رواد الحقيبة كانوا عارفين أن الحقيبة زجل؟-نعم! - إذاً لماذا لم يقولو لنا؟! توجد إجابة!

Quote: هكذا كانت سنة 2022 عندنا هنا! لا أخفي فرحتي من شهر 6 الفات إنني أنتبهت وممكن بدون فخر أقول أكتشفت قواعد العامية السودانية ووضعت حوالي 80% من قواعدها (منشورة هنا في الفيسبوك وفي سودانيزأونلاين) وتحديداً قواعد العامية الوسطسودانية إذ كمان توصلت إلى أن العاميات السودانية أربعة (1- الوسطسودانية 2- البطانة 3- الشايقية 4- دارفور) ولهم إختلافات في القاموس أو/و القواعد.. والخامسة عربي جوبا “عامية منبسقة من الوسطسودانية من حيث القاموس مع إختلاف القواعد". واهمية هذا الواجب في تقديري انه لاول مرة يحدث بهذا الشمول .. هناك شغل كتير تم في القاموس (عون الشريف قاسم مثال) لكن لا القواعد على اهميتها. إنتهيت من أزمة اللون الأسود ودولة المواطنة وسايكولوجية الزول السوداني والمجتمع المدني والدولة وجهزتهم للنشر مع بحث الحقيبة (ممتع جداً بالنسبة لي وقلقل الأصحاب والأعداء). وسنة 2023 طالب عون القادرين منكم عشان أقدر أنشر كل الحاجات دي.. لأنها لسا محتاجة مراجعة إحترافية وتحرير وما إلى ذلك من مستلزمات النشر الكتيرة. ومشروع السودان200 يقوم ويقعد بسبب ظروف السودان والثورة والكورونا والإنقلابات والحال المايل.. لكن مصرين.. وشغلي الشوية دا جزء من المشروع مع آخرين يعملون بهمة برغم كل الظروف. قلت أحدثكم من جانبي وأسمع حديثكم.. عشان لقدام نشوف مع بعض سبل التعاون في المشترك من أعمالنا أو إهتماماتنا.. وإحتراماتنا.. وكل عام وأنتم بخير ومنجزين