ذاكرة الشعب الحركة الشعبية جات 2005 ومرقو ليها كل ناس الخرطوم والسودان وعملت اتفاقية نيفاشا ودستور 2005 وقعدت تلاوي في البشير ورهطه المفسدين لحدي وصلتنا انتخابات عبر المفوضية العليا للانتخابات 2010 افسدوها ناس المؤتمر الوطني ونجوم الغد الهسة وعدم الدعم الاممي والاقليمي لها سجل ليها 18 مليون سوداني وكانت مركز × ولايات وتقاعس الفاشلين الهسة وفرار ياسر عرمان اجهض الانتخابات وتسبب ذلك لاحقا في انفصال الجنوب 2011 وخلاصة الامر المشكلة لا في الشعب ولا في الانتخابات والبرهان من اول يوم انقلاب قال بنزح لمن يجو ناس بي انتخابات بس وضاعت اربعة سنة هسة في حديثو الاخير في افطار ياسر العطا قال فشلنا وقحت قالت فشلت وحميدتي قال فشل الا قحت الموز طبعا مرتزقة حفتر والسراج والامارات كنكشو في وظايف حساسة تمس الاقتصاد السوداني وما عايزين يقولو فشلنا غير مناوي قال فشلنا في جوبا والسلام ما حقق صفر من المطالب ده المشهد السياسي الان 7 ابريل 2023 لمن فشلتو كلكم مش احسن نتواضع ونركز على الانتخابات والشعب كحل نهائي وجذري ونسعى بس ليهكل البلد واعادة المؤسسات ال11 دي والمفوضية العليا للانتخابات في سنة بس ممكن تجهز البلد للانتخابات المشكلة مش في الشعب بنتخب منو وبجيب الكيزان والنكتة السمجة دي المشكلة البقنع الشيوعي والبعثي والناصري والسمبتيكو بتاعين المؤتمر السوداني انه ماعندكم وزن جماهيري اطلاقا في السودان رعم الضجيج العالي البتسوو فيه ده في فضائيات العرب والعجم والورش والتراهات في المركز والمظاهرات والرفس الانتخابات شعر ما عندكم ليه رقبة العايز انتخابات ويثق في الشعب زى ما قال لينين كان حسم الامر ده في سنتين من 2019-2021 لكن الدمزوقة بتاعة تصفية الحسابات ونحاكم ونقلع ونسوي دي مشكلة الجماعة ديل يا شيوعي ويا بعثي ويا ناصري انت تنظيم سياسي وليك مخازي في انقلاب مايو 1969 تزول منها الجبال العدالة ما شغلتك اطلاقا العدالة بتجي لمن ترسخ المؤسسات ال11 دي ويجو ناس انتخبهم الشعب فعلا وده الاطار المحترم والحقيقي للدولة السودانية الحكم الاقليمي اللامركزي باسس جديدة https://www.0zz0.com هسة نقصر السالفة فوكلر ده يدوهو خطة انتخابات بس زي انتخابات 2010 باسس جديدة مركز اقاليم الخمسة فقط ويجيب الامم المتحدة كلها تشرف على الانتخابات بس نحن ما يلزمنا فصل سابع اطلاقا وقد دمر العراق وسوريا واليمن وليبيا وما حقق ديمقراطية نحن ما عرب نحن سودانيين بنعرف الديمقراطية والانتخابات وطلعنا بيها الانجليز 1956 استحو على وجهكم يا قحاطة وفكونا من اطاري وفوكلر والسفير الامريكي وامريكا ذاتا هيكل البلد ورجع المؤسسات ال11 ودستور 2005 لحل المشاكل العالقة في المنطقتين بس ودارفور ترجع اقليم وتلغى الولايات الخمسة الغبية ايضا وزي ما قال نور تحل مشكلتها بي اهلها وتلحق الانتخابات الاقاليمية مع الاقاليم الخمسة الباقية بعد تسوية قضايا النازحين والرقم الوطني فيها فوكلر بتاعكم ده جيبو يشرف على الانتخابات من التسجيل لي اعلان النتيجة بواسطة الامم المتحدة شخصيا المشكلة شنو؟؟
العنوان
الكاتب
Date
القحاتي معاه امريكا والامم المتحدة وفوكلر شخصيا ويبطبط من الانتخابات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة