|
|
|
 Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
بالعملة المهببة العملها الجنجويدي القطع راس الباشا تدخلت بريطانيا العظمي وما والاها من حلفاء دوليين وإقليميين بموجب الفصل السابع من
ميثاق امم متحدة عصر الإستعمار وسيرت الجيوش بقيادة كتشنر باشا رحمه الله ومعه بعض من ثوار السودان وقياداته الاهلية والدينية وممثلي الطرق الصوفية
لإنقاذ شعب السودان بعد إنهيار شهدته الدولة عقب أطول فترة إنتقالية شهدها ذلك العضر دامت اطناشر سنة بلا حكومة ودستور وخدمة مدنية..
فقط رأس دولة دائم مثله عبد الله التعايشي ومجلس عسكري يتغير وفقاً للتحالفات وإنفضاض التحالفات..
والاخير له الرحمة ايضاً كان غلطان غلط شديد..
كيف لرجل في عصر الثورة الصناعية ان يُدير دولة مابعد الثورة بخرافات تنطلي على عقليات العصور الووسطى !!!
| |
 
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
الإشكالية انه بعد ان انتهت فترة بعثة بريطانيا العظمي وعقب المشاوارات والمداولات والحوارات مع كل المكونات المدنية والحزبية السودانية..
وعقب الاتفاق على شكل حكم الشعب المناط إنقاذه ..
حدثت خلافات بين تلك المكونات ذات الأنواط مما إستدعى تدخل رِكاب وعقاب جيش كتشنر للتدخل مرة اخرى ..لكن بسلام وسلمية وتسلم هذه المرة..
وهو امر لإنقاذ سيادة وإستقلالية ووحدة البلاد كما تهيأ ذلك للجنرال عبود وحمدوك حكومته في ذلك الحيـن عبد الله خليل ..
والاخير رحمه الله واحسن إليه كان اكبر مأسورة وخازوق في وجه المدنية والإنتقال الديمقراطي في البلاد ومستقبلها.
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
الامر ما وقف هنا وبس ..
فرغم انه الاسباب الكان بيروج ليها " انصار" او المبرراتية لإقدام تسليم الجنرال عبود السلطة بتتعلق بالسيادة والاستقلالية وعدم التبعية..
لكن الواقع الحصل انه البلد تنازل - طوعاً او إستغلالاً - عن جزء مهم جداً من ارضه يحوى اهم إرث حضاري وتاريخي وهوية شعب وثقافة عريقة ..
وفتح الباب لتدور مؤسسة حماية البلاد وصيانة دستورها في فلك دولة محمد علي باشا مرة اخرى..
والاخير غفر الله له هو من إستن سنة الجيوش النظامية بالمنطقة وأجرى لها الرواتب والقطوعات على ان تُكمل النقص من قوت المواطن او تنهبه بقدر حاجتها ..
وإلا فقبله ابتدءاً لم يكن امرنا كذلك.
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: Mahjob Abdalla)
|
حبيبنا محجوب ..
سلامات
اظن انه نمط الحاصل الآن من الإفتراء والتكبر والنهب والقتل البقوم بيها المسلحين من ابناء الشعب ومن حالفهم من مرتزقة ولصوص عابرين للحدود
ارثه قديم قدم التاريخ بالمنطقة دي وتاريخ دائري..
املنا انه الشباب هذه المرة اطلاقاص ما يلتفتو للعجائز ويستطيعوا ان يكسروا هذه الحلقة الشريرة ليعيشوا هم ويُرثوا ما يليهم من أجيال في دولة تواكب العصر
ومجتمع أرقى من النسيج المشوه الموروث من عهد كوش بن حام ؛).
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
| Quote: املنا انه الشباب هذه المرة اطلاقاص ما يلتفتو للعجائز ويستطيعوا ان يكسروا هذه الحلقة الشريرة |
و اول خطوة كما قرأت لك من قبل في احدى البوستات, تنحى شيوخ الاحزاب جانبا و تسليم قيادتها للشباب.
___________
تتذكر لما التونسى داك في 2011 قال (لقد هرمنا)
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: Mahjob Abdalla)
|
قراءة لا تخلو من الخباثة يا ريت حيدروف الطالع طوف ان يقرأ التاريخ قراءة صحيحة تاريخ شهد له الاعداء وحتى رب حيدر الزين ماركس وايضا رجال الدين امثال محمد عبدو وجمال الدين الافغانى فى كتاب العروة الوثقى يا ريت حيدروف يحدثنا عن فشل حملة انقاذ غردون ومن هرب سلاطين باشا الى مصر واعطاء كل المعلومات عن المهدية الى الحكومة البريطانية بعد ان قنعت من السودان بعد مقتل غردون لذا الانجليز جهزوا حملة بقيادة كتشنر لغزو السودان مرة اخرى فكانت لهم السيطرة نتيجة لخيانة امثال حيدر الزين للوطن وثواره الذين يتمثلون فى قيادات المهدية وانصارها فالمقارنة هكذا ياحيدروف ويا ريت بدل ان تكتب مثل هذه البوستات يا ريت يا حيدروف تكتب عن الشهداء الذين اسقطتهم قتلى ايادى الغدر والخيانة التى تقف معها بكل ما اعطيت من قوة فلعنة الله
عليك يا حيدر الزين يا خائن يا كوز يا مندس
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: صديق مهدى على)
|
ما هو يا ابقى شيوعي ربي ماركس..
