الاخ الغالى الزبير الختمي انت قلت الاخ مصطفي لك التحيه
الترشيح نفر او نفرين مش قايمة زي غياب درس العصر في المتوسطة ( ذكرتني يافطة بص طابت الخرطوم و بالعكس )
لا اثني علي عدد من الاسماء المرشحه
الزبير الختمي عارف اخوى الغالى الزبير الختمى انا والله حاولت ارضى كل الاخوه ولكن اظن كلامك صاح ارضاء الناس غايه لاتدرك والله كل اقول اتوقف عن ذكر الاعضاء اجد نفسى اكتب لانو حسيت انو فى ناس زعلانه وفى ناس ما رضيننا وخلاص عشان كلامك ده ممكن نقفل البوست على كده لكن انت شايف انو الناس قاعده ترد وفى اعضاء بيذكروا اعضاء رائعين وانا بدورى ماعايز احرم اى عضو من ذكر العمل المضنى الذى قام به فى الموقع لك تحياتى وانت زول رائع والله وعدلت فى الكلام وبقول ليك اخى الزبير الختمى
10-22-2022, 01:43 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
الاخوه الافاضل تحيه طيبه والله كل ما اقول اقفل البوست اجد عضو يستحق الاشاده والله العظيم عشان كدة سوف استمر فى البوست وفجاه بقراء فى احد البوستات وجدت رد من اخ اكن اله كل الود والاحترام عضو رائع فى كل شى فى روعه الكاتبه وفى روعه الردود انه العضو الرائع الاخ Salah Zubeir تاريخ التسجيل: 08-17-2015 مجموع المشاركات: 5149 اخى والله انت نجم من نجوم وعقد سودانيز او لاين العقد والصرح الجميل كتر خيرك اخى الغالى اسال الله لكم
10-22-2022, 02:54 PM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13734
مصطفى ياخ تسمح لي بملاحظة ولا بُدَّ في المية منها +تعال هنا إنت إيه ياخي، بني آدم و لا دياناصور شبه منقرض السُّلالة جيتنا زاير على بساط ريح و بي طبق كسرة طاير؟!!ناهيك عن كونك مني وأنا منك لأننا أولاد حفرة ، ويمكن بعرف بيتكم في ود رعية و دي بالذات الماغساني منك تعرف ليه؟! لأنه ما طرق أحدٌ مثل هذا الباب إلَّا و قد جلب له تباريح الهوى من حيث يدري ولا يدري، والناس البتفتح كرتلة رافعة للكثافات متل دي عادةً بتكون مشمرة عن سواعد الدواس و معمرة الحتة المضببة بحديدة . + ما تزعل من جنس كلامي دا فهو في حقيقة أمر، و إن كان ظاهرُه ذمَّاً لكنه منقوع بماء الورد و مخبوزٌ باطيب عطور الثناء .. و لو كان هنالك من يستحقُّ أوسكارالجمهورية عن استحقاقٍ وجدارةٍ فهو أنت لأنك تنطوى على كتلة أعصاب فولاذية لا تُحسد عليها فهنيئاً لك!
10-22-2022, 07:47 PM
Salah Zubeir
Salah Zubeir
تاريخ التسجيل: 08-17-2015
مجموع المشاركات: 5239
شكرا مصطفى نور مع كامل الود والاحترام وربنا يديك الصحة والعافية وياريت نكون عند حسن ظنك دايما ...
Quote: عضو رائع فى كل شى فى روعه الكاتبه وفى روعه للردود
Quote: اخى والله انت نجم من نجوم وعقد سودانيز او لاين العقد والصرح الجميل كتر خيرك اخى الغالى اسال الله لكم سعادة الدنيا ونعيم الآخرة
عليك الله دا كلو لي انا ... ياخي دا كتير جدا ... هسع ابوحسين يجي يقول الشماشي بتاع بحري دا عامل فيها أديب ... لكن بالجد الواحد المفروض يفكر في حكاية اديب دي ... واي استنكار حا اطلع ليهو هذه الاشادات ...
10-23-2022, 01:00 AM
توفيق عيسى مكي
توفيق عيسى مكي
تاريخ التسجيل: 01-26-2010
مجموع المشاركات: 5850
البوست المعذب سيدو في الريد البضيع زولو شن بتقولو الحقيقية لا غير باستخدام تقنية الVAR في البوست ده الاخ مصطفى النور فتح البوست ده فقط للاشادة بالالعاب جقود "منتخب البرازيل" فقط في البورد ده الدافع الاساس لفتحو البوست لا غير وكنت عارفو بجيب ليه هوا لانه جديد في البورد وزمان زرو ابو الزهور لانه خت جقود مع العشرة الكبار من ناس لالا بعاعيت البورد القاعدين معانا هنا من 2001المواسير وما عارفين نفسهم مواسير دخلت لانقاذ ما يمكن انقاذه ثبت قبة جحبور كندا ....وخليتو في مواجهة الخواض وبريمة اعداء جقود البايلوجيين فى البورد الامريكيين جماعة الليدي غاغا والغاغا في اليمن السعيد الزول الكلامو كتير وفارغ لا يوقظ فكرة ولا يهذب شعور يعني الجوطة والصجة دي كلها ما في ليها داع ...التحدي كيف تغيير 40 مليون سوداني بي ثورة حقيقية لي قدام مش هسة لكن اجمل حاجة هي حلجة الخواض ....والله حلجك حلجة يا ابو القدح ......جابك في تيلي وطلعك في تولو ياخ اخونا مصطفى ده اظنو ختمي الفتة كان حارة ما بدخل فيها يدو تتفزعو فيه انتو يا عصابة الرومان وام درمان تخلو يعتذر ليه؟؟ هو ما غلط ولا حاجة قال جقود نجم 2022 مفروض تجو توزعو الحلاوة بس وتمشو ده توقيعي 2023 مصطفي النور خط احمر \ سيصرخون........ شكرا مصطفى النور سيبك منهم https://www.0zz0.com
10-23-2022, 04:19 AM
adil amin
adil amin
تاريخ التسجيل: 08-01-2002
مجموع المشاركات: 37021
الاخ الغالى عادل امين تحياتى والله ردودك دى بتذكرنى بى اغننيه الاخ الغالى الرائع المقيم فى امريكا عمر بانقا وهو احد الرائعين الذين اسسؤا فرقه عقد الجلاد عندو اغننيه بتقول النار ولعت ومنو البطفيها والله ياعادل البوست كل ما اقول خلاص حرب داحس والغبراء وهي حرب من حروب بورد سودانيز اون لاين بين شخصين ، هما: عادل امين وواسامه الخواض وعادل امين مدخل طرف ثالث بس لسه ما قبل وماقاعد يرد على الاخ عادل امين الا وهو الاخ الغالى بريمه ، وتعد هذه حرب من جروب البورد فى سودانيز اون لاين رغم انها حرب الا انها حرب دعابه وحرب اخاء وحب وموده وستكون هذه الحرب فى البورد بالطريقه دى سوف تكون حرب طويله مثل حرب البسوس وحرب الفجار وحرب بعاث من أطول الحروب التي عاشها وخاضها ... المسلمين والله يكضب الشينه وحرب البورد فى سودانيز اون لاين اظن مستمره منذ عام 2002 وحتى الان منذ ان انشى الاخ الغالى بكرى ابوبكر الموقع كل مره بتكون فى حرب وشبك بين بعض الاعضاء من المحاربين القدامى فى البورد
مع تحياتى مصطفى نور
10-23-2022, 05:58 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
تحياتى وصباح يوم جميل مفعم بالفرح والامل ووالود والاحترام ونواصل اعطاء اهل العطاء مايستحقون من اشاده ومن احترام لان من يعطى وقت من زمنه فى الزمن الصعب ده يستحق الاشاده وانا فكرت فى البوست زى ما قلت لكى اعمل شويه تغيير واكسر الرتابه وممكن اضعف الايمان زى ماقال الاخ الدكتور محمد عبدالله الحسين انو البوست ده جبر خواطر وطبعا جبر الخواطر من اعظم العبادات وهو بوست معنوى ووبس والعضو التالى هو عضو رائع وكاتب وعضو فعال الاوهو الاخ العضو عزالدين عباس الفحل عدد البوستات: 8872 تاريخ التسجيل: 09-26-2009 وشكرا ليك اخى الغالى عزالدين عباس الفحل على ما تقدمه لنا من بوستات وردود الف شكر ليك وربنا يجبر خاطرك الغالى
