|
Re: لو بتمتلك في العاصمة قطعة أرض سكنية اعمل م (Re: هدى ميرغنى)
|
بطلوا اشاعات .. قبل اسبوع نزل منشور هنا بانه ترخيص العربات الملاكي قد وصل ٨٠ مليون وواحد في الحلة قال لي الترخيص عمل مية وعشرين مليون.. من الخلعة مشيت ارخص قبل ما ينتهي ترخيصي ساري المفعول .. وجدت الترخيص بي ٤٥ مليون شامل التأمين الاجباري واستلمت شهادة البحث في نفس اليوم .. سألت موظف شركة التأمين قلت ليه هل مبلغ التأمين زاد؟؟ قال ما زاد ولا قرش من السنة الفاتت في حين في واحد ذكر هنا انه التأمين اتضاعف ٥ مرات .. والله يا ناس المنافي تقعدوا تباروا الإشاعات دي الا يجيكم هارت اتاك ..... . . علما بأني زول كادح وما عندي قريب شغال في الحكومة والإجراءات عملتها براي .. صحيح انه الشبكة طشت حوالي ساعة.. .. لكن طششان الشبكة دا بقي عالمي وحتى امريكا اتعطلت فيها الاف رحلات الطيران فيها قبل كم يوم .. فتكم بعافية...
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: قسم الفضيل مضوي محمد)
|
قسم الفضيل والله طمنتنا ...لانه عندي قطعة ارض في المعمورة وخايفة ارجع القى واحد من ناس الحركات المسلحة باني فيها عمارة (طبعا عندهم قروش بالكوم لان وزير ماليتهم ،الفكي جبريل ، ما مقصر معاهم وبيغرف ليهم من أموال الشعب)... لكن هل انت متاكد من كلامك ده ..لأنك بتتكلم عن ترخيص عربية ونحن بنتكلم عن تزوير شهادات البحث في الاراضي.. كدي اخطف رجلك وامشي اتأكد لينا من موضوع التزوير ده... والله يديك الصحة والعافية
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: قسم الفضيل مضوي محمد)
|
سلام
انت لو قاصد المقتبس ادناه
Quote: في الحقيقة لم اتفأجا ، وفعلا وجدت زيادات مضاعفه بصورة كبيرة . مثلا : التامين تضاعف ١٠٠ في الميه . اورنيك ٦٩ ، بدلا عن ٥٠٠٠ مليون جنيه ، اصبح ١٤٢٠٠ ( اربعه عشرة مليون ومائتان جنيه ) . الخلاصه : يعني لو عندك عربية صالون وعايز تجدد ترخيصها لمدة سنة ، تقريبا تكلفك ٨٠ مليون جنيه سوداني . |
وصدقا لكلامي انا حتي الان لم اكمل ترخيص العربه. اكتفيت بالتامين الاجباري ودفعت المبلغ المذكور في المقتبس اعلاه وماشي بيها كده ( تم توقيفي اكثر من مره من قبل الحملات المنتشره بكثافه ، وابرزت لهم مستنداتي كلها وتركوني امر ). ما اريد قوله انه توجد زيادات مهوله ، وفوضي مطلقه. ( وهل تصدق مبلغ ال ٨٠ مليون ، تمت افادتي به من ادارة الترخيص نفسها في العلاقات البينيه ) . وذلك يوم ٢ او ٣ يناير لا اذكر . بانه توجد زيادة متوقعة قد تصل لذلك المبلغ تقريبا . والسيستم حاليا متوقف . ومنها اتوكلت علي الله ومشيت . ( كويس طمنتني باقي لي ٣٠ مليون . ربك يسهلا ) اما في تغيير شهادات البحث ، ونزع منازل من اصحابها . فاعتقد ان ذلك صعب . احتمال تكون الاراضي " حيازة " ، ممكن لانها اصلا لاتوجد لها شهادة بحث .