وبكدة تقول لعنك ماركس..
او كمان اكون كوز يلعني الله في شرعيتهم..
طبعا ما ممكن أكون الاتنين يا صديق مهدي..
وبكدة كلامك دا فيهو تطفيف وتجاوز منك لماركس كرب
وقت تدعو رب الكيزان يلعن واحد تاني من رعاياه..
اؤ كمان تكون انت زول حاقد
| |
|
|
|
|
|
|
|
|
 Re: 26 ينايـر ذكرى إستشهاد غردون باشا...عموماً (Re: Mahjob Abdalla)
|
Quote: تتذكر لما التونسى داك في 2011 قال (لقد هرمنا)
|
بعد حركة قيـس السعيد الان ما قدامه إلا لقد بعثنا..
حتى سن قيس السعيد ولغة خطابه بتدلل على صحة الكلام في انه مفروض الكوامر دي تتقرش..
على الاقل تتيح لامثالنا والتونسي داك تعيش هرم خالي ن مشاهد دماء الشباب الأبرياء العزل إلا من الحق والفداء..
| |
|
|
|
|
|
|
|
|
 Re: 26 ينايـر ذكرى إستشهاد غردون باشا...عموماً (Re: صديق مهدى على)
|
| Quote: اها ود الخواض مالو؟ |
استاذنا الخواض لديه صور عديدة للصكوك القانوينة التي تعتبر بمثابة عملة وسند لحامله تغطيه عينة السلع والخدمات التي كانت ببيت مال الخليفة التعايشي غفر الله له.
اما التنظيم والإدارة والخدمة عموماً الكانت متوفرة في ام درمان حينها فقد كان يقوم بها الأسرى والمستعبدين والمقهورين من موظفي غردون باشا له الرحمة ..
ودا مش لخضوعهم أو إخلاصهم او كفاءتهم..ولكن لجهل التعايشي وجنجويده وعدم علمه - إلا بالدجل والخرافات والعيش في أوهام الدولة العميقة التي يقودها نبي الله الخضر والحضرة الملائكية..
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: صديق مهدى على)
|
| Quote: اها ود الخواض مالو؟ |
استاذنا الخواض لديه صور عديدة للصكوك القانوينة التي تعتبر بمثابة عملة وسند لحامله تغطيه عينة السلع والخدمات التي كانت ببيت مال الخليفة التعايشي غفر الله له.
اما التنظيم والإدارة والخدمة عموماً الكانت متوفرة في ام درمان حينها فقد كان يقوم بها الأسرى والمستعبدين والمقهورين من موظفي غردون باشا له الرحمة ..
ودا مش لخضوعهم أو إخلاصهم او كفاءتهم..ولكن لجهل التعايشي وجنجويده وعدم علمه - إلا بالدجل والخرافات والعيش في أوهام الدولة العميقة التي يقودها نبي الله الخضر والحضرة الملائكية..
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
| Quote: اما بالنسبة لنوع السلع الكانت فيهو فقول محمد معانا اسامة الخواض ما يغشانا |
فرق اول حاجة بين الدولة المهدية المزيفة زي الانقاذ العملا البازنقر الوافد عبدالله التعايشي
ما عندها فرق من الانقاذ هسة مع حائك فرعون القحاتي
يا حيدر العمل البوستر ده هو الكتل الشباب في القيادة
https://top4top.io/
ويا اب فص
فرق بين
محمد احمد المهدي الدنقلاوي المشلخ
وبين عبدالله التعايشي الوافد
والدولة السودانية الوطنية ما جات تاني الا بعد جا جون قرنق ومات
| |
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: adil amin)
|
يعني فرق بين الثورة المهدية وهذا ما يعيني هنا
وبين الدولة المهديةو وخلافة المقاطيع والباش بذوق المضروبة
مخ الشيوعي المسختك ده احسن تتحرر منو
والمسنين الضيعو الشباب هو صديق يوف وسنهوري وساطع وكرور مايو 1969
عايز الشباب يبارو منو بعد وعيت
حسنين ولي جقود ؟؟
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: adil amin)
|
جقود .. قبل فترة كدة كتبت ليك في واحد من بوستاتك الكتيرة ولئيمة دي إنه المرحلة الجاية كرب شغلك في حق المحاصصات الإقليمية.
