التي تسعى للقضاء عن فكرة اسمها (قوة دفاع السودان ، قوات الشعب المسلحة ، قوات الشعب السوداني..الخ)..دي فكرة شغالة والشعب السوداني ما جايب ليها خبر..لم يحرج الدعم السريع قوات الشعب المسلحة ، وانما قوات الشعب المسلحة ، الجيش السوداني ، من احرج نفسه دون الحساب الدقيق..ّ!
مصفاة الجيلي هينة يا محمود الدقم ، الأن طلع عندنا في السودان ، مصنع اسلحة بيولوجية عدييل ، ومافي زول عارف المسيطر عليهو منو؟؟ (بالمناسبة يا محمود الدقم انا حضرت ضربة مصنع الشفا رغم انف الكيزان في سنة 1998)..
الخلاصة يا محمود..مافي حاجة اسمها جيش سوداني..!
تحياتي
كبر
|
|
  
|
|
|
|
|
| العنوان |
الكاتب |
Date |
| مصفاة الجيلي بين يدي الدعم السري. | محمود الدقم | 04-25-23, 04:55 PM |
| Re: مصفاة الجيلي بين يدي الدعم السري. | هدى ميرغنى | 04-25-23, 05:04 PM |
| Re: مصفاة الجيلي بين يدي الدعم السري. | محمود الدقم | 04-25-23, 05:16 PM |
| Re: مصفاة الجيلي بين يدي الدعم السري. | هدى ميرغنى | 04-25-23, 05:23 PM |
| Re: مصفاة الجيلي بين يدي الدعم السري. | محمود الدقم | 04-25-23, 05:34 PM |
| Re: مصفاة الجيلي بين يدي الدعم السري. | هدى ميرغنى | 04-25-23, 05:42 PM |
| Re: مصفاة الجيلي بين يدي الدعم السري. | محمود الدقم | 04-25-23, 05:54 PM |
| Re: مصفاة الجيلي بين يدي الدعم السري. | هدى ميرغنى | 04-25-23, 06:25 PM |
| Re: مصفاة الجيلي بين يدي الدعم السري. | محمود الدقم | 04-25-23, 06:44 PM |
| Re: مصفاة الجيلي بين يدي الدعم السري. | منتصر عبد الباسط | 04-25-23, 07:10 PM |
| Re: مصفاة الجيلي بين يدي الدعم السري. | محمود الدقم | 04-25-23, 07:35 PM |
| Re: مصفاة الجيلي بين يدي الدعم السري. | منتصر عبد الباسط | 04-25-23, 10:51 PM |
| Re: مصفاة الجيلي بين يدي الدعم السري. | Hasheem Karouri | 04-26-23, 00:56 AM |
| Re: مصفاة الجيلي بين يدي الدعم السري. | هدى ميرغنى | 04-26-23, 03:07 AM |
| Re: مصفاة الجيلي بين يدي الدعم السري. | دفع الله ود الأصيل | 04-26-23, 03:41 AM |
| Re: مصفاة الجيلي بين يدي الدعم السري. | محمود الدقم | 04-26-23, 02:23 PM |
| Re: مصفاة الجيلي بين يدي الدعم السري. | Asim Ali | 04-26-23, 03:11 PM |
| Re: مصفاة الجيلي بين يدي الدعم السري. | محمود الدقم | 04-26-23, 03:21 PM |
| Re: مصفاة الجيلي بين يدي الدعم السري. | محمود الدقم | 04-30-23, 10:30 AM |
| Re: مصفاة الجيلي بين يدي الدعم السري. | Kabar | 04-29-23, 06:45 PM |
| Re: مصفاة الجيلي بين يدي الدعم السري. | Ali Alkanzi | 04-29-23, 07:18 PM |
| Re: مصفاة الجيلي بين يدي الدعم السري. | Hasheem Karouri | 04-29-23, 07:45 PM |
| Re: مصفاة الجيلي بين يدي الدعم السري. | Ali Alkanzi | 04-29-23, 08:33 PM |
| Re: مصفاة الجيلي بين يدي الدعم السري. | Ali Alkanzi | 04-29-23, 09:24 PM |
| Re: مصفاة الجيلي بين يدي الدعم السري. | Hasheem Karouri | 04-29-23, 10:19 PM |
| Re: مصفاة الجيلي بين يدي الدعم السري. | محمود الدقم | 04-30-23, 10:44 AM |
| Re: مصفاة الجيلي بين يدي الدعم السري. | محمود الدقم | 04-30-23, 10:55 AM |
| Re: مصفاة الجيلي بين يدي الدعم السري. | جمال المنصوري | 04-30-23, 10:56 AM |
| Re: مصفاة الجيلي بين يدي الدعم السري. | محمود الدقم | 04-30-23, 11:33 AM |
| Re: مصفاة الجيلي بين يدي الدعم السري. | Hasheem Karouri | 04-30-23, 11:55 AM |
| Re: مصفاة الجيلي بين يدي الدعم السري. | محمود الدقم | 04-30-23, 12:16 PM |
| Re: مصفاة الجيلي بين يدي الدعم السري. | Hasheem Karouri | 04-30-23, 01:17 PM |
|
| |
Kabar
فيس بوك
تويتر
انستقرام
يوتيوب
بنتيريست