10-23-2022, 06:30 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
السلام عليكم الاخوه الافاضل اقتباس من رد الاخ دفع الله ودالاصيل وهو يقول والكلام وواضح جدا وهو قال والناس البتفتح كرتلة رافعة للكثافات متل دي عادةً بتكون مشمرة عن سواعد الدواس و معمرة الحتة المضببة بحديدة . + ما تزعل من جنس كلامي دا فهو في حقيقة أمر، و إن كان ظاهرُه ذمَّاً لكنه منقوع بماء الورد و مخبوزٌ باطيب عطور الثناء .. و لو كان هنالك من يستحقُّ أوسكارالجمهورية عن استحقاقٍ وجدارةٍ فهو أنت لأنك تنطوى على كتلة أعصاب فولاذية لا تُحسد عليها فهنيئاً لك! ====== وانا بقول الى الاخ دفع الله ودالاصيل فى البدايه تحيه طيبه وبقول ليك حقيقه انتهى زمن الشفتنه وزمن المساخه وزمن الغطرسه وزمن التكبر والافتراء والكلمه الجارحه بالنسبه لى واشكر الله تعالى على ذلك واسال الله ان يجعلنى من الذين ينادى عليهم يوم القيامه عندما يسال الله الملائكه وهو اعلم ويقول لهم اين عبادى العافين عن الناس والكاظمين الغيظ ليوفيهم اجورهم قال تعالى: (والكاظمين الغيظ والعافين عن الناس والله يحب المحسنين) أي: أن الله يحب المتصفين بهذه الأوصاف الجميلة، وهم أهل العفو والمسامحة الذين يمسكون غيظهم مع قدرتهم على الانتقام، ويعفون عمن أساء إليهم أو ظلمهم، والذين يبذلون أموالهم في اليسر والعسر، والشدة والرخاء، وقال نبينا الكريم عليه الصلاة والسلام: ” ليس الراحم الذي يرحم نفسه وأهله ولكن الراحم هو الذي يرحم المسلمين ” اخى دفع الله ود الاصيل هذا مايجعلنى لا ارد الصاغ صاغين والحمدلله على نعمه العقل ونعمه الاسلام والكل يعرف انو الرسول الكريم قد قال عن جابر بن عبدالله رضي الله عنهما مرفوعاً: «إن من أحبكم إلي وأقربكم مني مجلساً يوم القيامة أحاسنكم أخلاقاً، وإن أبغضكم إلي وأبعدكم مني يوم القيامة الثرثارون والمتشدقون والمتفيهقون» قالوا: يا رسول الله قد علمنا «الثرثارون والمتشدقون»، فما المتفيهقون؟ قال: «المتكبرون». اللهم ابعدنا من هذه الزمره واجعلنا من اهل الاخلاق مع تحياتى مصطفى نور ..
10-23-2022, 06:40 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
الاخ الغالى أبوذر بابكر تحيه طيبه اخى الغالى البوست بوست يعبر عن الامتنان لكل الاعضاء والشكر لكل من فى سودانيز اون لاين ولكسر حاجز الرتابه وبرضو بوست تتطيب خواطر والبوست فيه الكثير من الردود والمدخلات الجمليه والبوست ظهر فيه الكثير من الاخوه الذين كانوا فى انقطاع لفتره فماذا يضرني وما الغزى ان يتوقف البوست وماذا لو استمر البوست فى تتطيب الخواطر والاشاده المعنويه بالاخوه الاعضاء اخى الغالى ابوذر بابكر لك التحيه والاحترام
10-23-2022, 08:26 AM
walid taha
walid taha
تاريخ التسجيل: 01-28-2004
مجموع المشاركات: 4206
الاخ الغالى walid taha تحيه واحترام ولم يسقط اسمك سهوا او تجاهلا ولكن البوست والعرض مازال مستمرا وانت الاخ العزيز الغالى ومن سنحت لى فرصه ان التقى معاك فى مصر اثناء زيارتك لمصر وانت الاخ الوحيد من التقيت به شخصييا من ناس الموقع الجميل سودانيز اون لاين منذ اشتراكي ولقد قضينا ساعتين سويا وكانت اجمل ساعات اللقاء زى ماقال احمد المصطفى وانا عشان خاطرك الغالى تكبدت المشاق ذهابا ايابا 6 ساعات ولكن فرحت بالللقاء بك اخى وانت اخ رائع وجميل بكل ماتحمل الكلمه لك منى كل الود والاحترام وانت عضو فعال وعضو رائع ومشاركتك بفهم وومتميز فى كل شى احتلارامى ليك اخى وليد طه وبقول ليك
10-24-2022, 02:56 PM
walid taha
walid taha
تاريخ التسجيل: 01-28-2004
مجموع المشاركات: 4206
الاخ الغالى walid taha تحيه طيبه وانت والله من اميز من تعرفت عليهم فى سنوات الغربه والتى طالت اسال الله ان يعيدنا الى الديار سالمين يارب والله نحن بقينا فى غربه وشوق ومتين نغنى مع ودالامين ونقول جيناكم ياحبايبنا بعد غربه وشوق نغالب فيهو ويغالبنا ونكتم اه تظهر اه تتعبنا حنين لشوفة الغالين مدوبنا بعد غربه وشوق هناك غربتنا ما هنتنا ياحلوين هناك الهم بدل واحد يبين همين ومهما قلوبنا تتاوه سنين وسنين مصيرو الحى يلاقى احبة لو صادقين سماع اهلا من الاحباب شروق امال ووصف البهجة بالكلمات محال يتقال حلاوة العوده غنيناها فى موال تحكى عن الولف واصلو الولف كتال
10-23-2022, 09:21 AM
هشام الدرديري
هشام الدرديري
تاريخ التسجيل: 04-11-2019
مجموع المشاركات: 128
الاخ الغالى هشام الدديرى تحيه طيبه اخوى الغالى هشام الدرديري لك الاحترام والشكر وانت من الاعضاء برضو فى سودانيز اون لاين وماعارف اقول ليك انت مختفى كمان تقوم تزعل وانا عرفت انك مختفى لانو مشاركتك 123 مشاركه طبعا كل زول عندو ظروف ومشغوليات وان شاء الله تظهر اكتر واكتر تاريخ التسجيل: 04-11-2019 مجموع المشاركات: 123 وين الناس والله يا اخوى هشام صيغه سوالك انت بتسال على انهم غائبين ولا انا لم اذكرهم وفى كل الحالتتين انا بقول ليهم انتم الساس والراس ووالله فائده البوست انو فى اخوان واعضاء اول مره اتعرف عليهم وواشوف اسمائهم وياريت كل الباقين يظهروا ونشوفهم يارب والغائبين والمفقودين نسمع عنهم كل خير يارب والاعضاء الرائعين حبيب نورا طارق جبريل تمبس خدر لكم التحيه والاحترام وبقول ليك يا اخوى الغالى هشام الدرديري
10-23-2022, 10:07 AM
الزبير بشير
الزبير بشير
تاريخ التسجيل: 08-11-2009
مجموع المشاركات: 1770
هذه خلاصة العبث الذي يقوم به مصطفى نور وأتى بها شاعرنا الكبير "المطر".
ليه عبث؟ باستخدام الجرح والتعديل نجد ان مصطفى نور غير مؤهل للترشيح. أولا : هو ضعيف البصر ،امامه اربعة خمسة بوستات في الصفحة الاولى ويقل ان صاحبها غائب لفترة طويلة. هنالك احتمال ان انجليزيته ضعيفة، لكن هذه الاحتمال غير وارد. لانه ذكر Nasr ثانيا : ذكر في اشادة له باحد المقترحين انه من مؤسسي المنبر العام، لان عضويته كانت في سنة ٢٠١٠، والمنبر العام بدأ في ٢٠٠٢. كيف يكون "من مؤسسي المنبر"؟
10-24-2022, 09:26 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20520
ياخي من كترة "صرفك" ل"العضو الرائع" اصبحت بلا طعم ولا رائحة ولا قيمة ، وهي في متناول يدك تصرفها بكل كرم مجاني، مما أفقدها قيمتها .
المهم كما قال ليك ابوذر من كترة مجاملاتك : أكتب اسماء كل الاعضاء واصرف ليهم ترشيحات للاوسمة.
قصة زوغانك من موضوع الكذب واضحة بالنسبة لي . كان من الاول تقول ان الكلام دا، اي قصة غيابي قاطعو من رأسي". هذا هو ما حدث. لكنه في المقابل يفقدك مصداقية ترشيحك للاعضاء.
رأيي كما قال لك ودالاصيل ان توقف هذا العبث ، ومن حقك الاستمرار فيه.
اما انا فعافي ليك ، ولا اغيّر آرائي حول عدم تأهيلك للحكم على الآخرين للأسباب المذكورة أعلاه. نقطة.
صباحك خير بالتأكيد دا ما أول بوست يعرض فكرة منو في سودانيزاونلاين يستحق وسام والله اشادة وكلها لو رجعت ليها حتلقي نفس الردود فيها غايتو أنا في رأيي المتواضع دا إنو صديقنا أبوذر أداك النصيحة .. والحمد لله إنو سودانيزأولاين ما بتدي أوسمة لأنو كان المنبر دا اتفرتك زمااان
تحياتي واحترامي
10-25-2022, 06:30 AM
هشام الدرديري
هشام الدرديري
تاريخ التسجيل: 04-11-2019
مجموع المشاركات: 128
محمد عبد الله الحسين الف شكر ليك اخوى الغالى وانت والله الذى لا اله الاهو من لا تخاف فى الحق لومه لائم ووانا من هنا مره اخرى امد يد الاخاء والصداقه والموده والاحترام لكل الاخوان الاعضاء والساده القراء واقول ليك وانت يا الابيض ضميرك صافي زي قلب الابيض في كلامك انا في ابتسامك احلي من زهر الربيع وعشت موت هيم لحبك كل ايامي وحنانه وابتسامتك عزيزة بحرق الاهات عشانا وكنتا شايلك في عيوني يعني ليك ارفع مكانة بس لقيتك وانت دايرتظلم الحب بالمهانة انا عشتا موت ميت لحبك كل ايامي وحنانه وابتساماتك عزيزة انا بحرق الاهات عشانه يعني ليك ارفع مكانة بس لقيتك وانت داير تظلم الحب بالمهانة الدموع السايلة مني ياما سالت حرقتني والضنون الحارقة قلبي كم شجتني اااه ولهدتني انا كنتا بجني شقاي محنا انا بنسي الامي الطوتني ويامه عيناي بفتتانه للمآسي كم سقتني وانت يا الابيض ضميرك صافي زي قلب الابيض في كلامك انا في ابتسامك احلي من زهر الربيع
10-25-2022, 08:57 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
Quote: للأخ أسامة ياخ انت كبيرنا في هذا المنبر وقيمة أدبية كبيرة ومكانتك عندنا سامية نتوقع منك الترفع ولو قليلا
عن هذه اللغة. التي لا تشبه سيرتك ولا تاريخك ولا مكانتك عندنا
. مع كامل احترامي وتقديري لك..
اريدك ان تقتبس من كل مداخلاتي وميماتي اللغة التي تقول انه لا تشبه ....إلخ حتى لا يكون الكلام مرسلا على عواهنه...
ملحوظة: اللغة المستخدمة في الابداع هي بالضرورة لغة النص ، وليست لغة مؤلفه، وهذه من الابجديات.
طبعا بقول هذا الكلام لان كلامك عام، ويخلي الواحد يقول يمكن زعّلت محمد الحتة دي أو الجملة دي . فلذلك أريد أن تورد من كلامي ما جعلك تتحدث عن "لغة" لا تشبه إلخ ولو كلامك صحيح سأعتذر عنها فورا وبلا أدنى تأخير. "كلنا خطّاؤون".. مع تقديري
10-26-2022, 03:31 AM
adil amin
adil amin
تاريخ التسجيل: 08-01-2002
مجموع المشاركات: 37021
Quote: لحاجة المستغربة ليها انا عادل امين بجيب الصور المعبرة دي من وين؟؟ عندو موهبة وبراعة عجيبة في جلب صور معبرة فعلا عن ما يريد توصيله للقارئ ...
سلام بنتنا الجقودية امتثال ....دي املتها على الشياطين .....زي الرواية دي "صحن الجن" طبعتها في جنوب السودان داررفيقي 2020 موجودة في مكتبة النور بي دي اف اقريها بمناسبة فوز جقود باوسكار 2022 في البورد حتعجبك جدا عجبت بريمة وكبر لمن نشرتها هنا في موقع سودانيز اون لاين على قاعدة الغدا كان ما كفى ناس البورد ما بنودي الجيران واقدلي وسكتي الخشامة وانزلي في العوازل كي غايتو الما بقرا الرواية نص عمرو ضايع وسيندم مستقبلا انه ما قراها والما ببقي نفسه زول ما في زول ببقيه https://www.0zz0.com
10-26-2022, 03:59 AM
adil amin
adil amin
تاريخ التسجيل: 08-01-2002
مجموع المشاركات: 37021
بشرط اخلي الكرور و الخبوب و الربوب بتاع عقار و الحلو و عرمان ( اسماء حركة المرور يمين قبل تتحول شمال ايام نميري ) .
الزبير الختمي الماسورة انت وامتثال الفهمتو البوست باقي رجرجة مرقو الفي بطنهم بس جقود نجم 2022 لكن قلت ليك انت ماسورة لانك قايل الحركة الشعبية هي فلنقايات الجبهة الثورة وارئي فيهم واضح من 2018 في البورد نحن نبني مواقف علي اساس فكري ثابت الختمية الاصليين ما عنصريين وشايفين الجنوب القديم والجنوب الجديد الغزالة الفوق في السلم لحدي الليلة 2022 والحلف الاستراتيجي لاعادة سمكرة السودان الاصلي في حدود 1يناير 1956 هي رفع علم الاستقلال في كل السودان ثم الاقاليم الخمسة وبعدين سمكرة الجنوب https://www.0zz0.com عشان كده انا بتكلم عن الحركة الشعبية الرؤية في مستوى دمنصور خالد و جون قرنق والسيد محمد عثمان الميرغني 1988 والان جعفر × الحلو في مستوى الجنوب الجديد ومرجعية دستور 1973 وقوانين 1974 وايضا رؤية علي محمود حسنين 2019 شيوعي بعثي ناصري كوز سلفي ديل امراض نفسية عدييييل لا وعي ولا مشروع واهو قدامك وشايفهم يقلبو المرتبة ام بول كل مرة بي علم مايو القبيح واخارطة القبيحة المشوهة الختمية الحركة الشعبية هم صمام الامان لما تبقى من السودان مشاريع العرب والجرب دي اتفضحت وما قدرت تدير موارد السودان https://www.0zz0.com وقررررط علي كده ما في ختمي برفس الجنوبيين الا يكون مركب مكنة كوز او عروبي فاصلو زي الفنقايات بتاعين الدول الناهبة للسودان وهسة مفضوحين تماما https://www.0zz0.com
10-26-2022, 05:25 AM
محمد عبد الله الحسين
محمد عبد الله الحسين
تاريخ التسجيل: 01-02-2013
مجموع المشاركات: 10914
الاسم الذي أدهشنا ونحن نتصفح صحف الثمانينات المزينة بصفحات الأدب...و فيها الموضوعات التي كنا نتابعها ولا نعرف من مضمونها إلا العنوان..
لك التحية والتجلة أولاً وأخيراً..
Quote: ريدك ان تقتبس من كل مداخلاتي وميماتي اللغة التي تقول انه لا تشبه ....إلخ
حتى لا يكون الكلام مرسلا على عواهنه...
ملحوظة: اللغة المستخدمة في الابداع هي بالضرورة لغة النص ، وليست لغة مؤلفه، وهذه من الابجديات.
طبعا بقول هذا الكلام لان كلامك عام، ويخلي الواحد يقول يمكن زعّلت محمد الحتة دي أو الجملة دي . فلذلك أريد أن تورد من كلامي ما جعلك تتحدث عن "لغة" لا تشبه إلخ ولو كلامك صحيح سأعتذر عنها فورا وبلا أدنى تأخير. "كلنا خطّاؤون".. مع تقديري
أعتقد أن الصفحة قد طُوِيَت بخيرها و غيره...ولم يتبقى إلا رماد الذكرى...و بعض الأسف أو الندم في النفوس..
وبما أنك ذكرت سيرة الإعتذار(ولو كلامك صحيح سأعتذر عنها فورا وبلا أدنى تأخير.) فلك الشكر...
حقيقة ما آلمني أن كاتب البوست أفرط في الإعتذار و التأسف دون فائدة....والموضوع برمته ..أوله و آخره لا يستحق المِداد الذي سُكب فيه
الأستاذ والأديب الكاتب النحرير عادل امين فعلا عملت تحميل لكتاب صحن الجن ...فوجدتك أهديت الكتاب للشاعر اليمني عبد الله البردوني ،،وأعجبني جدا بدايتك للكتاب بمقولة مارتن لوثر كنج : "" أسوأ مكان في الجحيم محجوز لهؤلاء الذين يبقون على قيد الحياد وسط المعارك الأخلاقية العظيمة .. "" . والله هذا قول حسن وجميل ومعبر ويعكس ما يدور في وطننا السودان الآن .. ..ونحن نرى الآن معارك أخلاقية عظيمة و قيمة في السودان ضد الدكتاتورية العسكرية البغيضة ونرى الشهداء يبذلون دماءهم رخيصة في سبيل ان يعيش الشعب حرا عزيزا مكرما بينما هناك آخرون يبقون على الحياد وسط هذه المعارك الأخلاقية العظيمة فعلا في سبيل عزة ومجد السودان.. "" .فشكرا لك عزيزي الكاتب الأديب عادل امين ... .وقد بدأت في قراءة الفصل الأول من الكتاب وهو بعنوان " بلاد كوش" وسوف أبدا الفصل الثاني المعنون " الملكة بلقيس" غدا ان شاء الله.علما بأن الكتاب فيه ١١ فصل ... وبعد أن اتم قراءة الكتاب سوف اعلق على الكتاب أن شاء الله ..والله يديك الصحة والعافية
الأستاذ الأديب الكبير عادل امين في الفصل الأول بلاد كوش قلت فيه ان مدينة كريمة دمرها فيضان عام ١٩٨٨م ورددت قصيدة اما دنقل الشاعر النوبي ....وانا اعرف ان امل دنقل شاعر مصري ولكن لم أكن أعرف أنه مصري نوبي وزمان وانا في المدرسة لمن أسمع اسمه امل دنقل كنت مفتكره أنه مولود في دنقلا وانه سوداني ولكن فيما بعد عرفت انه مصري ...وشاعر يشار إليه بالبنان... واشعر من اسلوبك ان لك فلسفة رائعة في كتابة القصة والرواية ..وعندما قصصت قصة زين وكأنك تقص قصتك الحقيقية .... انا الفصل الثاني الملكة بلقيس فإن اسلوبك رائع جدا وقصصت علينا قصة النبي سليمان مع الهدهد والملكة بلقيس باسلوب لم نعهده من قبل...وقد أعطيت جوامع الكلم ...والحروف والكلمات تنصاع لقلمك بسهولة ويسر .... بحق وحقيقة انت كاتب وأديب ....يا استاذ عادل .. ولكن لي سؤال مهم سوف اطرحه لك في المرة القادمة بعد أن أقرأ الفصل الثالث والرابع. والله يديك الصحة والعافية
10-26-2022, 05:05 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20520
ـــــــــــــــــــــــــــــــــــــــــ *سَلح: سُلاح وهو كلّ ما يخرج من البطن من الفضلات، وغلب على المائع منه سلَحَ: (فعل) سلَحتِ البهائمُ راثت وتغوَّطت
**راث الفَرسُ ونحوُه: ألقى غائطَه
10-26-2022, 05:42 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3484
روث الدواب هنا غير معبرة يا أدبي، الروث لا توجد به عفنة مقارنة ببراز الانسان لأنه قليل البروتين الحيواني فهو في معظمه سليلوز وكيتين وشويّة باكتيريا ويستفيد منه الانسان كسماد وطاقة اختراق أو طاقة بايلوجية (غاز). ولو أنت ليك علاقة بالحيوانات دي، أصلاً لا يصيبك منه أي شيء من الاشمئزاز مقارنة ببراز الانسان والحيوانات آكلة اللحوم، عشان كدا يا معسم، تشبيهك دا يعتبر ضعيف جداً في علم البلاغة
10-26-2022, 06:55 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2725
الحقيقة يا خواض قصيدة عجيبة - ما عارف انت نزل عليك وحي الكتابة وانت في الحمام ولا شنو :)
بعيدآ عن القصيدة وقريبآ من اجواء البوست- عادل أمين لا زال في قمة المرشحين. وشكرآ للاخوان محمد بدرالدين والبحراوي "عارف ناشد" على الترشيح.
اسمحوا لي احيي الاخوان: وهبه عزام وليد محمد المبارك الحاج حمد "حجوج" عماد احمد "ملك التوثيق"
بوست شبيه ل بوست "صانعي الدهشة " المكتوب من طرفنا نحنو .
كسرة أولى: لصاحب البوست - مرحب بيك في البورد- وعليك أن تعرف أن حبيبنا "خواض" يتعامل بجدية كبيرة مع المطروح في البورد - فما تتحسس - الموضوع وجهات نظر وكل يرى بزاوية نظره.
كسرة تانية: الحبيب ود اللصيل يظل الاكثر غزارة من حيث المطروح في البورد- مع التنوع في موضوعاته.
كسرة ثالثة: "عارف ناشد" يقوم بعمل إبداعي في أكشنات المنبر- تحياتي يا عارف- عليك الله شوف لي حاجه لي "بكري اب صلعه" تكون حاجه من ابو كديس.
كسرة قبل اخيرة: مناقرات خواض و عادل امين من الاجمل في البورد - خواض عازمنك فتة حاااااارة في ليلية غبارها في السما.
كسرة اخيرة: خواض ياخي انت لسه ما عملت تشريح لي قصتي العجيبة - منتظر رايك بعيدآ عن أي مؤثرات منبرية.
لصاحب البوست التحايا مرفقة بالجمبة
10-26-2022, 07:43 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20520
وشكرا يا مصطفى مرة اخرى على الاحتفاء وابيات من شعر البردوني في قصيدة يا مصطفى وهي اسم على مسماك تنعشك شوية شايف عربيات الصرف الصحي جات البوست اي زول لقى حاجة كتبتها ولي قلتها في البورد ده ولى مكان وعايز يناقش الباب مفتوح يحدد الحاجة اللقاها ومصدرا ويجي يناقش رواية قصة قصيرة مقال سياسي رؤية سياسية افكار مشاريع كل حاجة قدحت احجاره واشعلت فيه نار المعرفة جقود جاهز 2022
10-27-2022, 05:27 AM
adil amin
adil amin
تاريخ التسجيل: 08-01-2002
مجموع المشاركات: 37021
وشعاري من 2001-2022 شاعر أوحى له شيخ الطريقة زاهد قد جعل الزهد غنا.. فله في الجبة ألوان الحديقة.. والعصا في غربة الدنيا رفيقة ***** لا اعرف الشاعر....ابيات املتها علي الشياطين https://www.0zz0.com
10-27-2022, 05:23 AM
adil amin
adil amin
تاريخ التسجيل: 08-01-2002
مجموع المشاركات: 37021
جيت احي بنتنا امتثال وكل من احتفل بي جقود نجم 2022 في البورد والاحتفاء يكون لماذا جقود نجم 2022 ؟؟ انت تسال وجقود يجيب يا بنتنا امتثال في بوستات المنبر 2022
وطبعا الكنداكة كشفت سري في صحن الجن وعلاقتي المربية بي امل دنقل المتمرد ودي كده يا بتنا امتثال اسما التعاون استعين بالشعر الحي والحر للشعراء الكبار فعلا في مقالاتي وروياتي ايضا حميد محجوب شريف والدوش وايضا بتلقي شاعر كوشي متميز في الفصول القادمة كان عضو في البورد هنا عبدالاله زمراوي من ديوان مرايا الليل
في رواياتي السودانية في موقع النور مكتبتي الكاملة
10-27-2022, 05:43 AM
adil amin
adil amin
تاريخ التسجيل: 08-01-2002
مجموع المشاركات: 37021
انت تميل الي التصوف يا مصطفى النور والسلام الداخلي وهذه القصيدة البالستية ل محمد المهدي المجذوب التي جعلت البعض من ابياتها شعاري في الحياة ليلة المولد / شاعر السودان العظيم محمد المهدي المجذوب 3 ديسمبر، 2017 essada الأخبار, الصدى الثقافي شاعر السودان العظيم محمد المهدي المجذوب