وقلت ليك مسألة الدولة المركزية دي إنتهت منذ توقيع اتفاقية سلام جوبا
كما إنتهت مسألة انه تاني السودان يُحكم او يُدار بواسطة الإنقلاب العسكرية فور مسرحية انقلاب 17 نوفمبر..
المشكل انه الواحد بيتعب عشان يلقى البوست المقصود مع الدرر القاعد تنشرها انت دي..
المهم فيما يخص المهدية والتعايشي وتفريزك بين ثورة المهدي وخليفته بالجنسية الخضراء
هل تستخدم نفس النظرية و تفرز ما بين فكرة الاخوان المسلمين عموماً و الترابي وعمر البشير أو عبدالرحيم ابو ريالة ..
والا كلهم عندك والغون في الإثم ؟؟
عشان ما تجي تنتظَ لي هنا وتغز كوعك وتشبكني الدولة المهدية وثورة والخليفة المقطوع...؟
هو اساساً اين قامت دولة مهدية؟ اهو داك صديق مهدي من سألناه عن مال بيت المال دفن دقن..
بعدين انا ما بنصح لي شاب يباريك ..
يباروك وين؟
وانت مباري لي عباية السادة :)
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: Bashasha)
|
يا بشاشا ونسة الهاوس نقا وفيلد دي نحن لسه ما كملناها كويس في بوست الاخ عثمان موسى..
فما تحرجنا يآخي إحراج مستضيف شمس الكباشي في الحتانة :)
على الأقل إحترم روح الشهيد غردون باشا وما قدمه لامثالك من الهاوس نقا في سبيل تحريرهم
ومنحهم فرقة الخروج للحقول والفلاحة التي ضن عليكم بها بعد حين خليفة آمون اوسارا السلام عليه وعليهم الرحمة أجمعين..
وعلى كلٍ لا تنسى انه والنبيل المرحوم الآخر صمويل بيكر لهم أفضال لا تعد على أمة كوش..
بخصوص الشهادة...
ماهي مرجعيتك للشهادة التي تُمنح الصكوك بموجبها؟
وفقاً لـ What يُصنف القتلى عندك شهداء
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
| Quote: جقود .. قبل فترة كدة كتبت ليك في واحد من بوستاتك الكتيرة ولئيمة دي إنه المرحلة الجاية كرب شغلك في حق المحاصصات الإقليمية. |
البوستات لا كثيرة ولا لئيمة
انت ضهبان ورايح ليك درب
مصر الانجليز والختمية والانصار كعبين ومصر عفن مصر الشيوعيين والكيزان والسلفيين والناصريين والبعثيين الغزالة الفوق في السلم
قلنا ليك جيل الاستقلال والسيد عبدالرحمن والسيد علي هم بنا السودان الحديث وخدم المخابرات المصرية والبازنقر والاقليات المشوهة هم من ضيع الدولة السودانية
ومنصور خالد قال ليكم بعد 65 سنة من ادمان الفسل مصرين تقولوالانجليز والسيدين خربو السودان طيب الانجازات الخربوها ناس قريعتي راحت من اول انقلاب لي اخر انقلاب 1958-2022 العملا منو ؟؟
يا قرد ارض الحيوان
السكة الحديد في عطبرة والكباري في الخرطوم بتفتح بي كهربا تقيلة تمرر البواخر لي جوبا في ذلك الزمن الجميل 1938-1956 بي كهربا تقيلة وفي فستان اسمو الخرطوم بالليل
انت بعد الان في جحر ضب خرب دخلك فيه شيخك الترابي
ومخك مقلوب زي جعز الجمل يعني عايز ضبط مصنع عديل
قلت الدولة المركزية ما بتنفع
قاعد ترفس مع خالد سلك24 شهر لي شنو
ترجع الحكم الاقليمي وكل اقليم يصلح نفسه بي ناسو
ده مختصر 10000 بوست هنا لايقاظ القرود وتعهر ايدولجي مقيت
شيوعينك ديل غير الشعر والسكر ما عندهم التكتح
مستقبل السودان
الحركة الشعبية لكل المهمشين
الحزب الجمهوري للاذكياء والمفكرين
حزب الامة
حزب الشعب الديمراطي
الحزب الوطني الاتحادي
غير كده \تلهث بس
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: هدى ميرغنى)
|
وعليكم السلام ورحمة الله استاذة هدي ميرغني ..
شكرا للتذكير بالفيلم دا.. كنت حضرته قبل فترة قريبة ..
وانطباعي عنه انه مزج واقع تاريخي كتبه المنتصرون مع خيال الدراما الغربية البتنظر للمستعمرات بانهم مجرد شعب همجي سافاج أتى الرجل الغربي لانقاده من التخلف والجهل ..