تحياتي،،
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: Hasheem Karouri)
|
Quote: تغيير شهادات البحث ، ونزع منازل من اصحابها . فاعتقد ان ذلك صعب . احتمال تكون الاراضي " حيازة " ، ممكن لانها اصلا لاتوجد لها شهادة بحث . |
حبيبنا هاشم كاروري تحياتي ما شاء الله خبرة (( حيازة )) مصطلح الحيازة جعلتنا نطمئن يا ريت المزيد من الشرح
تحياتي الحبيب عثمان
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: قسم الفضيل مضوي محمد)
|
الأخ استاذ عمر سلامات والف شكر على المشاركة . وهاك الخبرية دي . عن التزوير الخطير الحاصل في البلد الطالق . ...
تمكنت الادارة العامة للمباحث والتحقيقات الجنائية من القبض على متهم خطير قام بتزوير مستند خاص بالمسجل التجاري يتعلق بشركة صينية معروفة بالخرطوم وشرع في استغلال الخطاب المزور في عملية تقنين (37) مركبة استثمار تتبع للشركة الصينية وتخليصها ومن ثم ترخيصها . وكشفت معلومات تحصلت عليها (الإنتباهة) ان تحقيقاً واسعاً باشراف رئيس النيابة العامة مولانا متوكل عمرابي وبمتابعة مدير الادارة العامة للمباحث والتحقيقات الجنائية اللواء عمر المختار واشراف مدير التحقيقات الجنائية اللواء ممدوح عبدالكريم واشارت المعلومات الى انه تم القبض على المتهم (م ع أ) الذي ضبط بحوزته مستندات مزورة وبالتحقيق تبين انه موظف بالشركة الصينية وانه زور الخطاب واستغله في تخليص عدد من تلك المركبات وشرع في تكملة بقية تخليص المركبات الا انه تم القبض عليه في كمين محكم نفذته قوات الفيدرالية بناء على معلومات توافرت لديها ووضع بالحراسة . وذكرت المعلومات الواردة بان المتهم قام بتزوير خطاب المسجل التجاري وتم بموجبه قفل السجل الاستثماري للشركة الصينية ومن ثم تخليص مركباتها التي كانت تحمل لوحات استثمارية، واضافت المعلومات بان الشركة الصينية من الشركات المستثمرة في مجال حفر آبار مياه الشرب، وانه تم تدوين بلاغات في مواجهة المتهم تحت المادة 123 ق ج التزوير وشرعت الشرطة فى التحقيق للقبض على بقية الجناة . يذكر ان المسجل التجاري اكد بان الخطابات المذكورة مزورة ولم تصدر منهم .
الخرطوم: هاجر سليمان .
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: Osman Musa)
|
الفوضى الحاصلة في السودان ما بتنتهي إلا برحيل هؤلاء وهم: البرهان حميدتي اركوي مناوي جبريل ، وزير مالية الحركات المسلحة ( المصلحة). مالك عقار ترك بتاع الشرق اردول الحرامي زعماء الحركات المسلحة الانتهازيين الجنجويد .... ..ولا مستحيل تحت الشمس .. ولا مستحيل مع إرادة الشعوب ...
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: Mutaz Hussien)
|
يا بتنا امتثال .. اتمنى انك تكوني عملتي سور لقطعتك.. لانه عدم بناء سور وتركها ارض خالية من حق حكومة السودان نزعها في حال لم يتم بناءاها خلال فترة معينة موضحة في العقد بينك وبين حكومة السودان .. والبند بتاع حق النوع دا قديم وليس حديث بس ما قاعد يتم تطبيقه لو لسه ما سورتيها رسلي لزول ثقة من طرفك توكيل لاستخراج شهادة بحث بغرض التأكد ومن خلالها بتعرفي لو لسه باسمك ولا لا !! شهادة البحث بتطلع في نفس اليوم من المحكمة ورسومها لا تتعدى ١٥٠٠ جنيه .. مليون ونص بالقديم ... ارجو ان تسرعي في استخراج شهادة البحث ومن ثم قومي ببناء القطعة حفظا للحقوق .. . ..