صلِّ يا رب على المدثرِ
وتجاوز عن ذنوبي واغفرِِ
وأعني يا إلهي بمثابٍ أكبرِ
فزماني ولعٌ بالمنكرِ
…
درج الناس على غير الهدى
وتعادوا شهوات
وتمادوا
لا يبالون وقد عاشوا الردى
جنحوا للسلم أم ضاعوا سُدى
…
أيكون الخير في الشر انطوى
والقوى
خرجت من ذرة
هي حبلى بالعدم؟
أتراها تقتل الحرب وتنجو بالسلم؟
ويكون الضعف كالقوة حقا وذماما
سوف ترعاه الامم
وتعود الأرض حبا وابتساما
…
رب سبحانك مختاراً قديراً
أنت هيأت القدر
ثم أرسلت نذيراً للبشر
آية منك ونورا
هو عين الله
لولا ضوؤه
لم نر العالم في شتى الصور
جعل الموت رجاء وبقاء
وغراساً منه لا يفنى الثمر
…
صل يا رب على خير البشر
الذي أسرج في ليل حراء
قمراً أزهر من بدر السماء
يقرأ الناس على أضوائه
حكمة الخلق وأسرار البقاء
من إله قد هدى بالقلمِ
علم الإنسان ما لم يعلمِ
…
ليلة المولد يا سر الليالي
والجمالِ
وربيعاً فتن الأنفس بالسحر الحلال
موطني المسلم في ظلك مشبوب الخيال
طاف بالصاري الذي أثمر عنقود سنىً
كالثريا
ونَضَا عن فتنة الحسن الحجابا
ومضى يخرجه زيّاً فزيّا
…
وزها ميدان عبد المنعم
– ذلك المحسن حياه الغمام –
بجموع تلتقي في موسمِ
والخيام
قد تبرَّجن وأعلن الهيام
…
وهنا حلقة شيخ يرجحن
يضرب النوبة ضربا فتئن
وترن
ثم ترفَضُّ هديراً أو تجن
وحواليها طبول صارخاتٍ في الغبار
حولها الحلقة ماجت في مدار
نقزت ملء الليالي
تحت رايات طوال
كسفين ذي سوار
في عباب كالجبال
…
وتدانت أنفس القوم عناقاً واصطفاقاً
وتساقوا نشوة طابت مذاقاً
ومكان الأرجل الولهى طيور
في الجلابيب تثور.. وتدور
تتهاوى في شراكِ
ثم تستنفر جرحي وتلوب
في الشباكِ
مثلما شب لهيب
…
وعلا فوق صدى الطبل الكرير
كل جسم، جدول فيه خرير
ومشى في حلقة الذكر فتور
لحظة يذهل فيها الجسم والروح تنير
وعيون الشيخ أُغمضن على كونٍ
به حلم كبير
والمقدم
يتغنى يرفع الصوت عليا
وتقدم
يقرع الطبل الحميا
ورمى الذكر وزمزم
واستقامت حلقته
وانحنت حين انحنى
وهوت والطبل نار تتضرم
وتصدى ولد الشيخ وترجم
حيث للقطب حضور
وتداعَى وتهدم
وينادي منشد شيخاً هو التمساح
يحمي عرشه المضفور من موج الدميرة
ندبوه للملمات الخطيرة شاعر أوحى له شيخ الطريقة زاهد قد جعل الزهد غِنى فله من رقع الجبة ألواناً حديقة والعصا في غربة الدنيا رفيقة
وله من سبحة اللالوب عقدٌ
ومن الحيران جندٌ
وله طاقية ذات قرون
نهضت فوق جبين
واسعٌ رققه ضوء اليقين
…
وفتى في حلبة الطار تثنى
وتأنَّى
وبيمناهُ عصاه تتحنَّى
لعبا حركه المداح غنَّى
رجع الشوق وحنَّا
وحواليه المحبون يشيلون صلاة وسلاما
ويذوبون هياما
ويهزون العصيا
ويصيحون به: أبشر لقد نلت المراما
…
صل يا رب على المدثرِ
وأعني وانصرِ
بشفيع الناس يوم المحشر
الذي يسقي صفاء الكوثر
…
وهنا في الجانب الآخر أضواء رقاق
نشرت قوس قزح
من رجاء وفرح
من ربيع في دجى الليل يراق
ونُساق
أنفس شتى وبطء واستباق
***
وفتاة لونها الأسمر من ظل الحجاب
تتهادى في شبابٍ وارتياب
قد تحييك وتدعوك بأطراف الثياب
وهي قيد وانطلاق
واضطراب واتساق
إن نأت عنا وأخفتها الديار
فعروس المولد الحلوة جلاها التجار
لبست ألوانها شتى أميره
ما أحيلاها صغيره
وقفت في كرنفال
فوق عرش دونه الحلوى كنوز ولآلي
من أساطير الخيال
وهي إن تصمت ففي أعينها الوسنى انتظار
حولها الأطفال داروا
بعيون تلمع الألوان فيها وتذيع
وبها من بهجة رفت دموعْ
…
لهفة كم عصف البؤس بأطفال صغارِ
وردوا المولد بالشوق وعادوا بالغبارِ
ويح أمٍ حسبوها
لو أرادوا النجم جاءت بالدراري
ويحها، تحمل سهد الليل في صحو النهار
…
رب أرسلت يتيما
قام بالحق رحيما
قد ذكرناه فهل نذكر من أمسى عديما ؟
…
وهنا في الجانب الآخر سوق
هو سوق ( الزلعةِ )
وبه طبل وبوق
من صراخ الرغبة
حفلت دولته في ( حلةِ )
سلبت كل العيونْ
والظنونْ
كيف لا يا لذة الليل ويا أم الفتونْ
ربها قلّب عينيه خطيباً
في الجماهير الغفيرة
مرسلاً من ناره ريح شواءِ
تتهادى في الفضاءِ
بنداء لم يجد فينا عصيا
ودعانا .. ثم حيّا .. وتهيّاً
وحواليه الكوانين الوقوره
ولها من داخن الفحم ذريره
وحريره، وضفيرة
تُرشَق ( الأسياخ ) فيها
نظمت باللحم نظماً
وارتوت دهناً وشحماً
ودخلنا مطبخاً زاط ولا قصر الإماره
ربّه البادنُ عراف أتته كل حاره
وتعيَّشنا وأحسسنا أمانا
وشربنا وارتوينا
ومشينا، وشعرنا بنعاس في خطانا
وسلام هو لو دام لأحمدنا الزمانا
…
ومضى الليل
وناداني سريري والمنامْ
فتركتُ المولد الساهر خلفي والزحامْ
من نفوسٍ ( رجت الرَّي ) ولم يهمِ الغمامْ
فهي ظمأى في القتام
وبسمعي الطبل دَوَّى من بعيد
كوليد
في دجى الليل وحيدْ
وبقايا من نشيدْ
عبرت سمعيَ طيرا
في ظلام بشر الآفاق بالصبح الجديدْ
والوعودْ
…
ربِّ في موطني المسلم قد عدنا إليكا
ما اعتمدنا ربنا إلا عليكا
وذكرنا الهادي المختار ذكرى
ملأت أرواحنا طُهراً وصبرا
صل ياربّ عليه
وتجاوز عن ذنوبي واغفرِ
وأعني بمتابٍ أكبرِ
نقلا من صفحة الاعلامي البارز د عباس مصطفى
10-27-2022, 06:26 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
الاخ الغالى عادل امين الف شكر ليك على القصيده الجمليه والمولد النبوى من احب الاماكن الى قلبى فى الصغر عندما كان بيتنا يبعد فقط 800 متر من ساحه المولد فى امدرمان فى ميدان قبه المهدى وكنا تقريبا يوميا نمشى المولد طوال ايام المولد النبوى الشريف والمتعه فى حلاوه المولد الهنديه وحلويات الطيب سيد مكى وحلويات اولاد الفكى والمتعه الاكبر الشاى باللبن المقنن والزلابيه وسلطه الروب وحلاوه قطن ياسلام ذكريات جمليه عندما كان السودان بلد الخير والطيبه واهديك أنا أفريقي أنا سوداني أرض الخير مكاني بلد النور والعزة مكاني أرض جدودي جباههم عالية مواكب ما بتتراجع تاني اقيف قدامها واقول للدنيا انا سوداني أنا بلدي .. بلد الخير والطيبة ارضه خزاين .. فيها جناين نجومه عيون بالخير بتعاين قمره بيضوي ما بغيب ابدا دايما باين نوره بيضوي ليالي حبيبة عليها بغني واقول للدنيا انا سوداني شمسك طلعت وأشرق نورها بقت شمسين شمس العزة ونورها الاكبر هلت شامخة زي تاريخي قوية وراسخة ملت الدنيا وخيرنا بيكبر شمس ايماني باوطاني ده الخلاني اقول للدنيا أنا سوداني
10-27-2022, 05:36 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
أختااهو لا تجزعي.. فالحافظ الله.. انا سلكنا طريقاً قد خبرناهو...
