والله لي عظيم الشرف الباذخ أولن بهذه الحفاوة النادرة. وشكرن جزيلن لتصويبنا بشأن نسب سيد الحسن.
Quote:
سيدي الحسن حلم بي خشمه ما تكلم المقصود هو السيد الحسن اب جلابية ود الامام الختم شيخ الطريقة الختمية .
السيد الحسن اب جلابية مولود في مدينة بارا ( ما شفت مويتها حلوه كيف ) |
يا شيخي ، بارا ميها مويتا براها الحولة
علا لكاكني هي حلاوة وطعامة نصاح ، يرمي في ال شوك المشيت ليهو
وكما تال عندنا في ود راوة الحضحاص دا براو حلاة
والبنوت لقاوة و البتيخ و البصل اللخدر و الخدار نقاوة
* طبعن أنت لو رجعت لبروفايلي ، بتلقى أخوك واضح من الاسم/
سليل السجادة العركية القادرية الجيلانية ، حيث تشرئب 16 قبة شاهقةً
لتنطاح السحاب في كبد سماء أبي حراز ، و اتنين منهم لأبهاتي الشيخين /
دفع الله المصوبن و يوسف أب شرا ، أعاد أبعاج جعفر نميري بنيانم بالضانقيل
على أعلى طراز معماري. ولامن جانا من العراق حفيد الشيخ عبد القادرالجيلاني
قبل سنتين كان استقباله في محطة أم ضون بان و منها محطة عندنا في أب حراز.
+ لكن ماعارف حكاية بارا دي شنو مع أهلنا ، برضو يقال إنو جدنا الشيخ/
زين العابدين جد دفع الله الصاين ا و شقييق جدي حمد العمسيب قالو
برضو مشى بارا دي انكطع هنا ك للاختلاء في عزلته المجيدة.
(عدل بواسطة دفع الله ود الأصيل on 12-06-2022, 01:33 PM)
دفع الله ود الأصيل
فيس بوك
تويتر
انستقرام
يوتيوب
بنتيريست