وقد عملوا كل مافي وسعهم بالقوة والحيلة لارساء هذا الحق كمنقذيين للشعوب الهمجية وان لم يقدرها قادة الهمجيين حينها لكنها اثمرت وافادت الابناء والاجيال اللاحقة امثال ناس ماو ومن تبعه :)
هي نفس الدراما والافلام البتحكي عن المجازر والابادة الجماعية التعرض ليها السكان الاصليين للامريكتين واستراليا وغيرها بس بيتم تصوير المجازر والابادة كبطولة من جهة الرجل الابيض ثم يشكروا الله عليها وعلى ما اعطاهم من مقدرة للفوز في هذه المجازر
بل ابتدعوا ليها عيد سموه عيد الشكر على ما اقترفته ايديهم من ابادات جماعية..
تحياتي
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
| Quote: ما في اي فرق .. الاتنين دجالين وحبرتجية .. |
ماو تسي جقود رايح الدرب يا قبة..
هو قايل انه كان في حدود وجواز سفر بني و اخضر يفرز بيهو ما بين دجاله ودجال امبررو..
او على علاته زيو وزي الاتراك فاكر الشلوخ تمييز ما بين العبد والسيد :)
عشان كدة مباري الدجال الميرغني واحفاده ناس محمد عثمان وبيسوى نفس الفرز ما بين جعفوري ومحمد اللحسن باعتبار داك سيساوي ودا قحطاوي .
وناسي انه الدجل عبايته واحدة كان مهدية والا يزيدية..
اللهم اهدي عبدك جقود 
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
قراءة حصيفة يا أخي حيدر الزين. أحييك عليها.
أكثر أشخاص صاغوا السودان الحديث كما نعرفه هم: وينغت وسلاطين وجيمس كري، ولا عزاء لكتشنر، والذي كان مجرد قائد عسكري فذ استعان به الإنجليز ليؤدي مهمة trouble shooter ويحقق الانتصارات العسكرية في الهند والسودان وجنوب إفريقيا ثم الحرب العالمية الأولى، ولهذا لم يطل بقاؤه في السودان بعد أن أنجزت مهمته العسكرية.
وينغت كان رأس الدولة ورئيس الجهاز التنفيذي والقضائي والتشريعي، وسلاطين هو وزير الحكم المحلي والمشرف المباشر على شؤون المديريات. أما جيمس كري فكان العقل الاستراتيجي الذي يخطط للمستقبل، فوضع اللبنات للمشاريع التالية: كلية غرودن، والمعهد العلمي، وقوة دفاع السودان، ومعهد بخت الرضا، وما خفي كان أعظم!
تقديري
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: Moutassim Elharith)
|
سلامات ولك التحايا والود الاخ معتصم الحارث ..
Quote: أكثر أشخاص صاغوا السودان الحديث كما نعرفه هم: وينغت وسلاطين وجيمس كري، ولا عزاء لكتشنر، والذي كان مجرد قائد عسكري فذ استعان به الإنجليز ليؤدي مهمة trouble shooter ويحقق الانتصارات العسكرية في الهند والسودان وجنوب إفريقيا ثم الحرب العالمية الأولى، ولهذا لم يطل بقاؤه في السودان بعد أن أنجزت مهمته العسكرية.
|
شكرا لك ترجمتك لمقال كيـف قتل غردون في البوست الآخر- انتهيت من قراءته الآن ولنا عودة هناك..
بخصوص هذا الثلاثي اتفق معاك في دوره بتاريخ السودان الحديث.. وإن كان اعظم عمل قام به هذا الثلاثي هو تحميس الامة الانجليزية ودفعها لغزو السودان بحجة تخليصه من غزو الخليفة الظالم والانتقام لمقتل غردون..
تحياتي
| |
|
|
|
|
|
|
|
|
|
Re: 26 ينايـر ذكرى إستشهاد غردون باشا...عموماً (Re: HAIDER ALZAIN)
|
حيدروف يا دوب شفت البوست
قريته بشسرعة ونهم...
كالعادة زي ما قلت ليك قبل كده أسلوبك يمتاز بالسخرية ,...بالرغم من تناولك الجاد..
وكمان ربطك بالأشياء و الأحداث والشخصيات ربط عميق...
وكمان استخدام مفردات جميلة مع المقارنات بين الأحداث القديمة والحديثة.
أسلوبك ممتع يا ولد!
| |
|
|
|
|
|
|
| |
HAIDER ALZAIN
علي عبدالوهاب عثمان
adil amin
Mahjob Abdalla
صديق مهدى على
Bashasha
عبدالمنعم الطيب حسن
هدى ميرغنى
يحي قباني
Moutassim Elharith
محمد عبد الله الحسين
فيس بوك
تويتر
انستقرام
يوتيوب
بنتيريست