والله انت احلى زول حالياً في البورد .. مصطفى نور .. ثم يازول سوي الشئ واكتب الفي مزاجك ما تسال في راي شخص ولو شايف انه الحرمتهم من الأوسمة ك الخواض او المستنير وغيرهم اضافة لانه اغلبية العضوات النساء غير مرحب بيهم في النادي الريفي دا فدا رايك ومزاجك اكتبه يازول عااادي وما تهتم بأي كلام سلبي يوجه ليك ... بعدين طنش زي ما فلان داك قاعد يطنش ..
لك التحية والود . اما اذا سمحت لي ارشح وسام اكبر زعاااط فالفائز بيهو ... العاااااارف نفسو:)
10-27-2022, 07:06 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20520
سبق لشيخنا الشيخ "أفاض المولى علينا فيضا من فيضان كراماته الاسفيرية الظاهرة والمستترة معا"، أن ربط الهجائية بالحمام،
وفي تعليقه إشارة خفية عجيبة إلى العنوان الجانبي: إشعال البخور"
وفي هذا تكمن أهمية البخور مما لا يحتاج إلى شرح ، فهو واضح وضوح الشمس ...إلخ
ونواصل...
هامش: أعلن عادل أمين استعداده للحوار. وهو كما يشاهد الجميع، يواصل" فراره " من "الكماشة الخواضية" في بوست الهروب الأشهر في تاريخ المنبر العام : إلى جقود.: لماذا منع الحوثيون الغناء ...إلخ
كما يواصل الهروب من إشاراتنا إلى مدحه "الغرب" وانبهاره به في كتاباته ، وحديثه عن تجدد الصراع القديم أي الشيعي السني.
10-27-2022, 11:38 AM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2725
الاخ الغالى الشيخ سيد أحمد تاريخ التسجيل: 07-14-2008 مجموع المشاركات: 2591 تحيه طيبه والله ردك وردوك جمليه رائعه اخى شكرا ليك وانا بخلى كل زول ياخذ راحتتو على الاخر فى البوست وطبعا انا ما عايز اقول اى شى غير انو الموقع الرائع سودانيز اون لاين مكان رائع وموقع رائع يرتاح فيه الكثيرين الاعضاء ومن الساده القراء لقضاء وقت جميل بعد عناء يوم من العمل والارهاق وانا واحد من هولاء الذين اتمتتع بالدخول للموقع الرائع شكرا ليك وبقول فى تقديرى انا مصطفى نور انك فى الموقع تستاهل تكون
قرأت الفصل الثالث المعنون " عم صالح " أمس واليوم قربت انتهى من الفصل الرابع المعنون " سونيا" ..وعندما قرأت العنوان ظننت أن الاسم لفتاة يمنية أو سودانية أو أجنبية أوربية لها قصة ..وعرفت الآن أن الاسم ل بومة ...وعرفت الآن البومة ترمز للشؤم من عند العرب ولكن عند الإنجليز ترمز للحكمة ... والقيت نظرة سريعة لبقية عناوين الفصول الأخرى ووجدت عنوان الفصل السابع " صنعاء" ..ولا ادري هل سؤالي الذي سوف اساله الآن جاوبت عليه في ذلك الفصل ام لا... وسؤالي هو : بعض الأعضاء ، وفي مقدمتهم عضو المنبر ود قباني يسمونك عادل امين الحوثي ،،يعني انك تدعم وتؤيد الحوثيين في اليمن وانا مستغربة، اذا كان هذا الكلام صحيح ،: كيف تؤيد جماعة مسلحة تثير الحرب الأهلية في اليمن ولا يلتفتون إلى مصالح الشعب اليمني المغلوب على أمره ..وبسبب هذه الحرب الأهلية يعاني الشعب اليمني معاناة قاسية والأطفال يموتون كل يوم دون سبب سوى مطامح الحوثيين الذين يريدون ان يحكموا البلاد بقوة السلاح ...لماذا تريد هؤلاء الحوثيين الذين هم سبب البلاء والشقاء في اليمن ...؟؟! سؤال حال في خاطري وانا اسمع في الأخبار ان الحوثيين يرفضون أي وساطة لحل سلمي لمشكلة اليمن... والله يديك الصحة والعافية ..
10-27-2022, 04:28 PM
adil amin
adil amin
تاريخ التسجيل: 08-01-2002
مجموع المشاركات: 37021
Quote: وسؤالي هو : بعض الأعضاء ، وفي مقدمتهم عضو المنبر ود قباني يسمونك عادل امين الحوثي ،،يعني انك تدعم وتؤيد الحوثيين في اليمن وانا مستغربة، اذا كان هذا الكلام صحيح ،: كيف تؤيد جماعة مسلحة تثير الحرب الأهلية في اليمن ولا يلتفتون إلى مصالح الشعب اليمني المغلوب على أمره ..وبسبب هذه الحرب الأهلية يعاني الشعب اليمني معاناة قاسية والأطفال يموتون كل يوم دون سبب سوى مطامح الحوثيين الذين يريدون ان يحكموا البلاد بقوة السلاح ...لماذا تريد هؤلاء الحوثيين الذين هم سبب البلاء والشقاء في اليمن ...؟؟! سؤال حال في خاطري وانا اسمع في الأخبار ان الحوثيين يرفضون أي وساطة لحل سلمي لمشكلة اليمن... والله يديك الصحة والعافية ..
سلام امتثال
عندك فرصة كبيرة تتخطي الوعي البايظ في البورد في الشان اليمني وترهات البعاعيت ديل اعلام الخليج ما نافع ودول الخليج دمرت العراق وسوريا\واليمن وليبيا وبتجيك في السودان ايضا اذا باريتي الاخبار البيش وبعاعيت البورد ديل عندي بوست مفتوح عن الحوثيين في المنبر ده وعندي بوست عن عاصفة الحزم في البورد في المنبر ده امشي شوفيها لتعرفي الحاصل في اليمن شنو و5 مقالات في راي اليوم عن ما يحدث في اليمن واليمن عندها 10 فضائيات وطنية تطلع من صنعاء ممكن تشوفيها المسيرة الساحات سبا اليمن اليوم عدن الوطنية اللحظة
العندك دي رواية الما بقراها هسة حيندم لي قدام انا متاكد اقريها كعمل ثقافي ومنها بتعرفي عوالم جقود المدهشة وفي مكتبة كاملة في موقع النور العالمي هناك دي السيرة الابداعية كاملة 4 روايات 5 مجموعات قصصية ديوان شعر انجليزي في امازون كتاب فكري "الانسان عشان نشوف هل الاحتفالية هنا كانت تليق بي جقود ولي لا وهل مصطفى النور غلط في البوست ده ولي ابو القدح ده ما لاقي زول يوديه الضل بس سيبك من العزااااال ديل انا بصرف ليهم بركاوي بس كيسهم فاضي ويرفسو ساكت لا من اهل الفكر ولا اهل الذكر وعقلهم في حدود علمانيو احسن من الكيزان شوية بس وقرطي علي كده التحدي في البوست ده ابداعي بس وعلاقة الانسان بي الابداع غريبة جدا
الله ، الحي ، العالم ، المريد ، القادر ، السميع ، البصير ، المتكلم … خلق الإنسان جعله حي ، عالم ، مريد ، قادر ، سميع ، بصير ، متكلم .. إلا أن صفات الإنسان عند طرف النقص وصفات الله في مطلق الكمال .
إن الجمال الحسي والمعنوي متعة المتأملين ، لهذا الجمال انعكاسات فطرية داخل الإنسان ، جعلته يقلد الخالق في عملية الخلق والابداع (Creatives) ، فكانت الفنون بأنواعها المختلفة ، بدأت في شكل رسومات لحيوانات على جدران الكهوف أو تماثيل منحوتة من الصخر ، تطورت هذه الفنون وتشعبت عبر التاريخ ، إن عملية الإبداع هي خروج الفكرة إلى حيز الوجود ، لا بد لذلك الإبداع الفني من أدوات أهمها الطاقة التي تكمن في الإنسان وتمده بالحياة ، الإرادة الحرة ، الحواس المرهفة القادرة على إبراز العمل في أبهى صوره ، والقرآن قد تناول الحس الجمالي (Sense of Beauty) في العديد في الآيات منها قال تعالى ] والانعام خلقها لكم فيها دفء ومنافع ومنها تأكلون (5) ولكم فيها جمال حين تريحون وحين تسرحون (6)] (سورة النحل) .. في آيات أخرى قال تعالى ] والنخل باسقات لها طلع نضيد] (10 ق) .