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: قسم الفضيل مضوي محمد)
|
شكرا قسم الفضيل على النصيحة القيمة ... وان شاء الله انا راجعة الوطن الحبيب نهائيا في نهاية الصيف القادم ...وان شاء الله سوف استخرج شهادة البحث اولا بغرض التأكد وثانيا بغرض البيع فربما نجد اصحاب العمارات الشاهقة في حي المعمورة يشتري القطعة ويدفع ثمنها مضاعفا ... ده طبعا اذا ما لقيت واحد من ناس الحركات المسلحة باني فيها عمارة ... والله يديك الصحة والعافية
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: امتثال عبدالله)
|
Quote: ما شاء الله خبرة (( حيازة )) مصطلح الحيازة جعلتنا نطمئن يا ريت المزيد من الشرح |
السلام عليكم صاحب البوست وضيوفه الاكارم.
" الحيازة " كانت شائعة من زمان ، وهي تعبير عن اراضى حكوميه غير مسجلة ، وقامت بعض الجهات ببيعها وتمليكها بموجب عقد ، علي ان يتم تسجيلها باسم المالك لاحقا . وفي اعتقادي انها عمليه غير مشروعة ، حيث تقوم السلطات في فترات مختلفه بنزعها من ساكنيها ، والبعض يتم تسجيلها بصورة نظاميه . " نادرا مايحدث ذلك " . وخير مثال ( اراضي الصفيره ) ، غرب امدرمان .
---------- يحدث حاليا هجمة تملك ، وشراء نقدي لاثنيات معينه في العاصمة الخرطوم . خصوصا الاحياء " الراقية " مع انو مافي رقي ، في عاصمة شوارعها كلها حفر ورمال . ( المناطق المستهدفه ، والتي تم استهدافها . ام درمان المهندسين ، والخرطوم جبره والطائف والرياض ) .
محاولة تغيير ديمغرافي لخريطة العاصمة .
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: Hasheem Karouri)
|
تحياتي الحبيب هاشم كاروري التحية لأهلنا الكوارير في نوري في الزمن الجميل اسمك يثير الذكرى ======== استشارة لدي قطعة أرض من زمن بعيد في بحري استثمار في الغالب لدي شهادة بحث وحظر بيع بدون حضوري كانت القيمة مرتفعة أيام الكيزان
هل يمكن التلاعب فيها؟؟
بدأنا نخاف حتى من ارسال توكيل لأحد
تحياتي معليش حبيبنا كاروري
والتحية لعثمان الحبيب
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: علي عبدالوهاب عثمان)
|
اخونا قسم الفضيل
Quote: انا رخصت في السجانة و الرسوم كانت كما يلي.. اورنيك ٦٩ رسومه ٢٠٠٠ جنيه رسوم الفحص ١٤٢٠٠ جنيه رسوم تجديد ٢٢٤٠٠ جنيه التأمين الإجباري ٧٦٠٠ جنيه .. التوتل بيعمل ٤٦٢٠٠ جنيه |
هذا ما اقصده اورنيك ٦٩ هو الذي يتم عليه الفحص + ١٤٢٠٠. شخصيا . دفعت الي هذا الحد ، اضافه للتامين الاجباري رسوم التجديد٢٢٤٠٠ لم اسددها حتي اللحظة . توجد زياده في الترخيص عن السنه الماضية .
| |
|
|
|
|
|
|
Re: لو بتمتلك في العاصمة قطعة أرض سكنية اعمل م (Re: Osman Musa)
|
لم أطلع على جميع المداخلات و لكني أعتقد أن أفضل طريقة لحماية سجل القطعة هو عمل حجز شخصي بحيث لا يمكن عمل أي إجراء على سجل القطعة إلا بواسطة المالك عند حضورة لإلغاء الحجز أو ورثته في حال وفاته. لا علم لي برسومها لكن في السابق كانت رسوم بسيطة..
| |
|
|
|
|
|
|