كما تناول عملية الإبداع الفني أيضاً في الآية قال تعالى ] يعملون له ما يشاء من محاريب وتماثيل وجفان كالجواب وقدور راسيات أعملوا آل داود شكراً وقليل من عبادي شكور] (13 سبأ) .
يولد الإنسان وهو مزود بنوعين من الطاقة ، طاقة لطيفة (Soft Energy) وهي الطاقة الفكرية ، طاقة كثيفة (Tough Energy) هي الطاقة الجنسية .
قال العالم الإنجليزي تشارلز داروين .. (إن الدم والغذاء يذهبان إلى الأعضاء الأكثر استعمالاً) لذا تتباين أشكال الناس وأحجامهم ، ووفقاً لهاتين الطاقتين ينقسم الناس إلى ثلاث أنواع .. إنسان عقلاني وهو الذي اكتمل عقله قبل جسده في طور التخلق الجنيني (Gasterulation) ويمتاز شكلاً بالنحافة وبروز العظام وذلك لذهاب جل الغذاء إلى الدماغ ويكون بذلك متفوقاً في الجوانب الفكرية والفلسفية ، النوع الثاني الإنسان العضلي وهذا الذي نشأ عقله وجسده في نفس الوقت في طور التكوين الجنيني أصحاب هذا النوع من الجسد ، الناس العاديين ، بارزين العضلات أجسادهم جميلة ومتناسقة ، هم من المهنيين ، متفوقين في الرياضة بكافة أنواعها وذلك للتركيب القوي للجسد .. النوع الثالث الإنسان الحشوي وهذا من تكون جسده قبل عقله في طور التخلق الجنيني ، لذلك يكون جسده مكتنز وملامحه طفولية وهذا في الغالب يكون من أرباب المال والتجارة والسعادة الحسية حيث تطغى عليه الطاقة الكثيفة (Tough Energy) ، وهذا التقسيم عام ليس قاعدة حيث يتباين الناس في المزاج والشكل طبقاً للأمراض والظروف النفسية والبيئية للشخص ، كما أن كل شخص له خصائصه وقدراته الخاصة بما في ذلك الحس الجمالي الذي يقود الإنسان إلى الإبداع بكافة أنواعه التي سنفصلها لاحقاً .
نعود إلى المخ ونغوص في أعماقه وصفاته التشريحية ، الإنسان يمتلك في المخ منطقة تسمى الوجدان (Sentiment) وهي جزء من اللاشعور (Unconsious) . معروف تشريحياً أن الأعصاب التي تخرج من الجهاز العصبي للإنسان نوعين ، واحد وثلاثون زوج تخرج من النخاع الشوكي (Spinal Nerves) وهي مسؤولة عن عمل الأجهزة بصفة عامة والنوع الآخر أثنى عشر زوج من الأعصاب الدماغية (Cranial Nerves) وهذه الأعصاب تلعب دوراً كبيراً في تجسيد الانفعالات لانتشارها في الوجه وتتصل بأجهزة حساسة مثل القلب لذلك يتولد في الإنسان شعور خاطئ بأن القلب مركز العواطف ، وهذه الأعصاب تضرب بجذورها في منطقة الوجدان في اللاشعور ويتولد بذلك عبرها الانفعالات العميقة مثل الفرح والحزن .. الحب والكراهية . وكل الدوافع اللاشعورية الأخرى ، نعود للموضوع الذي يتعلق بالطاقة في الإنسان "إن الطاقة المادة لا تفنى ولا تستحدث من العدم بل تتحول من صورة إلى أخرى " (1) وهذا ما يحدث للطاقة الجنسية ، هذه الطاقة الجبارة تستطيع أن تتسامى بإرادة الإنسان (Sublimation) ولاتصالها باللاشعور تتحول إلى أعمال فنية وإبداعية مع وجود الذاكرة (Memory) والإلهام (Inspiration) كعامل مساعد (Catalist) لا بد للإنسان حتى يكون مبدعاً خلاقاً (Creative) في أي مجال من مجالات الفنون المختلفة أن يتمتع بذاكرة معدنية / قوية وخيال جامح ، الذين يشكلان أحلام اليقظة التي هي المنابع المثيرة للعملية الإبداعية .
لنسأل أنفسنا ما هو الفن ؟ "الفن هو التعبير عن ملكة التعبير في الإنسان ، كل إنسان قادر أن يعبر عن هذه الملكة في صور الفن المختلفة من الأدب كالقصة والشعر والنثر" ، فنون جميلة "كالرسم والنحت والتلوين" ، فنون تعبيرية "كالموسيقى والغناء والرقص والتمثيل" . هذه الأشكال في الفن رغم اختلافها ظاهرياً إلا أنها ذات جوهر واحد هو التعبير عن الحس الجمالي (Sense of Beauty) في الإنسان.
السينما أم الفنون كلها ، تستوعب كل هذه الفنون مجتمعة ، فيها الإنسان يصنع عالم ، يتحكم فيه ويدير أحداثه "السناريو" يصنع مناظره "الديكور" .. يضيف له الموسيقى التصويرية وغيرها من العوالم السحرية "المؤثرات" لذلك تعتبر السينما فن متكامل لإشباع كل حاجات الإبداعية وهي من أعظم إنجازات القرن العشرين .
لعبت الفنون دوراً بارزاً في خدمة العلم عبر العصور ، فإذا كان الإبداع محاولة للتحرر من قيود الزمان والمكان ، نلاحظ أن المخترعات التي هي صور الإبداع العلمي كانت مستوحاه من إلهامات الفنانين . العين السحرية في أساطير ألف ليلة وليلة ، أصبحت التلفزيون ، وبساط الريح أصبح الطائرة والرياح التي تحمل الكلام في روائع شكسبير أضحت الموجات الكهرومغناطيسية وإن الدور الذي تقوم به السينما اليوم من أفلام الخيال العلمي (Science fiction) ، سيكون غداً واقع ملموس بين أيدي العلماء ، ليس هناك إختلاف جذري بين الإبداع العلمي والإلهام إذ أن الإلهام يشبه الإبداع في أنه أحد مظاهر التخيل وإن الفرد يتوصل فيه فجأة إلى اكتشاف شيء جديد ، إلا أن الإلهام أقرب إلى الأدب والفن ويغلب عليه الطابع الوجداني(Sentimental) فيما الإبداع أقرب للعلم التجريبي ويغلب عليه الطابع العقلي (Mental) .
إن الشعوب الأصيلة هي التي تستلهم من فنونها وآدابها وتراثها إضاءات للتقدم والتحديث (Modernization) كما تفعل اليابان ، وليس الشعوب التي تحيل تراثها إلى مسخ مشوَّه تقليداً للغرب (Westernization) كما تفعل أمتنا العربية المستلبة ويصبح المعيار الحقيقي للشعوب هو ما تقدمه تلك الشعوب من فنون وآداب كنماذج حية لروح الإبداع الإنساني المستمر عبر العصور . (1) قانون بقاء المادة .
تمام ...سابحث عن البوستات البتتكلم فيها عن الحوثيين وعن عاصفة الحزم يمكن نلقى مبرر منطقي لعبد الملك الحوثي ،زعيم الحوثيين ، عشان يستمر في هذه الحرب الأهلية ...ومن ثم نجي نعلق ... والله يديك الصحة والعافية
10-28-2022, 04:02 AM
adil amin
adil amin
تاريخ التسجيل: 08-01-2002
مجموع المشاركات: 37021
Quote: تمام ...سابحث عن البوستات البتتكلم فيها عن الحوثيين وعن عاصفة الحزم يمكن نلقى مبرر منطقي لعبد الملك الحوثي ،زعيم الحوثيين ، عشان يستمر في هذه الحرب الأهلية ...ومن ثم نجي نعلق ... والله يديك الصحة والعافية
سلام امتثال البوستات موجودة في المنبر الحر ده من 2015-2022 تمام امشي اقري البوستات وتعالي عقبي هنا بحرية الحرب في اليمن كما قلت لي مراسل روترز من اول يوم قصف جوي 26 مارس2015 حرب ابادة وراها البنك الدولي وسفن سسترس تديرها امريكا واسرائيل بي ادوات رخيصة خليجية واحذية اخرى زي مرتزقة السودان وبلاك ووتر والرنجرز وبعد 7 سنة اضحى الناشطين عبر كل العالم يدينو العدوان علي اليمن الا ناشطين السودان البيض وسقطت كل العناوين البائسة بتاعة ايران والحوثيين والشعوذة السياسية نفس الدول الخمسة الدمرت العراق وسوريا واليمن وليبيا قرود السيرك الامريكي الخمسة مصر والسعودية والامارات من ناحية وقطر وتركيا من ناحية تانية شغالين الان عندك في السودان مع قردة الفيتوري الخمسة الشيوعي والناصري والبعثي والكوز والسلفي لتدمير السودان ايضا ووجود مرتزقة سودانيين في حرب اليمن والسكات عليهم من القحاتة التافهين هو الضيع ثورة الشباب وحمدوك وطاقمه الاماراتي الرخيس انفضح زول ما عارف حاصل شنو في العراق وفي سوريا وفي ليبيا ما يجي يهرج في البورد عن اليمن شعارنا عولم وعيك 9 طويلة الدولية حاجة واااااااااااااااااااااحدة امريكا اسرائيل فرنسا الامم المتحدة تركيا قطر مصر السعودية الامارات والبديل الواعي للسودان والسودانيين دول البريكس و لصين وطريق الحرير من الايقاد الى افرقيا المدراية بورتسودان =داكار والبرنامج ده كلو مشروح هنا من 2001-2022 العايز يوعى بيوعى والعايز يفنجط زي الخوض يفنجط مع الدجاجة العجوزة الحمقاء "الحزب الشيوعي السوداني " سينكسه الله في البورد وسنن الكون ماضية في البورد الدارونية الجقودية تعولم وعيك بلا عرب بلا عجم بلا كرور وتزح من بعاعيت مايو 1969 وايضا ايتام الترابي 1989 يا تواكب يا تنقرض المتغطي بي امريكا عريان https://www.0zz0.com
10-28-2022, 04:14 AM
adil amin
adil amin
تاريخ التسجيل: 08-01-2002
مجموع المشاركات: 37021
الاحباب في البوست تم نقل الاحتفلات الجقودية بنجومية 2022 الي بوست علي محمود حسنين للضرورة والمرجو عدم استصحاب الرجرجة والكعوك دقت ساعة الحقيقة والثورة بتاعة علي محمود حسنين قربت 1يناير 2023 العايز يرفس يرفس هنا مع المدهش علي دفع الله ونظرية الموز والقردة الخاسئين متسكعين السفارات الخليجية والمنظمات المشبوهة
https://www.0zz0.com
Quote: ووجود مرتزقة سودانيين في حرب اليمن والسكات عليهم من القحاتة التافهين هو الضيع ثورة الشباب وحمدوك وطاقمه الاماراتي الرخيس انفضح
10-28-2022, 10:26 AM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
أخي مصطفى نور سلامات طالما أن عادل امين سيذهب الى بوست ايقونة الثورة، فأرجو ان تتضامن معنا في ان يذهب الى بوست باسمه عن الحوثيين واسباب منعهم للغناء في الافراح اليمنية، خاصة انك يا أخي مصطفى من عشاق الغناء.
أقول ذلك حتى تعرف أي نوع من الكتّاب هو. ما زال هاربا من البوست الشهير، لأنه يخشى أن يقتله الحوثيون.
أما عن "الهجائية" فلن نواصل مقاربتها إلا بحضور من قِيلت فيه وبطلها وموضوعها : الدكتور الغالي: أبوبكر المستنير.
فهو أيضا -وهذا عامل اضافي- أول من انتقد جزءا منها.
وفي انتظار صاحب الجلالة المهجو .
10-28-2022, 03:33 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20520
اهلا امتثال شوفي هروب عادل امين جقود من بوست : الى جقود: لماذا منع الحوثيون الغناء ...إلخ
هذا يعني انه يدعم جماعة لا تحتمل النقد. فلو نقدهم فمصيره معروف: وراء الشمس. ليه؟ لانه غير قبيلي. ويتساوى في ذلك مع "الأخدام" والمزاينة والجزارين وغيرهم.
فلماذا يدعم جماعة ستقوم بتصفيته، أي: "قتله"، لو قام بنقدها؟
عليه أن يتخارج من اليمن.
سأعود للهجائية بعد توفر الوقت، وسأحاول أن أنحو منحى تعليمياً مبسطاً في كيفية النظر الى النص الشعري.
وأين هرب دكتورنا الغالي "تمر السوق" ههه أبوبكر المستنير؟ والهجائية هي في حضرة جلاله الموقّر؟
الفاصل الى ان نواصل، من إبداع "عارف ناشد":
10-28-2022, 07:26 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27592
Quote: ما تزعل من جنس كلامي دا فهو في حقيقة أمر، و إن كان ظاهرُه ذمَّاً لكنه منقوع بماء الورد و مخبوزٌ باطيب عطور الثناء .. و لو كان هنالك من يستحقُّ أوسكارالجمهورية عن استحقاقٍ وجدارةٍ فهو أنت لأنك تنطوى على كتلة أعصاب فولاذية لا تُحسد عليها فهنيئاً لك!
ألف شكر علي أطراء أخونا الجميل مصطفي ود رعية .. والله سعدنا بوجوده في المنبر أيما سعادة .. أضافة ثرة ونوعيه.
بريمة
10-28-2022, 08:01 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27592
Quote: دخلت لانقاذ ما يمكن انقاذه ثبت قبة جحبور كندا ....وخليتو في مواجهة الخواض وبريمة اعداء جقود البايلوجيين فى البورد الامريكيين جماعة الليدي غاغا
الكلام دا حصل وين ومتين؟ أنت لو بتقرأ لول أبا يحي قبانى تجده إنسان معطون بطينة أم درمان .. كتب ووثق لمشاهيرها وغناءها .. يحي من قال لا للمليونيات العبثية التى تقتل الشباب كضحايا لصالح أجندات حزبية. يحي كبير كبير ..
بخصوص ول أبا الخواض وشخصي الضعيف .. أنت يا عادل لا تعرف أعداءك .. أنا والخواض من أكثر كتاب المنبر إهتماماً بما تكتب .. ونحن الذين أكتشفنا مواهبك ومقدراتك بالنقد الجاد والبناء وسبرنا غور أفكارك ..
نحن ننتقدك بحب وفهم ومعرفة .. لكن أنت تجئ واقع فينا ضفاري ..!
عادل أنت جميل .. بس عليك أن تخرج من كهف بئر برهوت!
بريمة
10-28-2022, 10:24 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20520
Quote: سلامات يا مشاء صديقنا العزيز المستنير دكتور ابوبكر عباس يهوى المشاغبة ولا اعتقد انه يستحق هذه الجرعة العالية من الهجاء.
أولا: انت علاقتك بالمهجو طيبة، ولذلك لم تقع عليك جلدة من سياط لسانه الزفر.
ولو كانت المسالة مجرد مشاغبات فانا أعرف الفرق بين المشاغبة والتحقير. وهو سليط اللسان و يعترف بانه رضع من ثدي المكاواة والدياكة في شبابه. فهو متمرس وومحترف في إيذاء من لا يحبهم. قال عني "شعري معسم"، و"شاعر الغفلة" ..هذه ليست مشاغبات .
ثانيا: حين قلت سيدي:
Quote: الجرعة العالية من الهجاء
طمّأنتني ان النص قد حقق أهدافه في إلحاق أكبر قدر ممكن من التجريح والتحقير والتصغير لصاحب الرفعة والدكتور: المهجو.
11-01-2022, 05:29 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20520
لو قدم المستنير ما يثبت زعمه فهذا كان سيكون في صالح الشاعر كي يعالج الامر . لكنها قنابل مصنوعة من المكاواة والدياكة. والكل هنا يشهد انني نقدت "قصصه" بشكل موضوعي وبادلة وبراهين وبينت "طفيليته" القصصية وانه يعيش عالة على نصوص الآخرين، بالأدلة والبراهين. وحتى لو قال ان شعري لا يروق له وحتى بدون دليل ، فهذا ذوقه والاذواق لا تُناقش.
وطبعا هذه ليست الحقيقة. هو كان يعتبرني واحدا من "أقطاب المنبر" ومدح بعضا من شعري. لكنه يفتقد "المصداقية الثقافية"، ولهذا يستحق الهجاء والذم .
راجعوا رسالة دكتور محمد حيدر المشرف له، إنها توضّح مدى الالم والمعاناة النفسية الهائلة التي تُحدثها كلماته الزفرات في نفس متلقيها. وتعكس خبرته وتمرّسه ومهارته العالية في هذا الفن من الأذى النفسي.
11-03-2022, 03:31 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20520
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة